By: Naosen Pa
Based on true life Story
PART — ll
COLLEGE HINNKHO:
Mangboi jong exam a ahung lolhing tan, aloi ho a classmate ho jong ahung lolhing gam taovin ahi. Midaang ding chu kipanaa hijong le mangboi ding a vang kipana chu achamkim jou poi. Ajeh chu insung hahsa te ahi jeh uchun mabaan a a themjil na di angaito le alunggel akichol do kha poi. Jingkah/nilhah in chapang neo ho Tuition abol in sun le Guun vadung a atha in ajo kham2 in suong akhen ji in ahi. Phat chomkhat jou vin Mangboi jong Class XI a ding in Damdei Christian College ajoun tai.
Nikhat hi Mangboi class ajao pet in Nungah khat ahung vai gei in ama ding a first day chu anahi daan ahi.
Nungahnu: May I come In ma’am?
Maa’am: Yes, please come in.
Nungahnu jong tou na ding ahol in ahung phei in Mangboi in jong “Haloo pliz come this way, here is a seat” atin akom a nungah phabep touna chu a oon jeh chun hilai chu ako peh in ahi. Chu phat in Madam nu in naming ipi ham na roll number hin hol inge atin amin adon le, aman jong ” Maa’am My name is PINKY” anti chu Mangboi in jong aja maan pon kaose kilhaso bang in ahung peng jah jeng in waaooo ahin tin, madam nun jong silence pliz anti. Mangboi in jong Pinky chu agah ven ahi leh mesiu vin jahcha thim tah a khun ahin ven akiheimang pai tai. Mangboi in jong ” Hi- sweet name” atin ahileh Pinky in jong Thank you ahin ti. Aki melmu to lhon chun jaat dang akihi sah to gel lhon in ahi.
Michula phung choum2 ahi lhon vang chun jaat le naam kibaang Anahi lhon ahung kihet doh lhon e. Hiti chun Mangboi le Pinky chu golcha in ahung kivop pan lhon tai. Mangboi in jong agoulpa Seilen kom a chun loi thah anei chu asei peh le Seilen chun Pinky chu amu2 in Mangboi lungel toh kitoh lou ana gel dan hile akilomee. Mangboi in vaang PURE Frendship a akivoppi ahi. Ahin Seilen in vang ki um sot le Mangboi in hel get in te-kichang taponte atin ama ding in ana kihei doh maan tai. Mangboi in jong ahai pon hijong le khoh asa poi. Gollhang khat hinan vang nopmo asa thouve. Mangboi hin loi le goulla kivoppi a aban chu time2 carry hitante ati ahi. Mangboi hin high school asimlai a nitin kimanchah chu adalha deh pon ahi. College kai ahi jeng vang chun anu in niseh le sum cheng li (2 rupees coins) ana pe ji e. College chelang le Bus bahara cheng ni, ahung kile lang le cheng ni ape ji e. Gollhang ahi jeng vang chun Mangboi hin Purse/wallet apo Ngai poi, akipoh pen chu a college toka sakhao va chandi ni chu ahi jeng e. Loi le goul te hon canteen a neh ding don ding atiu jong le Mangboi chu apang jou ji poi. Ajeh chu sum apoh lou jeh a chu kiphalam a jahcha ji ahi. Ahin loi le goul ho apha thei vin bill chu aloi hon atamjo in apeh tha jiu ve.
Suty nikhat hi Mangboi jong bazaar lang a mecho ding in aga vah le in ahi leh Nungah melhoi tah khat jong mecho in ahung in, mejoh na maai achun aga dingkhom lhon tai:
Mangboi: Hi, ipi me choh d nati ta?
Nungah nu: (mee hiu2 vin) Choh d jong kahe hih e. Ineh Ngai Ngai… me dang la um lou va
Mangboi: Ahi e bah. Hoi a naum ong nang?
Nungahnu: Khongsai Venga in bahara a kaum chu o kanao toh
Mangboi: Ooo… ijat nasim tam. Nom nom a hinam?
Nungahnu: Tua hi Class lX kasim e. Evening star school a.
Mangboi: Nom nom a hinam?
Nungahnu: umm. nop ti di ma ahi.
Mangboi in jong “Lekha ha simmo” ati toh lhon in Mee chu adei cheh lhon akichoh lhon in akikhen lhon tai. Mangboi hin khopi hitebep a chun loi tampi nei jong le Best Frend a anei pen khat sheh bou ahin. Ama chu mix cha ahin Khongsai veng a chu cheng ahi. Amin Premjit akiti. Premjit to hin nungahnu hi ana kihe masa lhon daan chu ahi tai. Mangboi jong khat vei aloi pa Premjit komma agakhulai leng in ahile aloipa chu aki pah lheh jengin ahi. Premjit in jong “Bhai hungo loite in khat a gache hite ” atin Mangboi in jong “akhoh hih e che thei ahi ” atin ahung kipat doh lhon tai. Mangboi in jong aloipa nung ajui in ahileh in khat a hin ajui lut in. Premjit in jong “Thong hang biyu” atia kot akiu le kot chu ahung kihong in, “Hunglut lhon o” ahung kiti’in, Mangboi in jong avet le nikhat nia meecho na a akimuto pi nungahnu ahi chu ahe tai. Nungahnu’n jong ahe tai. Mangboi jong jahcha thim hiuhiu vin aloipa toh insung a chun alut lhon tai. Nungahnu in jong “Premjit ipi ti tale nati hita”.Premjit in jong- ee, moh a kaloipa toh kahung mai2 atin. Nungahnu jah a chun Mangboi chu introduce an bol in. Mangboi kom a jong chun Nungah nu chu introduce ahin bol in ” Bhai ama min KIMROSE ahi e ahinti… . Mangboi in jong ooo atin, thu dang2 in akihoulim uve. Chomkhat atou jou lhon in Mangboi teni jong ahung pot doh lhon tai.
Mangboi toh Premjit kivop thei daan hi nupa abang jeng e. Premjit jong gollhang chapang sei ngaitah ahi. Nikhat, Premjit in letter khat ajih in, First letter hile aki lome. Ajih jou vin aloipa Mangboi komma ache in Bhai nungah khat kadei in kalungset in kasei ngam poi nei kithopin atin Mangboi in jong “ipi khoh di ham kei kaum hila- ken naki thopi nange” atin, Premjit in jong Mangboi chu nungahnu te inlamma apui tai. mangboi in jong “Bhai koi nungah hija ong” ati leh Premjit in jong “Kei ho venga um nu Kimrose” ahin ti in, Mangboi in jong “ohh, khoh lou chu” atin ahung kihou lim phei lhon le Kimrosed te in chu ahung lhung lhon tai. Chuphat chun Premjit in Jong Mangboi jah a “hiche letter hi nei gapeh pih o. Ken inlama nana ngah nange” atin Mangboi in jong letter chu achoi in Kimrose kom ajon tai. Premjit chu a inlam uva ana che ahi tai. Mangboi in jong kimrose te kot chu aga kiu vin “Kim” agah ti le kot ahung kihong in “aaa kilomo sah a kiphatlam jong aume- hung lut o” ahung kiti in, Mangboi jong alut tai. Mangboi in jong “Kim kaloi te khat in chi hi in choi sah chu o” ati letter chu ape tai.
Kimrose in letter asim sung chun Mangboi jong chair chunga chun atou vin a letter sim chai chu angah tai. Kimrose in letter asim chai chun alung hang in “ipi nei nuoise na a hitia hi naum ham” atin Mangboi chu akinahpi tai, alangkhat a Mangboi in ima ahepha pon. Alung hang pon alungdong tho e. Hichun Mangboi in jong “Kim nakilom o e, ipi lom2 mah di um ham, kei jong katha nom lheh nahi sah ham” ati in letter chu ala in agag vet le anuoi lanh a chun- Nalungsed jing keima- Mangboi” tia kisun amu chun aking dot jeng e. Mangboi jong agana gang in Premjit komma ache tai. Aga lhun le Premjit chu thil suoh um daan ding chu agelle anui ja vallin, taang thei lou khop in ana nui e. Kimrose in ahouset a ajachat toh aloipan ana nuisat bep kit nalai agelle Mangboi chu alungnomo lheh e. Kimrose toh kiki he pan2 a tua kihiti bep atin amaisuo chu ajat chom tan ahi. Premjit in jong “Bhai nop mo sa hih in kan dai nahi bou ve, ken sei toh nang e” atin ahung kilhong phei lhon tai. Ahin Kimrose in ani lhon chun ana lut sah poi. Nop mo tah in Amani jong ahung kile lhon in akikhen lhon tai.
Mangboi in jong nopmo asan genthei te leng channa jaan chol dam na jeng jong nopna aum tapoi. Ahin aloipa toh Amani kikah chun ima aboi asuo doh deh poi. Premjit jong Kimrose komma aki nung thah tapoi. Ahin Mangboi in vang Kimrose chu jol lung dam tei di agoi. Ajeh chu mi ama chunga alung nopmo di chu agel le phamo asah ahi. Ajing in nilhah lam in Mangboi jong Kimrose kom a achen, Letter chu kaloi pa jih ahi ati le aloipa amuda di, kei jih ahi ati le ama amuda di ahi jeh chun asei ji jong ahe thei ta poi. Kimrose lungel ding daan le ahinkho man ding chu agelle apo na in ale lungsed doh lo tai. Mangboi jong Kimrose te in alhung tan, ahin nidaang a bang chun Kimrose in ahou pi tapoi. Mangboi in jong “Kim, nikhat nia chu nalung hang nalai em? Lunghang hih o kan dai khel joh hitante, nei ngaidam o” atin Kimrose in ann ahoun sung a chun a notebook alan KIMROSE tin ajih in, Kimrose in jong mi kiphalam tah a umma atin ahoupi tai. Aki hou na lhonna a Mangboi in Kimrose hi Jiribam langho ahi ahin he chen tai.
First love
Phat ahung chal2 in ahileh het man lou kah in Mangboi toh Kimrose chu goulcha kingai tah ahung soh doh hon tai. Phat chomkhat jouvin, Kimrose jong Keithelmanbi langa ani te koma um ding in ahin kou taove. Kimrose jong keithelmanbi lang a kon chun Bus a akilethon school akai tai. Kimrose hung tou na bus a chun ahung kum lhah le Mangboi akal pai in a college ajoun ji in, Mangboi hung touna bus a chun Kimrose ahung kal doh kit ji in Amani chu hiti chun akingah to ji lhone. Mangboi lenna Damdei college a college lanu tamlheh jong le a selunglai nem ding Kimrose tai lou lanu daang ana um tapoi. Loi le lou daang tam jong le alungsed vang Kimrose bou chu ana hi tan ahi. Kum jong lhung pai di la ahi tan Mangboi in la alungsed na thimthu kamcheng khat jong alha deh pon, ahin Kimrose in Mangboi umchan chu lungsed mitvet in amu soh kei in ahi.
Alangkhat a Mangboi in alungsed nathimthu seiding chu hahsa asai, ajeh chu injo le alekhasim kisuboi khadem ati ahi. Ahin alungsunga Kimrose alungsed na chu gammei kaa bang a phel mit joi hoi ahi tah lou jeh in alungsed na chu sei tei ding agong tai. Phat angah in nikhat hi Mangboi jong aga laileng in Kimrose koma jahcha le kisuong lel pum in alungsed na thu chu asei jeng tan ahi leh Kimrose in jong anop peh tai. Hichi nia pat chun goulcha hita lou vin dongma cha joh in hinkho chu ahin mang pan lhon tai. Alekha sim na lampang vang lekhasim ngailutah ahi lhon jeh in ima aboi deh poi. Kum le lha ahung lhung in Kimrose jong Final exam achai in a kho lang uva akile tai. Ahin Mangboi vang College session ahi nalai jeh chun college ache jom jing nalai e.
Diana toh ahung kihet
Mangboi hi mipha tah ahi jeh chu aloi hon jong angai thei vin, nikhat college akai lou nikhat a hin vai geitah in meilhei nungah hoitah khat ahung kaithah in ahi. Mangboi loi ho toh chun ana kivop in, tuni Mangboi hung kai lou chu anom molheh e atiu vin ahi. Ajing in Mangboi college a hung phat in aloi hon analamto uvin ahi. Aloi ho laha chu meilhei nungah nu jong chu ana um in ahi. Aloi ho lah a numei khat chun ahin hou vin:
Bembem: Mangboi nang ngarang kai tou ba? College lak tre kai dou rege nangbu?
Mangboi: Ei isa ngamde, hujik ti phare
Bembem: ooo nungai te ne. TU jengoi eikhoi marup, ngarang do magi ahanba ne. maming na Diana.
Mangboi: Ooo. Hi Diana, ei Mangboi ne..
Chujou vin class ajoun taove. Hitia ahung kivop peh vin ahileh Mangboi toh Diana chu golcha kingai tah ahung hi hon tai. Aloi daang ho vet ding chun dongmacha akingai abang jeng lhon tai. Alangkhat a Mangboi in Kimrose toh akingai na chu ahaimil deh poi. Kitah tah in hinkho amang thouve. Ahin agel khel loi jjong aumda poi. Nikhat hi Diana in Mangboi komma na in u kahet nome khat vei nei pui in ati tai. Ahhin Mangboi la jahchat toh kiphatlam nan adim jeng in ahi. Ajeh chu Diana te inchen lou chen chule hindaan kibang lou ahi jeh ahi. Chule Mangboi in jong kingai pi Alungsed pen Kimrose in hin he le agel khel tei ding chu nom lou ahi. Ahin Diana in achuti sei phat chun nikhat aloi dang (akho ho) jao nan Diana chu apuui tai.
Diana in jong Mangboi te in ahet phat chun nikhat College timing a Diana chu Mangboi te innna chun ahung tai. Mangboi in jong Gari gin ajah phat chun ahung doh in ahileh Diana chu ana hi tai.
Mangboi: aiyaa Diana itha thaja dana…
Diana: (mee siu vin) kamai touge, college lak roi dra?
Mangboi: Ouu, nungai hai tare. College lakani. Semsarabane. Chang u imung da.
Diana: Adoo chak ti ,,, charabra.
Mangboi: Cha dreda. Nang di?
Diana: Ei su cha dri. Chamin nase ne.
Mangboi: Mi macha di phagi touba yam haiye koo
Diana: Phagi natee. Asengbane.
Mangboi kigot kah in Diana chu Kitchen a alut in bu le mee chu an thuh in ready in ana um tai. Mangboi in ipi me aki hou u jong ahet lou lai ahi. Hichi nia chu anu in ann ahoun jeh ahi. Avet le mepoh (chagem) ahin ajachat na chu aki bee cheh2 joi. Ahin Diana in vang lunga ima gel lou vin icham chamba atiu khu ahi jeng e. Ann ane jou lhon in Diana in kong le bel asop joutai. College chephat alhin tah toh kilhon in, Mangboi le Diana chu ahung pot lhon in ahileh:
Diana: Dada nang thou vo.
Mangboi: (Jahcha le kisuong lel thim in) Eidi gari macha thouba haite, kamai touse haibano
Diana: Kaisuh kaide, ein tambige,
Diana chu Mangboi chu Activa tol ji ahil in chuphat in “pakhat kanu karisu touroi thou ro thenge chatse” atin ahi. Chuphat in Mangboin jong gari START ahin bol toh lhon in Diana jong atou doh in ahung lhai phei lhon tai.
Mangboi jong kilometre 6 vel a um college chen tol di chu agel le akisonglel thim e ajeh chu ama a ding a first time ahi toh, mi gari ahi toh, nungah khat ma apo toh chujong le hichi phat tah a chu Truck tampi Assam jon ding ho kijot ji lai tah ahi jeh jong ahi. Neocha khat asuhkhel le ahinkho lhon boi jeng ding thei ahi jeh chun Mangboi in jong phaten gari chu atoll in, Diana in ahin koi pai ngal kit in ahi. Motbung aphah lhon in chomkhat kinga hite tin Diana in asei jeh chun Mangboi in jong side abol in dukan mai khat a akinga lhon in, juice adon lhon in ahi. Chu jou in ahung lhai phei kit lhon tai. College mai alhun lhon in mi jousen mitlha lou vin Amani chu avetaovin ahi. Miho chu kidaang jong asaovin ahi. Ajeh chu kilommo val asah u ahi- Meilhei nungah haosa tah le melhoi tah khat ei thinglhang mi khat toh hitia aki vop lhon chu pah jong apah chao vin athangse thei lheh uve. Mangboi jong Diana toh college alut lhon in class ajao lhon tai.
Chutia ahung kivop jing lhon phat chun Diana chun Mangboi chu alungsed lheh in angai doh tan ahi. Ahin alangkhat a Mangboi in vang alungsed Kimrose vang nidaan khat jeng jong ahai mil deh poi. Miho het ding in akingai daan in aum lhon tai. Ahin dongmacha kingai vang khu ana hi lou daan ahi. Alangkhat a Diana in Mangboi alungsed na chu kama sei lou vin jong um chan a chun hetthei jeng ahi, Mangboi ding in jong ahah thou ve. Ajehchu Diana chun Mangboi chu second khat jeng jong lhakaang lou va akivopi jeh chun manchep thinlhah lel kheh abang jeng e. Mangboi in jong Diana in chubang a angai jeh chun daalbol ding chu nopmo asa kit e. Abangle angaipen Kimrose in hin le le iti ahilchen tadem ti ho agel le alungboi thouve. Ajehchu Kimrose in hin hedoh le miphamo-mikitahlou mit a ahin mu khah ding chu anom poi. Alangkhat a Diana in a inko teu komma Mangboi thu chu asei peh in, Mangboi phat daan ho, akivop thei daan ho chu asei le a inko teen Mangboi chu amu nom uvin a in uva hung ding in jong atem2 jeng uve. Mangboi la ajachat toh akiphatlam ji in anom ji poi.
Kum jong alhung lhung in Christmas lai ahung lhung tai. Christmas lai ahi jeng vang in Mangboi jong guun vadung a gari khat tou vin asuong khet sa ho hung kichoh go le boi inte atin vadung lang a ache doh kah in meilhei gollhang ni bike a ahung uvin Mangboi chu ahung hol uve. Mangboi naonu Cycy in jong a upa chu agakou vin “he u naloi hon nahung hol uve- meilhei pasal ni in ” atin ahi. Mangboi jong alungdong lheh in hitia meilhei eihung hol thei di chu koi ahi ta de ong atin, alangkhat a pah jong akipah e. In ahung lhun in:
Gollhang: Dada Mangboi natara?
Mangboi Ouu, mannne. Ei ne.
Gollhang: Ei eikhoi iche Diana gi manaopa, mana eigi marup ati aloipa chu athame.
Mangboi: ooo. itha thajadana. Yaam nungai e. Anway Happy Christmas ( chibai abol lhonne)
Gollhang teni: Happy Christmas da Mangboi.
Mangboi: Se imung changse,
Insunga alut taove. Mangboi in jong gollhang teni chu intropduce abol in gollhang teni jah a jong a insung mite chu introduce abolle. Gollhang tenin jong Mangboi chu Parcel hoitah khat achunga “Happy Christmas” tia kijih khat ape lhonnin. Echena tharak pani, atin Mangboi chu ape lhon tai. Mangboi in jong parcel chu alham in ahileh Christmas cake ahin- Cake chu akihom un ane vin ahi. Nilhah in Mangboi in jong gollhang teni chu lengkhom a apui in la asavin alam uvin ahi. Mi chujat alam vang chun Mangho party laam chu alamdang deh set e. Ajingkho ahung vah tan. Mangboi in jong jinh ann neh jou vin sight seeing a gollhang teni chu apuui le in akihoulim2 un ahi. Gollhang tenin Diana in Nahung kile lang leu Mangboi jong nan pui tei2 lhon di ahi ati jeh chun Mangboi jong hichen gama Diana in anaote ahin solla Christmas gift jong hin pe a tua athusei gah da di jong chu agelle phamo asa kit e. Ama jong aki gong in ache taove. Diana te in alhun un gollhang teni chu “Eche eikhoi la e” ati lhon in apot pai lhon tai.
Diana jong ahungpot in Mangboi agah mu chu akipah lheh jeng e. “Dada chang o” atin Mangboi chu ahung pui lut in cha adonlhon in akihoulim lhon in ahi. Diana te in chu in suong daan ni ahin car ni, bike khat le active khat anei ve. Anule apa chu meeting khat a ache pet lhon ahin nilhah pung 5 a hung kile lhon ding ahi. Mangboi chun amit tah a Diana te inchen louchen le akhosah daan ho agamu chu akiphalam lheh jeng in adip in “Tangkun-tangkun” ati jeng e. Diana in ” Nayum mak oina khallo” Mangboi in TV avet a atou jing lai in Diana in ann ahoun in abol jou soh in akisil in Mangboi toh atoukhom in akihoulim lhon na a, Diana in alungsed na chu asei tan ahi le Mangboi in jong donbut ji helou khop a aum lai Diana Nule Pa ahung lhung chet lhonne. Chuphat chun Diana nu chun ”Mangboi natra?” ahin tin chibai abol lhonin ahileh Mangboi in jong “Hooi ema ei esha mak ne” ati e. ”Hehe nungaina phammu ko eikhoi phi hundokke” atin a room lang u ajon lhon tai. Chomkhat jouvin ahung doh lhonin akihou lim in ann neh phat ahi toh lhon in ann ane taove. Ann neh jou vin TV vet togom in akihoulim in Diana nu chu Mangboi chu lasempan 6th pay commission ti laa daan a khun Mangboi te insung/inchen daan ho ahin dong pan tai. Achai na a adoh penn chu:
Diana Nu: Yengoi Mangboi eikhoi Diana ga mari leina bra?
Mangboi: Aaaa… Ema eikhoi di sum icham2 na loi najabani… haibadi Diana se eigi best friend ne. College kamin naba- class/section manabani.
Diana Nu: Ouu… yam nungai e. Adoo phajana loina biyu ko.
Mangboi: auu ema..
Diana nu hi Imphal secretrait a natong ahin apa hi Board of Secondary Education, Manipur a Secretary ahi. Ani lhonna Officer ahi. Miching tah ahi lhon in thu ima tampi aha sei poi. Jaan jong asot tan emu ding kakisa taove. Mangboi chu lupna asempeh nao chu ajon in akichol tai. Ajingnikho’n ann neh jou vin Mangboi jong in lamma hung kile ding ahi tah toh kilhon in Diana nule pan availhah lhon in ama jong in lang a ahung kile tai.
Mangboi in jong anu jah a “Hoinu- keila Kimrose tailou nungah daang him mong2 kagel thei pon, Diana in la eilha jou pon ikalo di tam ati leh”, Anu in jong ”Boi akingai jouse akicheng deh poi. Chuleh Diana te toh ihin daan – inchen daan u-ann neh twidon- hou;le bih jong ki toh lou va. Nang thu2 ahi jeng e” ati ahi. Mangboi in jong Diana toh kilha kaang ding agel pum in Diana jah a chun asei tai Loi le goul hinan kangai mo kalungsed mo poi ahin dongmacha kingaina pa vang hi ahah sai. Hiti hin um jeng hite chi joh hi anom joi ati leh Diana chun asang thei him2 poi. Mangboi in jong adongma nei daan ho asei peh tan ahileh, Diana jong alung nomo lheh jeng e. Ahin akivop na lhon chu ima aboi deh poi. Phat le nikho ahung chal2 in nikhat hi Mangboi in jong ka in a hung in eini kah hi suhtheng hite injo le khonung le vangphat na inei lhon na ding in atin Diana chu atem tai. Diana jong aki go in Sunday nikhat hi Mangboi te inn a chun ahung tai. Mangboi nu in jong Khamtang ni (amale anu ding) + Saipikhup pon (apa ding) apen avai lhah tai. Diana in jong sanakhi ( gold necklace) khat ape tai. Ahin la akivop lhon Ngai bang chun akivop lhon jing nalai e. Dongmacha hilou va loi le goul joh in kilungse/kingailu tah in aki vop lhon tai.
Aban jing le ana sim kit taote….
