Home Max Hegou Dimngel KAKIPAH-E, OH KA CHUNNU-III

KAKIPAH-E, OH KA CHUNNU-III

108
0

Based on TRUE STORY of ma lovely Mom
(Episode-3)

Compiled by:
Max @Hegou-Dimngel

——————Lenna lhaang chu huilhi nemhio heocha’n ahung nungin chule solam molchunga kon jing ninou emhoitah chun khosung chu ahinsal tan ahile, Ka window a konna molle lhaang chu kavetan ahile ahing sitset jengin ahi; Kanu’n “Boineo kisutheng inlang hungin Bu kanehdoh sah ding nahi ajehchu kei tuni milouva sumloa kacheding ahi, Lekha simma nachevah ditan hijehchun ken na bahara (fare) ding kagalo (earn) ngaija ahin chujongle milouva vaigeitah a lhundi jong kanompoi; Boi mitoh ana kina jihihta ong kahung lhuntengle keiman buchu kahon loichel ding ahije”, atin achepai tai. Keijong chun Buchu kane loichel in bajar langa kachesuhle kaloipa Thathang to kakisuto lhon in ahi, Chuin kenjong kaloipa komma hoija nache diham katile aman “kei nainn komva Pu.Lenpu loiteni chu kachin dhe” atin;

Loichunga neitousah dile keijong kahunge tin kajuitai, Lentol (ground) noilang achun thing-aatna (parluong) kido um ahije; Thathang chu loichunga atouvin kamasanga che ahin, keichu innungvet2 nalam’a thingkijam machu oh a kitanglha (fallen down) ahitan atouna loivang chu achepai2 tai. Chomkhat jou nilhangkai lamhin kainn noilang uva chun kainna lekha simma hung2 ji Ng. Chin @Cindy chu kanao loinu hivangin, kana deicha (admired) hijehchun amu2 nadia Loichung’a kadingin ahile vangset umtah chun lampi chu ananop lou jehchun; ka chin loichu alhaile kakheh a kakhut jetlam songa kakiochong (elbow) kajep khahle anakipel taan, ahivangchun loichu achepaijin kana thimil (unconscious) tan ahi.

Chomkhat jouhin kho kahinhetan kakhutjet chula anapon ahinla agihdanchu aseiji bei ahi, asat ahung kichai chun anaval’n kakapmin innlang kahin jontai; Kanu vang chu haiphat alhinlou vanga chun kakisuhkhah ahetphatna lhisoh😭pumma innlang ahindeltai🏃‍♀️, Kalungneo di adeipon kanuchun kakhosah uva Khomunnom a Pu. Jangrose chu agakou loijin ahunglhun lhonphatchun Dr. pan hitin aseitai-“Kin first aid kabolding jingma2 le RIMS, Imphal a nakijan tei2 dhe” eitin kanun sum analodoh chu kadam nadin Jangrose chu kijan (treatment) man apetan ahi. Jan kichol talouvin kanu’n kahinkhoa tibukim louva hinkho kamandi adeilou jehchun lung ageltan, jingkho vah dikon hin matah a kithou (wake up) in vengsunga sumlo nathei agaholtan ahie; Kanu ahunglhun in bumatah a ahon in hinla keiholang chu chuphatlaija passenger ilaploule adang gari hochu kimuvah jilou anahi, Hitin kanun aseitai “Boineo pa Saikul a he u tekomma nailhonto tu2 a eihonla ima ineipouvin ahi; hijongle heo tedingin inn ahcha (local hen) chu pohpeh lhonno atin kanun ahcha chu pohdi sademma anakoi ahitai, Kapa le keichu bune louvin chale nehthei kellap (breakfast) a kanelhon in kachelhon tai.

Ahivangin kanun kache lhonna di sumbat hochu keiho najeng jong tongman louvin achuti sahtai, amavang kanu aphai kalel e jong atipoi khojin konle innvel a hon (garden) a melei abollin abanle ajoh in avatthem ho anakichoh e; kanaonu themjillai hijehchun kanun natong dinga jong amang nomjipoi, Keini jong ka Zo toh damsellin kanulen te inn kalhunghon in hitichun jingle imphal lamjondin kana gehlhontai. Vangphat pin boina umlou vin ajingkho Regional institute of medical science achun X-ray kanabol uvin, Dr. pan eivetjou chun Nurse hon dressing phatah a eibol jou un nakilethei (discharges) utai atin keiho jong kainn cheh kahin jontaove; Kanuhin Nga (fish) me thelbol atioho khu thaovin eihonpeh lhonin tuitah a kanen, Hiche joukal tuchanna ngame kadulou ahitai chule hiche nikho tilou adanga jongchun kana nepoi ajehchu namse (bad smell) jeh ahi.

Ahinla keihi nga kadei kamatnom jin kanache jinge, ka innsunga ka choijin kavetsah joule hinhon khaovinte katin kajohji ahitai; tua kagelle kakisih (regret/repent) jin ahije, kanu in eina ngailut valla hetman louva einamop chu tuija kana geldan ahitai. Nikhat hi chaang (grain) phuding nikho ahitan, Kanun “Boi tuni ima bolloudi hijongle phailei a mi igoidiu ahin chaohom themma hungo atin” keijong misemni (Saturday) a kaloite Bajar chedichu kagelle kanadatan ahije; kanuhin nidangle cheto boineo khatveicha jong lou namukhah pon hijeh a nahungdi kanomme atitei2 tan onem hiova, keichu pasal changkhat kichat le ginneilou banga hitin kana donbutne “Heno kaseichu kaseisa ahitai (order is order) koiman eikhamjou ponte” katin kanu chu english helou komma kana kithepsah keijin anahi. Kapale kanao nu jong alunghang in ahinla kanun eingaija ei itchu kana khohsah louvanga kanuhin hinjole ase mohbol khante atin einanop pehtan ahi.

~Hiche thusim (story) lungluttah a achaina channa anasim jouse Pathen in phatthei naboh taohen!
Chule abanna episode anangah jing ute.

Previous articleMLA LEH MP KIJOH LEH KICHOH HI UM JUI HAM ?
Next articleKAKIPAH-E, OH KA CHUNNU-IV