Crosby Haokip
Henu, kaneo lai chun Pathen thu neina hil le chun,
Tun kei thidingin lum pongeπ’
Kalhagao khankho ding gellouvin,
Kanopna lampi jenga neina puiye;
Tun lampi kajot khel tan kakile kit thei tapoi.
Kadam theina ding khohsah louvin,
Kadu jengbou neina nehsah e.
Tun kalhagao lamvaiyin akap e.
Mit a muthei lou kalhagao hinkho;
Tonsot meidil jon dingin eipui tauve!
Kakichai kache ngampoi henu!
Neituh in neilha kang hih hel in!
Nangtoh kikhen kang ponge henu;
Kache na ding lampi kavet leh,
Kamitlhi avakang thei tapoi nu;
Kamit lhi theh theh da tan,
Nacha kei thiding kahitai!
Tonsot damun lamjona kap ding;
Ka le hagel na muna che ding kahitai.
Lunglengin kadamlaini kangaiye.
Hung leng kit in kahinkho.
Tang louvin neina taopeh jingle chun,
Pa selung sunem meiyin te.
Hinlah tao dinga lungnem a kunpet umlou jehin,
Kalhagao thina lam a aleng lenge.
Mu thimin kichat tijat golgin akijai.
Chua chun Satan vaihomin;
Khankho kiti mong mong aum tapoi.
Henu, hepa, kakana mitlhi hi tunin,
Sangsom som chunga thusei hen;
Leiset nop chon dalhautin,
Pakai lungdeiyin chon ute;
Khangdong simsen lou henga,
Kathusim hi avel velin sam un!
βVo khangdong, nakhandon laiyin nasempa geldohin,β tin sam un!
