Lungset um Sangga kahinkho
(PART-1)
Luncyno HK
6909559560(WhatsApp only)
Anasim pan taote;
Chapang cha kahi akon ka khosung uva Boilhing toh kahung kivop lhon in, nidan khat jeng jong ama toh kaki vop loule ka hinkho anom ji poi, kagol hon Boilhing toh kaki vop jeh chun eite thaji uve, Chapang lunggel a chun ana kilung hang lheh jin ahi, Jengkah an kaneh chaiteng Boilhing te inn kache jin abang kom le Boilhing joh keikom ahung jin sun teng ka inn noi dung uva kaki chem lhon in, ka inkote lhon um nalam jeng jong helou khop in hinkho kamang lhon e, nikhat kaki chep na lhon in gulkhat(snake) in Boilhing ahin chu tan, aha kaa dan kavet leh akom a chun gul chu kamun thing khat kaki lah in kavei lih e, Boilhing ache thei lou phat in kapon a-inn uva kaga thah e, a inkoten ipi ti agel u hitam kei toh kaki vop jeh a kisu kha dan in agel uve, Chapang kahi vang chun athu sei uchu kajah achan ka inn u kahung kile tai,
Ka inn u kalhun chun Boilhing chu ipi ati tadem katin kalung agim lheh e, thil um dan ho kanu le kapa kom kasei in chule Boilhing Nule pan achanu u kisuh khah kei eingoh dan u kanu le kapa kom kasei kit leh alunghang lheh lhon e, keikom a kapan hitin asei e Helun tukal Boilhing toh kivop tahih in, pasal naloi napai ding hijat um hime ama toh kivop datan eitin kin jong henge Hepa kaki voppi lou ditai katin, hinlah kalungthim vang anom poi, jengnikho hung vah a Boilhing toh kaki vop tah lou ding chu kagel leh kamitlhi along doh liu e, Boilhing nule pa chu selung mol kasah thou e, achanu u kisuh khah kei toh kaki vop jeh amoh tilhon chu gelkhel kasah thou e,
Phatle nikho, kum le lha achal tan Gollhan hinkho kahin mang pan tai, sun teng nungah gollhang ho lomvai kakon khom jiu vin, jan teng Gollhan ho kasom leng jiu ve, ka hinkho mandan ahung nom pan tan hinlah nikhat lunga kagel phah lou vangset um tah in kajon eidalhatai, hiche thu kajah chun kaum namun a chapang bangin kakap e, ka chunnu hinkho man ding dan kagel leh kavou jang anai, eitih a kikhen jou lou kanu le kapa thinan akhen lhon chu acha kei dingin thoh dan ahah e, kagol kapai hon eilha mon uvin, kapan eithisan Boilhing in ajah chun kakom ahungin Heu kap kap tahih o, kahin vejoupoi, nang pasal nahiti leh Henu hinkho man ding dan nagel lou ham eitin ken jong pasal katin Boilhing thusei chu kagel leh dih kasan kachunnu kajo ngaiya akaa chu kalhem lung mong e,
Kajon eidalhah jou akon kahinkho chu kipana sangin lhaset nading jeng bou ahi, Chapa changkhat kahi jeh chun insung natoh numei bolding jouse ken kabol jin gollhan khat dingin ahah lheh e, ikhangdong iphat hoilai jouse lonlhia lon nabep ding joh hitam.? katin kaki gel silheh ji e, golle pai kavet leh alungset utoh hinkho amangkhom uvin nom asah thei lheh uve, kei hinkho vang golle pai to kavet kah ji teng seiding kavaimo liu ji e, kapa damlai insung mi kikim a hinkho kaman khom laini u,phat chesa ho kagel doh leh kou kit kanom jin, phatchedan hohi hetthem hah kasa lheh in ahi, kachunnu jong akum atam thim tan natong thei talou in hinkho amang tai, kanun nikhat insunga Helun naki tho pithei nakipui a pha hitalou ham keila iman kaki thopi thei tapon atin ahung kap doh e, ken vang iman kadon but poi,
chomkhat jou in hitin kadon but e Henu keidingin lungkham hih o ven Chaga hinkho jong akile kit jin, genthei hinkho jong akile kit ji e, thil jouse hin phat anei e idea moh lungneo Ji nahim, nang hitia naum ji teng nacha kei kahinkho mandan anom jipoi, einin ibol thei pen lhochu Pathen komma ihahsat igenthei naho ilhut ding, ama komma Panpi na iki thum ngai ahi, Leiset a eini eikhosah eingailu ding mi aum poi,Pathen hepum in kitah tah in hinkho mang hite katin kalha mon e, hiche kasei chaichun kachunnu mel akikhel in kipana maiso apon kakipah lheh in khatvei abeng ka kiss leh Helun boi kichapang sah hih o eitin ken jong Henu kahin lungset Valle kapa tobangin nei dalha tahih o na…? katin kanun kanao leiset hi ikhol Jin namun u ahi,eini jong nikhat nile ikikhen lhon ding ahi, ken naum pi nom lheh jongle Pathen thutep sa chu akipel thei ji poi, tun nalung mon nadingin nungah khat nanei angaiye atin ahi,
Kanun eingailut behseh a hitia chu asei ahi, katin ken jong kaneo akon kaki lunghet pi Boilhing jol ding kahin gotai, ipi kati ham Boilhing jol ding lung kahin gel akon alim, amel jong kave ngam tapoi, Lungset homsunga lut kha nailou kahi jeh in iti pat a ipi a chai ding ham kahe pon, gol le pai komma panpi na kithum le katin hinlah genthei jachat kathon ahah lheh e, abang kom le kachangin kaki ngai to jin iti ham khat in kijol hen lang einup pih hih le koi jachat kathoh sah ding ham katin kaki songlel kit e, (nungah ijol dingle kinep na lentah nei ngai ahi, iki nep jou lou le koi ba kihel doh jou ding) kahinkho chu koima het lou in lungdon nan kadim e, Thil ija kai ibol, itoh ding jouse Pathen kom lhut ding dan kahin gel doh in genthei chaga kammol kahi jeh in taona toh thon kahung pang tan ahi,
Hichan hin part 1 ana chai u hite
Kaki pah e lunglut tah a hin sim jouse chunga
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
