LOVE STORY
By:~L Stephen Kuki
PART-1
Dt. 31/10/95 nihin keijong twipa area a CHAVANG KUT mang dingin kache’n nilhah lam 2:30 pm donin kaga lhungin volley ball ana kichem’un akichemho lah a chun nungah melhoi tah1 ajao in, kakom’a chapang khat um amapa kom’a chun hichenu khu amin ipiham tia kagah dohle kahepoi maljin ahi eiti pehtan, keijong kache pheiyin kapupa Mr. Hemkholen innlang chu kajontai, ajingkho hungvah in 1st. Nov. CHAVANG KUT niloupi ni ahung hitai miho chu agroup agroup’in pu le pate chonna lam vetnom um tahtah abol’un keijong hicheho sangchun kalungset nu chu muding bou kagel ahijoi, mipi lahchu kave le’n ahile mipi lailanga atou chu kahin mutai nailut dingla mun onglou ahijeh’in kalungthim chu akicholthei tapoi, phat chomkhat jouvin ama komchet vang hilou munkhat ahung ongin keijong hichelai munchu kaga lopai jengin tuti’n ama komchu ahung ongin keijong alamho muthei lou bang kisa’n kaki khinlut kit’in, aminla kihelou houla kihou ngamlou ato a thiingsa kibeh atiu khu kabang jenge, hichun amanu’n heu koikho nahim ti’n eihin dongin kenjong IHANGPHAICHAM kahi e kati’n boi nangla koikho katile KARAKHUN ahinti’n aban dongngam kit-talou amanu’n heu koi inn’a nalhun ham? ati’n kenjong kapu Hemkholen inn’a katile aw…ajinu chu ka-ute ahi ati’n chomkhat jouvin..
Amanu’n nalhun nate inn’a gache hite ati’n kache lhonle kapupa le aloiho ana-um’u chu-in kapupa chun aloiho apuidoh-in kot-heh chabi chu keini eihin pelhon’in nahung potlhon teng chabi hinkam lhon’o ti’n apotdoh tauve chomkhat setpi katou lhon’in imala kaseingam tapo’n chu-in ama’n heu ipot dita ati’n amanu thuthu chun kachon lhon’in kahung potdoh lhon le lentol’a mikhat-in ahinkouvin Hatneo ahinti chu Benglam ima hetbang khun kahin kimelchih keuvin nilhahlam ahiphat’in heu keilhunna a gache hite ati’n kenjong kajuiyin kache lhon’in ama’n anatou tadi’o twi gathal vah’inge tin achetai chujouvin ahung lelhun leh jah’an nehphat ahitah jeh’in an nedin kakikhen lhontai..
Nilhah kho hungjing thimta an kaneh ule kapupa’n, katu tuni a nu chu itoh nabah sah’am ahinti’n, kenjong hepu amelvang kadei mong2’in, hinla itobang mi ahivang kahechen naipoi ti’n kadonbut’in ama’n jong nadeileh joljeng tang ken kahet nahchu ati’n, chu’in kapinu’n ahibeh’e jol-hih’in janni dung chapang hiya ati’n kapupa’n jong ahibeh’e keithu tah’in joltang atikit’e, hichun kenjong kapinu kom’a hepi aminlhing ipi ham? katile Lhingneihat ahi ati’e, chupet tah’a kalung gelchun Hatneo kom cheloi dingbou kagel’in ka-an nehjong asuh asah a umthei tapoi, anneh jouvin kache touleh bukong anahe laitah anahi’e, chomkhat katouvin ahin hechai phat’in alhunnate nungahnu Hevei chutoh kahung kilhon’un kholai langa innkhat’ah chun kacheuvin varenda a bench achun katou uvin ahile innsunga nungah khat’in innsungah hungtou uvo ati’n chu’in Hevei chun hung lhon’o gatou-ute ati’n kenjong Hevei nang gatouvo keini hiva toulhon inge katileh Hatneo innsunga lutding kisa a dingdoh chu atoulha kit’in chu’in kenjong boi nakhou chu hoilanga pat iti kiche ham? tia kadohle
Hatneo heu Leimakhong sah chakhat khu ahi’e atin, kenjong boi nanu napa dam nalaiyam chule na’u nanao numei ijat pasal ijat-ham, chukit le amin’u ipipi ham? tia kadoh le Hatneo in heu kachunga numei thum (3) a-um’in abon’un ajineisoh tauve numei lah’a keihi aneopen kahi’n pasal vang kachunga khat (1) kanuoiya ni (2) a-um’e, ati’n (amin houvang seida taute) kenjong boi nangmin vang Lhingneihat hichu na,,, katileh anuiyin ii heu koi’n naseipeh ham? ati’n kenjong boi namel kamu pat nia pat’a chu namin kahol panjeng hitachu kati’n ahile hanuiyin ahung nuiye, chu’in kenjong boi school nakai nalaiyem katile heu innsunga numei keibou ka-um toh chule Naga gal’a hung galjam kahijeh’un school kaijouna ana-umthei tapoi, ati’n, kenjong boi nakhouva kahung dichu ong katileh angaipoiye heu atitai, hichun keijong kajah chaval’in vetnading helouvin chomkhat setpi paongam louhel’a ka-um le ama’n heu nahung nom mong hinam ahinti’n kenjong kahung nom’e katileh Hatneo in he’u nahung nom mong2 ahile hungin lang kakhou vang hunglut hih’o na,,, ahin ti kit’e chu-in kenjong boi nakhou kahung lut lou dingle ipi kahunglo um di tam kati kitle
Hatneo heu Leimakhong hungpha’n lang hiva kon chun mi neihung kousah tho’o atikit’in kenjong ahipoi Hatneo gelmo hihbeh’in nanu napa le nasopi na-u nanao hojong kamu’a kahet’a pha hilou ham? Hatneo katile heu ka-inn’u nahung muding tahchu kajah chaval’e, ajeh chu galjam le khopem kahiuvin ka-inn’u jong pembuh ahi’n neochakhat nohbet ka-inn’uva jin ahung lhunding kajah achaval’e, ati’n kenjong boi nangho seh2 galjam le khopem nahipouve, keiho jong galjam kahiuvin innjong kanei lou laiyu tu’a jong school’a cheng kahi nalaiye kati phatchun Hatneo heu itihle nahung diham? ahin titai, kenjong boi new year joule kahung dihe kati pehtai, chu’in janjong asot-thim ta’n, innsunga tou ho jong ahung pot’un mipi jalenkhom langchu kajon tauvin hall sunga chun katoukhom lhon’in ahile keichu lenkhom kibol ham ipi kibol ham jong kana hepha jipoi kahinkho anop danchu jan niden 11 in jalenkhom kikhenna akisem’in kei le kalungset Hatneo jong kajalna lhon cheh kakijot lhan tai.
Ajingkho hungvah in keini a dingin kikhenna ding nikho chu ahung hitai, ajeh chu kei jong ama jong kabuolna lhon cheh juon ding kahi lhon tai, vai an neh jou in kahung kilhon khom lhon’in kipah tah le nuiheu chan lam kahin jot lhon itih kah a lamlien kaphah lhon ham jong kana heman poi, lamlien pam’a waiting sheed ah chomkhat katou lhon le ama touna ding Saikul to Imphal bus chu ahung tan ama jong akal doh in windo apat bye²👋👋 eihin bol’in, kavet le amit’a lungsetna mitlhi hung longlha kamu’n keijong pasal kahi vangin thohjou talouvin kamitlhi guobah lha abang tai, chomkhat jouvin Imphal to Saikul bus hung paiyin lunghel puldou pum’in inn lam kahin jon tai…to be contd….
