Love story
(Episode-1)
Writer: S.Lien.
Arrange: Naocy Haokip
Ninkhat college kai dinga ka ki got lai tah-in unknown number khat’a call ahungin, kaloi hokhat ahikha dem tia kagah pick leh Hello Merina, eihin tin, Nang koina? kati leh Mimin kahe atin, Oo ken Mimin kahepoi, koiyin..
Aman: Ash..!! eihe hih jong lechun keiman kahin henaiye, kaseinom um hija.
Kei: Ipi ham nasei nom seiloi ta kagah ti leh
Ama: Hoi kahin sah-in tin leh ahin ti pan pan leh
Kei: Hoi neisah chu kei koma nasei khel khel ngaiham? kahin block diham?? katia phone ka tha ngal jeng leh
Kanun NGAINUNNEM namin vang hi na polel’e na? Min ei houpi leh ki fuh sah tet tut di hilou chu o, na deichat hon nahoupi leh nem het hot inlang na lunglou lang jep hon na houpi leh, ka hin block di 🙄 kaki dah behseh e, koi umchan jong hi nahin copy ham..?
Kei: Henu thipmo ken kahenai, kabol lam jouse hi ei phoh phoh jeng hih-in, Tulai style ahi chu nahet louham, koima jong amin toh kitoh chet chet’a chon kahe hih e, Mary, Esther Ruth kiti ho jong khu gave tang ati toh apot kahin tho-in Churachandpur college langa din ka hung doh tai,
Ka phone ka ladoh in, eithah ding mi koipen ka kou di hamo katin kalung kahin gel’in, Mi hetlou chakhat’in akiseipha gah kibang leh, Eihel, eidei eingai tam thou ahin, a class in ka khen’in bike nei ho chu 3rd Class in kakoiyin, ama hochu kholai dunga ei thah le ding,
Bolero, Scorpio, I-20, Verna tiho nei chu 1st, leh 2nd class in ka koiyin ahi🤭
Insunga chanu changkhat ti matah chu, mi bangin kinei jou hih jongleh, ka Nu ka Pan ei dot jou uvin, umlam beilam helouvin nomsa tah-in ka um theiyin ahi.
College chan eihung thahlhung di chu anailang jep katin, UPaocha ka gah call a kasei leh, aman Oo, kei phat lhung hitam, kipa aume 🙏kahung di ahi, ahin tin eihin daiyin,
Muhjol hinhen louvin kintah in hungtang, kati leh, Ole ole kahung tai atin, chom loukah-in ahunglhung paiyin eihung thah lhungin aki lekit tai.
College compound sung kaga lhun leh Gollang phabep khat gate kom’ah ana tou uvin, ka classmate hou nidanga eihou kha jong hilou khat’in, Merina nahung gei na e tujing kah-in ahin tin, kagah vet leh eive chen ngam beh louvin aumin, a-o akon chun kahung kipat doh masang jep’a ei call chu hidin ka gingmo in,
A time akihom pouleh ipi agei um dihamo Mimin, kagah ti leh akoma aloipa chun agah si jap chu kamu chet’in, ka dalha pai pai tai, Amel chu ahoimo pon hijong leh mi neijou lom lom hidin vang ka tahsan pon, a lunglut lou chu kahi paingal jengin ahi.
Classrom sunga jong chun eithim vet jing keiyintin, lekha langa vang chu kei ho class XI science la holah a dia chu topper ahi, a-inchen’u hi ipi tiuvem ka he nom thim tan ka loi ho Bijang Gangte veng ho Momoi kiti khat aguh a kadoh leh, Lungset umtah ahe, aPa umtalou aNu leh a-Unu’n Pon ho pou akhon lhona Me di ho pou ipi pi ham ajoh uva lekha a thep beh jeh-a khu, apute ho toh kitho uva ipi ham khat a chop doh sah tei agot’u ahi, ahin tin (🙄 kei chu kalunglam hitalou)
Merina, nahin ngai hichu o keikoma jong asei ji ahe ahintin,
Keima: Nangin ki-ngaipi o amel jong ahoiyin lekha them nalai 🤭
Momoi: Aman, kei eingai la hilouva, iti ka ki-ngaipi diham, min nang hin ngaiya chu, dongma ding hi ki khelai chi hilou chu o😂
Keima: 😂😂 Gangte muhjol…….. kati leh
Momoi: Haokip jonchih, eihin tin kaki bengto lhonin kanui lhon leh kaloi hou chun eive sao sao uvin, Mimin jong chun, ka thusei lhon bon japha lou di pi chu “Na-ngong mi anui leh anuiye” ti chu ahin tho in ahung me thim tet tut’in ahi.
Last period kichai phat’in varanda a konin eipui ding achom khat, kagah kou kit’in gate maiya chom chakhat kanga leh a Bike choh thah lihleh (Thunder Bird) a ahungin Jean toka toh sunglass (mitbeh) toh ahung chu, Salmankhan chu imacha hilou kana hai dehchet’e.
😂ULun hilaiya ka ume kagah ti leh kaloi hon, Nabol theije Marina ahintiu vin Kagah kihei leh Miminin jong eihin gal vet’in, ki fuh sah deuvin Bye bye ka bol’in ka che tauve.
Anilhah buneh jouvin ka room’ah lekhasim di dan danin kalut’in, dressing table maiya kaga dingin kahung kivet leh, kei le kei jong chu hoi kahung kisan, Waw… Kahiti a hiba eimu masa eimu nukhah in helding mit’a eivet’u hiveh ta, Gollhang ihi leh che hiba ingai lou leh, ti lung kahin gel’in kaki hetdoh phat chun angol bangin kachang seh in ka nui tet tut’in ahi.
Kalupna chunga ka kijamin eihel ho chu kasimin ahileh atam thim tan ka ki-ngaipi mai mai ho sim louva damsunga dinga gin-um jing dinga kaki teppi ho mi sagi (7) 🤣 lah a ka ngai deh pen, Mihaosa tah Moreh langa kivei UJohn kagah call tai……..
To be Continue Next Episode……
Note:
Lunglut tah a nasim chai jeh-in kakipah e, asim jouse Pathenin phatthei noboh cheh-u hen, aban jingle anasim khom kit taute.
