…………….heart-touching-story-……………
Part-I
Luncyno HK
6909559560(WhatsApp only)
Anasim pan taote;
Nikhat kaloipa toh Bazar kache lhon leh mi kaa gin kajan kavet leh pasal khat in numei khat mipi lah’a voh tan avon,koiman la aphal chom pon ka lung adong lheh e,ipi dea koiman adon lou ham ole jicha hilhon ham katin kei lei kei kaki dongin, hitia kaki gel lai tah in numei nu kaa na awgin kajan kalungsung atong kha lheh e, kei hi kami hina’a migenthei, mihah sa ho kitho penom kahi jeh in, kaloipa komma Bai chiteni khu gaphoh te aval beh set tai, numei nu khu ivet leh lungset aum valle katile kaloipan ipi pasal hija numei chunga khut alha ham, ama joh vohta voh a dalhah dihe atin, keisangin ana laina cheh e, kagaphal lhon leh pasal pan lunghang thim tah in eive lhon in numeinu adalha tai,
kin jong numeinu kom a thudoh nom kanei jeh in hotel khat a ka pui lut lhon in nehthei kaneh sah lhon leh aki pa dan chu, ahung va thim phat in kin jong hitin thudoh kahin nei pan tan:
Kei: namin, nakum, nahin sei thei ding ham..?
Numeinu: kiphatlam thim tah in eihin ven kamin Hoinu, kum 23 kahe.
Kei: oh..! Hoinu ipi dea hiche pasal pachun navoh ham, ipi lungnop mona nachunga anei ham…?
Hoinu: mitlhi long pum in heu kahinkho hi hiti ahe;
Kanu le kapan kum 9 kahichun gari a vangsetna ato lhon jeh in eidalha lhon tan, insungmite kei eivah ding koima aum tapon, hijeh chun nubei pabei ho umna a kahung um tan, katahsa ahung nungah phat in gelphah lou beh in nupi khat kakom ahung in Hoinu nani kahe, keikom a umdea kahung pui nahitai atin, kei jong ineo akon hung ki genthei ahi jeh in ama ho kom kium leh kinup sajep ding ham katin akom u kabel leh kipana sangin lhaset nan kadim jon ahi, an kaneh khom jiu teng jongle kei eichom bol uvin aneh moh u pou kane jin, sun le jan ongman lou in na eitoh sah jiu vin, nikhat katahsa dammo jeh in jengkah kathou jou tapon hiche jeh in kani nu alunghang in ipi tuchan nalup pi ham nang nu naki vah hi anchang liu sah atin achapa komma kei hi gathah doh o atin kanup kada um lou in achapan kakhut aman in Bazar langa eihung thah in katahsa dam thim lou toh mijalah’a ganhing kei a eikei chu kajah achan, chijeh a akhut ka lahdoh’a kajam le eihin della ivoh ahe atin, chomkhat pi thipbet in thujong sei thei lou in akap in chujou in keini komma kipa thu ahin sei kit in ahi, Hoinu in ahinkho thusim asei chaichun ka mitlhi ana long doh man e,
Hoinu hinkho man ding dan kagel leh hah kasan koima chan dea jong kadei peh poi, kalunggel achun jou a pasal pa chu vohtan ana kivo tale katin kaki sihlheh e,tehse hon ana sei ji ma bang uvin Haokip khonung lem atiu chu katho dan ahi, kaloipa toh kaki veto lhon in kalung hin agim lheh e, tun keinin Hoinu hi dalha hin tale koikom abel a hinkho iti aman ding ham katin keikom a um dingin kahin gel lha tai, kaloipan pamlanga eikou doh in hitin asei e angol nahim ama nang kom a iti um thei ding ham,nang jong simlai nahin ipi hile na inkote toh kijamat in atin kin jong sei ding kavai mo e, kaki hou gin lhon chu Hoinu in ana jan, lhaset nan adim in keini kaki sah boi lhon lai in ana pot doh tan, kin jong ka inkote phone kabol leh chini tah chun phone switch off akitin, mi dang call ding chula athu kahet sah nom lou jeh in ka call tapon ahi,
Hotel sung kalut leh Hoinu kamu tapon ka lunggim na aki be kit tan, hotel a kilam le ho kadoh le hilanga khun ache tai ati phat in, kaloipa komma anehthei neh man ho ana pen katin kin ama chena lang chu kadel tai, gal akon mitampi kikhop khom kamun ka dellut leh kagel phah lou beh in Hoinu anahin, kavet leh aluchang akeh in khohelou in akijam in akom a um ho kadoh le car khat in ata khah a adon lou u ahe atichun kalai ana behset in, auto khat ganchellin kakou in hospital kapui e, doctor hon ainkote koi ham atin kin jong kei kahe katileh eikou uvin kacheleh doctor pan hitin ahin sei e, nang adam lou nu dinga a ipi nahim eitin kin jong seiding kahe vah pon ajipa kahe katileh lunggim behset hih in dam vah tante ama vang athisan achao val tai, atha um thei nadin lhakhat tobang na toh sah hih lai in,na jinu hibang gonga nang na thao neh e atin eihin tot in ka lunggel achun kajinu hile hiti lom a gong di nahi sah ham katin ahe,
Hospital a kaum ka inkoten ahetphat uvin ahung un, Hoinu hinkho thusim ho jouse kanu le kapa kasei pehle alungset lhon in, keikom’a um nading ahet louleh eiho komma umdin hin pui tan atilhon chun kakipa dan seijou ahipoi, kahinkho’a kakipa na nikho holah a suhmil thei lou hitan te, Hoinu atahsa ahung oldom phat in inn a kahin pui taovin ahileh, khosung mihon kei jinei eihi sah uvin mouven cha ahin dom uve, kanu le kapa kavet leh amoh nui lhon e, Hoinu kavet kitleh kiphatlam tah in amaiso apun kalungset doh in langkhat a kagel leh kajah achan ahin guhthimma kakipah na ahikit e, Hoinu kei ho komma aum chu nup asah in alim amel akikhel lheh tan Khosung nungah lah’a din ahoipen chuleh kadeipen ahung hitai,
Khosung gollhang hon kanaonu ahi sah uvin nilhah sehle kholai lengin ahung uvin guhthim in kalung ahang lheh e, phat ong kanei sehle Hoinu toh kavah khom ji lhon in kakam chang lhon a kasei doh hin lou vangin kaki lungset nahin chu hetthei in aum e, Nile lha achal in kei jong pathen phatthei boh najal in government services khat kahin nei tan, ka incheng u jong kumdang phatdang sangin anom jo tan, ka inkoten jinei dingin eihin jol taovin, nikhat kanu komma Henu koima dang kadei poi, Hoinu bou kadei e, ama bou kalungset e, midang toh kicheng ponge katileh kaden khuiva sudoh kabange, ipi kasei khel khah hitam kanun neh ding bol in eibol e, aum dan chu service kanei phat a kanu le kapan kapute chanu toh kicheng dea eina phatsah peh u dan ahi,
Nilhah in emergency meeting insunga kahin nei tao vin kei le Hoinu alai tah a eitou sah uvin, ipi bep seu asei deu ham kiti kei jinei ding thu ahin sei taovin, kapa ahung dingdoh in hitin ahin sei e, Hoinu leh Boipu in phaten ngai lhon in nang ni hi ucha tobang a kagel uva ka lungset u nahi, nang ni kingai lheh hin lang kilungset lheh hin jongle chun nangni akicheng thei nahin lhon poi insungmin jong kaphat sah pou veahin ti chun ka lung ahang in kading doh le in ka insungmite masanga nitha lou ngal ule kahin laidam sunga kin Hoinu jinei san ponge ama bou kalungset ding ama toh bou kaki cheng lhon ding katileh thipbet in aum taovin, koima eidon but ngam jong aum hih uve, Hoinu chula ajachat toh kei eive jin alhisoh doh liu e, chinilhah a kipat kahinkho man dan akikhel tan, kalunga kagel jouse kipana sangin lhaset nading jeng bou ahi.
Hichan hin part-1 ana chai ute aban teng Hoinu toh kilungset hinkho kahin man lhon sunga genthei kahin thoh nalhon ina ngai deu ahe.
Kakipah e lunglut tah a hin sim jouse chunga.
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
