Based on TRUE STORY of ma lovely Mom
(Episode-2)
Compiled by:
Max @Hegou-Dimngel
Nikhat hi ka ute (L) Benjamin @Lalboi chu Imphal DM College akaina akon innlang ahinjot a jinga Picnic chedi eihin seipeh chun katha ana nomval lin keijadia amasapen hijehchun; Sum toding (contributes) kana neitapon ahi, Kanu jong kadeikhat boldichu agellin apet2 na sum aholle la sumhahtoh ahijehchun tha asahdi (wages) la anamu joutapon ahi. Chuphat in kanun aitt-tah Saipikhup/Sampikhup (Eimite Ponsil) chu keidi gelnan anajohdoh (sold) tan anahi. Keijong chu golnopma nehkhom kagabol jouvun chubanna ajinga chun kei le kaloi teni-Johny @Thangneo chule Ricky @Hahao chu khopamma Picnic boldinga kache kittaove, Johny chun ankam-thao bomkeo (mustard oil an empty bottle) sunga chun twi (water) akhum min; hichu ama hinto ahije, hinla vangset umtahchun imajouse gontup nunga thao chu twi joh anahitan ahije. Kalung lhon ahangin ahile mi loubuh (hut) chu meijin ahin haal (burned) in gamlah in anajamtan, ahinla Ricky le keichu alonaji kahet lhonlou phat chun Inn lam kahin del lhontai; Lamkim kaphah lailhon chun louneipa (landlord) chule aloi mini chun einaman taove, Ka Chunnu’n hiche thu ajahphat chun anne lou kisilmo jennin ule nao akitepkhom in louneite inna chun keiho’n Buh chu kalesahdio ahin hijehchun ngaidam kahung thum uhe, Tin agasei un akichaija ahung kinungle chun kajah a “Boi tukal miphalou toh nakivop kittalou helding ahije, ipina hile lungkham tahih o imajouse kagasei toh taove; na Pa le ule nao ten maimoh pum’a kathuohnao le kajumnau jachatpi louvin nang kisemphatna ahung hiding kadei behsetva kahil nahie Boineo😭, Chapa changkhat nahie kathisan nahijeh in tukal nanu keile napa’n kaseipeh hohi khivui-on ki ojingo” einatin ahi. Chubang machun tuchanna koima toh kivopbeh lou a hinkho kimang (One man Army) 👨🎓kibang jenga hitai. Kakhou thinglhang gam nopdan chu kadalhah nomlou vangchun, Kanu hin khonunga kacha michan phahih jongle amale ma ahung hithei tei2 nadin themjilna lampanga kajochan’a pang ding kahi atin; Hitichun nisehle naa (work) atong jinge, Vangphat umtah chun Saikul, Kangpokpi Dist. Manipur aum (L) Wincy @Kim (Kanulen) chun achapa bangtah a eina donjing kholui kanachen khomva patna, Hijehchun aban themjilna kajom (further study) theina din 07/January/2001 a eina kouchun; Kanuhi kipana mitlhi😅🤣😂 in anachuptai ahinla angaitah keitoh munchom cheh a umkhomdi agelle o 🥱😥😧😪amohle lhisodoh kittai, Keichula kachekhah loujeh ham mudikal kanangah lel jenge. Ajinga chun ka Zo in eihung thah lhungtan, ahinla Saikul chu Gamle Nam kiboi tillai tah hijeh a chun kakihou khomkit uvin; Kapalen chun hitin ahinsei tai, ” Jingle Innlanga nungche lhon inlang nakhou a Cl-V1 hinjou dohpai jinlang chule kumkitle hilanga abanchu nasimdi ahitai” einati; Kho ahungvah a Kotlen, I.T Road lenlaai-huilhi athah a kidonkit dichu kagelle, Khosung miten asimsah nomlouva ahinlesol a eigel vinte katin kakigellin kajah achaleo jenge. Ahinla Pathen phatsah lou jong hintin damsellin kachennao kagalhung lhontai, Kanu vangchun eikoijin (hug) damma einungmu chu kipah ahie; keijong Govt. English Medium School a chu admitted eibolpeh taovin ahi, Hoitah in school kache jingin chule kumkitle migamma lekha simma kathep modichu kanun ana deilou jeh chun; Lekhasimle kichep bou eina bolsah jinge, Lekha ka simma kahet kahsen bujong kanane jipon imujong kana imunom jipoi. Vangphat umtah chun Exam kibolchan le kanu’n eina khohsah gaa (fruitful) kamujin, Chule kakhouva einangai lujingu kathepdi anadeijing Nu. Joicy @Lhing chun Hotel anabollin; Kakoma ahungjin hitin anaseijin chule kipaman (reward) einapejie, “Gou nanghi boi kalungset nahie lekha jong nathemme tuchunga jong 1st ahiloule 2nd beh a nahungkit dhe tin Chaanglhah-kol le cha (tea) einadonsah jie. Kakipa naobang chun kanu Joicy chu akamjong alhumin aseijouse chu Pathenna kingai ahijeh in kana lolhing toupeh jengin anahie, Kanu hi lekha hejong ahipoi ahinla thilpha bolna le Pakaija kingai ahijeh in; Muchi atujouse aphajin aga tengleo hitichun vengmi chule agenthei ahahsa ho mohseh (free) in anapedoh (give up) jinge, Ahinla kadu kangai kanehdi chohna sum aumloujong le gamlah a lou kabolnao va le phaileija loupamma medi anche-louhing (vegetables) ho agaloujin alom (bundle) lenthimma ajohjin anahie.
Hiche thusim lunglut tahle thanom tah asimjouse Pakaijin phatthei naboh cheh taohen!
~Aban anangah jing ute🙏
