Home Ginneo Apute Tupa KALUNGSET HOICY-II

KALUNGSET HOICY-II

403
0

HINKHO THUSIM

KOI TABONG AMIN KIBONG IUM KHAH U JONG LE ANA NGAIMA POUTE TIA NGAIDAM KAHIN THUM MASAT AHI E.
CHULEH KHUMIN KAHIN SEILOU DING AHI…ANA HETHIM MEI UTE ATAH AHIJEH IN AMIN KICHEH KAHIN JAOSAH LOU DING AHI.

Arrange by
Ginneo( Apute tupa )

Chuti a Kana vet vat lai in kakom ahung lhung in ahile,lungset melpu tah nungah khat chu anahi in ahi.
Chu’in Aman Jong eihin houpin he,u hoilai ho nahi ham kapu te kin a jaoding a nahung ham ati in,Ken Jong Henge nao asah a marriage kin a jaoding kahi e chule hilai a hi kalhun ding ahi Kati tai…

Chu jouin ama Jong insung lam ah alutin ahi
Keijong mi ummo kahi jih Chun bazar lang gapha inge Kati in bazar lang chu kaga chen ahi. chule meding themkhat toh kahin cho’in inn lang kahin jontai.Jan Jong ahung hitai. janin Vahneo pa toh katou lhon in kaki houlim lhon in ahile,Aman Jong boi hoilai ho nahi ham ati in Ken Jong hepa kei KHOMIN kahi e Kati e.

Oh! ati in ahile boi letkhou te khu na ipi ham eitin Ken Jong hepa kapu te ahi e Kati le Aman Jong o apha e ati in ahi.hitia kaki houlim lhon Jing lai in kapu Mang Chun eihin kouvin momon hung o kihou nading aum e ati in kei Jong kache tai.

Kalhun in jeng a moupui ding thu ho kaki hou un kihou kichei in keijong kahung Suh hung le Vahneo pa in eina ngah doh in kajan tou lhontai.
Khuti a Vahneo pa Chun eihet khah Lou ahi vangchun, eingailu lheh in ahi. kaki hou2 lhon le phat chesa ho kahin seidoh lhontan ahile,
Hoicy chu amaho toh kinai chale khokhat a ana Cheng khom u ahidan ahin seidoh in ahi le kalung aleng lheh jenge!

Jan Jong ahung sot tan imut ding kahin tilhon tan ahi. ama Jong room sung Lang ah chun alut in keichu khangphei Chung ah Chun ka imutai.
Ajeng in moupui in kaga che uvin,kahung lhun uchun kapu te ho se² chu moulop na kin ding in akisa Bui un ahin la keivang kalhun nah inn ah kaki chol in alang khat a kaki cholna te Vahneo nu chun bu ana hon in ahi. Ken Jong Vahneo nu Jah a henu pastor thangsei te chu na het khah em Kati in ahile, henge kahe e ati in tuin keiho area apo e ati in,Ken Jong henu ama ho umna chu gamlha em? Kati le Aman Jong agamla beh heh e atin ahi. Ken Jong henu akhuti le jeng le Kanao teho a on ding le kaga phah nom in eihung lhonpi thei deu vem Kati ahile, Aman Jong
Ipi abol deu ham gapha tangu ati in,ajeng in moulop nakin kichei in Vahneo le nengcy chuleh chapang them¹ toh pastor thangsei umna chu kaga che un ahi le inn ah ana um uvin ahi.

Pastor thangsei in eimu² Chun akipah lheh e Ken Jong kamu² chun hegang nadam hinam Kati in kalut pei in ahi chomkhat katou un keiho Lang aum laithu ho a kaki houlim uvin ahi.chomkhat jou in Aman Jong momon lunghel Jong aum in maicham khat sem ute ati in ahi.maicham asem in nungah golhang um ding Dan ho eihil uvin chuin taona eiman pih uvin atao na ahchun Vahneo toh kaki Chen na honding in Jong ahung taotha doh tan kei la kalung adong in iti Dan a ka gang hin akingai eihi sah lhon hinte tin kagel in ahin la koiman ima Vang kasei pouve….

Taona kichei in keiho Jong Vahneo te inn lang kahin jonun inn kalhun u le bu Jong anamin tan,bu chu kane uvin kikhom ding in Vahneo toh houin lang kajon lhon tan ahi. Vahneo hin eijan Dan le eingailut Dan chu kavet le keijong kalung a lhei lheh jing in achung ah lungset na sangtah kanei in ahi. ahin lah itabong mi ahi kahet Chet loujeh in Ken Jong kalungset lheh Vang in Kanao bong in kavetkol tho in ahi.
Ajing in kin jouse akichei jouphat in inn lang che ding Chula ahung hitan, keijong kaki gong in kaki patdoh kon in Vahneo nule pa in Bal le ankam tampi eigon pih lhonin boi hung vah ji² ta o ati lhonin kahung kilha taove….

Hichun inn lang kahin Jon in, inn kalhun jou in Vahneo bou kalung ah aum jeng tan eijan phat naleh ngailut tah a eibol nabou chu kalung in acham jing tan ahi.

Vahneo mihina la kahe tan gah joljeng ding Jong Anu le apa in eingailut na kagel le kaki phatlam in ahin lah lungset nan ajo jeh Jong hintin kahin jolpan tan ahile, Aman Jong hahsa asalheh in ahi.hinlah Pathen phatsah Jong hintin Aman Jong Hoicy toh kahinkho man dan lhon Jong ana Jah ji Jong ana hidan ahi in vangphat um tahin Vahneo dongma pa le kei a nu Hoicy chu ana kilung set kha lhontan,Vahneo in Jong ahinhet doh phat
Chun athang atom in thangtom party chu kahung hikha lhontan, ahinlah Ken vang Vahneo ahindan kahin hetdoh phat in apa kom a Kana kithum a Kana jol chu ahi in hinlah Vahneo in vang ima anahe pon ahi. Chuti a Kajol jeng lai in hitin ahin sei tai he,u kanup ding Jong le henu le hepa kandoh ding ahi ati phat in Ken Jong boi adang Vang kahepoi hepa kom a kasei a kathum sa nahin hepan Jong eiphal peh ahi tai Kati peh e.
Chephat Chun ama jong anom tai.

Phat ahung che2 in ahi le, Vahneo toh kaki ngailhon chu Hoicy in ahin hedoh in chuleh kholai mi honjong ahin hetao ve
chephat chu Hoicy ding a Vahneo chu anao te ahijeh Chun Vahneo toh kaki Khan nalhon ding in ajol in amani ucha Jong akinah lo ji lhon e…..
hin lah lungset na Jong ahung pilhing deu2 tan Ken Jong Vahneo kom ah hitin kasei tai.
Neo ven nang hi kalungset nai ahin lah nang Kajol a iki ngai hi keiding in kipa Jong aum in lhaset Jong aum e Kati le Aman Jong he,u ipi nasei na ham ahinti in,Ken Jong thuchin chu kasei peh tai.

ven Neo na u Hoicy in eibol nahi ahe Lou umbeh Lou ding Jong katah sanin nang in Jong nahet teiding ahi Kati le henge! kahe e atin ahi.
Nao kaki khen ni lhon chun keijong kalung ahan val jehchun ven nasopi numei1 kaki chenpi thou² ding ahi ama vang kaki chenjou lhon teng le namasang a kacha Masa pen toh hiche bazar a hi ikimu ding u ahi Kati ahi Kati le Vahneo in Jong nomo asa lheh jingin ahi.
Ahinlah Neo nupmo sah nading a kasei ahipoi. Ven eini ikichen ding ahi iki ngai masang kahel masang in pastor pan eigom lhon in ahi chuleh aban ah Jong ka hetkhah Lou mi khat in Jong naji ding nu Lim tin kamang in na photo eivet sah e Kati le,ama Jong ahung nui in cheho pou ati in kanui lhontai. Phat ahung che² tan kei Jong gam ah natong in somil lang kajon tan, kaum na Gam chu network umlou na ahijeh chun, phat jousen kaki houmat thei ji lhon tapon ahi.

Hiti a hahsa tah a kaki houdoh ji lhonchu a langkhat ah anupna tah khat Jong aum ji e.
Hitia kahung kilungset na lhon Jong kum3 Lang ahung Lhing tan Ken Jong kum1 a vei2 vei3 val Jong kavil jouji Pon ahinlah kalungset Vahneo Vang kon ipi seijong le kitah tahin keidin ana pang Jing in ahi.
Chuleh kum asot le thu lamleng le mitilse ding le kaki kah lhon a thuse seiding Jong atam jep² in, keini Jong kaki ngailutna lhonjong asang cheh² jeng in ahi.

Kaki lungset nalhon asan cheh² le kingai lutna asan cheh² bang in eisukhen lhon ding le ei tilse lhonding Jong atam cheh² Jing tan ahi.
Ahinlah hiche hochu thu lahlou in kakoi lhon’in Pathen jalin kilungset na phutdat Jon ahung pang jotan ahi.
Nikhat keijong Vahneo te kho kajonkit tan ahile, amaho area a EPF Lai kaga tohkhan akho uva maljin ahung in amaho in ah Jong mi 3 alhung in ahi le Gena ding a ong tapon chuphat in Vahneo te inmai a Nengcy te inn a geh ding in Vahneo toh kaki gong lhontan ahi.

Phat chomkhat jouvin kho Jong ahung jingtan bu nehjou imut phat Jong ahung hitan ahile, Vahneo toh Nengcy te inn ah imu ding in kache lhon in ahile,Nengcy ahung thou in Nengcy le Vahneo in kalupna ding asem lhonin chejou in Nengcy chu a room ah alut in kei le Vahneo Vang chomkhat katou lhonin ama touna ah atou in kei lupna Chung ah Chun kakijem in kaki hou lhon in abang le kanui ji lhon in kei lupna ban chet a Chun Nengcy Ani nu a imu in.

Jan pung 11 ahung lhinphat in Vahneo Jong Nengcy kom a imuding in achi tai. Jingkah khu avah in kaki thou in ahinlah imathu kajapon keijong khohe phalou in kaum in Vahneo te kho ahchun ni3 kaum in ahi. Nithum jouin kei Jong Lamka Lang a kapu te kom jonin kahung in ni2 kaum in inn lam kajon tai. Inn kalhun hapta1 jouvin Vahneo in eihin call in ahung kap tai keijong kalung adong lheh in kadong pei jing tai.
Nao ipi nati ham ipithu um a namoh ka jeng ham Ka tile, Aman Jong eihin donbut in he,u kaki tha ding ahi kajah achaval in kahin nom tapoi ati in Ken Jong kadong kitin ahipoi nao ipithu ham phaten sei in Kati kitle hitin ahinsei e!

He,u heni Nengcy te inn a igi ahchun eini hi alum khom lhon e ati uvin kajah acha valin kaki tha di ahitae! ahinti phat Chun kalung ahang valin kakisen Jah jeng tai. Alangkhat a kahi nalou a eiki suminse a langkhat a kajah Chaval in seidi Jong kihe talou kamoh lhiso in hitin kadonbut e,Nao Nani Nengcy le a ni in asei Chet theilou ham aninu la keibantah a imu a lupna chom² ahi thu hija bang chajong aumpon nang la Nani Nengcy kom ah nagalum in amani in hoitah a ahet chume. 2nichan a nakom a katou jongle nakhot katu teilou adang thilse ipi kabol khah em Kati in ahile, Vahneo in eihin donbut in hitin asei e.

He,u einin Vang tuni chan in thilse/umchan phalou, In ium naipoi ahin lah mi mitvet a hiti ding a eiki gel hi kajah achaval e kahin nom tapoi Kani Nengcy Jong ka,u in adoh le kahepoi iteh a kakom a hunglum ham ati in hijeh Chun ka,u Jong alung hang lheh jeng in kei henu Jong alung hang e,
Ati in ahi hiche phat Chun keijong kathang atom in nao lungneo heh in eini hinkho thengsat a Iman poule Pathen in ahenai Kati in ahinlah tua eisu minse lhon hohi nikhat le hung minse tei u hen Kati in Vahneo Jong kalha Mon in hiti hin kasei tai.

Nao tulha kah a hiche thu hi kasuhtoh joulou le kahung kipui ding nahi lungneo heh in Kati le ama Jong anom in hiti ding Chun kaum lhontan ahi.
Chu jouvin Vahneo u Kikim chu ka call in thu umdan ho kasei peh in ahile,ama Jong ana lunghangsa ahijeh Chun anup² in eihou kitin ahin lah Vahneo ding khenkho geljih Chun kathoh ham² in, hiti Chun loi le gol ho ngeilut le Pathen lungset najal in hiche thuhi kahin kisuh thep tan ahi.
Phat ahung che2 in ahi le lha8 jou in hitia eisu minse holah a khat ajolgei thu kahin japei tan ahi le kaki pah lheh jeng in ahi.

kenjong Vahneo Jah ah lungneo heh in Kani sei² chu tun ahung lhung e thu najah tah em Kati le ipi thu ham eihin ti in Ken Jong nakho u va (amachu) ajolgei e ati uve thudih Lou va eisuh minset lhonjeh a ama Jong minse ahi e Kati le seiheh in akisei ngaipoi
Lungset aum e ahin leti joh in, cheni a kon in alunglet Dan kahin hedoh kitin ahi.
Phat chomkhat jouin kei Jong somil Lang Jon in kache kittan ahile network umlou jehchun kaki houmat thei kitlhon tapon keijong nikhat molchung khat ah kakel doh in Vahneo chu kagah call gut le ama in ahin call toh akitoh chat in ahung kap kit tan ahi.
Kadoh le hitin ahin seije.

He,u neilungset em?ahinti in Ken Jong kalungset hih ding ham! kalungset jih a hitih chan iki ngai a tua Jong iki houhi me Kati in ahile,
hitin ahin seikit tai he,u nei lungset tah2 le jing le neihung puitan ahin ti chu kalung adong lheh jing in ahi. ajih chu keiding a natoh khoh laitah ahijeh in ji kanei le kanatoh chu avesui ding umlou ding Tina ahi jeng in ahi.

Ahin lah Ken jong kadong kit in boi ipi nati ham ipi jih a tutah a kichen ding nahin sei ham Ka tile hitin ahin sei e ka,u toh Dukan a kache lhonle (amaho) Chun namphu in eikai uvin kapa neo chapa in eihung toh lhon in akinah lo uvin amaho lah a khatpa chun thu hitin an sei e.nadongma pa kikou vin Lang kijam jeng lhon in tunilhah ahithei tah Lou le hapta kit le iguh thou² deu ahi ati e tin ahinsei tan ahile, keijong hitin kadonbut e nao ipi hile hichan chu ahitah le na phone koi tadin kei henu le hepa toh hung kihou inge Kati in a phone chu kathat in Kanu ka call pei in henu Kati in thu umdan chu kasei le Kanu injong as… Boi a khoh Tama atin season kichei ngathei hilou ham?tulai tah a atin ahile!Ken Jong hitin kasei kit e henu ahipoi kagan loule Buiding ahi tunilhah thilsoh ahin kei Jong ahithei ding le jing le kache pei ding ahi Kati le kanun Jong boi ipi hile Napa toh hung kihou lhonta denge atin phone athat kit tan ahi.

Ken Jong kanun ahin le call ding chu molchung ah Chun kangah tan Jan Jong asot thim tan ahi 11.50pm don ah kanun eihin call in boi jingkah le matah in inn Lang ah hung in Lang gaki puitan eiti in keijong kaki pah lheh in ahi.
Chejou in Ken Jong gebuh/somil Lang chu kajon in ahile ginchat phalou beh in sakhi khat lampi ah anading in kahin kap pa in kahinpon kajan sem uvin ahile Jan pung 2:45am lam chu anigei man tan chephat in kaki chol taovin, hiche jengkah tiding ham Chun mang kanei in kamang Chun kage naova kon a moul1 kigal vet chu Mei in akan hiche meikong ah Chun kamin akijeh in ahi.
Ken Jong lungdong tah a kavet le themgao/thempu ho in eium kimvel uvin alai ahchun circle khat a jeh uvin circle sung ah chun eitou sah uvin

Momon hiche kool sung a kon in hung pot heh in min thading nagot ahi ati uvin amaho Chun phun asam pantao vin ahi.hichun kei Jong kaneng akital in hiche eitousah nao circle sung a kon Chun kahung doh in ahile thilha honkhat ahung Leng un eiman taove chephat chun themgao/thempu holah a khat chu keikhel in ahung kipe doh in ahile, keichu eilha uvin hiche pa joh chu alhoh mang taove.
Alhoh mang² u Chun kahung khangdoh in ahile khuvah chep2 anahi tan kamong nuplou jeh Chun inn che ding le chelou ding chu kaki gelmo jeljing in ahi.

Ahin lah Vahneo midang achan ding kagel theilou jihchun kaki gong in inn lam chu kajon in ahile,jengkah 7.17am don in inn kaga lhung in ahi
Kapa Jong ahung kithou in a room sung ah eihin kouvin thudoh einei in eidoh ho chu
1.najol gei ham?
Ans.no!
2.ahi le chom 1 khungai thei hilou ham?
Ans.no!
3.ahi le nanu toh che ing kating Cha gaom lhontang?
Ans. Avaigei tai kache loule midang in namphu a akei ding ahi!
Janlhah a Jong amat khel u ahi!

  1. Ahi le koi toh nache ding ham?
    Ans. Kahe poi kaloiho kitep inge!
    Kati in kaloi ho kaga tep le koima anom tapon
    Kei Jong kalha ase lheh jeng in
    Chephat in kei Jong Kajol pa momon kom ah kaga che in hitin kasei tai.

Jol ahipoi naki thopi na kangai e Katile,kajolpa Jong Saturday ahi jeh Chun houin a ding a ana kigong ahi tan ahi ahinlah Aman hitin eidon but e.
Jol ipi thu hitam tu sabat nitah a kaki thopi nathei ahile kaki thopi ding nahi.
Athu kihe louva iti Jong kaki thopi ding ham tin ahung tot nin, Ken Jong chuphat in kasei in ahi poi jol Bui jongle Chun tuni Lamka Lang iche loule Bui ding ahi Katile Aman Jong kikhop jou hithei Lou ding ham atin, ahipoi nahung ding le tua iki patdoh ngai ding ahi najol nu gapui taite Kati le a ginu ahung nui in kajolpa chu aven hitin ahinsei e. u,Mon gache o mi najolpa in hibong a eiki thopi lhon a atin ahile kajolpa Jong henge le kajolnu kimupi masa pena kapan ding ahi ati in keini Jong kaki patdoh lhonin keiho inn Lang kajon lhon in Kanu le kapa in maicham eisem peh lhon in keini Jong kaki patdoh lhon in Lamka a kapaneo naipa ding in kache lhon tai…..

Kapaneo kanaipa lhon in kaga che taove
Apa toh nungah gu koi2
Naum u va!

Kapa neo in Gari atol in keile kajolpa toh kaga che taovin KHOMIN chu ka hinjon taove.
Kaga lhun u le jan Jong ahung hitan hichun Ken Jong Vahneo chu ka call le kikhom kikhen nailou Dan anahi in chephat Chun keiho Jong bazar Lang ah kaga che uvin nehthei tampi kaga Cho uvin ahile,dukan pa chutoh kihe kahi lhon jeh Chun Aman Jong eidong in..Mon nungah ho kom a nahung ha atin,Ken Jong henge Kati le navaigei neh e… Ati in Ken Jong kahung kipat gei chu o u thang Kati in kahung doh pei² tan ahi.

Keiho Jong Vahneo te Kho kahinjon kit taovin ahi le a khoto u kalhun u vin ka call kitle Aman Jong phone ahin pickup in khuto ah kangah e Kati le inn junlou in apaneo chapa toh ahung lhon in keiho Jong chetaote Kati u le henge ati in apaneo chapa chu Aki nungle in keiho kahung pei2 taove.


Chomkhat kahung lhei u le Lamka kahung lhung pei taovin kapaneo te inn ah kalut un kanuneo in amounu welcome Nan nga anahon in kane uvin kage nading Kapaneo/kapa Mang te inn chu Vahneo toh kajon lhonin,
Inn kalhun lhon in mouve ding Kani teho le kapu kapi teho ahung un chomkhat katou u le phone ahung in kenjong kagah vet le Gam a natong ho ahi in Ken Jong kala in hello kagah tile Mon eihin ti in ipi hamo kaja e Kati le thu najah tah em!ahin ti in Ken Jong ipi thu ham kaja poi kagah tile
Igari u chu a accident e ahinti chu kajah² in keijong kamoh katdan doh tan kanuneo in boi koiham ipi thu um ham ahin ti Chun seidi Jong kahe tapoi.
A langkhat a tujan a kijinei a tu a Gari khuti Kati in chomkhat kaki gel in Ken Jong kadong kit in ahile heo akisukha naum u vem naphat nah uvem Ka tile Aman hitin ahin sei e driver pa le hendleman pa chu aki sukha lhon in ahin lah a serious beh lhonpoi chuleh gari chu thing ka load chai uva keihon thil kahe tup u driver pa le hendleman pa in Gari thamkhat atoldoh lhon a asung a toudan hon ahi in, akingah na a hung kimoh lih ahi e ahin ti in phone chu akoi pei² tai.

Alangkhat a kei la kajinei nilhah hikit abang le kaji nei hi kabol khel ham tin Jong kagel in abong le aphat nadi hinte tinjong kagel kitji in abang komle ka jinei kisih Nan kadim ji in hiche nilhah chu keidin kigel nan kakho vahdan doh tai.
Ajing in kapaneo jingkah matah in kajolpa toh ahung lhonin keiho Jong inn kajon pei² taove. inn kaga lhun u chu kipa ding ha lhaset ding ham kalung adong den jeng in eihung setvet u Jong la dim kipah tah a mouphit a hung la dim Kanu le kapa toh kipah tah a kaum nah² vang u Chun lungsung Vang kipa ji aumpon a langkhat ah jinei thah kahi jehchun Gam a kaga che ding Jong kapa anom kitpon ahi.

Hiche phat tabong a lungel ganthei na umkit Taponte tin kana kigel in ahi.
Phat Jong ahung chal² in Phat chomkhat jouin Vahneo in Jong nao ahinvop tan ahi. Hiti a phat chomkhat hinkho nomtah a kahin man Jing lai uvin keijong kahung damo in phat chomkhat pichu Lamka a kijan a kaga che in chuleh Lamka kaum sungin lamkah lah ah Hoicy chu kamu jep² kit pantan ahile phat chesa geldoh in hinkho kahin mangpan kit tan lunghel toh kijan kikop Jong Vang Bei ahi tapoi….

Pathen lungset jal in keijong kahung damdoh tan inn Lang kajon in ahi. Phat chomkhat jouvin ka loinu Vahneo naonei phat Jong ahung hitan, Vahneo in nao ahin nei le pasal hoitah khat kahin neilhon in kaki pah lheh jing uvin ahi. Lhathum jouvin Vahneo te kholang ah kholjin din kache kit lhon in nikhat Vahneo toh bazar a me ho chuleh cheni bongnoi ho choding in kaga che lhon in ahile Hoicy Chun chonglong le Naga ho ahinpoh a ahung johni.

Toh akitoh kha in kagah Kihei le Hoicy chu laltah a thilgih ahinpoh kamun, Keijong kave joupon ahinlah gah houpi ding Kati le kaki phatlam in chephat in kimusah Lou in kol ho Duckan sung ah chun thilcho bang kakisa in kalut tan ahile, Vahneo in eihin kouvin kagah vet le Hoicy toh Chun Ani dingkhom lhon in ahi. Hoicy in Jong kei eimu² Chun insungkhat ah alheilut in akisel dentan Ken Jong nupmo kasalheh in Vahneo kom ahchun nao alheilut na khu hotel hilou ham katile henge ati in, akhuti le chabeh donpi hite kalung ahel in lungset Jong aum e amel chu aha kikhel dan² chu amel kamu chu lunghel le lungset nan kadim jeng in achung a kalunghan nale kalhaset na jouse abeijing tan ahi.

Keini Jong hotel ah Chun kalut lhonin chadon din katem lhonin ahin lah ama anom pon chephat in Vahneo in he,u nadon loule kalha seding ahi ati phat in nupmo asan ahung donin kachapa chu apom in ahi. Hichun kaki gel le kipa le lhaset kakop in ajeh chu kaki tepna molso pa kahi jeh a kipah kahi in alangkhat a seiding in vang kalungset pen ahivang a nunlui khat in kacha apom chu kagel le lhaset Nan Jong kadim e….

Ken Jong kadong in c ji nanei tam Kati le Aman Jong henge he,u ahinti in kenjong seidi kahet louman in oo apha e nao nanei lhon tam Kati le kanei lhon naipoi ahin ti in adang Vang kadong tapoi. Phat ahung chal² in kum ijat ham jouin keiho kho ah a upa kom a kholjin in ahung lhon tan Ken Jong kajah² Chun kipanan kadim in kaloinu Vahneo kom ah hitin kasei tai.

Vahneo thukhat kasei nom e, Chuleh eini kikah a ibui nading le khunung a insung Bui nading ahile Vang boljong bollou ding sei Jong kasei Lou ding ahi Kati le kaloinun Jong ipi ham he,u athu kihe louva chu ati in. Kenjong hitin kasei tai. Neo ven na u Hoicy khu tuchan in nao la avop pon
Lungset aum e ajou le nupa kikah a buina umkha thei ahi.

Hijehchun kasei ngai in Ken seileng ijou le a jipan nupmo asah ding ahin,nangman sei inlang hin kaki ngailai lhon a hi kitep na kanei khah lhon Jong hikha meithei ahi e chuleh tehse hon Jong nungah golhan Lai a kitep na ineikhah a akilhep kit loule apha poi ikitep na aguilhung e ati uve kaki tep lhon le kitep lhonlou Vang kahe tapoi Kati le kaloinu Vahneo Jong ginchat louvin alunglen in phalna eihin pitai chephat in Vahneo in Hoicy unu kom a aseile, a unun Jong Hoicy jipa komah chun aseitan ahi. ajipan Jong phalna ahinpeh hile akilom in keini kom ah Chun kin bolthei din thu ahinsei tan ahi.

keini Jong kaki pahlheh lhon in kaloinu Vahneo toh bazar kagache lhon in Naosen von khattoh Hoicy ding sangkhol hoitahkhat kahin choh peh lhonin Hoicy te nupa umna Lang chu kahin jon lhonin Hoicy kakou vin thu seinom tampi umjong le jinei cheh kahi lhon phatin ima kaseinom tapon naovon chu kapi in hitin kasei tai……

Nao kamchang in ima seidoh thei hih Jong Leng hiche naovon hin imajouse ahe e hiche naovon hi naolha jol in hungpang jo tahen! Kati in amai Cha Jong vengam louleu vin naovon chu kape in ahile ala ngam Pon chuin a unu le kaloinu in Jong kilah’in² nao lhajol ding ahi ati lhon phat in akilah in kaki pah e ati in aki heimang pei² in amitlhi aki thim theh chu kamun nupmo kasah jihchun kaki mumo sah kit in kapot doh pei² tai.
Hapta khat jou in Hoicy le a jipa Jong inn Lang akile lhontai.

Hiche jou phat chomkhat jouchun Hoicy in nao avop tai ti thu kajan kahinkho man Jong anom lheh in kaloinu Jong akipah lheh jeng in ahi.
Ahin lah vangset umtah in nao anei in anao aum tapoi tithu kahin Jah Chun kanupa lhonin bu jing Jong kaneh nom lhon tapoi. Ahin lah alona ji umdih Lou ahijeh in kaki lhamon to² lhon tai. Hichi nia kipat Chun tuni chan in Hoicy thu him² kanung Jah kit tapoi. Chuleh Pathen vangboh jalin keinin Jong chapakhat toh chanuni kanei lhontai.

KALUNGSET HOICY THUSIM AKICHAI TAI.

hiche kahin jih hi thusim mei² hilouvin, kahinkho a lungset kahin het dohna masa pen le tuni chan a Jong kaheimil thei Lou kalungset Hoicy hi thusim tabang a kahin jih ahi in ahi.
Ngai hih Jong le eina simpih ho Chung cheh ah kipathu kahin sei e.
Chuleh thutah le atah a nungah golhan Lai thu ahi jih a KHOMIN hi hung kiminphah Lou ahitai.
Chuleh koi tabang hiche thu a nupmosa aum khah le group admin ho subui lou a keima neihin contact thei u ahi.
Cont…8787857202
Kaki pah e.

Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.

Previous articleKOIHILEH ACHONSEHO CHUN CHONSET BOL JINGHEN, ACHONPHA HO CHUN CHONPHAT BOL JINGHEN, KAHUNG VAHJET DING AHITAI-I
Next articleKHANTOUNA-MACHALNA JATCHOM CHOM