Home Kuki Black Day Story KHAHDOH PHAT HITALOU HAM?

KHAHDOH PHAT HITALOU HAM?

21
0

Kuki Black Day || Sah Nit Ni

Written By:- Naocy Haokip

(Kuki chapa khatbeh naum louvu ham?)

Amasan mun tin’a um Kuki chate jouse i-Pakaiyu Jesu Christa minin ngailut chibai kahinbol’uve.

Numeise cha kihi jongle tunin ka-ngailut kanam mite dinga taopeh nale tilkhouna themkhat thu kasei nomin, amavang kalainatna ho bangin thu kaseidoh theiji poi.

Exodus 15:6
Vo Pakai, nakhut jetlam chu Nasa tah a thahat ahin, Vo Pakai, nakhut jetlam chun Melmate chu athecheh son hel tai.

Hiche Bible chang hi Mosen Israel chate Egypt gama kona ahin puidoh laiya twipisan (red Sea) ahung galkai jou’uva Pathen thangvahna/vahchoina a Mosen la anabol chu ahi.

Pakai khut thahat chun Israel chate chu ana huhhingin amelmateu Egypt mite chu Twikhanglen lailunga twiyin achup lih sah-in, Pakai amatah-in amite dingin gal anasat peh-in ahi.

Pakai khut jetlam nasatah a thahat chun Kuki chate ahuhdoh joulou ahidem? Ahiloule melmate chu athecheh joulou hintem?

Ahipoi, kanam mite! Pakai chu asemsa jouse chunga thunei le vaihom thahat chungnung pen ahibouve, amite Israel chate ahuhhing banga Kuki nam mite jong eihuhhing diu ahi.

Ahivangin Bible’in “Amasatah-in ama gam le achonphatna hol masauvin,” ati.
Pakaiyin inampiu eihuhhing theina diuva amasa eihon Pathen lenggam le achonphatna ihol masat diu ngaiya ahi.

“Pakaiyin ama holte chu tohphatman apei,” tihi itahsan’uva ichepi diu dol ahi.

KUKI BLACK DAY kiti hi eiho nam pumpi dingin lungjin lunghem nikho ahidoh tai, 1993 kum lang ho thusim hung kisun ji ho isimjile nuhgui abingin, lainat aumin, ngai ngam jong aumpoi.

Adehset’in, “KUKI CHAPA KHATBEH NAUM LOUVU HAM?” kiti awgin chaina pen hin lunglai atongkha lheh-e, kanam mite ho, “KHAH DOH PHAT HITALOU HAM?”

Kuki chapa khat kihol laiya jong “kaume,” tia ana donbut ding aumlou nikho chu
Ohe! Da aum nalom lome, (kanuhgui abingin, kamitlhin eichup’e)

Pathen lungset le khotona loupitah ichang’uvin tunin vang Kuki chate mun tin gam tina ipung jingun, Kuki chapa tampi inei tauvin, Pathena kon phattheina kidangtah tah, minthanna le boltheina chom chom ineiyun kithang at ium mama jeng tauve.

Ahinla lang khat’a igel kit leh kahlah sehle ei le ei kithato, phung le changa kikhen, hou le beh a kikhen, Kuki chate lah jenga kilangkhen kibung khennan vai ahom jeng hi kagelji tengle, “Kuki chapa khatbeh naum louvu ham?” kiti nikho hi kalungin alang jie.

Kuki chapa kahi tin lungkhat, thakhat, keng khat’in ding khom’utin, koi phung, koi chang kiti louvin inam pumpiuvin Pakaiya lung khat hileu hen, Veuvin, Pakai khut jetlam chu nasatah a thahat ahin, Pakai khut jetlam chun melmate chu thecheh soh hel tante.

Kanam mite, Khahdoh phat ahitai, jatdang mite nuisat le musit ihijiu hi eiho le eiho kibol mama bou ahijin, namdang mite nuisat le musit ichanlouna diuvin tahsa pum tibah chom cheh imanchah khomji bangun tahsa pum khatseh bangin pangkhom tau hite.

“KUKI CHAPA KHATBEH NAUM LOUVU HAM?” kiti thucheng hi eima kamsung cheh-a “KEI KAUME,” ticheh thei dingin Kuki chate jouse i-Pakaiyu thahatna song pumin panla khom taute,

Nampi lamkai
Nampi natong
Nampi lhacha
Nam mite
Eiho jousen inampiu isemphat theina diu Jou ponge tia kingaise louva Pakai khut’a koiya, Pakaiya kisonga pan ilah tengleu Pakaiyin inampiu eisemphat peh dingu ahi.

Kuki black day hi Kuki chate dinga jalenna le kipana nikho ahung sodoh theina dingin Kuki nam pumpi Pakaiyin eiumpi jing tauhen.

Numeise cha kihi jongleh nam pumpi ngailutna le black day pohnat jal’a kahinjih doh sun, mihem hinaa kaseikhel aumjongle Jesu Christa minin ngaidam kahin kithume.
Asim jouse Pathenin phatthei naboh cheh-uhen.

       || THANK YOU ||

Thusim hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleANAM NGAILUTNA THISAN BANGIN ALONGE
Next articleKoiham themmo na nei lou ding

LEAVE A REPLY

Please enter your comment!
Please enter your name here