By: Naosen Pa
Based on true life Story
The return of KIMROSE
Christmas suti akichai tah toh kilhon in Kimrose jong athemjil na mun ahin joun kit tai. kaithanbi a pat Kile na ahah sat jeh chun Mangboi te kho a ani te inn joh a apansa tai. Mangbopi in jong akimu pi in ahi. Kimrose in jong alekhasim ajom pai kit tai. Phat chomkhat jouvin Mangboi jong Class XII exam achai in. BA sim na dinga sum hol in naa atong pan kittai. Sunday ni tilou nikho khat jeng jong kichol maan lou le loi le goul lah a lha maan lou khop in naa tong in jing niso seh le avai kon doh jin, nilhahle mi chenung peh le ahunkile bep ji e. Hitia genthei tah a naa toh pum in jingkah/nilhah le anaote-insah inlhang chapang ho chu lekha ahil kit ji in, ama ding in nidaan khat jeng jong kichol na amu poi. Phat chu ahomtho mama jeng e. Mangboi hin Class XII asim lai a alunggel chu ahi leh- Migenthei te ahi jeh un private college a sim chu hahsa val asah ahi, hijeh a chu Govt. College- Presidency College a Graduation kisim hen lang chule Students’Union a lamkai khat hia College ding le ama a ding a thil phachom khat beh abol doh khat tou ding ham ti hi ahi. Alang khat a Diana te vang Gamchoum a anu/apa in sim sah ding atiu ahin Mangboi to kimuto nom jeh a Inmunna Imphal a Tamphasa Girls College a akai sah tao vin ahi.
Kimrose jong Class X asim pat toh kilhon in pontho tah in school akai jing tan ahi. Sunday niho le Mangboi jong aga lhulai ji in kithopi na thei2 in aga kithopi ji in. Phat chomcha hijong le nomtah in kingailu tah in phat chu homtho tah in amang ji lhon in ahi.
Life at Presidency College
Admission phat ahi toh lhon in Mangboi jong Presidency College a BA 1st year a din admission akibol in College achepan tai. Mihem jaat naam kim kaina mun ahi jeh chun Mangboi in jong loi le goul ahin kisem pan tai. Mangboi hi mipha,mihoungphal, mikithopi jing ahi jeh in min abang kom le ahet khel ji nao jong aum ji in ahi. Nikhat College ahung kikhen in Bus nga togom in chow ne ding a hotel agah lut le mi kina tobang khat ajan ama jong alut pai in ahileh hotel bol nu toh pasal khat hi ana kinel hon daan ahi. Mangboi in jong “ipi nakisei uham tu tah a chow khat hin choi vo” ti agah sei in ahi leh pasal khat ahung doh in ahung kisen jeng in ahi. Mangboi in jong “Chow ne a kihung a.. tijaat sah a ” atin ahileh Chuphat chun Nungah melhoi tah khat ahung doh in:
Nungahnu: “Baatbon sa nom lou va tua jong nabaat kit got nalai .
Pasal pan jong nuoise tah in ahouvin nungah nu chu ahin beng pai jeng in ahi leh Nungah nu jong alhu jeng in ahi.
Mangboi:nanei lou jong le phaten sei le chun mihem cheh ihiu vin kikihethem to’jou ding ahi- min nabaat thu asei le ipi ham najum maan a numei ahi nai ti maan a nuoise tah a nabol na baan a achunga khut nalha kit nalai.
Pasal pa: nang kikum nading ahi poi- hichenu hi nang ding a na ipi ham- nathoh nom lou le kipot in
Mangboi jong alung han lheh vang in akitim ham2 in ahi.
Mangboi- Aphatai chow ne a hung kahi, nei ot in
Nungah nun Mangboi ding a chow ahin choi chu pasal pan apeh bo tan, Mangboi jong akitim jou tapon “Talom2 a kavet kavet le” atin insunga ann hon na dinga kikoi thingkeh kikoi khat alan ajep pan tan ahi. Pam langa ahin kai doh in achu ti jep tai. Hiche hi Mangboi in ahinkho mi chunga khut alhana ali channa ahi. Mihon jong miphalou ahi chu aheo vin pha asa soh kei uve. “Avella nalim kamu kit le phalou dihe” atin pasalpa chu adeldoh tai. Chuphat in Bus ahung tan mangboi jong akal doh in in lam ajon tai.
Ajing in Mangboi jong College a ache kittan ahi. Hotel Bol nu kom a chun alut pa in :
Hotel Nu: aiyaa…. He u hungo. Jaan hin la customer khat kakilhaso in mingolpa jeh in chow ne o
Mangboi: Kakipah e. (chow neh to gom in) jaanhia na hotel sunga mitoh hitia kaum chu phamo kasha a ngaidam thuma kahung chu o.
Hotel Nu: ehhh…. chiho pou. Nang nahung chuba pha kashah daan. Nang umhih le chun ei voh di he. Nang in nei huh doh ahi bou ve.Kei joh ngaidam thum di kahi joi.
Mangboi: hehe… phanante. Keimin Mangboi Presidency a BA kasim. Nang la..
Hotel nu: Kei min Themcy, kei school kanga te. Lungdon manna hiche hotel neocha hi kabol ahi.
Mangboi: Ooo. ahileh le na insung mite la dam nao vem. Ipi2 ba abol jiu vem.
Themcy: He u. Vangsed in kanule kappa aum tapoi. Ka u toh kapu te in a kaum lhon ahi. Amahon loulho thingpoh tiho abol ve, kei katha ol jep khat tou le atiu va hotel hi ei bol sah u ahi.
Mangboi: Ooo… nopmo sah a Them. Ahivang lungneo hih in kei jong na u bang in ei gel in. Ahileh gache inge oo.
Thency: Ahile la….. Colleb=ge kichai teng hung kit o he u..
Mangboi: Olee… (Sum Rs. 10/- chow maan table a akoi in ache tai)
Hitichun Mangboi jong akimaan phat2 le ahunglhun/akile lam teng Themcy hotel a chun chow aga ne pa ji e. Loi le goul phatah ahung soh doh lhon tai. Mangboi in Thency hinkho maan chu avet a agelle apona in alungsed lheh jeng e. (Nungah gollhang- dongmacha kilungsed na chu hilou, Ajeh chu Mangboi jong kitah tah a angaipen Kimrose a ding bou a kitah tah a hinkho maang ahi). Phat le ni kihei to lhon in Ollha ahung lhun in Mangboi jong akigotna Students’Union Election ahung nai tai. Nomination ahin bolin ajing nithum jouleh Scrutiny umding ahi.
Scrutiny ding nikho anga jing lai in nikhat Mangboi College Canteen a atou pet in pasal khat ahung in ”Mangboi kitipa chu nahim” ati Mangboi in jong ”kahi e, ipi titale natim” atin ahileh
Pasal pa: Keimin (xxxxxx) ahin tuchung nakitet pipa loi ho kahi. Nomination chu ki withdraw in
Mangboi: Henge kakitetpi pa jong koi choum ahi poi. Vangphat pi a koi kaidoh jong le khoh kasa poi. Ama jong akison bang a kei jong kakisong nai. Ki withdraw ponge.
(Chuphatin XXXX chun achomte atiu ho khat ahinsat doh in )
Pasal pa: Scrutiny kah a naki withdraw lou le chihi naneh di he
Mangboi: Sopi hitichun sei hih in. Hiche hi MLA/MP election ahipon. Studen body College election ahi bouve. Hichi chunga hi nangho kikumna di ahi poi.
Pasal pa: Nalu len navet nom ham, aphaphan um in.
Chuphat in Mangboi jong munchoma apot in lungnommo tah in aum tai. Nilhah lamin ama jong inlang che di aki saan Bus parking lang ahin joun tai. Themcy koma aga lut pa in:
Mangboi— Them chow khat hin choi o.
Themcy— He u nang nahim? Chaksang lang a hung pai o. Kakiseimo daan. (Mangboi jong alut in )
Mangboi: Nakiseimo ji e na.. hehe
Themcy— Hichu mi ni mi thum beh kiki soh thei le pha di hija. (Chow chu ahin thuh in) Hi o he u. Nalel toh nalung nop mo toh valle. Nyngah hon ipi nansei peh u ha..
Mangboi: ima kati poi…. Them College a students’union election Hapta kitle um di hija.. nin kithopi o.
Thency— Kei pentah ong..
Mangboi: Umballa… Na hotel hi ka book got ahi nikhat a dinga. Nikhat a ijat2 namu ji nah em
Themcy— Vangphat nile 1000 nidang le alhangpia 500- 800 kikah kamu ji e.
Mangboi— Ooo.. phachoum thou chula naa. Friday nia ding in ana kigong o. Ann ihoun diu ahi. Umm le bel kong le bel ho ken hin po nang e.
Themcy—Khoh deh lou…. (mi khat in phon ahin bol-akihou jou lhon in) He u chomcha khat ana um o. Sa KG 2 ka order a
hung lhung te ga ki lah vah inge.
Mangboi: Umm. Hung kino o, thil kanaguh di he. haha
Themcy— kathil naguh le nang kaguh di haha (apot pai tai)
(Themcy hung lhun in Mangboi jong bus ahung phat in ache pai tai.)
Election anai tah to lhon in Mangboi jong imu maan lou khop in akiseimo lheh jeng in ahi. Candidate dang ho chu jeep le car a alhai le uvin banner/poster atah leu vin ahi. Mangboi in vang agenthei jeh chun hiti ho jong chu abol jou poi. Jaankhovah in chat paper ho a khun akijih thu ji in ahi. Vangphat um tah in Scrutiny jong aki chai tan Election nikho ahung lhung tai. Mangboi jong mifel ahi to lhon in mi jouse information ana peh a thil ija kai suhtubsa ahi tah toh lhon in Bus ni a RESERVE a election a ding a chu College lang chu ajoun taove. Thil ajakai agontoh jou vin aloiho jong ahung lhung gam tan election chu akipan tai. Diana in jong aloi phabep ahin pui in, Kimrose in jong aloiho phabep ahin pui in ahi.
Alangkhat a Themcy in a hotel aman sah keo hilou vin annhonna jong apang in ahi. Alangkhat a Mangboi jong a candidate hina haimil leo vin a agent ho aloi agoul ho chu cha le nehthei ahop peh in theitwi ho hom in akipei leu ve. Phat chomkhat jouvin Election chu ahung kichai in counting aki pan pai2 tai. Ajeh chu anikho ma2 a result out ding ahi. Hiche kah chu Mangboi in aloi ho (agent) chu ann aneh sah in kipathu jong asei e. Diana, Kimrose le Themcy chunga jong kipathu sang tah aphong in ahi. Nilhah lam nidaan 3:30 vellin counting chu akipan tan result ahung out in vangphat um tah in Mangboi chu a port folio tichu General Secretary a chun vote 200 val lam in ajou vin ahi. Ama jong kipah tah in aloi ho toh College a pat saan hotel lang chu ahin joun taove. Alangkhat a Mangboi kitetpi pa akai lou phat in phatmo ahin bol in aloi phabep toh ju adon uvin Mangboi in a reserve Bus tebi chu jep set a a agent ho jong voh di atiu thu aum phat in Mangboi in jong thil le lo ho agong in Bus teni a chun ahung jam tho taove. Inmun ahung lhun gei uva chun lhang ahin sam pan taovin kipah tah in inlam ahin jon taove.
Ajing nikho in Mangboi in jong vohcha khat athat in ankong asem in aloi ho jouse akou kit in kipathu asei e.
Mangboi hi College a student union Lamkai khat hinan thilpha chom phabep ahin tong doh in ahi. Chule a insung min jong phatchomna tampi anei uve. Atohdoh ho phabep:
- College Regularised an bol in
- Lectural ho nini kijoma absent aum le fine ala un
- College a Washroom+classroom ho a repair abol in
- Furniture asem be in
- Student union office asao vin
- Principal kikhel ding thua ha tah in adou dal in jona chu ama ho a ana hi
- College uniform introduce an bol in
- Student ho attendance ha tah in ahin semtub in
- Hostel Repair+ fully maintain an bol in
- Library introduce an bol in
- College canteen le Public rest/waiting shed an sem e
- A term kichai di toh kilhon in Excursion cum picnic free of cost an bol le
Nb: College student kiti phot chu problem alen/aneo an face uleh sum le pai tha le jung chule aphat hoilai mangchan ana kithopi e.
Term 2 akai doh shhe hilou vin, College a hi ama bang jong ana um kha lou um jong hung um lou maithei ahi tai. Atoh phat na le ami mel a aphat a japi hop a thil abolla atoh jeng vang in adem ding mi akivat deh poi. Aphah lel maan u jong hinte. Chule, college a lamkai khat atuh na jal in thoh hahsa tampi jong ahin thoh in lha khat val principal kikhel ding thu jeh in jong gamnoi ho khut a jaankhat jong atang den in ahi. Chule, principal in abol joulou, abol thei lou khat jong abol doh in ajou ve. Migenthei phabep in jong ama khut a kon in free in BA ana chai uvin ahi.
Hitia na atoh a themjil toh akop jing lai in Mangboi hin alungsed Kimrose a ding in phat anei jing nalai e. Phat ahung chal jing tolhon in kimrose in jng class x exam ahin chai in inn lang a kile ding in aum tai. Mangboi in jong availhah in damma aki mu to kit lhon kah sen lungsed na tuh det jing ding akitem lhon in Kimrose jong lunghel tah in ache tai. Mangboi jong lunghel tah in atohna athemzilna mun ajom jing peh e. Chomlou kah in Christmas ahung lhung in, Mangboi in jong lunghel pum in Christmas le New year chu agal kai nah2 in ahi. Kumthah ahi toh lhon in student jouse matric exam a ding in akigo pan taovin. Kho chom a school kai ahivanga THINGJABUONG kho a metric centre lha ho jong khosung a chun ahung um un maithat melthah chu atam lheh jeng in ahi. Kimrose jong a school kai na matric exam pe di sese special coaching school board hon agon to lhon in Boarding a chun aum soh kei uvin ahi.
Mangboi in jong GUIDE book ho ape in suggestion phatah in abol in ahi. Kimel muto na vang chu hahsa thim ding daan khu ahi. Nilhah khat hi Mangboi aloi pan ahin koi in, a in uva in bahara a um ho student phabep lekha hung hil in atin ahin kou vin ahi. Mangboi jong ache in lekha chu aga hil ji tai. Student ho chutoh akihoulim un ahileh alah uva chun vaiphei nungah hoi tah khat inchen lhasam thim khat jong ajao vin aloi dang se vang chu inching, minomsa cha ngen ahiu vin ahi. Amin LEMNU akiti. Lemnu hi aloi daang ho saang chu lekhasin jong alunglut in pha jong apha pen in ahile Mangboi in angai lu in alungsed in ahi. (Dongmacha kingai/kilungsed hilou). Guide book ape in suggestion phatah in ape in ahi. Lemnu hi Leimakhong lang ho khu daan hile akilome. Mangboi jong student ho lekha ahung hil ji chu aloipa (a inn neipa jong akipah in ahi).
Matric exam jong ahung kichai in mi jouse inlang akile ding ahi tao vin, Kimrose jong ani te inn lang a chomkhat um ding in ache phei tai. Mangboi in jong Kimrose kimupi ding anomlheh jeng in ahi. Nilhah khat Mangboi jong Kimrose um na – ani te in a ahung le Kimrose nu jong ana um in, Kimrose pui a hung hile akilom e. Aninu chu Kimrose le Mangboi thusim ahet jeh chun Kimrose nu koma chu asei le Kimrose nu alunghang tan, iti jong le kicheng thei lhon ponte atin ahang jah2 jeng in ahi. Ani nu jong chu ahapba atiuho khu ana bol jep jong hintin. Mangboi te inchen khosah daan ho chu asei le Kimrose nu chu alung hanna akibe jep2 jeng daan in aum in ahi. Hichi hi Mangboi in pamlang a konna ajahlhi ahi. Chuchi pet chun Kimrose ana umlou dan ahi. Aloite koma ana pot doh kha ahi. Kimrose hi anei te yoh kicheng dinga aki thulhah akigot daan hou asei chu Mangboi in aja soh kei in alhi kitheh pum in ahung kile doh tai. Lhavah lai ahi jeh chun Mangboi jong lhavah noi a chun mithi long pum chun ahung phei in ahi leh Kimrose toh akitoh in Kimrose in ahin kou :
Kimrose: He u…. hoilang a che nahi a (lungdong thim tah in)
Mangboi: Na in sah teo komma marup sum kahung don chu o. Hung lut pa di ham kati leh kakiphatlam jep a
Kimrose: Kihaphatlam tai hite…
kihou pan bep ahi jeng lhon vang in vangsed umtah in gamnoi ho patrolling ache naova ahin tohkha un aman uvin ahin pui phei uvin ahi. Kimrose in jong Ucha kahi hon bouve ka inn u hilai khu ahi ati le ahin pui phei vin Kimrose nu le ani nun amu lhon phat in gamnoi ho komma chu ipi asei peh ham vang akihetapon. Kimrose chu adalhao vin Mangboi chu akai phei vin avo taove. Adalhah nung uvin Mangboi chu ahung phei le Kimrose toh anu toh ani nu toh akitoh uvin ahouset be uve. Kachanu nalhakaang lou le chi sanga khoh cheh nato ding ahi ati peh lhon tai. Mangboi in jong a inn akijot tai. Ajing in kilomo tah in waiting shed a akimuto lhon in kimrose in hoi a ipi thu akilah ham vang aki he pon kon ipi asei peh ham jong kihe lou vin Kimrose in “Dongma kop ding in jong kahin tahsan poi, sot a kahet ahi tai kasei lou ahi. Damsel tan ” kiti thucheng ahin sei chu Mangboi a iding a teng a kisun abang jengtan ahi. Anu in ahouset toh, anu toh ani kihouna ajahlhi toh, gamnoi hon abol gim utoh tua kimrose in hitia ahou kit toh akigel le daa akisa valle. Mangboi in jong ” Sei ding tampi kanei in sei na thei phat ahi tah lou jeh in sei jong leng nei tahsan lou ding ahi tai. Khonung le nahin het teng phat gei saang val ding ahi tai. Chutia nasei mong le iba kalo ding ham kei themmo tange. Hung hamjaan pha mai tan” atin ahung kile tai.
Mangboi jong lunghel pum le lungnomo pumin a themjil na chu ajom kit tai. nidaang Ngai bang chun Mangboi in jong Themcy te hotel a chun alut in Chow aga ne kit tai:
Themcy: He u tulai chu inati ham nahal doh jou hih e. ole kasei khel em
Mangboi: Nasei khel poi. Ima thupi lapi hideh loupe chui
Themcy: Ko hih o. kiletsah
Mangboi: Kiletsah hiba kibol thei le pha di hija.
Chow neh toh kihoulim akop jing hon le chow jong ana nechai in Mangboi jong College joun din ache tai. Nikhat college a aum pet in gelphah lou vin surprise ti ding hintin Diana college a ahung in Mangboi toh akihoulim khom lhon in. Diana in jong Master gamchoum a asim ding thu jong asei in Mangboi ahin miss ding tua jong a miss thu ho asei in abang le aki lhaset ji e. Mangboi in jong encourage abol in ahi.
Kum ahung lhung kittan Themcy in jong Mangboi chu akhou va Christmas mang ding in ahin tem in, mangboi in jong anop peh in Christmas le new year chu nop tah in amang khom lhon in ahi. Hitia ahung kivop jing lai honnin Mangboi in jong ahin lungsed doh in ahin kamcheng in vang ana sei kha nai poi. Themcy in jong alungsed lheh e. Hichi phat lai a chu Themcyhi anei te khat in ajol a anop peh lou ahi. A inko te phatsah na vaang a aneite chapa chun ana kilhohmang kha tan , Mangboi in jong Themcy amu lou na a hotel kihon lou na jong asot jap tan alungdong lheh jenge. Call abol jong le abol doh jou tapoi. Alung nomo lheh e. Ahin thilsoh ho hi Mangboi in ana hepha hih beh in ahi.
Mangboi jong api nu kithopi le umpi ding in Imphal (Haokip Veng) lang a phat chomkhat ana pot doh man kittai. Lha 3 tobang inn dalha Imphal lang a aum sung in Mangboi in jong abol thei chennin api nu chu ajen in ahi. Jingkah nilhah a ann houn chu ama kin ahi jenge. Vailhah a pat pon brite dimset asop kit jin. Gari asop in, insung asutheng in akipeichel chel ji in ahi. Mi inna um hi ahah daan ihet soh kei bang un Mangboi jong phat seh in kiphatlam nan adim jeng ji in ahi. Nilhah khat Mangboi jong dukan mai a ading in Jalda nedin dukan bol nungah nu jah a chun jalda asem sah tai. Hiche nungah nu to hin masang a ana kihekha jong ahi lhon deh poi. Chutia jalda asem sah jing lai in Commando hon Mangboi chu agal langa kon in ahin kou un, mangboi in jong jalda akamma agah het lut toh kitoh in Commando hon ahin khen pai ngal uvin ahileh akomma nala kom lang a chun akhelut tai. Akaidoh un akichu thio jeng taovin ahi. Chomkhat jou vin thu ahin dong un:
Commando– Nang kari party ra.
Mangboi—— Eihak icham cham na college satra ne.
Commando— Nachin thinu. ( ahin khen un ahi) Min kari kouge? Nama napa gi ming hairo.
Dukan bol nungah nu chu ahung lhai doh in ka upa ahi ati in aka tho jeng tan ahile, avo tapouve.
Mangboi —– Eigi ming (aminlhingset) asei in anu min chu api min joh asei jin ahi.
Commando hon jong Mangboi pi nu chu a call un, Mangboi pi hi Imphal sung bep2 a chu mitin in ahet Officer khat ahi jeh chun Mangboi chu bai cha khen in aga huh doh in ahi. Mangboi jong ninthum tobang a room a aki jam den tan ahi leh Dukan bol nungah nu chu nikhat ahung in nehding don ding tampi ahin choi peh in ahi.
Mangboi— kiphalam thim tah khun, ”Neo kiphatlamsah a”
Nungahnu—ipi kiphatlam nasei hih e, naol dom lou ham?
Mangboi—– Um kaoldom e… nahung chu kakipah valle. Kei manmgboi kahi e. naming ipi ong?
Nungahnu— U Mang kei Lhingboi kahi. Gopibung ho kahin, Haokip Venga kani te ina kaum a lekha kasim ahi. Tukum XII kasim.
Mangboi—– Oooo. Min ngeitah nahi chula. Lekha hasim o..
Lhingboi—– Ummmů.
Lhingboi jong chomkhat atou vin akihoulim2 lhon in chomkhat jou in akile tai. Mangboi jong chomkhat jou in ahung dam doh tan a daily routine chu nungah pontho tah/ insung mounu daan in hikho amang kit tai. Mangboi jong aphat nei kom2 le Lhingboi kom a chun aga khulai leng ji in ahi. Ahin alungsunga Themcy alunggim pi ji daan asei ji ahe poi. Mangboi le Lhingboi jong loicha phatah ahung soh lhon in akingai lheh lhon in ahi. Lha 3 ahung lhing tan Mangboi jong inlanga kile ding in ahung um tan ahi. Lhingboi toh chomkhat aki vop lhon chu nop asan adalhah ding agelle alung jong ahel ngap e.
Ama sang a Lhingboi lunghel a Mangboi angai joh in ahi. Mangboi jong inlang a akile in, ajing in Themcy koma ache in ahileh ginchat umlou tah in Themcy aji ten a engbol val jej un ahungkile chu aga hedoh in apo na lheh jenge. Ema bolthei la anei pon ahinkho maan chu ave ngam pon. Hichen a achungthu aum tah jeh in mangboi in jong alungsed lheh vang chun alungsedna thimthu kamchangkhat jong anasei peh tapoi, lunguh in vang ama mil ni anaum tapon, genthei tah in Themcy pul chu ana dou tan ahi. Phat le ni ahung chal jing to lhon in Mangboi in jong Themcy mil na ding lung ahin ngaoto pan tan,, hitichun olol in ahin mil pat na ding in Lhingboi chutoh ahung kihou2 ji lhon in ahileh ahung kingai doh kha lhon tai. Aphat nei kom le aga khulai lengji in. Khutia akihoulim jing lai hon in alungel lhon jong akihetpeh to lhoon in ahi. Lhingboi in jong Xll achai jou teng B.Sc Nueshing bol a Staff Nurse khat hiding hi atup pen khat chu ahi. Mangboi in jong akipapi lheh jeng in ahi. Lungtup molso tei ding chan gei jong ana sei kha lhon tai. Mangboi in jong adai ji in Nurse khat toh kichen di chu katha anom in kaji nahung hi ding chu kangah lel valle ati ji. Mangboi in jong anun lui ho cheng baan na dia adei daan alungsed daan ho asei ji in ahi. Amani kingaina chu malai ipiu ipu Khupting le Ngambom abang jeng lhon e..
Nikhat Lhingboi jong ha tah in ahung dammo in JN hospital, Porampat Imphal ahlut tao ve. mangboi in jong ahet phat in Suun le jaan in achenpi tho jeng tan ahi. Ahinla bolthei dang ima la hepon, alhem ji in alung monnna ding tampi asei ji in ahi. Alungsed angai daan ho asei ji in. Ahung dam doh a nomma kipah tah a lungtup amolso lhon ding thu asei peh in alha mon ji in ahi. Ahin vangset um tah in dam doh jou talou Lhingboi in lungtup molso maan talou in Mangboi chu ana dalha kha tan ahi. Mangboi in jong kilomo asa vallin alungsed pen angai pen lungtup molso pi dia adeilhen Lhingboi in adalha saan jeng hi apona vallin chomkhat chu angol doh leuvin ahi. Mangboi —– Lhingboi hungthou vo, idia hitia hi naum ham lungtup molsopi dia neinatep na kana le lhiso na a nei le joh hitam? Mellin nalom poi khulsin nachan hi. Nalhao lhan nom in chol dam mai jo… tin akap chim thei tapoi. Amit a mitlhi ahul maan tapon, sun le jaan in ann ne lou twi don louin aum tai.
Kinle dong kichai to lhon in Mangboi jong inlama ahung kile tai. Alekha sim ahin jom kit in damsellin Graduate chu achai tan ahi.
Hiti chu Mangboi in jong puldou pum in natoh na neo cha2 a na atong jin, anaote lekhasim na a support in ahi. Abang kom le jugali naa atong ji in ahi. Mangboi in Pinky, Kimrose, Diana, Themcy, chuleh Lhingboi toh ana kivop khom ji lai nikhou agel doh in Lhingboi chu angai deh set in ahi.
Aban jinglang le ana sin kit tao te….
