Home Seiboi Tuboi Koiham themmo na nei lou ding

Koiham themmo na nei lou ding

20
0

Rev. Seiboi Tuboi
Nisim 15/09/2021

Rev. Seiboi Tuboi
Rev. Seiboi Tuboi

John 8:4-5
Jesu jah a,‘’Houhil, hiche numei¬nu hi ajon pettah a kimandoh ahi. Hitobang numei hi songa selih ding Mose’n danthua eipeh-u ahin, nangman iti nagel’em?” atiuve.

Mihem hinkho sung’a koima bolkhel neilou koima um lou ding katahsan ne, ajeh chu mihem hi suhkhel la hung kipan na, bolkhel na a hung khang len jing ahin, hiti jeh hin mihem hi acham kim um lou ding ahi ti ihe soh kei uve, hiti jeh hin mihem hi suhkhel neilou va um lou khat ahijeh in midang in jong suhkhel na anei teng le ima jong kigel doh ji ding hi apoimo pen in kagellin ahi, ama suh khel na gel doh louva mi suhkhel na jeng melchih jing ho hi, Ajon pet tah a kiman na song nga sep lit jeng dia kigong juda lamkai ho to chun akikhet na um beh set lou ding kaging chan ahi.

Hiti jeh chun keima jong mihem kahin bol khel suhkhel na kanei thei je ti kigel doh jing ding hi Pathen cha te hina jong asuh lang jou ahi.

Dan jui bukim jeh a koima them chang ding jong ahipon, thilpha jeng jeng bol la miden na a mangcha ho jong them chang deh lou ding ahi bouve.

Nang in nabol thei lou chu mikhat in abol thei ahin, min abol thei lou jong chu nang in nabol thei ahi, achuti le khat le khat kija bol to a khat le khat kihet them to jing ding chu pha chung nung pen din kagellin ahi.

Hiti jeh chun eima jong asukhel jing thei kahi ti kihet pum le michonse kahi ti jong kigel doh pum in khat le khat kihet them to cheh in hinkho mang cheh u hite tia iki tep u ahi,

Nisim 14/09/2021

Nachonset najeh na a nathi lo ding ahiye.

John 8:24
Hichejeh a chu najah uva, ‘Nachonset chenga nathi dingu, kati ahi; kei hi ama chu kahi, natahsan louseuva nachonset chenga nathi dingu ahi,” ati.

Mihem khat hi achonse lou aum pon, mijouse chonse soh kei ahin, hinlah Pakai Jesu Christa ngailut najalla lhat dam ichan nao chun bou ei suhtheng uva hiche jalla atahsan jouse a dia tonsot hinna chan thei na chan vou chu ichan thei bou u ahi.

Ahin khat tou vin chonset na kaneipoi ati ding chu tijat umtah ahi bou vin ahi, ajeh chu mijouse chonset na akon theng thei aumpon, chule ahoi doh ding jong aum pon ahi, “Goju lah a vah le a go kakot poi tiding koi um ding ham?” Hiche tabang nga leiset na hinkho iman nao phat sung nga chonset na kaneipoi iti diu chu jou hiding ahi.

Chonset na kanei pou iti diu ahipon, michonse kahi ti inop joh diu, Pathen kom ma ngaidam chan thei nadia iki peh lut diu joh ahi bouve, hiti jeh chun ichonset nao sel guh lou va phat jouse a Pathen kom ma isuh khel ibol khel na ngaidam kithum jing ding chu eiho jouse mo poh na ahiye.


Nisim 12/09/2021

Tahsan beiya vang Pathen lungto hoi ahipoi

Hebrew 11:6

Ahin tahsan beiya vang Pathen lung tohoi ahipoi; ajeh chu Pathen aume, chule ama holte chu toh phat man apei, ti chu ama kom naiyan atahsan dingdol thu ahi.

Tahsan na kiti hi thilthu pi tah khat chu ahin, tahsan na beiyin imacha ahithei ding aum pon, Mihem hinkho a tahsan na kiti hin hinkho apui ahin hinlah anei alhon in ahi, Christian hinkho mang ho ding nga jong Pathen katah san ne akiti vang in tahsan natah tah kiti hi iki doh teng u le alhasam ana um tei jin ahi, Tahsan na jalla kal kisong nga tahsan najalla hinkho kimang bou ahin, konkhat ama le ama jeng jong kitah san jou jilou aum jin ahi, tahsan nahin hinkho hi apui ahi ti isei doh nom un ahi, achuti le tahsan na kiti hi ijat nanei ja iti lamdol a tahsan na kiti hi nache pi em?.

Tahsan nahi ipi ham ti chomcha ana vekhom u hite

1️⃣. Tahsan na hin hinkho apui ahi

Ijat nading khat lhun thei nading nga eitil khou va pang hi tahsan na ahin ahi, thilkhat ibol teng le kitahsan na aum lou le aki jou ji pon, chule ijot na mun jong chu akilhun pi jou jipon ahi, tahsan na hin lekha sim mi hihen, kichep golseh a kichem mi hihen, lou na tong hijong le kitahsan na anei lou va ahile lolhing deh lou ding ahi ti isei doh nom un ahi, ajeh chu ina toh ithil bol na ho jouse hi tahsan najalla kibol ji ahin, tahsan lou pum pum ma na kitong thil kibol hin ilungtup namun chu eilhut jou lou ji ahi ti isei doh nom u ve, hiti jeh chun natahsan na kisem tup in lang hin.

2️⃣. Eima le Eima jong kitahsan angaijin ahi

Hinkho iman nao va hin eima le eima kitahsan nahin hinkho lamsao jot pi dia kitil khou nalen pentah chu ahi, eima le eima kitah san lou kiti hi lungthim nat na khat ahin, tahsa lhahsam na ajong pang thei ahi, abang khat hi mi lung neo tin jong akisei jin ahi, hitabang nga ama le ama jong kitah san jou lou mi chun midang jong atahsan jou lou ding chu hetsa ahi, min thilkhat abol teng le hichu aman alhun nading amu chet na ana toh chu abulphu ji ahin, hinlah ama le ama kitahsan jou lou mi khat chu ahung jin mi natoh thilbol najo ding hinam, jou ding nga nakitah san hinam tin ahung sei jiu vin ahi, hiche in avet sah chu aman ajo jou lou ding ahet jeh a chu mi jong ahung tahsan lel khah ahi ti hetdoh angaijin ahi, ama ho tabang hi, eihon milung neo tahsan nalhom iti jiu ho chu ahinom jin ahi, ama le ama kitahsan mi ho vang chu khat in thilkhat abol khat jong chu len salheh jong le tahsan najallin najo ding ahi, habol lin, hiti lam pang nga hi ibolle akilolhing bai je tin mitil khou vin apang nom jiu vin ahi, ama ho hin mihem hinkho asem jou uvin milhasam khat dia jong kitil khou nan ahung pang jiu vin ahi, hiti jeh chun min thilkhat abol teng le nang ma tahsan na lhom jeh leh nakho mu na asao lou man in natahsan lel nathu moh sei sei hih in ajo le khat dia kipal na a nahung pan khah thei ahi.

3️⃣. Tahsan na beiya vang Pathen lungto hoi ahipoi

*Tahsan na athupi dan chu ivet na ahile Bible lin hitin aseijin ahi, Tahsan hi kinepna thil ho hetchet- na, mu lou thil aum monge. ti photchenna ahi.

Imuphah jou lou imu nathei ding kal lam ma eikinep sah thei nao chu tahsan na hi ahi, hiche tahsan na pang lou chun koiman Pathen lung toh jou ponte ajeh chu Pathen mukha koi um em, amusa chung ngajong tahsan na nei jou lou khat chun Pathen atahsan jou ding kiti chu hahsa tah khat chu ahi, Pathen tahsan na ding dan hi iti lam pi dol a nakigot na nakiman chah vang chu kahepon, Keima tahsan dol chu ahile athupeh jouse le athusei doh jouse hi atah ahi ti tuh chah kahin, hiche to kilhon in katahsan na chun eikinep sah jing in ahi, tekah nan John 14:1-3 chan khu isim le Nangho lungkham hih un Pathen tahsan un keijong neitah san un Kapa in nah chen mun tampi aum me, keima nang ho ding mun sem ma kacheding hiteng chu le nangho jong kahung pui ding nahiu ve ti hi katahsan ahi, nikho khat le hiche koima chen na khah lou khopi mun na cheng dia chu Pakai jin eihung pui ding ahiti kinem ma hiche galdot pum ma chu leiset hinkho chingthei tah a kaman ahi, chuta bang ma achu adang dang, Pathen thu a kisun chengse chu katahsan na kinem pum hinkho kaman ahie, ahile nang tahsan chu ipi ham?

Sopite tahsan beiya hinkho ina man khah uva ahile tunin itahsan nao kisem phat u hite chuti le Pathen tahsan nachun thil lentah tah eibol doh sah thei u ahi.

Pathen in Athutheng Simjouse Phatthei naboh cheh tao hen.

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleKHAHDOH PHAT HITALOU HAM?
Next articleAIZAWL A SOLOMON TEMPLE NA HET KHAH EM ?

LEAVE A REPLY

Please enter your comment!
Please enter your name here