Home Ginneo Apute Tupa KHALTUI BANGBEP HITAM?EKI LUNGSET NA HI! PART 6

KHALTUI BANGBEP HITAM?EKI LUNGSET NA HI! PART 6

275
0
thusimbu lim
thusimbu lim

~Ginneo Apute Tupa

Somasa banjom……
Babie:” Ginneo nao neiki musah o. Gam lah ka chang aka um hi kaki cha e, kahoupinom in namel jong kamunom e.melmu lou na asot in kahin munom val e,Hung doh o Ginneo. Ka Chang in gamlah ka um ngam poi. Hinlah thipbeh in kaki sel dan in,ka pao doh ta pon ahi.Chechu thu asei chun ka lungset dehset in ahi. Ka lung thim ah kei leh kei them mo kaki chan in ahi. numei hichan hi gamlah hung doh hi tin ka lungset na asng in ahi.Numei lunglhom,lungneo ahijeh chun thingnaho leh songho avet vet leh mihem tabang ahin mu tan ahi. Gamlah thing um dan ho khu ivet vet leh akilopi um ji ahiye. Chun kana O chang in hitin ahin sei e. Babie:” Ginneo *LUNGSET NA KHAL TUI BANG A NANGA JING CHU LUNGSUNG DIM SET IN KAHIN CHOI PEH E*. Hung in lang hung don o. Chuti leh na dang chah naleh nalungthim nat naho bei tan te. Ginneo mitabang kamu e. Kaki cha e hung doh gang o. Numei kachang a kaum hi neivet jou mong² hinam? Tin akap dan tan ahi😫😫.
Aka phat in kave joupon ahi.

Chuphat chun keijong kaum nakon kahung pot doh in kamissnu kom kache kahoupi tai. Ginneo:” miss kap hih o,keijih jum leja na thot in,k iChat tijat natoh in nalung genthei val taiye. Ahin kalungset na dih tah kahet sah nom jeh a kahung vil ji ahiye. Tun Ka lungset dan leh ka ngaidan nahethem tai. Kakipah e. Tu a pat jum leja thoh tapon Nate, inn ah nahung thah in katin kei camp ah kile tan nge”.
Babie:” In a i-che leh i-che khom ding. Camp a i-che leh i-che khom ding ahiye.Masang in tot nan kana gel in Tun, nagenthei dan leh nei lungset naho kamu chen tai. Tun kachang a inlam kile ding nei sol hih o. Nang jong hung o. Khosung veng sung anom jou tapoiye.”
Ginneo:” Nom deh tala, najumso ding la um lou,khosung mikhujat khu um khume.
Babie:” Hung o, Ginneo Che tai te. Inlam Jon tai te”.
Chun in inn lam ama thah aban leh kei kile ding tin inlam a, ka hung lhon tai. A inn leitol kahin pha lhon tai. Kenjong:” Babie, insung ah lut tan,keikile tan nge. kei hilaiyah um sot thei pon nge. Camp lang che lou thei kahi poi. A umsot thei jong kahi tapoi e”. kathu sei laitah chun kamissnu vin det det ngailou in eihin koi in akap lha jing tan ahi😪. Babie:” Ginneo, ki chat tijat na Ima, gel lou agammang lah gei a kahin juilut nahi lou ham?. Ibol a tu a nei dalhah got nah lai ham?? Naki oi mong hi Nam?Na che leh kei jong ka hung ding ahiye. Lungset na tui kahin choi chu I-dia ki dumosah nahi ham o. Kalungset na kan peh phat a iding a nei eng bol got ham?”.
Ginneo:” Ka dalhah got nahi poi. Ka tahsan Na dalha jong leng kalungset nan na um pi jing ding ahiye.Lungset tui nahinchoi hi ka dangnou namei mei hi pon, ka lungthim gei in kipana kanei e. Ken lungset kapeh maset nahiye ka lungset na neisan pih ding bou Kanga ahiye.”
Babie:” Nei lungset na chu ka sang peh tai. Ka sugenthei naho hi lungset in nei ngaidam o. Tu a kon in nang a kahi tai lungset in nei dalhah ta hih o.”
Ginneo:” Umm nadlhah tapon nge, ka hin lungset na hi kahin na haihu veikah a,ka tudit jing ding ahiye.”
Babie:” Ginneo school thah kaikom tang o. Jing leh nanu napa kom a i-che ding, Nang lekha phaten hin sim tang o. Mi khat nahung hiteng Iki chen d cu o”.
Ginneo:” Ash!… In kache ngam poi, kanu leh kapa kamu ngam poiye”.
Babie:” kei toh i-che ding phatah kasei pih ding nahiye. Ki chat tijat nading um poiye.” Ati. Chuphat chun keijong kanom tan ahi,kho avah ding phat in mut na kajon lhon tan ahi. A chom a mutding kati leh anom pon,chun ama room ah imutsah tan ahi. Ama lunggel a chu achom ah muleh jam mang ding a igel jih ahiye.

Ajing jinkah in,ka innlam chu kajon lhon tan ahi. In kagalmu chun Kanu leh kapa jong Kamu Pai in ahi.kanun pahcha tui ana chap in,kapan news paper ana sim e. In ka lhun chu Kanu chu kakou tan ahi. Ginneo:” Henu …. Henu nachapa ka hung ta e”.
Kanu:” kapa akou in,( nangpa) icha pa lhon in ahung kile taiye. Kanu ahung lhei in eihin koiye. Kapa jong ahung in eihin koi in ahi. Kabon chavin kipana mitlhi tui chu along in ahi. Hinlah kamissnu jong gate polang ah akisel in keiho um chan ven anakap ae. kapa:” Boi, koi toh nahung ham?”
Ginneo:” Hepa, kamiss nu eihung pui ahiye.” Tin kaki hei leh kamu pon ahi.
Kapa:” Tu a Amala, Hoi a um Tam?”.
Ginneo:” Aaa …. Tin gatelang kagavet leh gate pang ah anakap ae. Jacha tah in ana um in ahi.”
Kapa:” Chanu jahcha hih in, napa keiman kabol khel tai. Kaki kipah e kachapa damsel a nei hin puilut pih jeh in”.
Kanu:” Boinu, kakipah val e. Kacha pa vahmang sa, ahinkho kitupsel a inlam nahin lepuijeh in ati. Kipa thu asei e.
Chun kanun thu eihin dong kit e. Kanu:” Boi, hoilai a kisel nahi mong mong ham?”.
Ginneo:” Henu, kitha ding lunggel nei a,gamsabang ka va mang hin, mihem Mel aimu a eingailujing kapun eihin vet kol a, ama a kon a sohcha kahi bou ve.”
KANU:” Ama Hoi a um Tam?? Tun ama kom ah che uhitin, kipa thusei leh kouna ganei uhitin nilhah leh kipana maicham leh kisuhkhom na ang Kong sem u hitin,an nehkhom Na nei ute atin ahi”. Kanu leh kapa kigot kah in kamissnu thu ei dong in ahi. Babie:” Ginneo camp nati chu hoilai ham?”.
Ginneo:” tu a i-che Na diu tehsepu kom khu ahiye..”. Kàmoh nui lhon e.

Chun kabon chavin car ah kache tavin ahi. Tehsepu in kalhun chu kapu in eimu chu akipah val in ahi. Tehsepu:” Tupa Nanu Napa ham chihi”.
Ginneo:” Ummm nge hepu.”
Tehsepu:” Numei nu hi koi ham?”.
Ginneo:” Isei sei lhon nu cu ahiye.
Tehsepu:” Umm apha e, nao Nang jeh a katu pa genthei ,a thoh in tu kipah tah in a-um tan. Keijong kakipah e. Ti salam a bol in ahi.”
Kapa:” Hepa kakipah e. Natupa vahmang Nang nei na sin pih jih in Kakipah in ahi. Tuni lhah kipa na maicham sem toh,bu neh khom nei u te, Tia nang jong kahung kou u nahiye.”
Tehsepu:” Umm achuty leh hung nan nge ati.” Ahung ki gong in keiho in lam Chu kahin jon tavin ahi. Nilhah in bukahin kihoumin vin ahi. Maicham ka hin sem uchun kapa houlimna ahin nei tan ahi. Kapa;” Babie leh hepa(tehsepu seina) Nang nijeh in kachapa toh kakimu to thei jeh nachung lhon ah kakipah e. Chuleh Ginneo, Nang jong jing leh school phaten kai in lang nalungtup namolso teng jinei ding lung nagel bep ding ahiye ati.” Chun ka babie kavet chun ajah chathim in, hiti a insungmi Kim amaicham kisem khom ta leh tin kagel in babie hi kaji ding a kana kipui hitaleh, Iti anom tadem tin gelman in ahi. Aban in taona kamang vin,c hujouvin an chu kane vin ahi. Chom khat ka tou khom vin, babie jong inlam ajon tan ahi. Ajing nikho ka themjil nalam kajon tan ahi. Lekha phaten kasim in kamissnu toh fone in kaki hou houjing lhon tan ahi. Nilhah khat hi lungtup molso ding thu kalal pan lhon tai. Ginneo:” Miss Itih leh lungtup I molso ding tam?”.
Babie:” Lungtup molso ding thu seinai hih in kei ding lung gel ahah e. Kei numei kum tam Jo kahi in,kichen ding jong ka ki cha e, ajeh chu cha khat chani kinei leh kiteh tading chuteng nang jidang nanei ding. Numei nei set khum bep ding chuteng kei leh kacha hoi a ka um ding Tam?? Ka cha chaga tin, kei meithai in um in tin, kanungsang te in lang ka jot kit thei lou ding. Ipi ka ti ding hi tam??”.
Ginneo:” miss itabang in teh vah jong leh chun kalungset na mang louding ahi. Han jong leh chun nungah/jidang na siden pon nge. Thina tei lou in meithai na so pon nge. Naki nepna bang a ka um sah ding minu pha Ka so ding nahiye. Itih leh lungtup i-molso lhon ding ham?”.
Babie:” Nang services nanei teng,insung mipa hijou tan nge nati phat leh i-ki chen lhon ding ahi.”
Ginneo:” Umm, ahi leh nei nangah jou nan katem?. Kakinep na hi thon in tem?”.
Babie:” Nang pasel napang dat a, Na thusei Na pom det leh numei kei pasel thu thu hi cula”.
Ginneo:” Cha ijat inei lhon ding ham?”.
Babie:” Pathen in i-peh jat jat nale”.
Ginneo:” umm,Kaki nepna mil hih o. Angdang a ji nanei leh chini chu kei ading a kaleihinkho beini ahi ti mil hih o”.
Babie:” ummmm.”
Hiti hin hinkhonop tah kamang lhon in, nikho leh phat Che lam kahe lhon pon ahi. Kaki lungset nalhon jong asang cheh cheh tan,hinkho man leh kinep na jong alen cheh cheh tan ahi.

Phat chom khat jou hin no kahat khah lou khat a ” *Ginneo miss babie chu ajinei tai ti ahung ki thot e*, chu pat tah chun ….. To be continue….
🌹🌹🌹🏵🏵🏵🌹🌹🌹🌹🌺🌺
* Angah jing a sim nom hojouse Chung ah kakipah e, chuleh Nang hojal a hi Chan ka jih doh ahiye. Kadam lou jeh taona nei hin gel doh vo. Doh nom sei nom nei hon PULDOU CITY doh thei ahiye. Kakipah e*.
[Image 644.jpg]

Previous articleKHALTUI BANGBEP HITAM??EKI LUNGSET NA HI! PART 5
Next articleKHALTUI BANGBEP HITAM? EKI LUNGSET NA HI! PART 7