By Shonkhogin Hegin Haokip
Maranatha Cottage Hebron Veng
Phaipijang Langol Imphal West
9774096152
Amahon kamite maha chu bailamtah in abol damuvin, Chamna bon umlouva, Chamna, Cham na atiuve.
Jer.8:11.
Jeremiah themgao panlaitah a thilsoh khat tulaitoh kitohtah khat chu ipiham itileh, Cham na bon umlouva, Chamna Chamna atiuve atihi ivet na ahileh tunlai tahin jong amijouse hi Crusade ahilouleh Camp a peng thah jeng ihitaovin, kapeng thahtai, kapeng thahtai itiuvin, ahinla atah tah a peng thah hi alhomlheh jenge. Ijeh in em itileh adihtah a pengthah chu tunia kapengthahtai tiho jousehi atahtah anahita leuhen, tuniahi Manipur pumpihi abona Christian hita loudingham. Hiche Ibible chang uvin, Ama hon kamite damo na maha chu bailamtah tah in aboldamuvin, chamna bon umlouva chamna chamna atiuve ati hitoh kibang chet ihitaove.
Penthahhi manbeija kimu ahi tivangin, mi tamtah in bailamtah ti chu granted tah in alan, camp a agajaovin, ahung kile phatleh kahung peng thahtai atin, aumchan akhanchan, adei angaila akikheldeh pon, aneh achah la ima akikhel dehpon, akamin kahung pengthahtai akiti nop sellin, Chamna bon neilouva Chamna kanei tai, kapengthahtai tin amale ama akilhem lhahoisel jie. Huhhingna lampihi hahsatah a holding tina jong ahideh poi. Kapengthah e itia ahileh Pathen thua kona ichonsetnaho kihetdoh a kisihpia nungbol kit talou beh dinga ngaidam kithuma, hiche a kona chonset ngaidam chang ho chu ahinkho akikhel lou je umlou ahi. Ajeh chu achonsetna akihet doh ho akisihpia aphon doh ho jouse chu anung bol kit tahlou helding ahi. Hichehi kisihna dihtah chu ahi. Phondoh a nungbolkit jiji kitihi kisihna dih ahipoi.
Ibible text u masang chu isima ahileh, Mihem te hi alhuhtengleh kipat doh kitji lou hiuvam ? Mi khat chu akiheimang teng leh. Amapa chu hung kile kit ji louham ? atin ahi. Ahin aban chun, hung kinungle ding anom pouve. Mihem khatchan jong agitlouna lungkhel deh louhellin, keiman ipi kabol ngane atinalaijuve. Jer.8:4-6. Tunijong veleu hen, mi tamtahhi a foundation akitup lou jeh in, kapengthahtai atiuvin, ahinla lungthima penthah na chu ahiloujeh in, aki nungleje ahilouleh akisem phatnaje aum chompon, abulla kipat ti ngal louvin semphat thei mongmong in aumthei poi. Sopiteho, penthahna manbeija kimu ahivangin, hinkho alutne. Katichu lungthim pumpi, tahsa pumpi, lhagao pumpi angaije. Totna thu ahipoi, amanbei(free gift) ahivangin amanbai (cheap) ahihih beh e. Alangkhat in kiseileh amanhi peh jouding ahiloujeh a manbeija kipe ahibouve.
Hijeh chun, hiche huhhing na dihtah nanei leh lhagaova jong hinna tahsaa jong ahing nahi tai. Ajeh chu Pathen cha khat nahileh napan ima lam jouse a nahinna ding nasempeh ding ahitai. Pathen chadihtah hia neh ding chahding kaneipoi, ti tunichangeijin akija kha poi. Chutitah sangin, Pathen dihtah a naneileh vangam lutna sehseh hilouva imalam jouse a khantou machalna umjo ahi ti sumilpouhite. Pathenin asimho jouse phatthei boh tahen.
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
