Love story
(Episode-3)
Writer: S.Lien.
Arrange: Naocy Haokip
Kamang chun ka-UJohn in pahcha khi hoitah khat leh milim naocha khat ahin choiyin mailhai tah-a kei lang hinjon kamun, ipi lang ahide o katin ka lung gim lheh tai, aphalou lang din vang kakoi nom beh pon hijong leh kagel phahlou ahi jeh-in kalung anom pon, lungthim suhto in hiti hin kahin gel tai.
Oo, mangpha hinante, pahcha chu kipa na lang vetsah ahin khivui chu ki khaokhi na hiteiyin tin, che chu ahileh Naocha chu aumsa hichume🤭, katin, lung nomtah-in ka ihmu kit tai.
Jingkah in nidanga ka thodoh phatchet 7:00am a kahung kitho leh bu le me jong ana min tan ka kisuh theng jouvin bu ka neuvin, kaneh jouvun kaPan kanao te School adin gari neovin aga thah-in kenjong, eithah ding kaki ngaito-in college lang ka jon tai,
Cheni chun Mimin mu ding chu nommo kasa thimin, kidei hih jongleh ka thusei chu kha jep kasan, alhaset louna dinga houpi mai mai beh di tichu kanom lheh-in ahi, hijongleh che ni chun ahung tapon ipi jeh-a hunglou ahidem….nilhumin ka lung anom thei tapoi.
Nilhah a gah message ding kati chu lela, akisih eihisah a ana ki hope khah ding kinom kit lou, kimuto phat’a din kakoiyin, UJohn joh kagah inbox leh, eihin reply paiyin,
Henge, kahung lhung taiye Merina, hung kholai len ding kati leh geijep kasan jing leh kimu to hite o, kasei banga chu Mata Dam a Sunday nia che din ana kigo o na..?
Me.. Oh..! Ka hai dehchet’in navon ding khat jong kahin poh chu o, Tamu bazaar a cosmetic store a kache leh na kilompi sel ding khat kamua kahin poh ahe, ahin tin
Keima: Wau..!! Kipa aum nalom lome mukal ngalel aum sam e, ipi hamo ken ka ginchat ni hinsei ing’e onk? Naocha lim, ahilou leh Khivui😂 kati leh
John: Na hethem na e kon asei hamo o? Nasei nukhah khivui chu ahe kahin poh chu, Naocha lim chu ipi dijong hidi ha mi semthu chu..atah tah …….ihhh, seidange🤣🤣🤣
Kamang chu upa lang hon “Uimang nei” atiu khu hi di ahi katin, ka kipa dan dan chu, kajalkhun chunga ka laam leu ahe, ka inko ten eihung guh vet leu angol eihi sah uva Maiba ho koma eipuiyu jong bai ahi😂😂
Keiman: Koiman aseipoi ka manga kamu ahe,
UJohn Dam langa Sunday nia che di nati chu, nang na on dileh jing joh leh hithei dihamo, saturday chu college jong kiche lou di ahin, Sunday nia potdoh ding chu kanu leh kaPan ei jahda maitheiyu ahe,
Pha nasah leh eihin seipeh o jinga chu na kiman lou ding leh, Na sei sei chu ipi hileh OK kana ti sa ahin Sunday nia dinga chu phatah a kithum di ahijenge
John: Umm ka kiman ngei hih diham moh a nang kiman niding joh ahileh kati ahe, ahin tin, chomkhat kaki hou jou lhonin Mangpha kaki thot lhonin kalum tai.
Ajingin kakihou nalhon bangin kache lhonin ahi. Geljang resort sahlang jep’a gamnom tah thing lim noi khat’ah katou lhonin athil hinpoh chu ahinla doh-in ei o-sah tan ahi, ka tou pet lhon chun aphone ah call ahung jingin acut pai pai ji’n kei tilou midang ho vang houkham asah lou dan ahe nungah ho chula hiteiyin tin ka tin kana kipah gu lheh-in ahi.
Sot thim tah ka um jou lhon chun ka hung kile lhontai
In kalhunin 4pm lah ahitan kakisil thengin buneh phat ahinailou jeh-in lupna chung’ah tunia ka umdan lhon chu aban bana kahin gel kit leh kalung anom thei tapoi.
🙉Ipi dia mi call chu a cut ji ahidem,
🙁Kache lang sang uvin ka hung kile lang uvin, ipi ham khat lung nop lou na khat nei bangin amailhai mo joi.
🤔 Ipi hileh nang sei sei chu OK ahijenge kati chu kana sei lou di hija aman kei gel phahlou jouse jong ahop tha sah ahi.
🙈 Ama kangai val jeh-a Gollhang phabep khat kasuh lhaset ahitai
Ka lungset jeh-a ka virgin hinkho jong kapeh doh ahitan, aman chea kon chun ipi ham khat lunggel anei bangin amit heiya kon kaman doh e
🙈 Kamang a milim Naocha chu……..😭😭
Apet tah chun kangaina toh kajana toh kitho-in a sei sei chu nom jeng jongleng, vainunga ka ki gel gel leh eibol dan chu ka thangtom lheh tan ahi,
Gel khat’a kagel kit leh, kalung han vang chun, kahinkhoa kato khahlou kato patna ahi jeh-in ka ngaina chu alet cheh cheh nakhat aum kit thouvin, apha lam lamin ka hung ki gelin,
Tulai khang chedan ahijeh ahi chetobanga um chu atamjo ahin ki nel cheh nading hitah ta, aman jong eilungset jocheh mo diham, thanga oh danin kigel’in tin nungah angai tam lheh jongleh mi dang sangin eilungset jonante tichun ka hung kilhem lungmong kittan ahi.
Ki houpi henlang gah kidai jap hen tin ka call leh Busy busy, chom khat jouva ka call kit leh Switch-off kit nalai 🙄
Koito nakihou hamo “UJohn kahin houpi nom hija.. tin message kajih in ahondoh phat leh amu dingin ka send tai.
Nilhah buneh jou 7:00pm a kavet leh a deliver in hijongleh avepoi
Ka thang ahungtom doh heltan ka call kit leh Numei khat in ahin lan, Hello, nang koi na? Ahin tin, Kamin chu ve o, nang koiba nahim, aneipa hoilaiya umham kati leh,
Aman: Min aki save poiye, Kei Chongboi kahi, aneipa gapot doh chu o, ahin tin
Kei: Chelai hi hoilai hamo kagah ti leh, mi kihou gu chul chul tobang khat kajan, New Lambulane Imphal ahe ahin ti kit’in
Kei: Nommo kasah thim phat’in, aneipa hung phat leh eihin call hen-o..? kei Merina kahi katin ama seijong ngah louvin phone ka cut tai,
Phone kagah charging pan pan leh call ahungin, tua ei call dichu ajouva chu nei hou thei louham 🙁 katin kilung hansah thim, kipah thimin kala’n kavet leh Chochoi, ka classmate nu anahi
Hello Choi ipi thu hita Janlai tah a? kati leh
Chochoi, Mimin ipi nasei peh hamo, alhaset dan kei kom’ah aseiyin, kajah cha val’e, mihing khat kihou nadin ati’n, College a jong hung talou ding dan ahe, Chennai a Hyndai company a natong dinga a company neipa Korean billionar khat’in akou dan ahi ati lai tah in, kaphone in “tut tut” ahin tin kavet leh UJohn in eihin call ahin,
Choi UJohn in eihin call in gah kihoupi inge onk ol leh kihou kit nate katin ka pick leh…… 📞
To be Continue Next Episode
Note:
Chomcha hijongleh lunglut tah-a nasimchai jeh-in kakipah e, asim jouse Pathenin phatthei noboh cheh-u hen, aban jingle anasim jom kit taute
