By:-Shonkhogin (Hegin) Haokip
Maranatha Cottage Hebron Veng
Phaipijang Langol Imphal West.
9774096152.
Tunia i govt lamkaite hon ipi atileh STAY AT HOME chuleh WASH YOUR
HAND kitijing hitam itileh tutua eima chang cheh uva kivenna dinga phapen chu in-na kot kikha khuma koima chatoh kimutolou chu ibolthei pentah u dam theina chu ahi. Anichana akihasei pen kit khat chu ahileh, nakhut kisop theng jingjengin tijonghi eihon iboltheinao dam theina khat chu ahi.
Akiseihohi kimoh seisei ahipon, nabolle nabollou hungkikhe ma ma ding ahi. Tutu din muna athi amang ana damlou atam johi thuki sei nahsah lou jeh a genthei athoh u ahi tijong akijan ahi. Hijeh a chu leisetna cheng ihinah lai jeh uva chu hi-tabang emergency thusoh ho a igamvai pohon hitiding khatiding kitihohi eihon jong idamtheina diule iphatthei na diuva chu co-operate ibol u angai tan, alangkhatna Pathen chaten extra a gamsung damna dingleh phatna dinga Pathen kom ibel uva lungthim kisih puma Pathen koma hataova itao u angaitai. Pathen cha khat ihiuva ibolding dol u ibol lou uleh them mo ichandiu ahi ti haimil poute.
Lhagaolama dinga ka boipipen khat chu ahileh, INSUNGA KOT KIKHA KHUM/INA UMDINGA govt in order eipeh khum jeng uhi, kagelleh kidang kasan, hitabang Pathen holna dinga chance kipehi kahin khon kana hekhapon ahi. Alang khatna seiding a chu ivetna ahileh leiset thila iboi behseh jehuva, Pathen in atumbeh a sihnei langnei beihela mijouse kibangchetna Pathen toh ikikah u kisuhchet na dinga ahingon jong hidingin kalai.
Hijeh a chu Pathen hi itabang a pha hitam, aman nisih a eikou kou jenguva, hung un, kihou toh u hite, na chonsetnao thisan bang in sandup jeju jongleh buhbang banga kaban sah ding ahi, ati vangin koiman inahsah pouve. (Isaiah 1:18.) kaongpoi itiuve. Koihijongleh ama tahsan chanchu mang thah louva tonsot hinkem lou aneithei na dingin achapa changkhat chu ape tai. (John.3:16) ati vangin mihemten ama iholding doluvin ihol nom pouve.
Alangkhatna aman eihohi force a ei kou thei ji ahilou jeh in, eihon ama ihol lou uva ahileh aman eimoh mat theiju ahipoi. Hijeh a chu hita bang phat hi eihung kipeu ahi tin kala e. Hijeh chun amitakip in Pathen holna le muna ahilouleh kisem phat na ineithei uleh, mi hamphapa, mihamphanu chu ihidiu ahin, achutilou leh le vang akimang (lost) mong mong ahitai.
Hiche lockdown sunghi aphat na imacha aum theipon, Pathena iphatchom pi poupou uleh aphachom (atong) chu ihidiu ahi. Hijeh Chun, phat hohi mang khel pouhite. Phat hi sumle pai tabanga manchah phat ahitai, kichepnan neitapou hite.Tunia ichonsetna ho kihetdoh a kisihna dihtah neilouva um kitichu danger ahitai.
Chuleh khut sopjing ding kiti jonghi, igelleh kisuhtheng jing ding chungchang igeldoh sah uve. I-hinlai damsunga thilse ihin boldoh ho jouse hiche leiset idalhah kah a kisuh thengna dinga Pathenin phat eihin pehbe tabang u ahi. Tun Corona Virus hi koima chan mit in amu theipon Pathen in bou amu ahi. Ama tilou kinep na ding dang aumpoi. Tunin Pathen koma lhailut u hitin, ichonset nao nikhatleh eihin manthei dinghou kisuh lhap uhite.
Pathenin asimho jouse phatthei boh tahen.
KAKIPAH-E!
“God Loves You!
And
Wants You To Love Him Back”
