CHOLNGAH NI PATHEN THUHIL.
Kineosah lou a Christian phatah hithei ham? Ahilou leh kineosah umlou a Christian hi a kineosahna umlou hithei ham?
Christianity leh Kineosah kiti hi kikhen thei sikhen thei lou thil 2 ahi.
Asun:
N.Lhungdim
Thangting House
Molnom-West
6th September, 2020.
Bible: Pathen Lekhabu Theng in kineosah toh kimat a ipi pi ana sei em? Bible chang phabep-:
- Micah 6:8
- Jacob 4: 10
. Mark 9:35 - Ephesus 4: 2
- Colossian 3:
- Phillipi 2: 6- 11
c
[1] Kingailutna
leh
[2] Kineosahna ahin ahi. Hiche achunga Bible chang ho a kon a khu alhangpi a hetchen thei adeh in Phillipi 2: 6-11 chan chu hitin akisun in ahi,
“ Aman Pathen lim le mel put jing jeng vang in
Pum hat a Pathen toh kibah ding agel naisaipoi,
Ama achamtah in
keohel in akilha in,
soh lim le mel akivon in mihem khat bang in ahung um in,
Mihem mel in ahung kilah in
Thina chan gei in achamtah in akineosah in,
Thingpel a thina chan gei in thun anung e.
Hijeh chun Pathen in ama chu mun sangpen chungvum a akhan sanga
min jouse sanga minthang pen apeh ahi;
Hijeh a chu van leh leiset chuleh leiset noi a cheng jouse dilsu a Jesu min a chibai aboh diu;
Chuleh lei jousen Pathen loupina dinga Jesu Christa chu;
Pakai tia aphondoh cheh diu ahi. “
Kamu dan leh kahet an in hiche Bible chang hi kineosah chungchang ahilchen pen e katin ahi. English a kineosah chu HUMILITY akitin hiti hin akile in ahi,
“Humility is the quality of being humble.Outside religious contex humility is defined as being Unselved, a liberation from consciousness of self, a form of temperance that is neither having pride nor indulging in self-deprecation.”
Kuki pao in kineosah kiti chu a KILETSAH LOU tin akile leh kicheh pen inte.Alangkhat a sei dinga chu akiletsah kiti ho khu alet lou jeh a kiletsah ahi. Alen ho hu kiletsah kitlou ahi. Atah tah a chu aneo ho chu ki letsah theilou ahi.
Kahinkho sungah mi tamtah toh kakimu in kakihe in alhangpi in mi atamjo hi kiletsah in akhepon ahi. D.M College 1960-1964 a kakai lai in Principal S.N Kaul phat kichai in Meilhei Cachar lang Nanda Babu Sinha kiti khat Principal ahung hi in ama chu midang in amudan itibang hiding ham kahepon ahi. Keimu dan in akiletsah e katin ahi. Khatvei ipi hamkhat sei dinga office a kimuto pi dinga kache leh phatah in jong eihoupi pon ahi. Kamu da kei leh chomkhat jou in Director of Education ahung kai in nikhat Oriental College student ho a office a ahung in vohding agot uleh masang a Lanva High School ana phutdoh Singkhanthang chu kacheni toh akitoh in Table noi a kason lut in kahuhdoh e tin totna in Gandhi Memorial High School a mihil a ka umlai in nan a hudoh e gap ding nahi katin ahi. Kageldan in kiletsahtah a ana umchu aman nom asah na hiding dan ahi.
Keima hinkho a thu tam seilou jeh leh kasei themlou jeh ham mi tamtah in akiletsah ding in eigel utoh akilou in ahinla keiman kakon na English a ka root kaki het in ahi dinga kilom leh kiging chalou India Govt. Service Group A service kamu a Dibrugarh Range a 1992-2001 a kaum lai a gam lentah Upper Assam jouse leh ArunachalPradesh akeh khat leh Officer 10 val leh mi tamtah chunga thunei vaihom a kapan a kakiletsah lam jong kigeldoh pon ahi. Kahi na chunglang a hiding kagot sangin kahina sanga nemjo hiding joh kana boipi in hiche power chun mitamtah toh kaki houthei in thilpha thilhoi mi tamtah jong kana kithopi e. Kakithopi naho kimkhat chu midang in abolthei loubeh ding hijongleh kaki thopi ho kim khat chun kakipah e jong ati nompoi. Adihtah a chu mihin kipathu hinsei nante tia midang hi kithopi lou ding ahi achuti louleh lungnop mona umlou helding ahi. Kahinkho a kagel leh kahina chu ahileh kakipah e tilou hohi kakithopi kit nom tapon ahi.
Ahinla kipathu phatah a sei ho hi kithopi na angai jouse a kakithopi nom jing ahi. Ajehchu mi kithopi thei a ium leh ama sanga chu kisangjo ahi ti ahi. Eisang a sangjo ho chu kithopina hithei behseh lou ahi. Sum nei lou in sum nei ho kithopi theilou ding, adamlou in adam ho kithopi chu hahsa ahi. Kaseinom chu mi kithopi thei dinmun a na umleh thase hih beh in Pathen in hitobang ding dinmun a nakoi ahi. Chance khat vei namu a donse lou a nakoi leh nanung mu kitlou maithei ahi.
Tuni a Pathen thu Christianity toh kitoh a kineosah chungchang a isei nom pen uchu Christian hi a kiletsah chu akitohlou ahi. Thusim khat ah officer lenkhat hi houin a akai in ahileh a peon pa chu bench khat ah ahung tou leh nom asapoi ti akijan ahi. Aman ahet khel chu office a kithunun na dinga alen aneo Group D, Group C, Group B, Group A aum in ahinla Pathen Houin ah alen aneo aumpon ahi. Pathen houin a peon leh class-I officer ti umlou a abona kibang ahi. Hiche office a nalet nan a thuneina chu Pathen houin a napohlut leh Pathen thutoh kitohlou nang chu amin mai mai a Pathen hou nahi Pathen hou tah tah nahileh kiletsahna chu um theilou ahi. Ahinla Office a chu alen aneo aumlou leh kithunun na umtheilou ahijeh a govt. in hierarchy alen aneo asem thu ahibou in ahi.
Iseinompen uchu Christianity kiti hi kingailutna leh kilungsetna umlou chu Christian tah tah ahi theipon ahi. Houjat khat ahi ti mai mai a Kiloikhom na bep hinante ahinla, Ipi pan mun tuhjong leo hen Kiletsah na ding ima aumpon ahi.
Kiletsah na in atheodah in Kineosah na in mi akoulut in ahi.
Christian phatah hi ding nati leh Kingailutna nanei lhom leh nei tamding gel in Kingailut na ahi haoding ahi ahibang a Kineosah na a jong Haoding ahi. Ki letsahna leh kivetda naho Vaichat kichu ding ahi.
