LOVE STORY
By:~L Stephen Kuki
Part-4 last story
Phat le nikho tampi hi letter jong kamu tapoi, keijong kalungsetna asan jeh in lunghel pudou in hinlho kamangin sun le jan tin’in lummo toumo’n hinkho kamangin kajan mang jeng jong nopna a umthei tapo’n lunggel gentheina chun kalungsung alodim jengtai.
Dt.12/1/99 Tuesday nihin kaloipa Mr. Thangkholun Doungel of Somphung Vill- kaki puiyin kalungset Hatneo kom’a di’n kache lhon’in geithim tah’in kagalhung lhon e.
Leimakhong’ah an Kane lhon’in 6:30 pm in katou chelhon in c/o nu Miss Vahsi kom kajot lhonle Vahsi in a room a lekha anasim e, phalbi daplai ahijeh chun Vahsi in heu kitchen langa mei oiyu hite ati’n kitchen lang kajon’un ahile keini golcha’n la ima hepha loulai c/o nu’n jong keini kigotna hepha kitlou keilung gel’a chu Vahsi chun eigakou pehdinga kagel ahin, hinla hilang mong2 chu amanu’n doi talou kei kalung boi thimta phat chom khatpi katou nunguvin Vahsi’n heu ipijong nahungbol hih’e lunghel a-um’e ahinti’n kenjong ipidia em? nalunghel katile seipai kit-talou kenjong ahihih’e Vahsi nani Hatneo kom’a gache tango katile aiya ima nahet loulai khat-hai ahinti’n kenjong ipi umham kativangin aseikit tapo’n, athip mangdel kit’in chu’in kenjong ahipoi Vahsi kanao ipi mong² umham? seita’n katile Vahsi= heu kani Hatneo ajineitai ahinti’n amitlhi gobahlha ahung bangta’n kenjong Vahsi kap-hih’in ipi hile ajineidan thuchu hinseiyin, anom’a cheham? adasasa a cheham ti’n kadongin ahileh ama’n heu khatveini nimasa D.T.09/01/99 Saturday nichun ajipa khun mi ana kitep’a aloukonna a kon innlam ahin jotna a anachan uva amatkon uva ajam mang piu ahi’n janlhah a inn hunglhung bep’u ahi nalaiye ati’n amitlhi akangthei tapo’n alangkhat’ah kaloipa jong chu guhthim’in analhisoh kit’e, chu’in kenjong ahipoi Vahsi alhunna ah gacheu hite katileh Vahsi= heu kimusah hihbeh o tuni’n jong akap nilhum keeiyin kholai thongleuvin nakou nilhum’in naki musah pou² le thilo tei² ding ahi’e ati’n janjong hetman louvin anachesao thimta chu’in Vahsi’n heu chelhon’o room langa kichol taute ati’n kakichol’un hinlah keichu ihmu theilou khop’in hinkho kamang pantai.
Jingkah kho hungvah kaloipa jah’a chun golpa aphatna ding hihen asetna ding hita jongle Hatneo kom’a hung ihi’n ama mel mulouva innlam jotding vang kagel theipoi katile ama’n jong, keilunggel jong ahi ati’n chu’in ipi hileh a-innchen akhosah beh gamu hite ti’n Hatneo phung channa langchu kajon lhonta’n ahile anajingthou pan²’u kitchen’a chun Hatneo, ajipa, atehpi, le atehpu ana um’un Hatneo chu jingmei tihding mei chona bii le gotkai anakichoi kamu’n a-inn’u kitchen chu availanga lot kihong kotpi le kotcha line kitoh chet kotcha langa kempum kido ahi’n chule kotpi kom’a bench kido ahi’n hivachu keini loicha chu katou lhon’in kaloipa chu gasungnung keichu kotpi geichin langa chun katouve kasung lhahpet tah lhon’a chun Hatneo in gotkai agot kiguot laitah akhut alap le kei eihinmu phat’in akhut’a achoi gotkai chu alha’in kotcha lang ajon’in kempum’a chun atouvin einungngat vangin kap’a amitlhi atheh ahichu kahe’n nom kasa tapoi, phat chomkhat pichu a-uhsa apaosa umlou beh’in katouvuñ chu’in Hatneo chu ahung ding doh’in kotcha lam’a kon’in ahung sunglha’n kotpi langa apot kit’in kamit’in ama bouchu akon, ajangin ajui jenge polang leitol’a chun adingin akhut teni jangpet’in adom sangin vanlam ave’n chu’in anung langah alhutai niche thilsoh chu innsunga katou khompi hochun amupouvin hejong ahepha pouve, ajehchu keichu kotpi geichin’a tou kahi jeh’a kamuthei ahi’e, chu’in Hatneo in atuhkhuh tol’a akhen’in athalnga’n alum’in kavetle akhut teni le akeng teni diichel’a akisa kamu phat’in keijong kachom doh paiyin asam’in katuh’in kakai thouvin kaloh’in ahile chuphat’in ahung kapdoh theita’n kenjong Hatneo Hatnei Hatneo ti’a kakou² vangin kanuhgui abingin ka-o ana-um tapo’n eijah pehthei tapoi chu’in innsunga tou kaloipa kakou jongle ka-o umlou jeh’in eijahpeh kit tapoi chu’in kasunglha in kaloipa chu akhut’ah kaman in kahin kaidoh thojeng le leitol vutbol lah’a Hatneo toudan chu amu phat’in thilsoh hochu ahepai jengin amajong pasal ahivangin kitim jou talouvin mi khosung vengsunga chun anuthi apathi bangin ahung kapjah jengin keila kangol thojengin ka-o la umlou Leimakhong kalhun lhon phat’in ka-o ahung sohdoh kit’e, hivachun kaloipa’n ipi hile golpa tuni gari bandh ahin nichong hitin jingle cheta hite ati’n hinla minute khat umding jong kei kanomthei him² tapo’n chu’in kenjong bhai nommo phamo sahih’in kahai lhum jou tapoi keima anache ingting Imphal KCC ah ana um ingting jingle neihin naita’n katile ama’n golpa hichan geichu nahi tahle ken ipiba kasei diham hijongle jing’an behjong ne hitin kikhen nate ati’n kenjong golpa neilho data’n kahaijou tapoi ti’n gilkiel dangchah thoh pum’in kengin Imphal kahin jontai.
Ajing dt.14/01/99 Thursday nihin kaloipa Imphal ahung lhungin innlam kajon lhonta’n phat chomkhat jouvin keijong thusim hung kipatna khomun’a kapupa Hemkholen kom’a kaga jinleh pohnat umtah le lainat umtah² thu kahin ja’n hinkho nopna him² chu a-umthei tapoi ajehchu ningkum Oct.26/98 nichun Hatneo ahungin lung genthei tah’a hinkho aman dan thuho chu aseiyin alang khat’ah Miss Nemneikim@ Hekim in ma kakom’a heu keitah toh kivop kahi’n hapta(kaal) 1 val achongin hiche sunga chun lung genthei tah-a hinkho amandan hochu aseiyin hiti ahi’e, akhouva pasal khat’in eijol’in hunam’a matdingin eigo jing jengin inn le louva mongin ka-umthei tapoi ati’n alhisoh jingjenge ati’n chu’in 1st Nov.1998 chavang kut ni jingkah a kakom ahungin golnu Saikul Chavang Kut’a hin ka-upa hi ahungdem ti’n eidongin kenjong hung maithei katile che hite ati’n kahung lhonle nangla kamu lhonpo’n ati’n, hoilai neihol lhon ham? kahunga chula em katile jeep parking’a kangah nilhum hel lhon’in kamu lhonlou phat’in ama’n akhou nahet’em? ati’n kenjong kahe e kapute jong achengin chejong kache jinge katile chehite ati’n kei kada phat’in kakile lhontai ati’n, hinla keijong kana che’n jeep parking langchu kanaho tapo’n kilungsetna khaogui chu ajopmat anahah salheh jengtai, phat le nikho ahung chal²’in kum li(4) jou may 26/2003 nihin keijong kagave jep’in ahile cha ni (2) ana neita’n hinla lungset maiso akikhel dehpoi….hichan hin chaitange damsel’un…
Asim jouse chunga kakipana kahin phonge seikhel le seival a um le ngaidam kahin thum e
