Athangboi kip’s
(9531808617)
30-Aug-2020
Masangjep kitileh, kaneolai class-V/VI kasim laihin ka class uvah akikhoh sah tah NGAMCHA kiti khat anaum’in ahi. Lekha jong he behseh lou, molthoh jong kicha behseh lou. Jachat kiphatlam tijong hebeh seh louva, asanga neoho engbola mitoh kina-na jeng anahin ahi.
Keijong pol (VI) kachaiya pol-VII Kasim kum hin, kanule kapan hahsa lheh jong leh makho ding gelna a boarding’a eikoi lhon ahi. Saturday nikhat hi jingkah PT/Exercise kachai uhin, ajing sunday ahijeh chun! Vonho ki-kisoplhah hen katin bathroom ma (TUB) kuong lentah achun kisil nading leh vonsop nadin twi kasung dimset in pampot din toilet ah kalut masatan tai.
Toilet na kapampot kah hin NGAMCHA ahungin, kongdimset a twi kakoi sung’ah chun ajun ahintha tan ahi.
Kenjong kangcha kot kahon’a kavet leh athah chai chaiyin thipbeh in ache mang tai. Kenvang ima kaseipon, twichu kasunglhan (TUB) kuong chu surf in kasop thengselin. Vonho kasopma kaki sil chaiya von kaphou doh’a ka room kajot leh,
NGAMCHA : “Thangneo, nakisil na twichu namse lou ong?”
KEIMA : Ibolin em?
NGAMCHA : Tah2 a imacha namlou na?
KEIMA : Najun twichun kisil inte neiti ong?”
NGAMCHA : Eh nahet na! Ale nalung hang hihbeh in. Kei hileng vang kaki delpi’a ojate koma jong ka-report dihe atin, kenjong kakomah katousah in hitin kasei tan ahi.
KEIMA: “Golpa ngamcha, ven ikidela ikinah a ipi phachom ham? Mijouse masanga jumleh jachat nabou ahi. Ojaho komah kisei jongleh midang amu aumlou jeh in keijoh kamo meithei ahi. Hiche ho nabola hi ipi kipana, lungnop na, leh phatchom na namu em? Kati leh
NGAMCHA : Aphachom chu ipi umdi ham?
KEIMA : “Bhai, hitia kisa engse hohi min avangphaji poi atiuve. Bolkit tahih in kangaidam tai. Ajeh chu pathen hou ihiuvin, pathen thusei ho leh kanu leh kapan, eihil nabangin, tahsen chate hi nisih’a pathen na dia satan galsat ihiuve.
I-chunga thilse bolkhat ingaidam chu, pathen kipana leh satan gal ijona khat ahin, i-ngaidam joulou leh amin mai maiya christa sepoy satan kipana joh kihi ahi. Hiche sang chun nikhat leh mikhat nuisah/kipasah jolechun, pathen kipana leh nisih a satan gal najona joh hinte. Kati leh kiphalam tah in ahung kiheiyin..
NGAMCHA : “Golpa, kasetna banga neilethuh louva neingaidam jehin, kakipah val’e. Nang jala kahinkho kikhel ding ahitai. Kenjong tunia kipan kaum chan phalouho ngang katin eini vang kivop jing hite o atin. Hichenia kipat chun NGAMCHA jong kaloipha tah le miphatah ahung hitan ahi.
. Aphat cha’a asuhkhel kihet-na kikhel thei michu mivangpha pen ahi.
. I-chung’a thilse bolkhat gah ngaidam jeng kiti hi thilnom vang ahipoi. Hinlah tahsen cha hina (kalbi) leh manchah phapen khat chu ahi.
. Ngaidamna kitihi pathen nakon ahin,
Mi ngaidam joulou pa vang! Satan sot tolle ahi maiye.
. Mihemkhat nangaidam jeh’a tahsa leh lhagaova kisemphat na aneithei leh, vana nasanding atam’e. Hichu tahsen chate imopoh nao jong ahi.
. Loiphatah/Golphatah kilhenkhah kitihi sana dangka a jong chohjou hilou, pathen nakon phat thei chan-na! Tahsa leh lhagaova eikikhel sahthei, Khoiju sanga jong lhumjo ahi.
Lhepna ahilouleh thilse kitihi eima ikipat na ibol louleh! Satan in ichung’ah achamtah in ima atong theideh poi.
Thoh-hat, Ngaidam, leh Taona kitihi pathen tahsen chate dia nitin (Armour) galvon phapen ahi.
Asimdoh jouse pathen in phatthei bohcheh tahen kakipah-e.
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
