Ahileh Boycott kiti thucheng hi ipi tina mong ham?
Kikah gam la behseh lou thisan a kimat ho Khat khat Boycott kibol to hi thilphachomlou natoh ahin ahi.
Asun:
N.Lhungdim
Thangting House
Molnom- West
31st August, 2020.
Boycott kiti thucheng hi English pao a ahung jao nahi 1880 kum chu ahi. Hiche hi Irish “Land War” ahi.Captain Charles Boycott kiti Land Agent Lord Erne, Lough Mark House, Ballinrobe. Ireland a Mayokati a chengpa Absentee Landlord Agent Captain Charles Boycott 1880 kum a Irish Land League in Social Ostracism eihon Social boycott iti tobang uh a Society uva kithu toh uva ana delmang uh ti tobang ahi.
Hiche thucheng hi ahung kiha man lheh jeng tan Kuki te lah a jong ija matchet uvin masang jep chun Haokip Phungpi Council HPC in Churachandpur a Teiseng khopi a September 27 2017Haokip hi Thadou ahipoi tin Haokip Bulpi Chahsat pa in Selding lhuhna kiti khat ana bol in asei nompen chu Haokip hi Thadou ahileh keima Haokip Bulpi pahi selding lhuh in lhu ing kate ati ahi. Kahilou leh kalhuh lou ding ahinla Haokip phung in ahop phungkhai dang ho lah a Thadou kahe tiho chu selding lhuh in lhu hen tina tobang ahi.
Ahinla Haokip lah a Phungkhai phabep ahilou jong leh mi changval phabep khat in Thadou akihi e ati hiding ham Thadou Social Organization ho ah panmun lentah tah atuh uvin hiti jeh chun Haokip Bulpi pa chun Social boycott ding in mi 4 leh 5 aphongdoh in ahi. Hiche lang thuh na chun Thadou Inpi Kiloikhom holoi in Haokip mi 4 mi 5 Social boycott tin
aphongdoh kit uvin ahileh hiche a hi ipi phatchom na um am ahilou leh setna um am kinel nathei tah khat ahin ahi.
Kei geldan leh lahdan in India Citizen khat in Fundamental Right anei leh Freedom of Association ahilou leh Indian sovereignty toh kitoh lou ahi leh ama chu Anti- National ahilou leh Sedition Act 1870 dungjui a kiphongdoh jui ahi. India a kon a chamlhat thum ho chu Indian State chu adouna kibol ngailou ahijeh a dan to kitoh lou tia ki phongdoh a mat thei ahileh kiman a jail a kikhum jui ahi.
1966 lai a Mizoram a MNF Revolution chu Anti-national ahi. Amaho chu mat thei jouse kiman uva jail a kikhum ahi. Hiche tobang ma chun Manipur a jong UNLF kiti ho hin India douna galbol ahi. Mat thei thei ana man uvin a Chairman pao R.K Meghen Sanayaima kitipa jong chu 2010 in ana man uvin kabol khel e natileh naki lhading ahi ativang uvin aman kabol khel e atilou jehin kum 10 ana henbe kit uvin 2020 in ahinlha doh uvin ahi.
Amahi ahung konna aphung achang aki khol khol leh Meilhei galhang a kisei Bir Tikendrajit lhah direct descendant chu ahung hipeh e akitin ahi. Amaho hin Manipur ngailut na tah vang hi anei uh hiding dan ahi. Hiche tobang thim chun Nagaland a jong AZ Phizo lamkaina NNC chu India dan toh kitoh ahi akiti in hicheva kon a hung kisemdoh Th. Muivah lamkaina NSCN IM jong chu Unlawful Organization ahi tia ana kiphong a gal le tol ana um in hijongleh ama hon jong asuh dong thim uh ahita jeh in India to kihou toh a chanthei muthei ipi um am tijoh hol ding agong uvin ahivangin tuni chan in seilhah theilou in aum nalai in ahi. Anukhahpen in India Govt.in ahunglhung ding September lha a sei chai tei tei ding in thulhuhna anei e ti akijan ahi. Thu kijahdan in Th. Muivah hohin akisei chai leh amaho hi aum ding dan uh thanop um behseh lou ahung hiding jehin August 3 ,2015 Framework Agreement a jaolou Flag chom leh Constitution chom nei ding athum uvin ahi. Ahinla amaho dinga vangset umtah India Govt. a dinga vangphat umtah in ningkum 2019 August lha in Jammu & Kashmir aConstitution achombeh leh Flag chom Indian Constitution Article 370 chu NDA Govt. in hangsan tah in ana subei tan ahi. Munkhat a asuhbei uva munkhat a thahpeh ding vangchu hithei dingin tahsan aum poi.
Tuni a iseinom pen uchu hiche Social boycott kiti chu ichan a phachom a ichan a phachom lou ding a boycott kibol to jong chu thilpha chomlouahi. Ajehchu kho le veng Inko louko kicheng bom a kihing ngen ahi. Ki boycott to chu aphatchom na ding kamu behseh pon ahi. Vetsahna dingin Churachandpur lang ah aphung leh achang apao leh aham a kitimatpi ma ma Tribe khat hi keiho Naga kahiuve ati in Naga hon jong amaho NagaTribe list ah apansah uvin kicheh tah in akimu in ahi. Amaho kilep lep ujong leh phachom deh ponte. Ahinla amaho oimo aumlou nakhat chu Naga hohi Political Convenience leh Compulsion a kiloikhom ahiuvin Naga hi jong chu thil hithei lou ahideh pon ahi. Nagaland a Major Tribes 14 ho jong khu khatcha thisan a kimatna umlou hel ahi. Hiche tobang chun Manipur a Naga kahi tiho jong khatcha thisan a kimat aumpon adeh in Chandel leh Tengnoupal langa Maring, Lamkang, Anal kiti hohi Kuki te toh thisan a kimat ahi. Thisan a kimat kiti chu kikhen nom jongleh kikhen theilou akihi in politics a kitimat chu political advantage, benefit ho muthei na dinga kivop ahi. Inop phat phat leh haithei ahikit in ahi. Hiti ho jeh a chu Churachandpur a ikitimatpiu ho jong chu Social boycott kibol jong leh phachom loubeh ding ahi ajehchu inko, louko, phungkhat, changkhat chenna chom chom jep ahijeh a pao chom chom ana kitho kha ahi. Ipao ujong chu akikhehna umbehseh lou khat le khat kah a pao kile to interpretor um lou a kihou thei ahi. Thil phachomlou beh khat ahi. Gollui phung le chang sut dungjui a Thadou leh Haokip chu chuti ki gamlat loubeh khat ahi. Khat in khat a boycott to chu Churachandpur a Jat le Nam kimat pi loubeh hotoh kivop ho Boycott bolding ti sang a aphachomlou ding sapte in Paper Tiger atiu tobang bep hiding ahi.
Ahinla tulai hin kavet vet leh mi tamtah hi aphachom ding boipi sangin aphachom lou ding boipi joh hi akitam cheh heh in hiti ho sangin
- Inchen louchen iti
semding ham?
2.Ji le cha te inchen louchen iti mapui ding ham?
- Kivei na lam hileh
- Lekha sim nalam hileh,
- Tohmun holna lam hileh
- Cha te tute hi tua eihina sanga sangjo a dop doh tei ding tijoh hi mijouse hin kiboipi leh khantou na le machalna um jonte kati ahi.
Thadou phabep khat in Haokip phabep khat Boycott kibol to chu aphatchomna um lou English ten , EXCERCISE IN FUTILITY
atiotoh akikheh na um lou ding hilou ham ?
Social boycott kiti hi lekha a ummai kivoplou leh, kitimatloua um jong hithei lou beh wellnit together COMMUNITY i hiovin ?
La thah Bu in ,
Aw kikhen thei louding ,
Aw kikhen thei louding,
Aw kagol dei ho toh.
Pakai nalhagaotheng in ,
Niseh in nei umpin.
ti la isah bang uva thisan a kitimat ho chu Koima toh jong kigom thei lou ahibang a kikhen tah tah thei lou ahin ahi.A thu paper in kikhen jong leh apha hom natoh ahin ahi.
UNITY IS STRENGTH kitichu i Slogan ding u ahi jon ahi.A House divided can never gain strength to fight the Enemy within and without.
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
