Based on TRUE STORY of ma lovely Mom
(Episode-4)
Compiled by:
Max @Hegou-Dimngel
———–Keijong thanom tah a kache vanga chun innsunga lungnommo pumma eikisoldoh ahichu kalunga aging jinge, Hiche nikhoa chun sum lhomcha bou kananeijin Hotel a nehthei kanehpet hin kile dinga kaloi mithum hochun Lpt truck chu namphu (by force) a kingahsahdi anatiuvin ahije; keijong chua akitouloule dalhah kihidiphatna 25 yards kikah (distance) achun kanalhai jin itih a gari chunga kakaldoh kahemanpoi, ahinla gari malanga (front sit/seat) a conductor pale driver pa’n sign ahinbollin; anunga thilkhat aume khaamhih vo lungsettah a tia olla ahinseichu kabonva tahsanlou vin, Asei teni chu vohdi kagotleo Gari ahung kingatan chuphat in anunga tou 14th Mahar Regiment ho ahungkum lhaovin kabonva gari a chun eilehdoh gamtaovin anahi. Keiho masanga chu Nampi golhang mili songkhol-san (red t-shirt) ahcheh anakhum tup uhitai, keiho jongchu songkhol-eng (green t-shirt) ahchehma kanahikit uvin ahi;
Fake Encounter
Hiche nihin keiho hi Nam golhang achomho banga eigel uva jouthua (fake encounter) eibolva kabonva kakhut u kanung kileuva eikilva kamit u akankit uchun, Oh kanu thu anangai taleng katin kalungmitna kanu😟lhasetna kamun anahi. Chuni janna chun Tamei lock-up a jaankhat chu anakiman hotochun mini (pair) a eisuto uvin room chomcheh a eikoitaove, Jingkah (jaan) khovah masanga chun thudohna (statement) eilatan; Keijong chun jillai kahina le anop2 na’a kihuilha a kahunga chule ka u Army officer pa jong natahsan loule dong uvin tia Hindi le English a kaseija ahile, Eihin jui jingu TKCA, KSO, KWU le CSO hon kaseibanga anasei u akito khah jehchun ima boina kanatoh tapon ahi;
Damsella innlam jonna kahung taove army ho gari Ashok Leyland a kahung jinglai uchun, Vangphat umtah le suhmil hoilou Govajang khomiten Chale nehthei jin eina vailhun uvin ahi. Chomkhat jouvin kaloi mini chu Imphal langa ahinpo taovin, Kaloipa Jerry @Lun toh keini chu kakhou mipiten anating uvin gari chu ol2 a ahintolpet vin; Keinin jong kichomlha tate katilhonnin kakhou akheldi phatchun kakum lhontan anahi, Kanu vangchu o kathuoh dinga anagel jeng ahijeh chun phailei kajothei u kipamalah in anagoplheh jenge. Ahinla anaija um gahchethei hokomma kanule kapan kipathu aseijin Chale nehthei in anavailhun in ahie chujongle hichea hungjao theilou lamkai dangho jouse dinga jong kanun pachatna le kipathu anaseikit ne, Phaat achedung juija kumjong kichai dingkon lamhin jaankhat kanun kapute (kapa telah a alenpente) inna eipuije; Kanuhin kanulen komma hitin aseije,
“He o Boineo apalen ten Saikul chedikonna Phailei einapeh chule Ipao (keimin lopa) vin jong Motlei eina dalhah pehho chu jinga pat kakibolpan ditai”, atile Kanulen chun Mengcha (cat) a kanu ahinsep in ahinla kanun ima analethuh pon anahi. Mitin in chaang ahin attan, keihon loujong chu jinga aatdi (harvest) dijehchun, sumla pamai asan kanun bongnoi (milk powder) le chini (sugar) acho in; Hijehchun nilhah in loulampi a nathel chu agalouvin chaanglhah (bread) chunna dingin abanna, Sum (changsuhna) achun achanga chaangman anasuchaijin chukitle janna ahonminnin anakichol tan ahi. Jingkah matah a kithou vin louva pohdiho gontup (arranged) anaboljouva buneh dinga eihin kouchun kana imunalaije, Kumhei sunga Sale Nga chule Ahtui kinelou ahinla keidi jong sum kitoh jing ahin; Kanun kikhopnom jijongle aji le achate digelnan buhonna inna anapangjin, keidi jong atumbeh (special) a Meki-kang (fried curry) anche (vegetables) ho einabol pehjin; chujongle lentol a mipin ankong sokhomna (feast) ajong bule angaichaho jouse ahinpojin, Nevaloulai le innlam a abonna alepohsuh kitjie ajehchu kanu hi ngongkai (slow) ahie🤣.
Kumthah ahikit tolhon in keijong Kanulen tekom a themjilna banjom kitdingchun kaumtan ahi, Dt. 05/Jan/2k02 jingkah in kanun kadupen Kohpi-pah (cauliflower) tuitah a eihonpeh kakitaidan chuo!😅, Hitia gamlatah a kiumdi phat chun kanu’n maicham eisempeh in chubanna jongchun aneisun keija dia kamanthei dingho einagot pehtan ahi; Kapatoh chedi kahitan kanaonu kana engboljing (torture,harassment) jing jehchun kanao Kikim vang akipah e, Kanun “damsella lolhingtah a nahung kileding ahie boi; ima nalungkham louding taonan kigeldoh jingute, keiho jong nang namit dipoule genthei thuohdi hijongle kapan jingdiu ahinai; Boineo nang Saap (officer) nahiteng nop isahdiu ahite, Kingolsah le nulepa thu ngailou analo aeh e (alungtup guilhung joulou) kiti khu haimil hih in” eitin; keini jong chibai kaikibolvin, “Henge Heno chule kanao anadamsel lhon inlang phat khatle nomma iumkhom kitdiu ahi” katin gari chunga katoudoh lhon in kho kakhelgei jin kakive touvin; Lunghel tah chun bolna vangkhuo dalhan kana potdoh lhontan anahie.
Hiche thusim abonna hinsim jouse Pakai jin phatthei naboh tau henno!
~Chule aban jong lungneng tah in anangah kit ute🙏
