THILHA THUSIM
By_ Minthang Singsit
&Arrange by
Ginneo(Apute tupa)
Nikhat room sung’a lung mong tah’a fon ka vet2 leh NO, kiu khat call ahung in kagah pick le kapu ana hi ‘n ‘minboi,kum 2 ,kum 3 lang hung kha talou’va,hapta khat tou um ding’n hung tango,napi jong lung hel jie’a namel amu nom cu’o tin kapu’n ahin sei’n,,kei jong ka nu le pa komma kasei in nikho pha khat kaven,kapu te kholang jon ding’n kana kal song doh tai.
Kapu te kho hi CCPUR,Thanlon sub division sunga cheng ahi uvin,lamka apat kaki pat doh chu thing lhang ahi jeh achun lampi anom pon,lamsao jot khalou kahi jeh achun chol le nang tah’n 4:30 don in kapu te kho chu ka ga lhung’in akho uchu ahing sitset in,hui jong atheng’n nom kasa lheh in ahi.
Ni 2 ni 3 kaum jou achun ,ka lung ahel thim tan,In na um2 jong chu kakhop jeh achun,agam go ho ve din nilhah khat akho pam lah u gammang toh kichin lang achun ka ga vah le2 ahin leh hui alha vilvel jeng’n nom kasan mun khat achun ka tou’vin camera selfie ho kaki kap le2 leh,ka nung lang gam- mang lang’a kon achun hui hat tah’n ahung nung’n Insem chu kalung ahung mo henhun in,ka tahsa chung lah chu thil gih kipo dan’n ahung gih’n,,,hichun in khat akon tehse khat ahung doh in, ei hin sen jah2 jeng’n koi chapang nahi a,tu nilhah khothim kon’na epi ngai to nahi’a helai mun achu hung tou nahim! Chin gang chel’in na in kijot’in ahin tin ahi.
Kei jong kho athim’ma tehse pun ma ei chuti hou phat achun nom-mo kasan inlang chu kajon tan,Eding’a tehse pun ei chuti pho aham? ahi lou leh katou na mun chu mun phalou khat tou hi ding ham tin! Kapu le pi jong chu doh ding kago pon ,in kalhung’n kapun hoi a nache aham? eitin kho lai kaga len le ahe katin kapi in bu eithuh peh chu kaki neh in,ka va achun ka pi le pu chu dammo khat ve ding’n achi doh go hon’n,kajah achun boi nang’n In ana ngah ta o. Napi toh dam lou khat ga ve hon inge atin kin jong henge hepu ahi vang hung vai gei hon hih ta o katin kapi le pu apot doh tai,ka chang achun katou nom pon room sung lupna chunga kaki jam’n kapu teni nga togom’n fon achun whtsapp new kagah sim in kahi leh-
Kot cha lang chu ahung ki kiu in,koi jong nahi hinge ,kot pi langa kon’na hung nge tilou va,kapi le pu jong aum poi! kati leh athip tan,news chu kasim kit pai ngal in kahi leh kot chu ahung ki kiu2 in,kot nei hon peh in ahung kitin,! Keijong thase thim tah in kathou doh’n kot chu kaga hon peh le koima ana um pon,pam lah hochu ka vet le2 jong leh koima kamu deh pon hiphat achun kale lut kit’n kot chu phatah’n kakil in,lupna chunga chu fon kameh kit leh kot chu ahung ki hong’in mi khat ahung lut keng to gin,lhong lai ahin chot poh lah2 chu kajan,gucha ema ahung guh kahi sah’n vei ding tin mol tum khat kalan kaga lhai doh le koima lim le mel mong2 kamu pon,,kichat na neo khat vang kahin nei pan tai, po langa kapot doh pai in,kapi le pu hung tam,tin kagah gal vet leh koima ahung kamu pon ahi.
Hephat achun insuga ka le lut in,kot hung kiu g chu koi mong2 ahi dem? Tin het doh ding chu kanom’in,hijeh achun lupna chunga emu talou vin kot kom tapsah achun katou vin ka ngah tai,cha san don ding katin khon( cup) kaga lah le light ahung mit’n,ka lupna chung’a fon kakoi chu ga lah ding katin ,muthim lah achun kaki mai le2 kachi leh mi khat toh kaki tah to’n,ka king val beh set in,koi ingap nahi ahm? Tin lunghang tah’n kasei leh,ema asei pon,ema jong ei lo deh poi,khothim jeh achun mi ham thilha ham kahe khen thei pon,a lim amel kamu lou vang achun acha le ,insunga ava le2 a kengchot gin chu kajan,ema lo ding la kimu thei lou ahung engkhan thim phat achun ka room sung lupna chunga kakoi fon chu kamai loi in,koi ahi het doh tei ding ka gon ahi.
Ka fon chu kamai le2 kah achun hisan ahung thip’n insung’a vah le2 pa chu etih kah a lupna chunga ana lum man kit aham,fon kamai le2 na achun kakhut ahin tuh chu kaking behset jing’n kapeng in,room sunga pat jam doh tei ding katin ahi vang achun kakhut chu atuh chah kheh jeng’n eilha tapon,ejat’a kaki tom ma kakhut chu sa doh tei ding kati vang achun eilha mong2 tapon,,mi nahim thilha nahim? Nei kimu sah’n kati jeng ka khut atuh chu eihin lha nah2 in,nei mu thou2 dhe atin windo achun mi khat achom doh phut jng’n ka vet le mi khat alhai phei jap chu kamun,hichun light ahung vah in lupna chunga lum pa jong ana um tapon,ka fon chu kalan a screen ka meh vah le kaden!
Ni lhah khothim kon’a gammang kom’a selfie kaki kap na photo ho ana um in,phatah a kavet leh kaden! Na nung achun mihem hetalou thilha ki cheh beh seh lou in ana ding’n,hiche kamu doh achun kot hung kiu,in sunga vah le2 ho chi mihem hi talou va thilha ahi di chu kahin he phat achun,ka ti aki thing’n kaki acha tan hinlah eipan p ding um talou vin ,lungset helou ho chun ei hin lhem pan kit tao vin,
Ka pi le pu mel’la kilep in kot ahung ki kiu kit’in kapu o mang’in ” Boi ,min na emud hitam? Kot nei hin hon peh hon’o,na pi toh kahung hon tai ahin tin” Kicha tah a ka pi le pu hung kal ngah lal kahi jeh achun ahung hon chu kaki pah val’in ka lhai loi in kot chu kahon in,ka pi le pu ana din hon kamu chu kaki pah val’n kakoi hon in kapu chu kachop in kahi,
Ka pi le pu maiso chu ajat chom beh’n nidang leh kipah tah a um ge teni chu,hechi nilhah achun amai lhai hon he bet jeng’n ,hichun kapun kajah’a boi e nati aham? Naki chat mel so na e,! ahin tin kin jong ka thil to,kamu,insunga thil um dan ho chu kasei leh. Eitah san hon pon,kholai mi khat tou vin ,na hung dai mai2 hinte,ki cha ta heh in tu a keni ka um hon ta hela,ki chol tan jan jong asot tai atin,ama teni jong emu ding aki go hon tan,,, ka chang’a room dang’a ka lup chu kaki acha tan,kapi jah a hepi nang ni kom’a kahung lup dhe kati leh ei nui sat’n gollhang pe2 na ki chat aham? Na pu toh ka hit,ka kha hon lah’a eti na emud thei di ham? Nang gollhang atin,kei jong kaki chat lheh vang achun hit kaki dah jeh achun ama teni kom’a lum talou vin,ki cha sa san room dang achun ka lum kit tan ahi,.
Jan achun mang (dream) kidang tah khat kanei’n kamang achun,tehse ni kakom’a ahung’n ding hon’n, ” Chapa,tu nin japi twi neh na,twi nah nasu nen (dirty) in gollhang chapang ho alung ahang’n mat ding tha ding nati u ahin,! hin lah kakham hon’na keini na kom’a kahung masat hon ahin,,hinlah kipah tah’a nei na lam to hon jeh in,na chung’a kaki pah in,thilse na ding’n kabol nom tapoi,ka chi kit hon d ahi tan,ahin lah ki chih thei in,ka het man lou kah’a gollhang chapang na that,na man ding’a hung nalai mai thei ahe atin,amang hon tai.
Hichun kakou2 leh kahung peng khang doh’n,ka mang chu kagel leh kaki acha tan,ka lung jong adong’n,e tih kah’ a atwi neh nao kaga suh nen peh aham? Katin lung nom mo tah le kicha tah’a kaki gel2 pet tah achun,fon call ahung’n ka vet leh kapu ahin ,ka lung adong val jeng’n ena hileh ki pick phot hen kati a kagah lah le kapun,”boi tujan napi toh dammo kaga vet te aha dam mo’n kan tou khovah pi hon ding ahi tai! Ahin ti chu kaki chat toh kalung adong val jeng tan,ka fon kalhah sah’n chom khat chu kho helou vin,ka lung gel amo lha jeng’n ,thil um chan hochu ka hethem thei tapon,ka gel’n ale kot kaga hon peh ka pi le pu chu koi ahi dem? Ale tu ‘a fon hin bol chu koi ahi kit tadem! Tin kagel leh kalung avai doh’n ka ulsan eichup pai tan ahi.
Hin lah hipet tah achun kamang’a ka thil mu chu kahin gel doh’n,alum teni chu ka pi le pu ahi lou ding chu kahin hetan,um je tou je heta lou vin,kichat val phat achun kamoh tou lhan kaka jeng leh kot cha lang chu ahung ki kiu pan kit tan,ka lunggel achun,tu ni lhah vang kasoh cha tapoi,katin athi tobang’n kaki gel jeng tan,tha jong kanei tapon kot ki kiu chula thip nge ati tapon,aki kiu keu hetalou vin ahung kiloh poh lah jeng’n aki hon go tan,mi tam tah ogin! Kot hong’n(2×) kiti chu kahin ja kit tan pasal kahi vang achun kisong but talou’n ka lung aneo lha tan, kot ga hong jong leng eitha diu,hon heh jong leng ama hon anki hon doh teng ule eitha thou2 diu ka het phat achun,,lupna nui achu kisel ding katin,kaki thol lut na ka um leh,ka nung achun mi khat ana tou kit in,ka keng to ahin tham chu kapeng’n etih kah’a kahung kithol doh aham? kahe man pon,hechi jan vang hi kei ding’a lungjin,lungdon um jan chu ana hitan,insung achun kisel nading jong kahe tapon,mun khat lai achu ahung lut jeng diu chu ngah’a kamoh din den jeng leh,chung lang apat thisan ahung valhan kakhut lah achun amat in kagah vet tou chu! In kam achun sam bah hen hun in ana kikhai in ahung chop lhah eibo khum chu ka thi mil’n kho chom khat kahe tapon ahi.
Kho helou’a chom khat ka um achun ,ka tah tobang’n gollhang mi 5 le 6 moltum choi in polang’a ading uvin kot chu alo toh ajep atho uvin,kon anki hon doh ding kon chet uchun,nungah khat ahung lhai lut jel’n eipom doh’n mun khat na eiki sel pi in,gollhang ho chu moltum choi in ahung lut uvin ei hol le2 jeng taovin,hin lah eimu doh jou lou phat uchun lunghang tah in aki le doh un,apot phat uchun kahung khang doh’n kho kan hetan,kamu bang tah achun nungah melhoi tah khat kakom achun ana um’n,amel hoi na kamu achun kaki chat na jouse abei in, mit so ngui heu va eihin vet ge chu kipa nan kadim jeng’n, eithat ding ho jong aum tapon,kot ki kiu2 jong athip chet tan,pung kaven ahi leh 4:30 khovah nailam chu ana hitan,hichun ama jong chi ding aki satan,ka hinkho eihuh doh peh jeh achun akom’ma kipa thu kasei in hinlah ama vang kam chang khat in jong eidon but tapoi,
Kapi leh kapu ahung hon’n kot kaga hon peh kanung hung in kaven ahi leh nungah melhoi nu chu ana um tapoi,
Hinang kicha a ka pu le pi hung ding ngah lah pa chun kichat hetalou vin amelhoi nachu kipa nan kadim jeng’n jan khovah kei a kathil to ho jong kamil gam tan ahi.
ABAN THILHA NUNGAH NU TOH KAKI NGAI HON ENA NGAI DIU AHIN,, ANA NGAH HAT JING UTE.
KAKI PAH E
Whtsapp,6009316477
Keima: Minthang,singsit
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
