Episode 1
(Thilha jong hi aphaloi umthou dan ahi)
——————–
Sadar hills sung hi eiho Gam a di a gamnom pen himaithei ahi ,March 21, 1989 ni chu lung hel a um in a dap leh asat jong mihem a din a nom bepseu in, Mol leh Lhang ho chu khovui in a tuom chii cheii jin ,Thingna luiho a pul gam tan athah in ahung don doh tauvin ivet na lang lang chu ahing sitset in ,Vaopah leh thingpah hoi tah tah in i gam u a jephoi laitah ahi
Che ni chun Gollhang melhoi tah ,Sakap thiem a jong ana kithang Mangneo kiti khat hi (akho chu sei daute) a nun a Pute kho Tamenglon khel lang a Nga ga man din a sol in,ama jong thumang tah in a chetai .
Koubru mol bul a lhun phat in,che lampi jotpa hon koubru te jana a naboh /theuboh a gah koi jiu chu,Mangneo chun gah hal lhah din ana velel lheh tan ,ipi jeh a kikoi ham jong ahet lou ahi ,(Eimi hohi meihal thanom te ihiuvin 🤣)
Agah hal leh ,Police von a kivon mi 2 in ahung man ngal jeng un ahi,aman jong ,chelai a police ana um chu ,kidang a sa lhehjeng in,ipi jeh a amat uham jong helou ,chuleh Police tah tah ahi ahilou jong helou in thumang tah in a nung u ajui jeng tai,
Chomkhat a che jou un kolse lah alhng tauvin ache theilou phat in, police khat in ,pon san ahin ladoh in a mit a kaan sah phat in,Lamlien nomtah pucca road chung ana hitai,lampam ho a chun building thupi tah tah jong a kigol det dot jeng tan,a alung a boitan hoilang a um ahi jong ahe tapon,gam avet lele leh a mao ho kho ahin gal mu tai ,chephat chun ahung lim doh in,akhou a kon a koubru mol a song kol lah kimu ji chu hi ding ahi ti ahin gel doh phat in,Koubru te jahda thei thil khat bol khel ahidi chu ahin gel doh
thei tan, hijong leh mat a um ahitah jeh chun bol thei dang neilou in a nung u chu a jui jui tai,
Chomkhat a che jou uchun khopi lailung ah in hoitah khat ana um in,cheva chun a puilut tauve,
Police lenpen pa in anahi,
Aga lut uleh Nungah melhoi tah khat jong ana um in ,(Police sap lien pa chanu ahi)
Nungah nun a mimat pau Mangneo chu ahin mu phat in ,kidang asa lheh in,ajeh chu Mangneo chu a na mujing sa miphatah ahi ana hetsa ahi,
Apa het di a kichat jeh in imacha vang asei pon,hijong leh lungset na neitah hileh kilom in ,ipi achung a hung lhung diham tichu guh thim in ave jing tan ahi,
Chomkhat jou in Police sap pan,Court a nahung di ahi atin,police hon court a din a pui doh un Sap pan jong anung ahin jui in ,guh thim in a a chanu’n jong a hinjui in ,court a chun ,ipi jeh a Maicham chu nahal lhah ham tin thu ahin dong tao ve,chephat chun aman jong ,ima helou a ahal ahi dan hoitah in a hin sei tai ,
Lamkai ho ahung kihou uvin , athusei chuh thudih ahi ahin mudoh phat uvin,lhadoh din pha ahinsa taovin ,aman teni ma ma chu amat na mun chan a gathah dih a sol kit taovin ahi,
Guh thim in Nungah nun jong a jui in, a mun lhun masang jep uchun police te ni ahung kihou uvin punishment neu khat beh peh di ahi ativin ,a mit kikaan na pon chu a lham un anung che kit tau e,amit kikan na chu a gah lahdoh phat uvin,song kol bang lah ana hitan,che thei talou a lunggim tah a aum phat in kumlhah dingdan boipi a lungdong tah a aki mai mai leh,Lei/kairah kido khat amasang ah ahin mu kit tan che a chu a kum lhah leh ,a kimat na mun tah chu a lhung kittai,
Nilhah lang ahitah jeh in,a chegot nalang chu jon talou in inn lang ah ahung kile kit tan ,ahung leh mikhat in anung ahin jui hileh kilom tah in ,numei thom khat ahe ji in nommo asa thim in hijong leh ,amulou jeh chun aki pasal sah in ahung hung leh khomol ahin phatan,che phat chun a nung a thom um jong chu a ja tapon in a lhung tai…..
