Home Gogou Chongloi KALUNGSET MOINU-I

KALUNGSET MOINU-I

84
0
KALUNGSET MOINU
KALUNGSET MOINU

LOVE STORY- HINKHO THUSIM

πš†πš›πš’πšπšπšŽπš— π™±πš’- π™Άπš˜πšπš˜πšž π™²πš‘πš˜πš—πšπš•πš˜πš’
(7219368064)

Episode-1

Thusim ena sim masang un keihi kamintah ahile zamkhotinjathang akitin kapu minhi Helkhozam ahin ahi. Kapenna kho chu ahile amin aiigejang ana kitin kachennao kho hi kei kanu inkote haosa hina ahin injong Somni hambou anahin ahi. Keihi milungkhoh tah kahin kapute kapa te injong kamin ngeijin jong eikou khapouvin ahi.

Kalungkhoh danchu angah na beiyin kana lungkhoh lheh jeng in kalujang injong kajangtel nijen aum khom in ahi. Kei kapa hi kaneolai kum som kalhin dingkon in eina mollem santan kanu to kapute khosat nachun kapa beinung in keile kanu hi kapute in eium khom piu ahi.

Kapu helkhojam hi gamleng hatmi ahin sakap jong athem in gamleng ache poupou leh hongkeu in ahung kile ngaipon ahi. Kei hetthei injong asa kap jong atam lheh jeng in kapupa jong kichat kiti ho anei pon ana hangsan lheh jeng in ahi. Hinlah atupa keivang kameidoi in kumsom le kumni kahung lhin jouhin kapu Helkhozam chun agam lenna mun’a eipuiyin ahile kapu chun kameidoi ahet jehchun eina engbollin nikhat chu kagam lenna lhon in thingphung bul khat ah khaovin eihen in tunni nachang a hiche laimun a nage khovah dinghe tin eina henkho vahkeijin ahi.

Hiche nijan chun kapu Hlkhojam chun eida lha pon eihen na kom chun eingah khovah keiyin ahi. Hiche nijan mama chun kaki henna thingphung bul a chun kana imulha tan ahile janmang kidang tah khatjong kana neiyin ahi. Kajan mang a chun keito kigol bep numei chapang khat ahung in kakom a kaki henna khao chu asut lham in kaneh ding anle tui eihung pe in ahi.

Hichun kenjong ka janmang chu athatah banga kamu ahitai kenjong hiche numei nu chu amin kadongtan ahile amin chu moinu tin eina seipeh in ahi. Aman asei be na ah chun nanghi tunnia kipat kathil boltheina kapeh ding nahitai. Tin eina seipeh in anle tui kanehjou phat in akhutte ni in kadehpang alai chet hi ajut in thumvei ajut jouvin kaki henna khaochun eithah kan kit in hichun eida lhatan eida lhah dingkon chun tunnia kipat nanung kahin juijing ding ahitai atin ahi. Aman eida lhah phatchun keijong kahung kingkhang in ahile jingkah punggup ho vel ana hitan keijong kaki hei lele leh kakom chun kapu Helkhozam chu anading in eihenna khao hochu eisut lhah peh in inlang kahin jon lhontan ahi.

Nilhah khat chun janmang kidangtah khat ana umkit in phat masa a kajan mang a kana mu numei nuchu ahikittan ahi. Kalupna munchun ahung in ama komma anung juidin aseiyin hinlah athusei chu kanom pon ahile kakom in ven hiche khu ve in hiche laimun a khu kapui got ahi. Tin ahin seiyin ahi.

Hitia ahin seiphat chun keijong kakihei in asei nalang chu kavetan ahile in building thupi tahtah aum in amun chu anom lheh jeng in ahi. Kenjong kamittah a eipui nagot mun kamu chun katha anom varlin kenjong henge nanung hinjui inge neipuiyin katitan ahi. Hinlah numei nuchun jingle kahung kit phatle napui tange tun kanule kapa in eikoutai kache kitding ahitai. Atin eidalha tan ahi.

Hiche nikho chun jingkah kahung thodoh le kapu chun tunni leh loukon a kache ding ahin kanung nahin juiding ahi tin aseiyin hinlah kapu kom in hepu che poite go juding ahin kanponte cheda taite kati tan ahile kapu chun nang themgao nahi a gojuh juhlou ding naseiham?? Atin nathaset man a nasei hichu atin kada kadoijin louva chedin eiki got sah in eipuitan ahile khosung jong khel mannai louvin go ahungju pantan gojuh aphat kangah lhontan ahile apha thei mong2 tapon ajona in kapu chun uisubep ahijenge hung in kile tate ahinti’n ahi. Kile ding ahin seiphat chun Kaki pah varlin inlang kadel tho jengtan ahi. Kei kipa nachu ahile in lhun a imut ding chule moinu to kimuto ding gella kahi.

Keijong in kalhun in moinu to kimuto dingkal ngahlal in ka imu kittan ahile janmang chu kaneiyin moinu to jong kaki muto nan hijongle moinu chun bye2 eibol khum in nidang ka janmang tabang ahitapon ahi.

Keijong kahung khah jouchun nilhah pung gup ho vel ana hitan kahung thoudoh in anne din kichen lang kajot leh keiho in gaplheng chunga chun thilha mikhat ana touvin hiche thilha chu anahkui asaovin chuleh abilkol pang teni in bongki bang in ky ni aneijin ahi.

Hiche thilha kamu mu chun eihin ve in eihin nuisat tan ahi. Kenjong gaplheng chung’a thilha kamu phatchun kapengjah jeng in kakhut in kakoh in hiche laihin thilha mikhat atouve tin apento tho’n kakoh tan ahile kapile kapu chu alungdong in kapu chun jangko ta hite namadon don in ham hih in eiti peh in ahi. Kapi le kapu’n amuthei lou ahijeh chun keijong intom langa kapot in thingkeh kaga kilah in jalchunga tou thilha chu suhjep toujep katho jengtan ahile thilha pachu thumvei akongbuh tah kajep khah peh in ahile aman jong na asah var jehchun kajep khah nachu akisip in akisai chung2 jeng in anople da kibang in inpam lang in ajamdoh tan ahile kenjong kathingkeh choija chun kadellin ahile ajammang in kadel phata pon ahi.

Kadel phah joulou phat in insung a kahung luttan ahile insung thil tampi jong kana jepse gamtan ahi. Hichun an ima ka-ne un matah in ka imu kittan ahile janmanga kana muji moinu chu kamu tapon ahi.

Jingkho hungvah in kapu chun louva cheding ansei kit in hinlah kenvang ni masa a kadonbut bangchun kadonbut kittan ahile kapu injong angai ngaiyin eihoukit in ahi. Hinlah kapu kom in Ipi hileh chomkhat ngahhite go hungju kitding ahi tin kaseitan ahile kapu chun henge themgao pu tin ame sesu jeng in ahi. Kasei bang in kanga lhonke minute ni jouvin gojuh ahung kipan kittan ahi.

Hiche phatchun kenjong kasei jouse guilhung ngen ahijehchun phat masa a moinu in kakomma kathil boltheina kapehding nahi atichu kahin geldoh tan ahi. Hiche nikho chun keijeh in kapi le kapu hi alungkham lhon in alunggim lhontan ahi hitia keijeh a lunggim ahi lhon phatchun kakhouva mikhat komma eipui lhon in ei vetsah taovin ahile eive pa chun kapile kapu kom in hitin anseitan ahi. Natupa hi aneo a kon anungjui um ahitai hichan geiya thil boltheina anei ape hi natupa toh kivopji nuhi ahi. Tin ahin seiyin chuleh hiche pachun kapule kapi kom in thilha’n ajui thei nahi abul chu natupa apa thilbol jeh ahi tin,” aseipeh tan ahi.

Eijen pa in hitia ahin seiphat chun kapi le kapu chun epi jeh a ajui umtheiham?? Tin adongkit lhontan ahile eijenpa chun natupa hi aneolaiya apa tohin agam ge-nao mun’a natupa apa lunghan jitna buhpam a aga tousah a hiche chapang hi kilah taovo akhoh varle ti thucheng ana sei khah jitna tunni chan a natupa hi anungjui um ahi atin ahin ssitan ahi.

Hichun kapile kapu chun eijenpa komchun aile Ipi lolhon leng hiche ho jouse hi tangthei dingham?? Tin adong in ahile eijenpa chun natupa hi ahtuida ho haneh sah lhon lechun ahetna hohi ollin hung mangtan te tin ahin seitan ahi. Hichun kapile kapu jong akipah varlin ghilpeh anei got lhonke eijenpa chu anompon ken hiti hohin imacha thil kala ngaipoi atin hichun kapile kapu chun kipathu asei lhon in inlang kahin jon taovin ahi. Hiche nikho a kipat chun ahtuida kahin haneh tan ahile kathil bolthei naho jouse ol ollin amang jep2 tan ajona in thilha kamu theina jong amangtan ahi. Hinlah moinu to kei kivop theina chu atan dehpon ahi.

Phatle nikho ahung challin moinu to keini jong kaki muto kha lhon jita pon kaki muto lhon louna lhakhat ahung lhingtan lhakhat hunglhing ahitah jehchun moinu to avella kimuto dingchu katahsan tapon ahi. Hinlah lhakhatle hapta khat jouhin janmang kahin neikit tan ka janmang chun thingphung bulla kana kihenna thingphung pangchun kana ding in ahile kakom in moinu Ana din kahin mudoh tan ahi. Kenjong moinu kamu phat in kalunghang varlin moinu kom in Ipi dia phat hitih chanhi neiki musah lou hitam?? Naphamo varle katitan ahile moinu chun heo kapute kholang a kache ahi ae tunni mama a hunglhung kahi jehchun namel kamu nom var phat a nangkomma hung kahi ae tin aseiyin ngaidam athum in kaki ngaidam lhontan ahi.

Phat chomkhat chu kaki hou limlim lhontan ahile moinu chun heo kanung hinjui in chung’a lenji kahil ding nahi atitan ahi.

Kalungset moinu Ipisode (1) chu hichan in akichai tai. Aban jingle ana simkit taote koita bang aban deiho din 7219368063 inbox

Abul a pat hinsim hojouse Chung in kaki pah ae.

Thusim hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleBIBLE SIM THO LEH SUT THO HOIJOH PHA JO DEM?
Next articleMEL MULOU LANU-II