Part-3
By:BOIMANG HAOKIP
Kaloipa injong keini kihou na thu chu ahetdoh phat in khongai sot louvin ainkote ateldoh in kichen loiding agongtan ahi. Neneo jong ainkote koma akitepna ahijeh chun adasa2 in mitlhi pumin kaloipa toh ana kichengtai..Hinlah alungthim in vang keihonkho manding danho akilang jinge ti thu kaja jingin ahi..knjong ngailheh ingting it lheh jongleng mi phung Chang ahitah jehchun milding tin kagel in hinlah tahsa pumpi in milding him2 agelthei loujeh chun achai2na in kahinkho jong ahung chikhel lotan ahi.Neneo milna ding lampi ijat kahol vangin kamu jou pon julesa in kahung kisaboi pantai..lungset tah khat chaan kiti hi koiman anome tingai pontin athohlal lou jong koima umponte..
kakimanchah nachan in kagel jingin ahi.aloiho a kona jong jinei ahijeng vanga eingailut le keia kona lengdang anga apah akioilou dan hothu kaja jingin ahile koi miltah sangin puldou najoh akibe cheh2 in ahi..nikhat hi kanulepa toh thinglhang lei a kakon uvin kanulepa injong boipu hiti ding hi kahetpeh2 honjeh a sot a Pat kahil hon nahi louham tin nasatah in eitelkhou honin ahi.hinlah knvang Neneo milna ding phat kanei theipoi kati leu jengphat in kanulepa jong akiphatlam honin boi ven nanulepa keini themmo jeh in nangdin hinkho genthei na asolotai keini in mibang in inchen nomtah ana semdoh honleng nangjong nalungset le nangai nu chu nachan ding hibang loma nilelha ganhing juleva hamhing
songphung thingphung kisan in a vetngam loule avetjoulou hinkho genthei na hi toh pon nate neingaidam tei2 honin tin atao hontan ahile keijong kagel le kanulepa in eingailut hondan le thusei honchu nom kasa pon hijeh chun amani komjoh in heno hepa nang ni jeh ahipoi nacha pa hon ken nasei honle neihil nahon kana ngailou jeh in mite jouse mitvet din jumleja tampi keijeh in nathoh hontai hijong le hichan nathoh jounung hongeia neingailut nahon alhahdai chom louhi kakipah e neingaidam hon in tukal teng kalungset nu lungset loubang le ngailou bangin hinkho mang tange tia kasei chun kasei chai masang in kanu in
ei ngongkoi in boi kahethem e leiset chunga lungset penleh ngaipen kiti hi koiman asumil theipoi tin achuti ka tai.kanu injong aka pum chun aw chung pathen neihin vetem uvin epilom2 kasuhkhel uva epi lom2 kabol khel uham hibanga natna le genthei na neithohsah u epi vanga kanei uhm tin akalai chu bangthei talou vin aumtai hichun knjong kanu chu kalhem in heno kaptahih in nacha hi puldou nale Lhilon na thiden dinga eisem jong hintin hijong leh kajo chanin milna ding gel tange tin nilhangkai lam ahitoh lhon in inlam kahin Jon tauve..in kalhun uvin kaki sutheng uvin nilhah an kaneh laitah uhin ka anneh jong alut theipon hampa le leiset kine abang jengin ahi.
.Lhilon dingla kanulepa hinkho ding kagelleh nommo kasah kit in kho ahungjin tah jeh chun Neneo kangai na ahung thah lang kit in kamit a lonlhi jong ka im2 nain kamai jouse asan lhajengtan ahi.hichun keijong kading doh in ka room in kalut taiβ¦lupna Chung kagei chun kalung in Neneo bou alang tan lonlhi vang kakhamjou tapoi..awging inla kakap ngampon guhthim a kalhilon2 naleh kakitim2 na aCHUN kalal lheh tai..chomkhat jouvin nungah chapang khat in eikou gin kaja tan kalhi katheh hul loichal in ahile kanu in nau a room langin uminte atichu kaja in hichun kakot ahung kikiu chu kajapai in kaga honleh lekha khat eipe in epi lekha ham kon nahin choisah ham kati le nasim tengle hetan nate tin apot pai2 tai..knjong lekha chu lungdong tah in kalhamlha pai in ahile Neneo khutjih ahichu kaman dohpai tan kasim masang in kalhin in eidon but masa kittai..kasim tan ahile,,,,,
Heo phat jouse geisang nung hihan lang hita jongleh nakoma kasei nom khat aume..hibang loma neilungset lam kana hepon neihoupi louna jong nang themmo kana chan in ahi.hinlah naloipa lungthim phatlou jehjoh ana hi e..tunvng kanople da kibang in miphung Chang kahitan hinlah kahinkho hi thile hin kikah a um kahitai..phungdang jona kachi ni jan chun second khatcha jong kalung in nahin sumil poi hinkah insung mite thilgon ahijeh in kana chitai..nang in jong hinkho genthei tah leh chungleng vacha banga kavang ngaia hinkho naman thu kaja in tuni chan in knjong kahin sumil poi..
thinglego bang thah donkit thei hileng insung haosa ho sangin genthei jongle kalungset nang a ding in thiding hijong le pangjing ing Kate.tunvang nangdin kidah umtah chu kahitai hinlah neilungset najeh a hinkho genthei tah a naman naho jeh in angdang koi hita jongleng kalungthim vang nang a ding bouvin aum jing nalai e.kahinkho hi janmang himai le kanom e heo nang milding kati jiteng thehhul joulou lonlhi tangmo in alongji e..insung nomsa ahijeh uvin keidin nopna him2 aumpoi nang a kahi lai in kAlungthim din kisonlal naleh lhaset na aumkhapon hinlah tunvng soh dinga eikipui ham jidinga eikipui ham jong kahe thei tapoi..hijong le nangjong laidang a nomin hungleng maiin lang lungset dang nanei teng kei neilungset nasanga sangjo in hin lungset maio..nangai lheh ingting nalungset lheh jongleng iba kalo dhm naka nale nagenthei najouse keidin vangset na himai hn.Kamil thei loujeh in lungsung adam thei tapon tahsa gei in a tongkha tai lungset milna ding damdoi umlou ham ..
tia kijih kasim doh chun kalai gui achom den jengin khohelou khop in kana mo den tai..kaloipa hi lungset nalampang a kitah lou ahijeh chun Neneo in eingai ahet apat in asugenthei jingin joldang asaikhum ahitai..mihem lunggel chun chia Neneo chu gakipui jengding kagel najong aumda poi hinlah ijat kagel vangin phat jouse keidin ana geisang tai..hichan a eilungset kahet jehchun koi miltah sangin kalunggel asang cheh2 tan ahi..kahlah a kapotdoh jiteng noma kalen ma mun hon ho kamu ji in kavet najouse nuina mun hochu kana in alegam tan ahi..kei ngai jeh a genthei na sangtah ato kahet jeh chun kalung a ol theipon phat tin in Neneo kangaina chu asng cheh kittai..kalunggel sanval jehchun katahsa in jong adou jou tapon ahi..mollelhang sang umlou hija damdoi phapen2 umlou ham molle lhang sang aumle gakaldoh ingting damdoi phapen2 aumleh gakilah inge tin jaila kaoijin ahi..
kalunggel2 nain kalung Chang ana hung nadoh tan louthem ijat kom kajot a damdoi ijat kaneh vangin keidin damna hichom louvin lhahsam najoh in apang tan ahi..nikhat behjong milthei ding hileng kanat najong oldom dingin kagel e hinlah milna ding phat kanei tahlou jeh in kanat najong oldom thei talouvin molpang lep na ding lamjoh kamano tan ahi..damdoi ijat kaneh vanga kanat na olchomlou ahiphat chun kanulepa jong eimoh ka pi hontan koima vang kahinkho ponalou le kihetmosah ngam aumpoi..Hinlah hichan kaphah jeng vangchun Neneo in ka dinmun ahet a agenthei ding him2 kaphal kitpon ahi..ka hinkho dinmun koiman hetda han kati vangin kachunga thilsoh jouse Neneo kom ana lhung jithou2 vin ahi..amajong hitia kaumchu apohnat jeh in jumleja ijat a thoh ding hijong le kangailut pen damna ding ahipou le tin nikhat chu ajipa hetlou kah in eihung vil tan ahi.
.tahsa chatthei loua louin a kakijam laijin Neneo ahung kamu tan katahsa chu adam ho kabang jengin ahi imacha seithei sang kaum hon tapon angkoi a ka ding kanom in amajong anom in hinlah jinei ahitah jehchun ahithei pon keini umchan chun amujouse lungthim asukha in koima alhi hul aumpon ahi..knjong changkhat seh2 kasei in neo kanat na la kathoh joupon damding injong kakigel tapoi hinlah kadam nading lampi khtvang aume LUNGSET MILNA DING DAMDOI UMLOU HAM tin thudang ima cha kasei be tapoi..
Adam dan a kana kigel vangachu hichi kasei dohseh2 chu kidang asa uvin ahi ajeh chu thusei dingjong ngapcha talou a paolou beh a kijam2 jeng kana hi ahi..aman jong heo neingaidam o keijeh in natahsa hoilai jouse le nahatlai ding phat jouse tehse bangin louin ngah in napang tai hibang loma neingailut dinghi kana gelpha poi heo lungset milna ding damdoi umlou ham keijong katahsa ahin vangin kalungthim hi athisa tabang ahitai eini hinkho isuhmil loulai sen damna umpon te isuhmil tengle vang eini din damna umtan te tin achi taiβ¦damdinga jong kigel talou a umpa chu hichi nia Pat chun ol2 in kaoljep2 in tahsa lhasam tah pumin inlam kana jontai..
Mihinkho otchat na in hinkho kamang jing in hinlah lungset nu kamil loujeh in koima dang lungset kana chan tapon ahiβ¦
-BEITA-
