Isum nei ithil bei ho hi iti manchah ding ham?
Asun:
N.Lhungdim
Thangting House
Molnom- West
29th August, 2020.
Tulah Online Investment chungchang thu tamtah Social Media a hung kisun ho lah ah kana sim khat chu EIMI Times neipa Pu. Lunseh Kipgen Senior IPS Officer in ahin sut Anukhah khah thilha paipeh po kiti chu a balance hoi kasa lheh in ahi. Aman asei hoitah khat chu nasum chu khuche va jang in hiche va jang hih in kiti theiponte ati laitah chu dihtah ahi. Ajehchu mi sum jahna ding chu midang khat in eima dei dungjui a kijah sah theilou ahi. Kah lah lah leh eima jeng in jong isum chu angai behseh lou khat a ana kimang khajui ahi. Hiche hi midang ding lunggel jeha ana kibol jong ahinom in ahi. Vetsahna ding in keima hi sum mu nalang ahin achom beh in vangphatna kanei ngaipon ahi. Kahinkho a kahet mil lou khat chu kamu dingsa hi
atamjo kamu kon leh akitol mang jin ahi. Ahinla kamu dinga kagel lou phabep khat jong ahung kitol tol in kamu ji in ahi. Hiche ho hi kagel leh sum neipa hi Pathen in phante ati phat leh eihin pehji asum cheng Cash in eihin pe hih jong leh achom dang khat form a kamu jui kahen ahi.
Hiti jeh chun Lottery kah kiti hohi kana bol ngaipon kabol nomlou beh khat ahi ajehchu Lottery a alakh lakh a kamu dingchu katahsan lou ahi. Katahsan lou ahivanga mi kimkhat in Charity lottery ho ahung joh leh kithopina tobang a kana choh ji ahi. Kana choh chu Prize kimu in te jong katipon atah tah in tuchan in khatcha kamupon ahi. Ajehchu kimu dinga jong kana ginchat lou jehin ima lungnop mo naleh lhaset na jong kanei poi. Hitobanga ikivop pi kiki hetpi lungholna dinga isum jong chi aman na ding idei behseh lou a kimangcha jui ahi.
Hiche thu hi akisei leh masang lai in athu achin achai in seiding akilom jep hih in numei melhoi thim tahkhat ana um in pasal to kitimat Sex chungchang ah ana minse kei in akinaipi a inko te eiho seidan a Tu leh Jol leh Be ho akikhom in nachung chang thu kisei hen atiu leh aman ka Kakalkah a kathilnei [kimoh sei sei jui lou] chu kathu thu ahin Tucha, Becha hotoh in kanei bom jong ahipon sei thei pouvin nate ana tin ahi. Alonaje bei keiyahi.
Hiche hi athu umdan sei chetna dinga isei uh ahi. Hiche tobang hi numei tamtah aum in athu hi insung kihou toh, phungsung kihou toh a seitoh thei jong ahipon ahi. Ajehchu athil nei chu ama ahi in ama in ajahna nom leh ajah sah nom ho ajahsah ding ahi. Koima dang in thu nei na tah tah kinei theilou ahi. Hiche tobanga chu mikhat Sum chu hiche va jang in khuche va jang hih in kiti chu thil hahsa tah ahi. Kum 10 masang don chun amin kahai mil tan Online popular business khat aum ink Rs4370 ham ikoi leh chomkhat jouleh Rs70,000 val hung phading kiti aum in mi tampi tah athanom in ka Gari heh dinga kana goi driver pa chun B. Phaicham kho hon jong akho pumkei in abol uve atin thanom tah in asei in eiho bol ding ho ahipoi kati in kana phalpon ahi ahinla tuthah in Online Investment chom chom tamtah ahungdoh in Skyway kiti ho ahung um in hiche va hin ama jong ka kom a aseilou vangin ana pang in sum tamtah ana koilut hitante. Hiche jao na dingchun kei panpina angaicha tapon ama chang in sum mu na anei jehin asum chu ama thu thu ahitan achunga ithupi uvin Kasum Kathu Thu ahi ati jeh in ama sum jah na ding chu kei phalna jong angai tapon kei phalna jong lalou in ana jao tan ahi. Aman aton leh aman chu ama thu thu hi tante.
Hiche tobang a chu numei hon atahsa chung uva manlu pen a anei a kalkah uva thil chu uchu aman na ding uleh amansah ding pau chu hiche khuche tichu thil hahsa tah ahi bang chet a mihon a Sum mu uh aphalang a amu ham aselam a amu ham kihe talou ahivanga ajahna nadingu chungchang a chu midang in kinei hompi ahilou jeha thunei naleh thanei na kineilou ahi.
Ahinla hetding chu numei thilnei hihen lang pasal thil nei hijong leh numei leh pasal in asum nei hijong leh ama minsetna ding ama dinga khonung a phalou ding keo hilou a insungmi akho aveng ho jeng jong hin tongkha thei thil ho ahi man leh manlou ding hi kichih thei cheh ding hi apha pen ahi.
Ajehchu eima thil eima changval a inei thil ahilou leh isum nei sun sun chu eima dinga jong phatlouna hungsoh thei a hiche phatlouna chun insung mi kho le veng jong ichan hamkhat gei a ahin tohkhat thei ahile vang kichih thei khel a phajong umlou ding ahi.
Kathilnei kathu thu kiti chu nelna beihel tucheng ahipon adihna chu phabep pi themkhat umjong leh with Certain reservation a jeh ahi tijoh ding ahi.
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
