Home Ginneo Apute Tupa KHALTUI BANGBEP HITAM? EKI LUNGSET NA HI!* PART 8

KHALTUI BANGBEP HITAM? EKI LUNGSET NA HI!* PART 8

238
0
thusimbu lim
thusimbu lim

~Ginneo Apute Tupa

Somasa banjom..
Nikhat hi Babie, bu ahon lai tah in a hung lhu in, Apat pat in hospitalπŸš‘πŸ₯ ka polut vin,doctor hon avevin chomkhat jou surprise eihin bolvin ahi. Kalung a dong tan kenjong doctor ka dong tai,Ginneo:” Doctor Ipi ti hinam kajinu cu?”.
Doctor:” Lunggim hih in,ima ati poi najinun nao avop tai”.
Ginneo:” ham, tq doctor.”
Doctor:” um ,ahin najinu lunggim sah hih in, ajeh chu najinu lungthim khu acha toh kikop ma ahi. Ama na lunggim sahsah jing leh nacha lungthim jong atoh khah ding ahiye. Kipa sah sahjing in, achuti leh najinu sung a naocha chu kipah jin ding ahi. A lungthim leh atahsa jong hoi ding ahi. Nupi nao avoplai ya athil bol acha jong a bol doh ji’e”.
Ginneo:” Umm nge doctor.”
Neilou genthei leh inchen sem thah aki hijeh in kipasah ding ka nom mama in hinlah alungthim akichol man poi. Chukitleh keijong chapang cha jinei kihijih in, jinei hah ding lam ka na het lou ahi. Jinei Ipi hi hah ding ham?Mini akihi leh neh leh chah akham kham kimu nan te tia ka na gel in,ka gelkhal lam peh in ana hah cheh in ahi. Insung mopohna na mipa chu Ipi bol ding ham? ti kana gel pon ahi. Chapang eihet kham kham bolvang in,insung a ding a abukim jou poi. Babie hi keisang a tah ahijeh aman bol in ati ti chu ka bol in. Chuleh keisang in jong lunggel a pilhing jon ahi. Mipa mopohna leh cha Chung a mopohna ipiham? Helou a,jinei kahijeh in ahah san ahi. Chu phat in kenjong company natoh na Munni ka join kop in,natoh chu akibejing in ahi. Chun Babie jong nao nei phat a lhing tan hospital ah kapui in ahi. Damsel in chapa khat kanei lhon tan,Cha kanei lhon vang in Kanu, kapa chuleh kajinu sopi te koima um pon,houjong kakihou kha po’ve. Naosen Melkamu chun kipana leh lhaset nan kadim e. Kalungthim in Boi, napi leh napun namel mu leh Iti akipah akipah tadem Na? A doltah chu hileh napi’n na dop masat pen ding chephat leh phatthei naboh ding hiya,hinlah napi leh napu um lou hi nang phathei naboh ding leiset ah um lou jong leh Van ah um nai. Nao kanei lhon tan, natoh vang chu kachang seh seh in katong in ahi. Ka chapa min chu MinJohn ka sah inahi. Chun genthei tah in kahung kimang cha lhon tan,Kachapa jong kum thum a lhing tan.keinijong school kasol pan lhon tan ahi . Kachapa school.che kah in kajinun sun kah na toh nading akihol in na atong in, kanupa lhon in na ka tong lhon in ahi. Sum leh pai ka khol lhon in,Phaisung a inn mun khat ka ki choh doh lhon tai. Inn mun khat kichodoh vang chun thilnop hipoi hi poi. Company na tong a nei leh gou kilam ahijeh buki ngol deh deh in ahi.Phai sung a inn mun ki choh doh lhon in hinlah invang kasa doh lhon nai pon ahi.

Nikhat hi ka chapa kum 5 lang lhing pan ahi’n nikhat eihou pi tai.
Minjohn:” hepa, kapi leh kapu Hoi a um ham?? Itidan a fone a jjong Kiki hou kha lou ham?Kaloite api leh Apute ahung pui jiuvin, kei Kanu bou in eihung pui ji’e. Kapi leh kapu kamu nom e”.
Ginneo:” Umm nikhat teng naki muto diu ahiye. Manipur a inn anga lhon a, eiho jong i-che diu ahi.” Kammit a kon mitlhi ahung long doh e, kachapa’n api amu nom thu kajah chun ka lungthim ana lha jing e, kum nga lang hita api leh atu kihou kha lou,kimuto kha lou tin kalungsung thih a kisun bung in,kamitlhi ka ki theh hul e, ka chapa kamusah pon ahi.
Minjohn:” Hepa, chirstmas teng kapu leh kapi kom ah che ute na?’ hepa, kapi call o kahoupi nom e, tin akap tai.
Ginneo:” um, chun kenjong kanu call in kachapa ka pe tai”.
Kanu:” Hello,.
Minjohn:” Hepi, pi na bol tam?
Kanu:” Ima, koi cha nahi ham??
Minjohn:” Hepi, Ginneo chakahiye… Hepi kanmu nom e”.
Kanu:”kanu amoh Ka den tai😫, Katupa boi namel kamukhah lou, Na o jong kijakha lou,tun kachapa golhang ding hitai. Nanu leh napa dam Nam?
Minjohn:” Hepi, Kanu leh kapa toh naki hou khah lou u ham?? Hepi kapu ka hou pi nom e, kapu um lou ham? Nei lungset lou ham? Phone jong nahin bol kha poiye.”
Kanu:” Boi, napu’n, Na atong e.Hinjo lang leh o, Boi school nakai Tam?katupa chu ka lungset ngei hih ding ham?”
Minjohn :” Umm ka Kai ta e, Hepi, kapun sum atam nei nam? Von leh thil ho kaki choh sahnom e”.
Kanu :” Umm anei e… Ni dang leh kihou kit tao te o.”
Minjohn:” Umm “. Atin line cut a cut tai. Chun ka babie jong luchang nat asei sei jing tan.Ki vet sah in ka ti leh anom kit poi, sum a um poi atiyin ahi. Phat a hung chal chal jing ahi leh anat na jong ahung chal in, ahung khoh se deu deu in naa tong thei lou in lupna,alup pi pan tan ahi. Babie chu mun tin gamtin kapui in hinlah a pha chom deh poi. Ama ahung dam mophat chu natohna ahina bang in kachal thei tapon ahi.Chun doctor khat in anatna a man doh in,anat na chu brain tumor ahi ati. Ka jinu vang kahetsah pon guhthim in ajen ding dan kalung boipi, kakapi yin ahi. Hichi nat na neiho adam doh um lou ahi.Doctor pan sum 10 lakhs hinchoi in lang deposit hung bol in,vang ve u te. Ahung phatdom leh kum 5 beh ahin jou khah lh ati. Chu ka jinun ka um Chan leh kamaiso akon alung dong in,ka lungkham leh kalunggim na ahin he thim thim tan in, nikhat in dong tai. Babie:” Ginneo Ipi na ti ham? Na namaiso lunggim Mel napo e, Tulah nalung gimgim jing e”.
Ginneo:” Ima lunggim na um poiye, mipa lunggim leh acha toh aji chung a lunggim hi lou ding ham?”.
Babie:” Ginneo, Ipi ti kadam mo ham? Doctor hon kanatna iseipih pon ngla nasei doh kit pon ipinatna ham?”
Ginneo:” nadam vah ding ta e, lungkham hih o. Chom khat jou leh nadam ding hitaiye. Ka mitlhi eidon but e.
Babie:” Ginneo adih tah neisei pih o ka het nom e. Nang kaji kisan in thutah neisei pih nom lou ham? Tin lhase tah in akap tai.
Ginneo:” nanat nahi brain tumour ahi’ye nao. Tun Doctor pan sum 10lakhs hinpo in vang ve Ute ati. Achuty jeh a sum hol a lunggim kahiye. ”
Babie :” Ginneo sum namu nam? Kiki Jan jong leh kum nga jou leh ki dam mo kit ding damna ding um poi. Dam theng na um pon te”.
Ginneo:” Umm pathen in aphat phat na hin gong nan te. Lungboi angai poiye kati.
Chun jan leh imu lou, sun jong leh natong lou in inn ah kaum ji,na ka tong theiji poi. Ajeh chu dam mo akinei jeh deibang kapot doh ji poi. Angchang leh mejong ho aki chai thuthu tan, angchang jong kichai tan ahi. Bu nelou a kaum najong ahung um in ahi. Neh leh chah ka don pon sum leh pai in kao boi in,sum jong 9 lakhs kamujou in ahi. Keini pacha genthei na chu kajinun a ve jouji pon ahi. Chun nilhah khat hi kakihoukit lhon tai.
Babie:” Ginneo genthei naki sah ji em?”.
Ginneo:” kagenthei poiye, katoh ding dol ahiye. Ki songlal hih in.”
Babie:” summ namu nam?”.
Ginneo:” umm Jing leh 1lakhs kalah ding lhing ding ahite”.
Babie:” u,kidam chom chom louding ahjeh in sum hol a ngai poi, sum chu nung lah in lang nang ni kimanchah nading ki koi lhon in. Tu a in nei lou a iva lele u ahin. Nangni bou nahi lhon ten innmun ah in salhon in lang noptah in um lhon in. Chuleh keimemoral ding inn mun joh doh lhon hih o Na a gel in jong hil gel da tang oa?”.
Ginneo:” nao,sum nung lah pon nge. Innmun jong joh pon nge. Nang nadam a ahi leh nei leh gou chu ilam doh kit ding ahiye. Kati.
Babie:” Ginneo, nei lungset mong mong em?”.
Ginneo:” Umm ,
Babie:” Thilni bou kasei ding nei lungset leh nei lungset loukavet ding ahiye. Kathi nung leh kan vet ding ahi. Ani a najo lou leh kalhase ding ahiye.”
Ginneo:” Umm nge”.
Babie:” 1 kachapa hi Kathi nung leh hin chagat sah hih in,achagat ki hetset na.orphan homes ah hin um sah hih in o.
2. Innmun jong hin joh doh hih in o.jidang nanei jong leh kilung toh tah ilamsa lhon in mun ah inn sa vin cheng vin Ong. Ati.
Ginneo:” Umm nge.
Ajing in sum kasoto in,sum kagala in doctor pa toh kaki muto inn sum ho ka thah lut tai. Doctor pan jong jing pung 9 leh operation bol ding in kaki hou lha lhon tai. Nni lhah lam in,inn kalhun in kajinun a chat thei lou a inn a ka dalhanun sa me ana hon in ahi. Bu leh me aminsa ana koi in ahi. Nilhah hin bu kahin neh diu phat in Aman taona man leh houlim na phat anei in ahi. Chun ahoulim na ah ” Tuni nikho hi eiho insung kikim nipen hung himei thei ahi, jing nikho leh Ipi ahungso akihe poi. Pathen in kimuto kit ding a iphtsah u leh i-ki muto diu ahi. Hin lah Ken vang katahsan jou poi. I-ham tia Ka um lou khah ahi leh minu hina kataona man achaina jong hi ding ahitai. Taona amang in, chai in bu kane in ahileh ama vang aguh in alhisoh soh jing in ahi. Bu kaneh lai tah vin babie thuchang ahin seiye” Tuni lhah Kakhut tah kahon bu le me tui hih jong leh haneh Na lhon o,kakhutsoh naneh nalhon achaina hiding ahitai. Haneh lhon in naneh khop set lhon ne lhon o”,ati. Kamit lhivang ei donbut but jing e. Bu kaneh chai uvin, kajan choldu na vah,eimu josang ka um lhon pon ahi. Kahah khovah lhon in khonung leh khoma thu chuleh Adam na ding thu kaki houlim lhon in ahi. Tot naho kasei lhon in,tahsa vang anuinan lungthim vang akipah thei tah tah poi.Chun ajing in amapui na ding texi kou in kache tan, Inn lam ka kile chun kagin chat loubeh in, Babie lou ana don in ana hiye. Chun angong Chang ka tham in ahaihu um nalai jeh hospital lam chu gang tah in kapolut vin ahi. Hospital kalhut vang vin adam doh jou deh poi. Doctor khat ahung in lekha khat eihung pe e,najinun akhut’a asip chah kheh ahiye ati. Chun Lekha Chu Kalan in kasim tai.”Ginneo, nei ngailut leh neilungset na kamu chin mama e,na Chung ah ka lung alhei mama jing e.hinlah kei naji kaum leh na natong thei pon,bune lou tui don man lou naum jing kave jou poi. Nagenthei na chu kei damna ding na ngaito’n,hinlah kei kadam jou lou dehΒ² lou ding,nang genthei leh gimna chu athon hi thou thou ding ahi. Sum 10lakhs jong cu kum 5 sung in kidip/kisa jou lou ding genthei tah hinkho iman diu, kum 5 jou leh Kathi thou thou ding ahi. Chichu sang Nang leh kachapa nop nasah lhon nading a,ken thina ka lhen joh ahi. Nei ngaidam lhon o”, tin akisun e. Kasim doh chun” *Boi, Iding akeini nop sah nading a nang thina nalhan joh ham? Genthei ni hihen nopsah Na hijong leh thoh khompi ding a kalhan nahi lou ham? Tahsa genthei jong leng somai kikim a, i-um leh genthei na um poiye nao,Na lunggel nagel Khel taiye. KHALTUI BANGBEP HITAM?EKI LUNGSET NA HI, KHAL TUIBANG ILONG KHOM NA ACHOM NGEI YE. HUNG THOU O,HUNG THOU O*,Tin kap kap jong leng nang vang navang lhatai. tahsa leh lhagao a kikhen pi ding nei tiham?.Tin nao bang kakap tai. Chun avui na ding mun kalung kham tan ahi. Inlang ho kaphone in hinlah koiman eidonbut poi. Kanu leh kapa kaphone jong leh a pick nom lhon po. Man khum man lou, inlut bolman lou a thina ato,ei dalhah ahiye. Alongchung ah kakap in hitin ka sei e,” Nao,leiset chung alen in hinlah singsungmite lunggel moljeh nang ding natonsot a,na long lupna ding mun um poi e. Lhase hih in Chun leh jo in jong lunggel kihei nikho hung um nan te kati.. chun kso ho pan lah najal in lhan ah ka koi doh ta’vin ahi.A lhan ah kakap in, Boi, Nanu napan,hoi Che ham kachanu hin ti leh Ipi kasei a, hoilam kavet ding hi tam o.

Phat leh nikho ahung chal in,puldou hinkho kamang in, kachapa toh kaki man chah nalhon ahah lheh tan ahi. Insung a minu um lou chu insung a thom hao e. Chun doctor pa kom a sum kasun chu neinung peh in katin ahiileh dining peh nom pon ahi. Sum bat a kalah Nate eihungsuh suh phat in inlang ka hung pot in, natoh nading sum pun munading kahin hol tan ahi. ka baki sah thei na ding chun Ka chang a um angaijin ahi. Chun kachang a um nading in kacha pacu orphans home ah koi ding anei nu toh kaki hou toh lhon in kapui tai. Orphan home kalhun chun kachapa:” Hepa Ipi ding a chaga um na neipui ham? Nang na um ding hi lou ham?”.
Ginneo:” Boi, nang um nading ahiye.Nanu dam mo najeh a sum kila ho,bat ho Ken sum kahol ding ahi. Che ho chu kan sah ding ka sah chaiphat leh kahung pui kit ding chu o”.
Kachapa:” Umm hepa, Nang Kanga nga jing ding chu o,kanu ana hing nalai leh chaga um naa ho a kium lou ding a, amitlhi aki theh in alut tai.ken jong kachapa um chan kave jou poi,kalung in,babie nei ngaidam o,kakitepna khat kamolso jou poi. Ani na khu kamolso got tei ahiye. Chu apat chun keijong black thil ah kahung kivei pan tan, Sum chu kachoi in vet kanei lhon ho kasa in ahi. Akeh khat kasa doh tan ka lung mong dom tai. Nikhat hi police hon check I-bol navin eiman doh ta’vin, Che a lamkai chu Babie anichapa ,aji a aninun ana phatsah pachu ahiye. Ama chu police a sp ana tuh e. Thu eihin dong tai. Sp:” Ginneo, Ipi jeh a black a kichem nahi ham?? Babie la Hoi a um Tam? Cha ijat nanei lhon ham?”.
Ginneo:” Sir, kei kanop a kichem jong kahi poi,kajinu dammo lai a vet kanei lhon ho kasah jou lou ding phat a,asah jou nading a lampi um sun ahijeh a kaki chep ahiye. Chuleh kajinun inmun joh lou ding atijeh a sum sah vei napen a tia kaki chep ahiye. Kajinu Adam mochun doctor pan 10lakhs deposit eibol sah lhon in,hinlah ka vetsah masang kaji nu ama leh ama suicide anaki bol tai. Tun ama athitan,cha pasel khat ka nei lhon in ama orphan ah kakoi ye.
Sp:” court a fight na bol lou ham? ”
Ginneo:” ka bol poiye sir. ”
Sp:” Ginneo, lungkham hih keiman boipi nan nge. Ahin government dan toh akitoh lou nabol jeh a,dan dung jui ja lha 6 jail a naum ding ahiye.”
Ginneo:” Umm, sir ka chapa toh neikimuto sah tei teiyo.”
Sp:” ummm.”
Kachapa um na orphan home ah kahung vin ahi. Kachapan eimu chun eiki cha e,ajeh chu police ho toh kaki lhon jeh chun. Kachapan police pa kom a thu adong tai. Kachapa:” Sir, kapan Ipi asuhkhel anei a namat u ham?’.
Sp:” Black thil a sum ahol jeh a kiman ahi. Government dan toh akitoh lou ahiye.”
Kachapa ajah achan amai asel in, amitlhi a hung doh in, thip beh in aki theh ngim in a umna lam chu ache tan ahi. Kakou kou vang in ahung Kihei tapoi. Chom khat jou in eihin ven, * Hepa nahung doh teng kihou tai te, Ken kapa Kaki nep pin, chaga in ah um jong leng nikhat teng kapan Nang neihung pui ding kangah jing in,tunin kamai amol tai* tin room ki lut doh tai. Ka chungchang thu ho news a ki post tan ahileh kahin kho thusim hojong ajao in Kanu leh kapa, leh kapute ana sim doh uvin ak isih lheh uve.Police pa jong doctor pa kom a sum kikoi chu ana la doh tan ahi. Police ahijeh doctor pan ana peh ham la kahe pon akichat jeh jong himei thei ahiye.

Phat chom khat jou in lhagup ana lhing tan, Iki lha doh nikho anahi tai. Jail a pat kahung pot doh leh Kanu kapa ,kachapa chuleh Babiete insung mite eina lem vin ahi. Ka lungthim in babie um nalai leh o katin ahi. Tuni nikho a kilungtonan insung in vaihom tabang in masang ah jong hinkho kiman leh Babie jong dam mo pon te kati. In lang ah eipui vin in ah chun maicham asem vin ahi. Kaki ngaidam tovin kipa na mitlhi chu Khosung ah ki thong Jing tan ahi. Kapu te Babie um hih jong leh jing nikho leh ki in lut leh man khum ,chuleh lhah na bol ding asei vin ahi. Ajeh chu mimasa hon numei ainsung mite ana lhah doh lou leh alhagao alam vai in, a lhun na ding mun alhun thei poi ana tive. Achuty jeh a minu thi kilha lou hojong athini kho leh anu leh apaten alhah jui ahiye.Ajing in mankhum ki inlut chuleh lhah na satha katho vin ahi. Aki lhahni chun ken jong hitin kasei e,” Kasenji um tahih jong leh aman khum ding kin ho bol thei ding a lunggel nahin nei u hi kakipah e. Insung kilungtona ana um leh kaji Mel namu diu,ama jong thina to lou ding ahi. Numei lah avangse Chung nung pen ahi Aman ijat kikhum ham ti ahe man ta poi kati. Athaini in Bangalore ah Babie lhan kagavil vin ahi. Alhan chun ah ngaidam athum vin akap matchet ve. Keijong a lhan ah kache in hitin kasei tai. *Babie nadam lai in lunglengvaitah in hinkho namang in, nathinung Jing in jong lungleng vai tah in naum e, hijong leh singsung selung moljeh ahiye. Tun najot nading mun jon tan, lhase hih in LHAOLHA SELOUJEN AW navan Choi leh nasenji ka dam lhon nai. Singsung mite lung ahingel them in nahin lhadoh ta’ve. Tun najot nading mun chu Jon tan.Achom ngeiye i-lengkhom lai nikho, Tun nung kou thei hileh kanom e. Insungmite jong somai kikim a ngah lal ve,nang hoiya vaitham nahi ham?Nang um leh chun Iti anop ta dem, ven Tuni nikho Nang somai bou akivat e. Hung ho na lhagao beh hijong nikhat cha hijong leh lengkhom insung kilungto na umhi anop dan hung o,nakipani a chom ngeiye. * KHALTUI BANGBEP HITAM?EKI LUNGSET NA HI! tin mitlhi kaki theh kakile tave. Kain mun choh nalhon ah building ka savin vin kei toh kachapa ka cheng khom lhon e.

*THE END*
😘😘😘😘😘😘😘😘😘😘😘
N:B: *KHALTUI BANGBEP HITAM? EKI LUNGSET NA HI* story hi, part 1 hi Ginneo Apute Tupa ajih ahin a dangse hi puldou city ajih ahiye. Story jih ban a writer min kikhel ding chu asim ho thanopna auh mang ding jeh a ken Khel lou ahiye.

*Asim jing leh angah jing ho chung ah kanso vageijih ngaidam ken thum e. Sut Khel jih Khel atam in kingaidam Ute. Seinom dohnom nanei leh kiphatlam lou hel in writer pa houpi in Welcome ahijing e. Kakipah e.

Puldou city
8729888297
🌹🌹🌹🌹🌹🌹🌹🌹🌹🌹🌹🌹
[Image 677.jpg]

Previous articleKHALTUI BANGBEP HITAM? EKI LUNGSET NA HI! PART 7
Next articleCHUNLE JO SELUNG MOLJIH AHI