Insung kitohlou chu Leiset’a Da-mun ahi.
Writer: S.Lien.
Arrange: Naocy Haokip
Episode-I
Ka-Upa’n ji anei jou kum ni hipan’a aki in-nei doh lhon jeh-in aNeojo hijongleng U’pa dinmuna kadin angaina jong aum ahung ngaikom jong aumjin ahi.
Keiho insung chu Numei tamjo kahiuvin Sopi pasal chu ni bou kahiuve
Kei chu Goverment service ti mai mai thei khat state chom’ah katongin, ka-Upa jineipa chu, toh thei thei tong lele nikhotha pouva kivah ahi, Ka Sopi Numei ho chu ni in (ji) pasal anei lhontan thum chu school kai ahin aneopen nuchu kum gup bou hina lai ahi.
Munchoma umji aki hi jeh-in ka insung thu’u chu kei sangin kholai mihon ahe jouvin, Ka-ute ni inn choma achen lhon jong chu miseina a kahet dan in, Kanu”n Ka-Upa jinu Ka-ULhingcha adeimo val behseh a alhuna kona ahan khum jah jah jia, uihou jong houva ahou jing jeh-a ajonaa kina seuva, noh-doh danuvin aseiyun,
Mi koma Kanu chu ka sei set nop lou vang chun, aseiyuchu ka tahsan lel sampon ahi,
Nikhat hi ka buneh nauva Kanu, Kapa jah’ah, Ka-uteni achom chen jeng pikhu, a dihthei hih beh-e, mihet-a a ja-hoi keu hilouvin Insung mopo ding hiuva, akikhel masanga chenkhom kitding ngaito a pha hilou hamo, kati leh Kapa chun alu asu dot ngam ham hamin Kanu chu agah ven, seinom nei chu abangin, hijongleh ima aseidoh ngam poi
Kanu’n, Bubel chu ahin tungchon thut’in, hitin ahin seitai, Amani ahung chen lutkit’uleh kei kapot ding hijenga chu, angai ngaiyin gaki kou tauvang,
ahin tileh, Kanao neopen Esther ngol thit thet nalai nu chun koi thusei jong ana limsah louvin.
Waaawww…apha-e, He-ute hung kit diu hita na? Ka-u Lhingcha kangai ji dan, ahin ti taget-in ahileh Kapa’n Kanau nu, chu Kanu mulou kah chun chiitt agah ti nalai set’in,
Oo, Atamjo sei hivang dih nom tei ahi, nahi ti louvule ba hitipouvin nate, adamin dam maiyute kagah tidoh nom jengin, kaki tuh ham hame, kakhut kachamin va nai beh lou chun ka ding doh tai,
Ka-ute inna kaga che-in ahileh Ka-U Lhingcha’n mailhai sel’in eina chibaiyin, kamin tah ajong eikou louvin
Itih a na hunglhun hita Boisen, eihin tin,
Boisen chu, koima dangin eikou na jong hilou Kanu’n alungdam pet, lhalo kalah pet hoa eikouna ji ahi.
Alung ahilou jep leh ka Minlopa min puma Henkhopao,Paotinthang eiti ji ahin khosung miho leh Kapan Thanboi tia ei kou ajiu ahi.
(Gah kisei be jep leh, kamin hi Kapu, Kanu Pa kisah ding ana tiu ahin, ka-U Numei khat min Kapi, Kanu Nu min, ana kilo sah ahitah jeh-a kapalen, Henkhopao’in keimin lou ding ahitai atia anasah jeng leh lungdam mo hel dan ahi )
Kei: Janni masaa kahung lhun bou ahe He-uLhing, Ip dia achoma nana chen doh’u hamo? Heo, Nangni insung mopodi achoma nachen lhonleh boi di ahe, kagah ti jeng leh.
Ka-ULhing: Henge Boisen, kenjong He-U koma kasei sei jeng ahin aman, oljep leh ati jia,
Kei: He-U, Henu khu mitoh banghih jongleh nahet them ham ham uva, ichenkhom kit vah louvuleh aboi di tampi umdi ahi, nang ni nahung kit masang uva Ji jong kanei lou di ahi.
Ama: Ka hethem mama e Henu chu, ipi sei jong leh kakihet mosah ji ahe, Na-UPa hi lungchom val’a nikhat Henu agah sensala, keiman Ipi dinga Henu nasen ham katia kaki nahpi leh, Henu’n, na lungthimu chu kahe mopoi, kakidah e, Naji til til’in nungin lang kei pou neihin hil ngam na? akilom lomin keilanga pang dan danin nang jong nahung umin, kahin kidah behseh uve, kadeiya kahol jong nahipoi, kichedoh-in ka insungu suse dinga kon natil’a nahung valut ham, eitia athang thanga jong eihouvintin sei ngam ngam jong aumpoi asei hochu, Na-U Lunghang val’a kabana eimat’a eikaidoh intin che a kona chu ka chom chen’u ahin, hoija Mi-Upa kihia kikikhen sotthei sam ding hamo.
Kei: Apha-e He-U, nang lunggel tobang hi koimacha mou kahe khapoi, nikhat tei chu Henu’n jong naphat na hinhe doh-intin nakoma ngaidam ahin thum tei di ahi, hitichun He-U toh ana kihouvin lang ki-ol het to kit taute katin kahung doh tai.
Nilhah in Kanu leh Kapan thu khat ahin sei kit lhon tai
Na-U teni hila kineppi thei ahipouvin, nangin ji na nei vah ngai ahe, Na Pu te Chanu Nenem khu kana sei sei ahin ama jong ada poi, Na-U mi-ngolpa jong kisei peh jinga hoilang mi-ngol michavai khat ahin puilut ham, kalung damlou ahe, Kanun ahin ti tai,
Kalunggel khat ahung um chet’in
Oo, kahetai, chejeh a chuba ka-ULhing amo najong umlou na chuti vetda hingut vehta na? Nang seh seh bon insunga kithoh joulouva na inkote khat ipui lut be nahlai uva…!!! gah kiti doh lela humpi gilkel tohkha kibang kit ding ahin, hitin ka sei tai.
Henu, Hepa Thil dang jouse hi na thu man hahsa kasa pon hahsa jongleh kiham bol’a man tei tei kanomin ahi, hijongleh tua nasei lhon chu avai gei jep tai, pha jong kasan hoijong kasan hijongleh, kei themlou jong hintin, kanasei doh khapon, Kilungset pi kana nei tan, nei ngaidam uvinlang, ahitheilouvin koi jengute.
Ka gah ti chu, Vo karah!! Kasei masang chu ngai aumval’e.
Kanu pichu, amit dum kilkel’in ato kang lip lip’in hitin ahin sei tai…….
To be Continue Episode-II
NOTE:
Chomcha hijongle lunglut tah-a nasim chai jeh-in kakipah-e, asim jouse Pathenin phatthei naboh cheh-u hen.
Aban jingle anasim kit taute.
