By:-Shonkhogin (Hegin) Haokip
Maranatha Cottage Hebron Veng
Phaipijang Langol Imphal West.
9774096152.
Achonpha lou chun chonphatlou bol jinghen, aboh chu boh jinghen; chule a chonpha chun chonphat boljing hen: athenga chu athengin umjing hen. Veuvin, keima kahung vah ding ahi; chuleh athilbol achonna dungjui cheh a lethuhna kapeh ding tohman kakoma aume. Thuph.22:11-12.
Thuph.22:11-12.
Pathen kahol laitahin, Pathen thua konin, chon set kihet dohna le ning kihelna lentah kananei jeh chun, kachonsetna ho jouse chu Pathen kom le lamkaiho koma kiphon dohna kana neijin, ahi vangin, ka chonsetna khat vang kana imchah khehtai(tichu ka cenema vet chu kaseidoh ngam tapoi, ajehchu avelvella kana kitepa kajolousa ahijeh a chu kakivel phon doh ngapchat lou ahitai). Kachonsetna khat ka imjeh chun, adangjouse kaphonsoh kei vangin, kalungthimin ei oimo thou thou vin, kipana kaneideh poi.
Miho vangchun, kisihpuma chonset tam tah kaphon tah jeh chun apengthah tai tia einasim u ahitai. Nikhathi Baptaiz boldingin eihin kou uvin, kapengthahpoi tiding ja chat manin, Baptaiz bol dingin kanachen, hiche nilhah chun, an-ngolla taona kaneiju ahin, hiche kataonao vachun, Pathen in eimantan ahi. Aman challenge eibolin, koihi leh achonphalou chun, chonphatlou boljinghen, achonpha chun chonphat boljing hen, kahung vah ding ahitai, tin eihin kihou pin ahi. Aman eihin hou dan chu, keima jahdinga chu koihi leh cenema vehon vejing taohen, avelouhon vetda taohen, Kahungvah jetding ahi ahinti. Ajeh chu hiche kaselguh chonset tichu Cenema vet chu kakichat pijing ahi.
Hichethu kajah chun, apet apetin,Pakai keiman cenema vetapong kate, katileh kalungthima
satan ahung aojah jeng in, avelvella nakitep a najolou hilouham, oleh namit chot nom ham ahinti tan ahileh kagelleh adih na chanjong aumin ahi. Ahivangin, Pathen lhagaothengin kanakol langkhatna thu ahinsei kitin, mitni neija damun meidila che sangin mikhat sehseh neija vangam lut aphajoi ahinti phat in, kenjong kapeng jahjengin, kathilethi kahinle hing vetapong kate katileh, satan athip chut jengin, hichun, Pathenin eihin donbut paijin, “Keima Christa toh thingpella kikhehbeh tha a kahitai, keima ahinga kahi tapoi, Christa chu keija hinga ahi bouve” ahintitan ahi…Galatia.2:20.
Hiche jouchun, kalungthima kipana thahbeh leh navahna nasatah kahin neijin, kalungthim sunga hin Pathen thu adimset jengin, hiche a kona chun Pathen natoh kahungki pat doh ahi. Keihi kaneo va patna khamnathei hihenlang adangdang mitna muthei chonset kitihi khatcha kana bol lou ahi, ahinla cenema hi addict kanahin, kinga theitaponte tia kana uma phongjong ka phondoh nom lou ahitai. Ahinla, Pathenin eikimuto pihnia kakipeh lutna chun, thil kidangtah ahinbollin, kakho uva Kona phai langa kalenlhah chun, cenema vetnomna lung thim chu Pathenin eina lahdoh pehtan ahi. Hiche nia patchun, tunichan geijin cenema vetnomna lungthim umtapoi. Pathen na kipehlut theng sel kitihi lhagaova hinna tahsalama galjona ahi. Eima iki it channa chu tahsalama galjona jong umlou, lhagao lama hinna dihtah jong kimu lou ahi. I-tahsa ngaichat naho kituhsah sanga chu Pathen koma surrender nabolleh aman nanga dinga aphapen chu napeh ding ahibouve. Pathenin athu phatthei eiboh pehtaohen.
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
