Home Elkay Mate KANGAI CHULLOU ZOUZAM-II

KANGAI CHULLOU ZOUZAM-II

167
2
KANGAI CHULLOU ZOUZAM
KANGAI CHULLOU ZOUZAM

-Elkay Mate

Elkay Mate, kwc

Auto sunga thimchet in koima paolou vin katou lhon in keijong kagah paogot a kahung ham le ama jong ahung ham akitohchet in kanitah lhonin kanui lhon in chuin aman jong nang sei masan katin ahile nangin sei masan katile nangjoh in sei masan atin hichun kakise mo tolhon kit tan chuin keijong ema ahidehpoi moh a hibanga pha a kingaipi naneilou hi kei mivangpha pa kahin ding kagel le kakimoh pa pa ahie katin ahile anuiyin aman jong nasei got chu hiche chu hiponte adang nasei got hinte atin hitia kahung kihoulhon kah chun DM College gate kom kana phalhon in kahung kum lhon tan ahi. Keijong auto fare kagah peh gotle aman kakut achulhan meilhei Pao a kin le nange atin aman apen ahile kajah achalheh jengin ahi. Chuin auto achejou phat in amanjong lampam a meilhei nupi thiljoh nukom a chun Bora ahin semsah kit in keijong meilhei nu kom a sum kapeh got le Zouzam in uhencha nang peh angaipoi please hiti Lou ding o kei koma nahung hija tuni imajouse keiyin kapeh ding ahi atin ahile keijong tah tah a hitia nang napeh jingle keidia kipgatlam aume katile kiphatlam angaipoi atin ahi.

Keijong apaodan chu kaven ahile afel dan le aphat dan chu kalungset na adang deu deuvin, kalungthim in hitobang nungah pha kamu hi keidia iti kipa um hitam katin ahi. Aman nehthei ahinlan sum ahinpeh chaiyin kengin War Cemetery kahin jon lhon tan ahile keijong Zouzam kamu masat nipen hijong le kangel lheh in ahipoi hitia naphat hi khonungle napul kidou dhe naum lou teng katin ahile keipul dou hilouva nangpul kadou dhe atin hitichun kahung hung lhonle War Cemetery kahung lhon tan ahi. Mi ana tambeh pon keini jong hitichun chomkhat kavah lhon in chuin alai lahdeu khat a katou lhon tan ahi. Hichu nehthei kane lhon in keijong seiding kahet man Lou man in na college kai na nop nop hinam min nasuhbouile hinseiyin na college uva kahung dhe tia tot tobang tah tobanga kaseile amanjong nuiheo chan ka college uva nahung angaipoi anjou le nungah hon nakimat inte atin keijong tah tah a kon nungah in pasal amat diham katile numei bou college a nakai loujeh a Ima nahet lou ahi naginchat loubeh thil tampi namuding najah ding ahi atin chuin keijong achutile kakicha e katin hungda tange katile amanjong henge hung hih in atin kanitah in kakimoh vet to lhon in kanui lhon in ahi.

Ahipoi nao namin hin nang nakilom in naminsah themlheh uve katin ahile amajong asah ho koma seiyin keisah hilou atin ahile keijong achutile itihle na in uva kahung ding hitam Kapi le Kapu chu kakimu pi nomval tai katin ahile aman jong Kapi le Kapu? Keibon hoitah a eihe nailouva atin anuiyin ahile keijong kahetlou aum nahlai le tun hinseiyo katin ahile ipi Ong kasei ding nahet nom ipiham atin ahile keijong interview kahin bol ding dan ham katile ipi natoh nadia interview neibol got ham atin ahile ka inn neipi dinga katile nang hi namel hoi keu hilou nalhoh jong akichem e atin nang kaphapoi katin hitichun kakihoulim lhon in ahi. Hichun keijong nao tunia pat in keijong ngamtah a nangdin pang ing ting keijong nang dia kitah tah a neipan peh jou ding ham ajeh chu nang toh ikihet nia pat nangbou kalunga naum in nungah dang jong kagelpoi chule tuni nang kamule kalungset na molso dan in kagel in kakipah lheh e. Nangin in ipi Nagel vang kahepoi nangin jong keii gel banga neilumgset ahile lungset tah in neihin hetsah in katin ahile amajong amaiso akikhel in hichun keijong hey chuti hih in oltah a jong nahin seithei ahi katin asam kajut in kakoma lhon a sihmi khat ahung lheiyin kakhut a kakalsah in tua kaseiho chu nangkoma kasei ahipoi neidonbut angaipoi tia sihmi toh kakihou le Zouzam in eiven einuisat in ahi.

Kei insunga dia mi lai kahijeh in kaute kanaote dang ngeinan kahinkho man achomjep in ahi. Ka upa ajinei tan kanoiya kanao nu le kanaopa toh keihho cheng cheng kahiuvin ahi. Insung Chen a mi akiphah lou vangin insunga kipana aumin anomlheh jenge nang hung lechun nop cheh ding ahi katin ahile anuiyin I’ma eidonbut pon ahi. Chuin ahung Pao in kei Thinglhang na kitong theilouva ipiti thinglhanga kaum ding ham natoh ji la kahepon atin athusei chu a serious lheh in ahi. Keijong achutile phailanga echen le kichai hitalou ham na neojo kahin kadei deina a Cheng thei kahi katile eimoh nuisat in ahi. Zouzam mi unu ahin anoiya numei khat le pasal khat aumin ahi. Apa govt natong ahin sum le pai a koima otchat neilouva noptah a Incheng khat ahiuvin mi unu ahijeh in Anu le apan angaikhoh deh in phat tamjo in anaote lekha ahile ji in ahi. Kei kum 27 kkahitan Delhi University noiya graduate kahin chai ahin chule Zouzam Manipur GP women college a graduate simlai ahi. Keijong ahile nao nakum ijat hitam atah seiyin numei hon nakum nasei nom jipouve katin ahile masanga kasei tah chula kum 22 kahi kati chula atin atah ham katile henge atin ahi. Phat kavet le nilhah lam ana hithou tan pung thum ana val tan hichun keijong kachephat ding ahitan hichun ka bag a kathil choh chu kalan nao ven phatseh a nakom a la kaum theipon neihou noma nakoma kaum theilou teng hiche lekhabun ahin jih Jinlang ikimu teng nahinchoi ding nalunghan na nalung nop Lou na jouse kasuhlhap ding ahi katile amajong anom beh pon ahin akilah in ahi. Hichun phat geisang ding ahitai chitai te keijong Tuibong lam a chiding kahin kagei ditai katin ahile henge atin kahung pot lhon tan Checkon kahung kile lhon tan ahi.

Auto katou pet lhon in kinjong kadaiyin nakhut neihin pen katin akhut katuh in akhut lam kaven nakhut lam dungjuiya nanghi keitoh nakichen ding ahi katin ahile anuiyin ajachat nuichu amelhoisah Chom in ahile kavechim theipoi. Hitichun Checkon Bazar kahung lhung lhon tan ahile amanjong ka in ukhu hilai hiukhu ahie atin ahile nahung thah pa inge katile ngaipoi anop theipoi nang che tan atin hichun keijong Ccpur lam Jon in kahung tan ahile traffic signal laitah a pangal pasal khat in thilhagari a thil tamtah asot chu agihval jeh in agari Kang chu alhep leutan amajeh in traffic akikhah den tan, midang hon koima kithopi louvin kikhen inlang keiho che nading neipeuvin ati taovin hichun keijong kagari aning lama kakham in amapa chu kakithopi in ahile lampi chu ahung ong tan gari ho aban ban in apot theitan ahi. Amapa gari kasot pet tah chun kanunga auto chu kakeng atangkhan alhei mangjal tan ahi. Thilpha kaboljeh hiding ham kakeng chu imacha atisampon hichun keijong chomkhat katou Jou in kahung Kipat doh in kahung in ahile khojin kon got vel in ccpur kahung lhung in ahi.

Nikho phabep Ccpur kaum in kanite ho le kaloi kapai phachompi kaga vil in ccpur kaum sung chun Zouzam toh phatechan kadei phat phat lhon le kakihou thei lhon in ahi. Kalhun nilhah chun sottah pi kakihou lhon in keijong amel kamu masat nipen ahijeh le kaginchat sanga achon nem naho kagel le kakipah lheh in kadoh ho ipi to adonbut ding chu thupi kasah pon loile pai phatah khat kakimu a kahinkhoa kachen khompi ding ahile keidia iti kipa umding hitam tin kalungthim in kakipah lheh in ahi. Hitia nithum vel kaum jouvin kachen na vangkho kahin Jon go kit tan ahile phailanga hungpa a kimupi ding chu kadei lheh jengin ahinlah Manipur phaicham district ho kiphin nakhat aum jeh chun gari lhei Lou ding ati tahjeh un phailang hopa talouvin Sugnu area langa kon kahung in ahile Pathen lungset in bouina umlouvin inlam kahung lhung theiyin ahi. In kalhun in Zouzam ka call in ahile call akipeh tapon chuin keijong kale call kit vangin aki-pick chompon, amahin Anu le apa ahetsah nomloujeh a ka call alahlou hinte katin aman eihin call kangah in ahile phatchomkhat pi eihin call pon hichun keijong nilhah khojing pai ding ahitah jeh chun message kathot in “Zouzam, naphat hinam? Idia ka call na pick Lou ham? Neihin le call o kahin houpi nomlheh e” hey, Are you okay?” “An ne in che tange chomkhat network kangol ding ahitai☺️” tin message kathot chaiyin an nedin khomol network umna apat ka inn uva kahungsuh tan ahi. An kaneh chaiyin chomkhat katouvin khomol lam kajon kit tan ka call vangin la eikilah peh kit tapon kalung agim thoutan ahi.

Chomkhat lungdang theh a kaum a bolding helouva itihle ahin call ding ham tia kanga jinglai yin call ahung in kinjong jaman louvin kapick in ahile onemtah in uhencha naphat hinam na miss call som val kamue ipithu khoh um hitam tin lunggim tah in ahung pao in ahile chubanga ngalel a ahin call teng kilung hang han tia kium chu a o kajah le kalung adam doh in Ima ahipoi in kalhun a pat kahin call le neilah peh hihbeh in kalung him ahie katin ahile aman jong sorry tunilhah chu kapa loite family hung uva an kakihon khom ule kaboui lhah jeng ahie. Kaphone silent a kakoi jeh a chu kahetdoh lou ahie nei ngaidamin atin ahile keijoh kakiphatlam val jengin ahipoi naboui a ahile chijengin anjou le na inkoten nana sin mo uvin te katile aman jong kanao nu aum nai keisanga pil jo ahin imacha Jong eibolsah manjipoi ati keijong achutile aphae keila nang o kajah loujeh a kalungthim nadoh go leu ahitai kakipah e neihin call chu katin hitichun chomkhat kakihoulim lhon le ahung kikougin kajan hichun amanjong uhencha nopmo anasah hih o kagache dhe ka on lam teng nahin call kit tange atin call athat tan ahi.

Nikho phabep hitichun kakihoulim jing lhon in kahet loou vangin lungset tah a kana chan dan ahitai. Nikhat hi kakihoulim na lhonin heu hencha ikimu masat pen nia na msanga kasei ngamlou cheng chu tuhin kasei nomin ahin namai tah a kasei nom’e. Tunichan in kaemut kona kahin miss jiteng kakhut na chop nalai kaven kakilhamon jie. Nang toh ikhet a pat kankho man dan akikhel in nang bou kalunga naum tai. Itih le ikimu kit ding hitam kahin ngai nalomjie atin hile athusei chu keijong ama gel banga kagel ahijeh in kangailheh in kangai mitlhi ahung soh deh in ahi. Keijong lung neo hih in christmas konle phaija kahung ding ahin chuteng ikimuto ding ahitai katin ahile henge hung tetei in atin keijong kahung ding ahi katin hitichun kakihou chai lhon tan ahi.

Thusim hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleMIHEM HINKHO A BOL KHELTHEI TAMTAH LAH A PATHEN HOU KHEL KHOH PEN AHI.
Next articleKUKI TE CHONDOL’A GOLCHA KITHANGKHONG THU

2 COMMENTS

LEAVE A REPLY

Please enter your comment!
Please enter your name here