LOVE STORY
By:~L Stephen Kuki
Part-3
Nikhat hi keijong thinglhang zoulei kakon’in muol le lhang kave’n, thingpal tin kave’n ahile juham vaham kajah sun jong kalungset jing Hatneo geldohna’n kaneiyin kalung ahel val’in hiva chun lakhat hiti’n kahin siem’e,
(1) Kavai konna zouleiya juham vaham kidang kaja’n lunghel a-um guol nangngai na’in zougam tuolthing pallai angui jouve.
Suntin jantin lunghel kadou joupoi Zou changna bangcha’n kanem’e, lungtoh vabang lenkhom kal kangahlel.
(2) Chiephat jangva aham’in jaolam jouse angui joutai tongdon phahlou guol nalenna-a jatam thimthu lelcheng sanglou jen’o.
(3) Kalung laiyah alangjing ngailai thimthu ilel hochu mukho jingin samang kajal theipoi, kangai chullou Hatneo kakou chimpoi…
Hitihin kana siem’in ahi.
Phat chomkhat jou dt.28/08/97 nihin kache kit’in ahile ipithu anajah hitam houthei biehthei anahi tapoi hichun aguolnu Vahsi kom’a kachen ahithei le khatvei hijongle kaki mupi teitei lou aboiye neihin gonpeh teiteiyin ti’n kasol’in ahile ipi hile jingkah leh kimupi tange na-inn’uva anage sahta’n ti’n ahinlha dohtai.
Chu’in ajing jingkah’in hiva chun ama ahungin katou khomlhon vangin kihou tohna thei chu ima ana-umthei tapo’n, hinla ama’n Caronna chan eihung thah’in guo ahajuhthim jehchun Vaipho(satin) khat kaki khuh lhon’in kaki khen kon lhon’in phat chomkhat setpi Vaipho nuoiya chun ki-ang ngat’in kading lhon’in kenjong hitihin kaseitai, ahimo sasa’n kalungset man’in tei2 tijongleng lungdet tah’a napan joulou ahitah le iba kalo diham? ahimo sasa’n sei2 jongleng gentheina kilambe bep kahikhah ding ahita’n, anadamsel maita’n keijong chetange ti’n abeng kahin KISS in kaki khen lhonta’n ahi.
Ahinla akhovei dt.19/01/98 nihin post a kon’in letter 1 kamu’n hinlah guo kikotsah ham ahiloule twilah a kilhah sahham khat hile kilom apolam chu ballpen’a kijih asunglang chu inkpen ahijeh’in abeh khat kimu abeh khat kisim thei louvin aumta’n khutsut vangchu Hatneo khutsut ahi chula kahe’n reply vang kabolthei tapon ahi.
Chu’in phat chom khat jou dt.07/04/98 nihin kaloi khat in Saikul post a na-letter khat Kamu e hunglhung tam ati’n kenjong kahe phapoi kati’n, hinla ummo toumo’n ka-umta’n chu’in dt.14/04/97 nihin kache kit’in Leimakhong bazar’ah Ka c/o nu Mss Vahsi toh kaki muto lhon’in ama’n heu lekha chu namu hinam?
Ti’n eidongin kenjong khat vang kamu’n kasimpoi ajehchu twi hungkot kha’in simthei ahi tapoi katile thum jen kahin thot-lhon chula adangla ati’n kenjong adangvang kamupoi ti’n kaseile, ipikin’a ba nahung o le ati’n, keijong neoding dajeh’in Leimakhonga kapaneo kom’a kin khat a kahung ahi e katile sahlang nahung phahlou diham? Ati’n kenjong hungpha nange kati peh’in ama’njong hungpha tei2yo ati in kakikhen lhon tai.
Chu’in nilhah khojin kon’in kakal toule hou-in kaidinga ahungpot lhontoh kitoh’in kaga kisuto’un hinla Hatneo chu ache paita’n kenjong Vahsi chekhu koiba hi-ong katile Kani Hatneo hichu o keikom’a hungbon hilou ati’a jahcha ahi’e ati’n chuphat’in kagale kousah’in hou-in kailouvin khonah lang Vahsi te innlang kajon’un ahile Hatneo chu kana dalhakit lhon’in Vahsi’n heu Kei anamasa inge hinngah doh’o ti’n eidalha lhontai kenjong kangah doh’in kahin lhonpi le nukhah achu hiel²’in chuphat’in ama kahin masat sah’a kache lhonle Vahsite inn lutna kelkot (gate) kaphah lhon phat’in jotna dingpen helouvin ading denta’n Uichate’n la nehdoh ding eigotau hichun kenjong che’o uichate khu amelse e katile hoiya am kache ati’n, kenjong kahepoi nache le cheding natou le touding nanung nung juidinga um’ah kahi kati phat’in akipat doh’in khonah lang munnom lai khat ah katou lhon’in kihou loubeh’in minute 30 val ka-um lhon, apao loubeh phat’in ipi naseigot hiya seiloitang katile alhisoh’in keijong donlou beh’a ka-um minute 30 jou tobanga hi ipiham seijengin katikit le ahung kapjah jengin keijong pungkal khat tobang donlou beh’in kakoiyin chu’in nom kasa tapo’n kalhem’in ahile heu neingai dam’in kei themmo ahi ati’n, kenjong Hatneo hibang genthei hi neithoh sahkit diham? katile
Hatneo=avel’in thohsah taponge ati’n, ale boi che’n cheta hite katile aman heu nang nahung kajah’a pat anjong kanehlou chule innjong veljot loudinga kahung potdoh ahitai ahin tikit iti dan’a kihou tohna umlouva hiti a chu nakigot jengham katile
Hatneo=heu keikom’a hung nahilou jeh’a kahin nomlou ahitai ati’n kenjong boi nangkom’a hungah kahi bouve che’n chehite nagil jong kel tante katile heu kei kakelpoi nakom’a ka-um hi an le twi neh sanga thupijo hilou ham?
ati’n kenjong boi ahinai hinla na-inn kote’n heleu iboikhah loteitei ding ahi ti’n anomlou sasa’n kahin puiyin ajing jingkah’in mathim tah’in kabolna vangkho IHANGPHAICHAM kahinjon kit-tai.
DT.25/08/98 nihin kaga kalsong kit’in ahile nilhah lam 3 pm don’in kaga lhungin hnla Hatneo chu Motbung a a-ute kom’a achedoh pet anahi’n kalung akham danchu dinji touji kamah jengin hivachun kaloipa Tongkeng kaga kimupi’n kadongin ahile
Tongken= guolpa achekon a chun tuni hung kile dingin aseinai ipi hile phat chomkhat ngah’in ati’n hinla kamong thei dehpo’n lunghel tah’a kana um laitah hin kaloipa Tongkeng chu kakom’ah ahung kit’in bhai nalung akham toh lheh jenge ati’n kenjong seihih’o bhai Hatneo mulouva khovah dingjong kadat theipoi katile athim nuiyin bhai ipidia nanui ham? katile chuti behseh hih’o nanao Hatneo chu ahungtai atin, hoiche ong katile lhang langa ahung um nalaiye atin, bhai atot nahi ha atah nahi ham?Katile atah kasei ahi’e ati’n hinla Hatneo chu guhthim cha’n innsung analut in keini guolcha kihou chu eina ngailhi lhon’e hinla ken kaloipa thusei chu tahsan theilou maiso thim leuvin ka-um’in, chu’in innsung lutdinga kagah kipat dohle Hatneo ahungpot doh toh kitoh kotmaiya kaki suto lhon’in
Kenjong boi itih’a nahung lhunta ong katile asotte kapu Tongkeng toh nakihou lhonjong kajah sohkeei ati’n kenjong ipidia chubanga chu nei-engbol sot-ham kati’n chibai kabol’n innsung kalut’in mong tah’in ka-umtai.
Nilhah an nehjouvin phat chomkhat katou khom lhon’in ajingin kani chongin thinglhang changpal leiya buthol bot’a kakon lhonle akhote hou eimu sun’in inhou jilhon chu keila kijahcha lihgo jeng.
Sun ahiphat’in sunbu kane lhon’in louva chun kolbu le changmai jong ahaga in kolbuman hochu Hatneo in ahingou ji’n aminteng bohnini ahinso ji’n kane jilhon’e, chu’in keini jong nilhum ma’n innlang kahinjon lhontai, ajing kit’in keijong kabolna vangkho kahin jontai…..to be contd…..
