Home Ginneo Apute Tupa KALUNGSET HOICY-I

KALUNGSET HOICY-I

578
0

HINKHO THUSIM

KOI TABONG AMIN KIBONG IUM KHAH U JONG LE ANA NGAIMA POUTE TIA NGAIDAM KAHIN THUM MASAT AHI E.
CHULEH KHUMIN KAHIN SEILOU DING AHI…ANA HETHIM MEI UTE ATAH AHIJEH IN AMIN KICHEH KAHIN JAOSAH LOU DING AHI.

Arrange by
Ginneo( Apute tupa )

Nungah kahin heltil ahi nalai in ninkhat hi Lalboi in Kanao adampoi Mon gave hite tin ahin seitan ahi chephat chu Ken Jong henge gave hite tin anaonu umna (KHUMIN) chu kajon hontan ahi kalhun honin kaloipa naonu Hoicy chu kaven ahile kamit alaten in kalungsung ah hetman louvin aveiden tan ahi.
Phat ahung che2 tan ahi le keijong Hoicy chu kamil joulou phat in kaloipa jah a ahipoi nao chu pha hinam Lamka a kium thouva gave kit u hite Kati le ahung nom in chephat chu (KHOMIN) chu kajon kit taovin ahi
Kaga lhun u Chun Hoicy Chun mailhei sel in eihin ven ahi le kalungsung kipanan adim jeng in ahi hicheni Chun kenjong nao naoldom Lou laiham katin ahile Aman Jong he,u kaoldom tai ahin ti in keijong kakipa Dan achom jeng in ahi chephat Chun kaloi teni Jong Chun he,u te inn Lang ah gavah Ute atihon in ahi kenjong nangni gache honin Lang ijao le neihin koupa hon o katin ahi chephat Chun Lalboi le seipu Jong achehon tai.
Ache nunghon chun KenJong Hoicy jahah Chun c ipi ti nadamo ham Kati le Aman Jong kahe heh e he,u keijong kalung adong e ati in keini Jong akihesa bong in kaki daihon in chom1 jou in Ken Jong nao Nagel thei le na phone nos neipeh thei d ha Kati le anui in ipi d nati ham he,u kei nos pentah ati in kenjong o moh a iki houji2 a pha ham Kati ahi e Kati le a nos chu eihin pitai…eihin peh jou in kaki daihon in ahi le Lalboi le seipu Jong ahunglhung pei hontan che taote atihon phat in keijong kading doh in nao gache taovinge o Kati le henge he,u hungvah ji2 uvo ati in keiho Jong kahung doh taovin ahi.

Inn kalhun in kaloiteni hetlou in kapot in ka call le ahin la in koi nahi ham ahinti in Ken Jong a nao ka o nahei vah same Kati le e he,u nang nahi ham ahinti in Ken Jong henge kahi e tin kadonbut e
Phone call ah Chun kaki dai2 hon in ahi
After 2months
Nikhat hi Hoicy chu ka call kit in ahi Aman Jong phone ahin pickup in a… He,u ipi thu hitam ginchat louvin neihin call in ahin ti in Ken Jong ima ahipoi nao moh a kihou louna sot thim ta a le Kati in chom1 kaki houlim pi tan
Chom1 jou in Ken Jong hitin kasei e…. Nao na nos kalah hi a jeh nahet um tia kadoh le Aman Jong henge ati in eile ipi ding a. Kalah ham tia kadoh le hitin eihin donbut e he,o nanao bong a neigel a kihou ji2 nading a nalah ahi ahin ti e….Ken Jong kanuisat in hitin kasei e… Nao ahinai Nagel chu hijong le tunin thu1 kasei nom e Kati le he,u hinsei o atin ahi.

Kenjong chephat in hitin kasei e nao nang in vang neihe phapon Nate ven na melkamu Nia patin 2ni chan kalung laiah nacham jeng in kamil thei tapoi Nagel thei ding le kalungset nahi neisan peh o tia kasei le Aman Jong he,u tot heh o kei sang a hoijo chingjo mi atam e kei ipiding neiti ham tin eihin donbut e hiche phat Chun Ken Jong hitin kasei e
Nao hinante ahin lah namel kamu doh hi keiding a kipa na le lungmon na a kanei thei nading in kalungset na hi neisan peh in chuleh Kei Jong kalungmong intin hoilai chan ah che Jong Lang namil ponge Kati tai
Hoicy in Jong he,u chuti ahi mong2 le phat chom1 neipin tin phat athum tai…

Chuti a Hoicy in phat chom1 athum jeh Chun Ken Jong nao phat vang lasao heh o tin kana seitan ahi
Hapta 1 jou in Aman Jong ei hin call in kaki hou kit hontan ahi Ken Jong kadong tan nao kasei chu iti Nagel um tin kadong tan ahi chu in Aman Jong hitin asei e he,u ijou le nakisih na hikhante eiti keiman Jong hitin kadonbut e
Boi kisih nalou ding a hinkho Iman le ipi ti kisih naum ding ham ka dohjoh neidonbut o tia kagah sei le ahile he,u ven ken Jong kalungset e ahin ti tan keijong kipa Nan kadim jeng in ahi
Che phat Chun kenjong kakipah e nao katin kilungset hinkho kahin mong panhon tai…. Phat chom1 kilungset hinkho kahin manjou hon in keijong natoh ban dalha a kijan a hung kahi Jong Kani heimil leu jeng tan ahi phat chom1 jouin kei Jong innlang che a natoh ho vekol Lou thei Lou kahi jehchun inn lang che din kahung um tai Ken Jong kasei ta nao
Keijong inlang chelou thelou kahi tahjeh in jeng le kache ding ahitai hijeh achu tunilhah a hi nang kom a hung kholaileng ah kahi tin kasei tai chephat Chun amajong amaiso ahung moltan kenjong kaven kalai analheh e…
Kamasang a anui nah2 vang Chun a lungthim in vang apohnat chu akihe thei in ahi
Posal akihi vangchun aumchan chu kave joupon hitin kasei tai nao ven keihi hi insung a atahpen miupa kahijeh in kanup2 a umthei kahipoi neihe thim in chuleh tukum session kichei le kahung kit ding ahi hiche masang a chu phone call teilou a kihou mat nading umlou ding ahi hijong le lungneo heh ta o Kati tan ahi
Aman Jong henge he,u lungneo hehin phaten hung vangphan Lang hung kilevah o ati in amitlhi akithim thehtan ahi….
Jan Jong ahung sot thim tan Ken Jong nao janjong asot tan keijong kile tange o chuleh kahung teng le ipi kahin pohpih ding ham Kati le Aman Jong he,u ima pohpih a ngai heh e nang ma joh hung kile vah o atitan ahi chejou in keijong akhuti le nao mongpha o Kati le thip beh in eive in aham nom tapoi
Ajeng in keijong inn lang jonding in kahung kile in lamlhung kei in lunghel tah in Gari kahin tolin abong2 le kinung le ding Jong kagel ji e hinlah inn kalhun loilou le kapan natong ho gamnui a agavil jeng chu ahahsat val dingjeh chu alou thei Lou in innlang kajon tai inn kalhun in kaki chol in ahi
A jeng in 125 kenbo in gamlang kajon in somil a natong ho ding thil avat2 ho kapo in ahi gamkaga lhunchun kalung Jong ahel lheh jeng in ahi
Kaum namun u chu network umlou na ahi jeh Chun kei Jong nilhah seh le km 2 a gamlha mulchung khat a kamaithel kaki poh in gamlen takop in Hoicy toh kihou ding in kana che jeng in kalungset pennu toh kihou nom jehin kichat lamjong helou khop in hiche mul Lang Jon in kana che hi in ahi
Phat Jong ahung chal2 in thing natoh phat Jong ahung kichai tan
Natong jousi hotoh chu inn lang kahin Jon taovin ahi.
Kei Jong Lamka Lang chekal bou ngahlal in kaum in lungdei Hoicy melmu ding bou ngahlal in kaum e…
Nikhat Kanu komah henu Lamka Lang ah gavah tange Kati le Aman Jong kin umlou a ipi Naga holding ham eitin ahipoi henu inn a bolding la umlou a ei Jong golhang kihi a nungah nu kom Jong gaki phanom a Kati le ahi le itehle nache ghut ham tin eidong in Ken Jong henu Nagel thei honle jeng ma2 le kiche le Kati e Kati le kanun Jong henge ati tai
Ajeng in keijong Lamka Lang Jon in kipah tah in kache tai.
Lamka kalhun in hoilang che masat ding ham tin kaki gel le a ipi hile inn kilhung Masa hen tin inn lang kajon in nilhah in Hoicy kom Lang kajon tai.
Ahin lah vangset umtah in Hoicy chu ana um tapoi chephat chu Ken Jong aumna te kadong tan heile hitin asei je Hoicy chu athi ahin akihet Lou phat in a nuten ahung puidoh taove ati taovin ahi
Ahi le he,u tua hi hoilai a um u ham Kati le Aman Jong tu Nini masang Chun district hospital ah aum uvin inn Lang ah akile taove ati tai chephat Chun Ken Jong ka phone kaladoh in Hoicy nos chu ka call le switch off akiti tan a khoh uva che ding Jong kache khah na Gam ahilou jeh Chun kalung adong tai. Lungthomhao tah in inn kahin Jon in ahi le hapta 1 alhin jouhin eihin call in he,u eihin ti chu kalung atong kha lheh jeng e
Ken Jong boi hoija naum ham kahung le nadamo thu kaja in hung ding Kati le la nakhu u lampi kahet Lou jeh in kahung thei poi Kati in kamitlhi ahung moh londoh jeng in ahi. Aman Jong he,u hung heh o kakho u chu agamlha e keijong kivetsah a kahung doh ding ahi e ati phat in kenjong kangah in ahi.

Ni thum jouvin kivetsah in ahungin kei Jong kaga kimupi in ahi hitichun akom a chom1 kaum le Kanu in eihin call in boi inn lang a hung kile to Napa aha damo e ahin ti tan ahi.
Keijong kalung adong Dan in kapa kadel ding he Hoicy kabuipi ding ham kaki gelle kei Jong kalung adong Dan in chephat Chun ipi hile tin Hoicy Jah ah chun nao nupmo saheh o inn lang a hepa Jong ahadamo in henun eihin kouve kache Lou haimo ahi katin inn lang kahin Jonkit tai.
Inn kalhun le kapa Jong ana halal.
Lheh jeng in ahi chephat chu Kanu toh kaki hou hon in sija hospital a ding in Kanu le kapa chu drive pa toh ahung kipat doh ngal taove.

Akipat doh ngal taove
Hospital aga lhun u Chun

Apet2 in ICU ah atol lut un ahi kanun Jong ei hin call in boi Napa ICU ah aum tai ahin ti in ahi
Phat chom1 hitchun Aki Jan in ahi le kapa Jong kho ahin he tan kaki pah lheh jeng uvin ahi
Chejou in Kapa ahung hagim kit tan doctor hon kipoh doh ding in eihin Sol taove ahin lah pathen nom Lou Jong hintin Lamka Lang a Jan ding in kahin poh kit taove kapa chu ana ngol in lupna nuidung ah Jong nga ahol ji e hitia aha Bui cheh2 tan phat jousen keibou ei hol2 jeng e tin kanun eihin koutan kei Jong kaki patdoh ngal in hinlah kinep na umlou hel in Kapa kom chu kajon tan ahi
Chom1 jou in kaga lhung in ahi le kapa chu a ngol chu ana hitai Ken Jong hepa tia kagah kou le ama Jong ahung Kihei in boi nahung ham eihin ti in eikoi in neipo o atin Ken Jong kapo in lampi ah vah hite ati phat Chun inn Mai lampi ah kava pi in ahi.
Phat ahung che2 tan ahi Kapa la oldom thei Lou kalungset Hoicy Jong athu kija talou ahi phat Chun Ken Jong kanu komah kasei tai ahipoi henu Kapa la ahiti in kalungset Hoicy la athu kaj tapon ipi ti ahi tadem ipi hile nang in Kapa ana umpi in lang kei Jong Hoicy gavil tadinge jan1 van kahung tham louding ahi Kati tan ahi le Kanu Jong Chun henge boi gavil lhan atitai kei Jong kache tan ahi le ama ho ding a bajal/treading center chu kaga lhung tan ahi le kaloi ngaitah khat ana um in ei mu2 Chun eihin kouvin kei Jong kache in kaki houlim hontai
Kaloipan jong golpa hoi lang pha ding nahi ham tin eidong in Ken Jong golpa hepa damlou akom a kahung a tu a hi Hoicy kom a hung kahi ati in ahi che phat in Aman Jong apha e tujan keikom a nagi ding ahi ati tan ahin lah kei kanom poi golpa nupmo saheh in kage thei Lou ding ahi phat kanei poi Kati tai ahin la kagolpa chu anom tapon hitin ahin sei tai ven golpa tuni.

Iki houna ding aum e ahin ti tai kasei doh Lou le kadam sung in keima le keima Jong kingaidam jou ponge atitai che phat in kei Jong ka geh tan ahi.
Aman Jong Jan in ju ahin ladoh in ahin sung tai kihou toh adon kakop hon in ahi le Aman Jong ei hin dong tai Bhai Hoicy nati chu koi Hoicy ham chule a KHOMIN ipi ham ati in Ken Jong kasei tan ahi le che ding in eiphal tapoi.
Bhai cheda tan tin akap in ka keng a tuh in akap in ngaidam athum in thu umdan chu asei tai kei Jong kalai ana val in seidi helou vin kamitlhi amoh londoh tai.
Ahin lah Ken Jong Bhai ipi hijong le kache ding kaki mupi ding ahi tin kache in kaki mupi in ahin lah ima kasei ngam tapoi kalungset pen nu la kinep na bong talou lung nomlou tah in kahung kinung le tan ahi
Hiche ni apat Chun kahin kho man ahung kikhel tan kahin kho a a Lim Jong Kani mukhah Lou Louchang/wy kiti chu kahin chep pan tan ani2 in katah Sa akim tul2 jeng in ahi Kanu le kapa kisan in kinep pitah a anei nunga 1 jeh a posal joulou chu kahung hitai.

Hitia kinep na umlou tah a hinkho kaman a Kapa damlou kijan sumhol toh kakop phat Chun kei Jong chom Lou in kalung gel Jong akichem thei beh tapoi a Lang khat a vangphat um tah in kapa chu ahung damdoh in ahi
Chuleh lhagao a penthah na Jong ahin nei in kipa aum lheh e ahin lah akinep pi le a ngai lut pen kei Vang kapa ginchat toh kibong Lou in hinkho Kani mong tan hiche phat chu kapan Jong a room sung ah eikou lut in mitlhi long pum in eijol toh ahil eikop in ahi ahin lah Ken vang kana nga deh tapo
Phat ahung che2 in ahi le kum2 lang ahung Lhing tan kei Vang vet thei Jong kahi tapoi
Chom khat jou vin kapu in kakom ah boi napu neo in gi anei ding ahi in nang gari Jong mounu touna ding in jeng u hite ati in Ken Jong henge akhoh heh e Kati in Lamka kahin Jon kit taove kapu neo um na kho chu kaga lhung Tao vin ahi
Chu in kapu te inn chu mi atam jeh in a inn lhang te inn ah Chun eilhun sah Tao vin ahi
Nilhah Lang a kaga lhun u ahi jeh chu ka lhun na ding te chu Anu le apa bou ana um hon in acha te lah a aneo pen nu Vahneo chu kisil a che ahi.
Chom khat joun Vahneo Jong ahung lhung in akvet le a op ah ponve ahin kive in tuibel1 ahin puin ahung chu Kani ve2 jeng tan ahi.

Chuti a Kani vet2 lai in kakom ahung lhung in ahi le lungset melpu tah nungah1 chu anihi in ahi,
Chu in Aman Jong eihin houpin he,u hoilai ho nahi ham kapu te kin a jao ding a nahung ham ati in Ken Jong Heng nao asah a marriage kin a jao ding kahi e chule hilai a hi kalhun ding ahi Kati tai.
Che jouin ama Jong insung ah alutin ahi.

Keijong miumo kahi jeh Chun bazal lang gapha inge Kati in bazal lang chu kaga che in ahi chule meding them1 toh kahin choin inn lang kahin jontai Jan Jong ahung hital janin Vahneo pa toh katou hon in kaki houlim lhon in ahi le Aman Jong boi hoilai ho nahi ham ati in Ken Jong hepa kei KHOMIN kahi e Kati e o ati in ahi le boi letkhou te khu na ipi ham eitin Ken Jong hepa kapu te ahi e Kati le Aman Jong o apha e ati in ahi hitia kaki houlim hon Jing lai in kapu Mang Chun eihin kouvin momon hung o kihou nading aum e ati in kei Jong kache tai
Kalhun in jeng a moupui ding thu ho kaki hou un kihou kichei in keijong kahung Suh hung le Vahneo pa in eina ngah doh in kajan tou hontai.
Khuti a Vahneo pa Chun eihet khah Lou ahi vangchun eingailu lheh in ahi kaki hou2 hon le phat chesa ho kahin seidoh hontan ahile Hoicy chu amaho toh kinei le kho1 a ana Cheng khom u ahidan ahin seidoh in ahi le kalung aleng lheh jeng e. Jan Jong ahung sot tan imut ding kahin tihon tanahi ama Jong room sung Lang ah alut in keichu khangphei Chung ah Chun ka imutai. Ajeng in moupui in kaga che uvin ahi kahung lhun uvin kapu te hose chu moulop na kin ding in akisa Bui un ahin la keivang kalhun nah inn ah kaki chol in Vahneo nu in bu ahon in ahi Ken Jong Vahneo nu Jah a henu pastor thangsei te chu na het khah um Kati in ahi le henge kahe e ati in tuin keiho area apo e ati in Ken Jong henu ama ho umna chu gamlha um Kati le Aman Jong agamla beh heh e atin in ahi Ken Jong henu akhuti le jeng le Kanao teho a on ding le kaga phah nom in eihung lhonpi thei deu ve Kati le Aman Jong.

Ipi abol deu ham gavah tangah u ati in ajeng in moulop nakin kichei in Vahneo le nengcy chuleh chapong them1 toh pastor thangsei umna chu kaga che un ahi le inn ah ana um uvin ahi.
Pastor thangsei in eimu2 Chun akipah lheh e Ken Jong kamu2 chu hegang nadam hinam Kati in kalut pei in ahi chom1 katou un keiho Lang aum laithu ho a kaki houlim uvin ahi chom1 jou in Aman Jong momon lunghel Jong aum in maicham1 semute ati in ahi maicham asem in nungah golhang um ding Dan ho eihil uvin chuin taona eimin peh uvin atao na ahchun Vahneo toh kaki Chen na honding in Jong ahung taotha doh tan kei la kalung adong in iti Dan a ka gang hin akingai eihi sah hon hinte tin kagel in ahin la koiman ima Vang kasei pouve.
Taona kichei in keiho Jong Vahneo te inn lang kahin jonun inn kalhun u le bu Jong animin tan bu chu kane uvin kikhom ding in Vahneo toh houin lang kajon hon in ahi.
Vahneo hin eijan Dan le ei ngailut Dan chu kavet le keijong kalung a lhei lheh jeng in achung ah lungset na sangtah kanei in ahi ahin lah itabong mi ahi kahet Chet loujeh in Ken Jong kalungset lheh Vang in Kanao bong in kavetkol tho in ahi.

Ajeng in kin jouse akichei jouphat in inn lang che ding Chula ahung hitan ahi keijong kaki gong in kaki patdoh kon in Vahneo nule pa in Jong Bal le ankam tampi eigon peh honin boi hung vah ji2 ta o ati honin kahung kilha taove
Hichun inn lang kahin Jun in ahi inn kalhun jou in Vahneo bou kalung ah aum jeng tan eijan phat naleh ngailut tah a eibol nabou chu kalung a acham jeng tan ahi Vahneo mihina la kahe tan gah joljeng ding Jong Anu le apa in eingai lut na kagel le kaki phatlam in ahin lah lungset nan ajo jeh Jong hintin kahin jolpan tan ahi le Aman Jong hahsa asalheh in ahi ahin lah pathen phatsah Jong hintin Aman Jong Hoicy toh kahinkho man danhon Jong ana Jah ji Jong Ani hidan ahi in vangphat um tahin Vahneo dongma pa le kei a nu Hoicy chu ana kilung set kha hontan ahi
Vahneo in Jong ahinhet doh phat Chun athang atom in tahngtom party chu kahung hikha hontan ahi ahin lah Ken vang Vahneo ahindan kahin hetdoh phat in apa kom a Kani kithum a Kani jol chu ahi ahin lah Vahneo in vang ima anihe poi
Chuti a Kajol jeng lai in hitin ahin sei tai he,u kanup ding Jong le henu le hepa kadoh ding ahi ati phat in Ken Jong boi adang Vang kahepoi hepa kom a kasei a kathum sa nahin hepan Jong eiphal peh ahi tai Kati peh e
Chephat Chun ama jong anom tai.

Phat ahung che che in ahi le.
Vahneo toh kaki ngaihon chu Hoicy in ahin hedoh in chuleh kholai mi honjong ahin hetao ve.
chephat chu Hoicy ding a Vahneo chu anao te ahijeh Chun Vahneo toh kaki Khan nahon ding in ajol in amani ucha Jong akinah lo ji hon e.
Ahin lah lungset na Jong ahung pilhing deu2 tan Ken Jong Vahneo kom ah hitin kasei tai.
Neo ven nang hi kalungset nai ahin lah nang Kajol a iki ngai hi keiding in kipa Jong aum in lhaset Jong aum e Kati le Aman Jong he,u ipi nasei na ham ahinti in Ken Jong thuchin chu kasei peh tai ven Neo na u Hoicy in eibol nahi ahe Lou umbeh Lou ding Jong katah sanin nang in Jong nahet teiding ahi Kati le henge kahe e ati.
Nao kaki khen ni honchu keijong kalung ahan val jehchun ven nasopi numei1 kaki chenpi thou2 ding ahi ama vang kaki chenjou hon teng le namasang a kacha Masa pen toh hiche bazal a hi ikimu ding u ahi Kati ahi Kati le Vahneo in Jong nomo asa lheh in ahi.

Ahinlah Neo nupmo sah nading a kasei ahipoi.
Ven eini ikichen ding ahi iki ngai masang kahel masang in pastor pan eigom hon in ahi chuleh aban ah Jong ka hetkhah Lou mi lhat in Jong naji ding nu Lim tin kamong in na photo eivet sah e Kati le ama Jong ahung nui in cheho pou ati in kanui hontai.
Phat ahung che2 tan kei Jong gamah natong in somil lang kjon tan ahi kaum na Gam chu network umlou na ahijeh chu phat jousen kaki houmat thei ji honpon ahi hiti a hahsa tah a kaki houdoh ji honchu a lang1 ah anupna tah khat Jong aum ji e.
Hitia kahung kilung set na hon Jong kum3 Lang Jong ahung Lhing tan Ken Jong kum1 a vei2 vei3 val Jong kavil jouji Pon ahinlah kalungset Vahneo Vang kon ipi seijong le kitah tahin keidin an pong Jing in ahi
Chuleh kum asot le thu lamleng le mitilse ding le kaki kah hon a thusi seiding Jong atam jep2 in keini Jong kaki ngailut na honjong asang cheh cheh jeng in ahi.

Kaki lungset nahon asan cheh2 le kingai lutna asan cheh2 bong in eisukhen honding le ei tilse honding Jong atam cheh2 Jing in ahi. Ahinlah hiche hochu thu lahlou in kakoi hon in pathen jalin kilungset na phutdat Jon ahung pong jotan ahi
Nikhat keijong Vahneo te kho kajonkit tan ahile amaho area a EPF Lai kaga tohkhan akho uva maljin ahung in amaho in ah Jong mi 3 alhung in ahi le Gina ding a ong tapon chuphat in Vahneo te inmai a Nengcy te inn a geh ding in Vahneo toh kaki gong hontan ahi. Phat chomkhat jouin kho Jong ahung jengtan bu nehjou imut phat Jong ahung hitan ahile Vahneo toh Nengcy te inn ah imu ding in kache honle Nengcy ahung thou in Nengcy le Vahneo in kalupna ding asem honin chejou in Nengcy chu a room ah alut in kei le Vahneo Vang chom1 katou honin ama touna ah atou in kei lupna Chung ah Chun kakijem in kaki hou hon in abong le kanui ji hon in kei lupna ban chat a Chun Nengcy Ani nu aimu in Jan pung 11 ahung lhinphat in Vahneo Jong Nengcy kom a imuding in achi tai.

Jengkah khu avah in kaki thou in ahinlah imathu kajapon keijong khohe phalou in kaum in Vahneo te kho ahchun ni thum kaum in ahi. Nithum jouin kei Jong Lamka Lang a kapu te kom jonin kahung in ni2 kaum in inn lam kajon tai.
Inn kalhun hapta1 jou in Vahneo in eihin call in ahung kap tai keijong kalung adong lheh e. Kenjong kadong e.
Nao ipi nati ham ipithu um a namoh ka jeng ham Kati le Aman Jong eihin donbut in he,u kaki tha ding ahi kajah achaval in kahin nom tapoi ati in Ken Jong kadong kitin ahipoi nao ipithu ham phaten sei in Kati kitle hitin ahinsei e.
He,u heni Nengcy te inn a igi ahchun eini hi alum khom hon e ati uvin kajah acha valin ahi ahinti phat Chun kalung ahang valin kakisen Jah jeng in ahitai.
Alang khat a kahi nalou a eiki suminse a langkhat a kajah Cha seidi Jong kihe talou kamoh lhiso in hitin kadonbut e nao Nani Nengcy le a ni in asei Chet theilou ham aninu la keibantah a imu a lupna chom2 ahi thu hija bang chajong aumpon nang la Nani Nengcy kom ah nagalum in amani in hoitah a ahet chume ahim a 2nichan a nakom a katou jongle nakhot katu teilou adang thilse ipi kabol kaha em Kati in ahi le Vahneo in eihin donbut in hitin asei e. He,u einin Vang tuni chan in thilse/umchan phalou.

In ium naipoi ahin lah mi mitvet a hiti ding a eiki gel he kajah achaval e kahin nom tapoi Kani Nengcy Jong ka,u in adoh le kahepoi iteh a kakom a hunglum ham ati in hijeh Chun ka,u Jong alung hang lheh jeng in kei henu Jong alung hang e
Ati in ahi hiche phat Chun keijong kathang atom in nao lungneo heh in eini hinkho thengsat a Iman poule pathen in ahenai Kati in ahinlah 2a eisu minse honho hi nikhat le hung minse tei u hen Kati in Vahneo Jong kalha Mon in hiti hin kasei tai nao 2 lha1 kah a hiche thu hi kasuhtoh joulou le kahung kipui ding nahi lungneo heh in Kati le ama Jong anom in hiti ding Chun kaum hontan ahi. Chejou in Vahneo u Kikim chu ka call in thu umdan ho kasei pehin ahi le ama Jong ana lunghangsa ahijeh Chun anup2 in eihou kitin ahin lah Vahneo ding khenkho geljeh Chun kathoh ham2 in hiti Chun loi le gol ho ngeilut le pathen lungset najal in hiche thuhi kahin kisuh thep tan ahi. Phat ahung che2 in ahi le lha8 jou in hitia eisu minse holah a 1ajolgei thu kahin japei tan ahi le kaki pah lheh jeng in ahi kenjong Vahneo Jah ah lungneo heh in Kani sei2 chu tun ahung lhung e thu najah tah um Kati le ipi thu ham eihin ti in Ken Jong nakho u va (amachu) ajolgei e ati uve thudih Lou va eisuh minset honjeh a ama Jong minse ahi e Kati le seiheh in akisei ngaipoi.

Lungset aum e ahin leti joh in ahi cheni a kon in alunglet Dan kahin hedoh kitin ahi. Phat chom khat jouin kei Jong somil Lang Jon in kache kittan ahi le network umlou jehchun kaki houmat thei kithon tapon keijong ni khat molchung khat ah kakel doh in Vahneo chu kagah call ghut le amajoh in ahin call toh akitoh chat in ahung kap kit tan ahi. Kadoh le hitin ahin seije. He,u neilungset um ahinti in Ken Jong kalungset heh ding ham kalungset jeh a hiteh chan iki ngai a 2a Jong iki houhi me Kati in ahi le hitin ahin seikit tai he,u nei lungset tah2 le jeng le neihung puitan ahin t chu kalung adong lheh jeng in ahi ajeh chu keiding a natoh khoh laitah ahi jeh in gi kanei le kanatoh chu avesui ding umlou ding Tina ahi jeng in ahi ahin lah Ken jong kadong kit in boi ipi nati ham ipi jeh a tutah a kichen ding nahin sei ham Kati le hitin ahin sei e ka,u toh Duckan a kache honle (amaho) Chun namphu in eikai uvin kapa neo chapa in eihung toh hon in akinah lo uvin amaho lah a 1pachun thu within seipeh e nadongma pa kikou vin Lang kijam jeng hon in tunilhah ahithei tah Lou le hapta kit le iguh thou2 deu ahi ati e tin ahinsei tan ahi le keijong hitin kadonbut e nao ipi hile hichan chu ahitah le na phone koi tadin kei henu le hepa ton hung kihou inge Kati in a phone chu kathat in Kanu ka call pei in henu Kati in thu umdan chu kasei le Kanu injong as… Boi a khoh Tama atin season kichei ngathei hilou ham tulai tah a atin ahile Ken Jong hitin kasei kit e henu ahipoi kagan loule Buiding ahi 2nilhah thilsoh ahin kei Jong ahithei ding le jeng le kache pei ding ahi Kati le kanun Jong boi ipi hile Napa toh hung kihou hon tadenge atin phone athat kit tan ahi Ken Jong kanun ahin le call ding chu molchung ah Chun kangah tan Jan Jong asot thim tan ahi 11.50pm don ah kanun eihin call in boi jengkah le matah in inn Lang ah hung in Lang gaki puitan eiti in keijong kaki pah lheh in ahi.

Chejou in Ken Jong gebuh/somil Lang chu kajon in ahi le ginchat phalou beh in sakhi khat lampi ah anading in kahin kap pa in kahinpon kajan sem uvin ahile Jan pung 2.45am lam chu anigei man tan chephat in kaki chol taove hiche jengkah tiding ham Chun mong kanei in kamong Chun kagi nao a kon a moul1 kigal vet chu Mei in akan hiche meikong ah Chun kamin akijeh in ahi. Ken Jong lungdong tah a kavet le themgao/thempu ho in eium kimvel uvin alai ahchun circle khat a jeh uvin circle sung ah chu eitou sahuvin hitin asei uve momon hiche col sung a kon in hung pot heh in min thading naghot ahi ati uvin amaho Chun phun asam pantao vin ahi hichun kei Jong kaneng akital in hiche eitousah nao circle sung a kon Chun kahung doh in ahile thilha hon1 ahung Leng un eiman taove chephat chu themgao/thempu holah a 1chu keikhel in ahung kipi doh un ahile keichu eilha uvin hiche pa joh chu alhoh mong taove.

Alhoh mong2 u Chun kahung khangdoh in ahi le khuvah chep2 anahi tan kamong nuplou jeh Chun inn che ding le chelou ding chu kaki gelmo jeljeng in ahi. Ahin lah Vahneo midang achan ding kagel theilou jehchun kaki gong in inn lam chu kajon in ahi le jengkah 7.17am don in inn kaga lhung in ahi. Kapa Jong ahung kithou in a room sung ah eihin kouvin thudoh einei in eidoh ho chu:
1.najol gei ham
Ans.no
2.ahi le chom 1 khungai thei hilou ham
Ans.no
3.ahi le nanu toh cheing kating Cha gaom hontang
Ans. Avaigei tai kache loule midang in namphu a akei ding ahi
Janlhah a Jong amat khel u ahi
.

4.Ahi le loutoh nache ding ham
Ans. Kahe poi kaloiho kitep inge.

Kati in kaloi ho kaga tep le koima naom tapon
Kei Jong kalha ase lheh jeng in.
Chephat in kei Jong Kajol pa momon kom ah kaga che in hiti kasei tai.
Jol ahipoi naki thopi angai e Kati le kajolpa Jong Saturday ahi jeh Chun houin a ding a ana kigong ahi tan ahi ahinlah Aman hitin eidon but e jol ipi thu hitam 2 sabat nitah a kaki thopi nathei ahile kaki thopi ding anhi athu kihe louva iti Jong kaki thopi ding ham tin ahung tot in.
Ken Jong chephat in kasei in ahi poi jol Bui jongle Chun 2ni Lamka Lang iche loule Bui ding ahi Kati le Aman Jong kikhop jou hithei Lou ding ham atin ahi poi nahung ding le 2a iki patdoh ngai ding ahi najol nu gapui taite Kati le a ginu ahung nui in kajolpa chu aven hiti ahinsei e u,Mon gache o mi najolpa in hibong a eiki thopi hon a atin ahile kajolpa Jong henge le kajolnu kimupi masa pena kapan ding ahi ati in keini Jong kaki patdoh honin keiho inn Lang kajon hon in Kanu le kapa in maicham eisem peh hon in keini Jong kaki patdoh hon in Lamka a kapaneo naipa ding in kache hon tai.

Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.

Previous articleNA ITI TOH LOU DING HAM?
Next articleNUNG KOU THEILOU-II