KEIMA LUNGSET VANGNEILOU
(Heart touching story)
Part-2
Luncyno HK
6909559560(WhatsApp only)
Anasim pan taote;
Jengkah jalkhun chunga kalungset Thethem kagel chun kipana lentah nei bangin kaki pah lheh e, kanun boi hung kithou doh o mi nagol napai lomvai kon gam tading’a nang na lup nalai ham, na mai kiphet theng in lang an hung kineh doh tang ahin tin, keichula khovah pan nalai dangin kagel in pung ka gah vetle 8:15am dung ahiphat in lupna akon kahung kithou doh in kaki suthengin lomvai kon dingin kaki gong tai.
Nilhah ahung hitan kagolpan Thethem komma kalungset dan asei ding chu kahet jeh in chinilhah chun ama ho inna kholaileng in kache tapoi, inna kolchaphan kadon in Thethem in ipi ahin sei tadem katin abangle anum ding dan in kagel jin abang kom le ahung num lou didan in kagel kit jin hitia kaki gel lai tah chun mikhat in ka-inn kot u ahin kiu in koihija a milunggel nup lai tah’a hung hija katin kot kahon leh kagolpa ana hin haithei thun ana um in bai ipi thu boi ham katile.
Bai hung o Thethem in nangah e ahin tin kalungset pen in kimuto dea eihin kou chu guhthim in kaki pah lheh e, langkhat a kagel kit leh kisonlel nan kadim kit jin, Thethem hoiya um ham katile khonah langa khun aum e hung vangpha o bai atin kin jong kipa um e bai hichan a nin kithopi katin Kalungset Thethem toh kimu to din aum nalang kahin jon tai, gal akon kamu chun eitih’a nungah jol kha loupa nungah toh kivop kha loupa chun kalungset dan jong ahi na banga kan kisei lhah ding hinam katin kalungthim in Pathen komma panpi na kathum e.
Thethem kom kaga lhun leh heu na hung sot nah e ahin tin nao neingaidam o katile nang jong hi kiphatlam na lou di pou a nakiphat lam ji hih e, akit le vang nahung vaigei leh uphoh kichop na tho dihe atin kin jong nang na hung vaigei leh uphoh ham natho dihe katin, ipi kati ham lungset thimthu lel dinga kiki muto a lungset na thu mong mong kasei doh ngam tapon katahsa chula ka-ul chim in eivuh tan Thethem chu lungdong hitan tin heu na damlou ham ahintin kin jong henge nao kadammo nahi sot ahite katile.
Heu ipi ti nadamlou ham lungsung dammo kahin, kadammo nahi nao idea tuchan helou nahim leiset chunga louthem tam tah in eijen u jongle damlou ding kahitai ahin kalungset nang in vang neidam sah thei e katile, kathusei dan chu ahetthem hitan tin heu ibol’a hibanga neilungset chu tua nalungset na aw jabep kahim heu tunia kon na dammo na akon dam tan nate ahin leiset chunga koiman adei lou, athet pen chu kei kahe neilungset kaki pah in ahin kahin nikho hi simtup sa ahitai keitoh nakingai a nahinkho genthei ding kave joupoi nagel theile heu ucha bangin um hite ahin tin.
Thethem thusei dan kahethem pon nao lungset tah in kalungset na nei san pih o ibol’a nei engbol gut nalai ham katile kamuh eisip peh in kavet le amitlhi twi lon bangin ahung long doh tan nao ipi ti nahim neilungset lou ham katile heu kahin lungset lou nahipoi kakam sunga kon kathusei dinghi kalungchang atong khai hijehchun lekha pheng in kahin jih e, inn na lhun teng ana sim in atin lekha neo khat eipen kin jong nao janjong asot tan hungo inna chetate katin kahung lhon tai.
Inn kahung lhun jalkhun chunga imu dea kaum le Thethem in lekha neo khat eipeh chu kagel doh in ka sakhao sunga kakoi chu kala doh in kasim le hitin akisun e ;
*kalungset pen nangbou nahi kei u tunilhah a nalungset na kasan lou jeh in neingaidam in nanao kei hinkho hi molpang lep kigu ahitai itih’a kathi ding kasei thei poi, thina lhankhuh ngah chu kahitai ven leiset mihem koi chan dea dei umlou tah natna CANCER hi nanao kin kanei ahi, hichi jeh’a nalungset na kasan ngamlou ahe kei u,kin jong kalungset lou nahi poi, nang toh hinkho ka man khom lou dinghi ka gel ji teng jingkah nilhah an jeng jong kaneh num jipoi,kan lungset valle idea hibang lom a genthei thoh kahim, kalungset pen kei u Chung Pathen phatsah lou hitan te tin gel mei tate*
Hiche kasim doh jou chun Thethem ahinkho man dingdan kagel leh na kasah vallin mitlhi twi tuhtang jou lou in ahung long doh tan, Thethem in eilungset mong mong chula kahen kalungset nala eisan peh ngam pon ipi bol leng kaki pasah jing ding ham katin kaki gel gel nan ahcha ahung khong in jingkah lang ahitan, kalupna akon kaki thou doh in houin lang kajon in Pathen komma kalungset pen Thethem din taona manga kache leh nungah khat houin akon hung suh chu kamun kate keichula amasa pen ding kahim kiti koi hija katin lungdong tah’a houin lang jon’a kache le nungahnu chu koi dang hilou kalungset pen Thethem ana hi e.
Thethem ahi kahetchun houpi ding katin ama kom kache leh heu akidang tave tujingkah a taona mangdea nahung chu atin ipi dinga onk katile nui heu chan kahetlou atin nao nang vang nafel valle katin, Thethem in heu kei hi nahet chula phatchomcha kanei sunga Pathen thu lela a kimang chading kahe atin kalungsung chu Thilkidang tah khat hebang in kipana kanei e, kin jong nao jing akon ninthou ji o taona mangdingin kilhon khom jite katile ama jong aki pa dan chu henge heu itih tah le chichu nahin sei ding ham tia kingah lel ahe atin ahung tot kit na laiye.
Jing akon khovah kon leh kalungset pen toh taona mangdingin kache ji lhon in, kin jong nikhat nao phat hitih chan taona nahin mang tan koi ding mong mong’a taona na man ham katile heu kei hi leiset a hingsot lou ding kahitan kathi nung le genthei nathoh nalou ding chule nungah Pathen hekhat nakimu nadinga katao ji ahe atin, sei ding helou in kamoh vet leh heu nangin koi dinga na hung tao ji ham atin mitlhi long pum in nao Pathen komma einin lungtup imolso thei nadinga katao ji ahe katin kalungset pen Thethem khut katuh in nao lungsetnan khentum anei poi idea hibanga kisonlel nahim kin ima kadei poi na lungsetna bou kathum ahe katin anivei nadingin nao kalungset na neisan peh o katile.
Chapang bangin ahung kap doh in heu nang banga eilungset um tapon te nahin kum khon naum pi jou hih jongle phatchomcha kanei sungin na lungset jing nange heu na lungset na kahin san peh tai atichun kipana mit twi ahung long doh e, kin jong nao tunia kon kilungset hinkho mangkhom ding ihi jeh in Pathen komma lungtup imolso thei nadingin taona mang hite, eini kilungset lheh jong le chung Pathen panpi na jaolou in ima ihi lou dihe katin Abraham Pathen, Mose Pathen, Jacob Pathen komma panpi na thum in taona kahin mang lhon in kahung kilhan doh hin tai.
Hichan hin part-2 ana chai ute..
Kaki pah e lunglut tah’a hin sim jouse chunga
🙏
