Aizawl leh Champhai kaga kholjin na.
Asun:
N.Lhungdim
Thangting House
Molnom-West
Date-20/06/2020
Dibrugarh a ka posting lai July,1992-February 2002 kum 10 lhingdeh chet kana um sung in mun tamtah leh gam tamtah kana khojin in hiche ho chu
- Sadya Twikol kah Kuki haosa hoj 1917-1919 a exile a ana kikoi na mun 2 veitah,
- India solang a ding a town gamla pen Tezu China border toh kinaipen a kaga che,
- Dibang Valley a 3 vei kache ,
- Changlang District a Rangfrah Govt. College a Hemkhomang Lhungdim Lecturer a panna kaga che,
. - Garo ho khopi Tura Meghalaya kaga che
- Tawang, Bomdila leh Dirang town Arunachal Pradesh a kaga che,
- Arunachal a town masapen leh Jawaharlal Nehru College um na masapen Pasighat a kaga che.
Hiche ho lah a kahet mil theilou leh video recording kana sem Tawang leh Aizawl a kache teni kah a hin jong Aizawl a kache hi nom kasa in kahai mil
theilou tampi kaga mu in ahi. Hiche hi April 14th – 24th ni 10 sung kaga kholjin thu anoi a hi achomlam a kahin sut ahi.
April 14th 1999 ni in Dibrugarh a kipat in gari in anoi a ho to hin kakon dohin ahi.
Kachanu Chochong, Nenei, Chinneo, ka driver Ngamboi Touthang, ka office a Thangminlen Hangsing, Tax Assistant. Digboi a tea garden 3 le 4 nei Pawan Goyal in Tata sumo leh a driver khat eipe in kakondoh uvin ahi. Hiti chun tarik 15th nin Silchar kalhung uvin Silchar a chuphat lai a Income Tax Office a Deputy Commissioner L.C Joshiin 3 Star Borail Hotel khat a nomtah in eilhunsah un ahi. Ka Ambasador car chu thinglhang lah a che na ding a kason lou jehin L.C Joshi sap in maruti van khat eigonpeh in jingkah matah in Aizawl kajon uvin lamkim a Kolasib a kipat in kache uvin April 16th 1999 nilhah lang matah in Aizawl kalhung uvin Aizawl ah chuphat lai a Press Information Bureau a Assistant Information Officer Mangzangam Touthang in State Guest house a lhunna nomtah eigonpeh uvin VIP tobang in kalhung uvin ahi.
Ajing in Aizawl khopi sung amasan Pu.Laldenga Mizoram MNF galbol lamkai pa leh Chief Minister anahi kivui na lhan song kido na mun ah kache uvin alim khat atahdoh un MIZOPA PU LALDENGA DAM RENG ANG CHE ti ti kisun khat toh akoitha uvin ahi. Chujou in Mizoram Secretariat ah kache uvin Secretariat a tou Pu.C. Rokhama IRS Mizoram a Deputation a che Pu. L.R. Sailo, IPS Deputation a che ma ma Pu. H. Haukhum, IAS, Commissioner leh Pu. H.V Lalringa IAS, Chief Secretary toh kakimu uvin ahi. Chuin Khatla Presbyterian Houin ah kaga che uvin hiche Houin chu Aizawl a Houin lah a ahoipen leh alenloi ahi. Chujou in Luangmual a Rev. Ramliana leh aloinu Choivelli te in ah kache uvin Choivelli hi Churachandpur a Khopibung haosa Pu.(L) Bungkhothang Singson chanu ahi. A nungah lai in Vimala Raina High School ah ana kai in ajipa Rev. Ramliana jonghi Manipur mi ahin D.M College a keiho sanga junior mi khat ahi. Amani to hin kimulouna kum 40 val ahitan ahi. Sun in Aizawl Bara Bazar a shopping in kache un pon dukan khat ah numei chapang ho din pon kacho un dukan neinu chu Churachandpur Lamka miho khat anahi in ahi. Professor Lianjela Khiangte Hrangbana College a mihil Dibrugarh University a Refresher Course a ahung lai a ajinu leh achanu toh Dibrugarh ZPMK Houin a kakimu uva ka in a an ne a kakoupa kaga holdoh un an ne ding in eikou un kaki lepdoh nah nah in ahi. Thuthang kijadan in Mizo hohi pamlam a ikimuto leh apha uvin ahounop lheh jeng in ahinla akhopi uh Aizawl a ikimuto leh ahou hah lheh jeng uvin akitin ahi. Ahivang in hiche Professor pa leh ajinu vang aphat lhon dan leh ahounop lhon dan akidang in ahi.
April 17th ni in Durthlang Presbyterian Hospital kache uvin akom a Aizawl Theological College ATCa jong kache uvin ahi. chukit leh Durthlang a LEITAN kiti lhang khat gari chena ding a kilai tan jong kaga ve uvin ahi. Durthlang Hospital a Dr. Thanga Singson kiti khatpa quarter a jong kache un ama aum hih in ajinu chu Lushei ho khat ahi. Amachu tuhin Synod Hospital a Director ahitai akitin ahi. Hiche ni chun Twikhuah lhang a 1974 batch IAS (L) Pu. H.Lalhlamuana IAS pa in hiche in a chu Mangzangaml Touthang jong achenna ah kache uvin a in neipi Dr. Thanpuii Hnamte to jong kaki muto uvin ahi. Chukit leh Mission venga Synod office a jong kache uvin Centenary khong Big Drum lentah asem ujong kaga mu uvin ahi. Chukit leh Synod Book Room a jong kache uvin lekhabu phabep khat jong kacho in ahi.
Ajing 19th April ni in Aizawl a kon in Champhai lang a che ding in kakipatdoh un lampi a Kawlkulh kiti mun a Wayside Restaurant ah chomkhat cha kadon un hiche WAYSIDE Restaurant ati vang uva in noi langa lhunna, gena, lupna, touna um mun nomtah ahi. Churachandpur a circuit house sanga nomjo khat ahi. Kawlkulh a kipat in kache uvin Champhai matah in kalhung un Champhai ah Mangzangam Touthang in tTourist Lodge ah nomtah in eilhunsah un keichu VIP suite Minister ho lhun na jui a kalhung in anom lheh in ahi. Nilhah in Pu. Lalthankung Custom Inspector, Sielmat a Pu. H.C Zaikunga Executive Engineer pa chapa ajinu chu Remkim Khawmawi a kagolphaPu Rosang Sinate chanu ahi. Hiche mun ahin jan an kane uvin ahi.
Ajing April 20th ni in Champhai a kipat in izoram leh Burma gamgi Zokhawthar ah ache uvin katup pen uchu Burma lang a um dil minthang RIH DIL kiti ve a cheding katiu leh permit lah ngai ahijeh in Custom Inspector pa in keiho puile dinga ahin solpa sepoy pa chun a permit anga apu pa ju donding ana boipi jehin permit aphat cha kamu theilou jeh uvin kanache tapouvin ahi. Vadung neokhat in a khen agallang chu Burma gam ahi.
Ajing 21th ni in Champhai a kipat kahung kinung le un Saitual ah Tourist Lodge ah ka lhung un hiche nilhah chun Pu.Rosanga Sonate chapa Pu.Rolland L.Sinate Saitual College a Lecturer pa leh ajinu Pari in an nen ei kou un a in uva an kaga ne uvin ahi. Pu Rolen Senate jinu hi masang a Tuibong a ana cheng aum talou Pu.Pauneikhai Vaiphei Minister pa chanu ahikit in ahi. Saitual a kipat kahung uvin Sesawng a um Central Training Institute a eipui kit un hiche mun ahin MIZOPA IN kiti tillai Lushai ho in sahdana kisa khat jong a um in ahi. Hiche mun hi Imphal a Police Training Centre Panggei a tobang khu hinte building khat The Dove Nest kiti khat aum in hiche sung a chun Mizoram Chief Minister jouse a photo frame toh atahdoh un ahoilheh in ahi. Hiche CTI mun ma ma ahin ZAWLBUK kiti masang a Lushei gollhang ho jan le achom a an age khomnao mun Kuki te SOM to kilou dehchet mun a jong kaga che un a insung a kalut un chomkhat katou uvin ahi. A kieng lang ah MNF gal lai a ana thi hi hetjing na memorial monument sangtah khat kitungjong kaga ve uvin ahi.
Aizawl kahung lhung uvin kalhun na masat uh State Guest House a on lou jehin Mangzangam Touthang in Zilla Sainik Board Guest House Khatla ah eilhun sah un a room ho anom mo hih in ahinla varanda a kon a ivet leh noilang chu mang jel kichat umthim kolchung a in kisa tobang khat anahin ahi.
Ajing 22nd April nin Aizawl khopi a Vaivakawni a cheng Dr. Gordon Zohningthanga ,Imphal RMC umlai a MBBS anasim chulai a nurse natong Jamkhoneng Haokip Sita te chanu Pu Jamvum leh Pu. Jamkho-on naonu to kicheng te kagavil un a in uva cha kadon un ahi. Aban ah Khatla a cheng aumtalou Pu. (L)Haokhomang Haokip, (L) Pu.Ngamkholun Haokip, Tuilaphai Haosate chapa jinu Pi. Lalthangpari te in a kaga kholai leng uvin ahi.
Aban ah 22rd April ni in Pu. Lengkhothang Doungel IPS chuphat lai a SIB a deputation a che pa in an ne ding in eikou uyin Mangjangam Touthangj leh C.Lalrambuatsaia khonung a Aizawl Post Daily Newspaper Editor pa toh kaga che uvin ahi. Lalrambuatsaia hi Khopibung a cheng mi ahi in amahi aphung min Changsan Lushei pao tho ho ahi.
Aban ah Aizawl kahin dalha uvin Silchar kahin jon uvin Silchar a Deputy Commissioner of Income Tax L.C Joshi in kache ni va kalhun nao Borail Hotel a eilhunsah kit uvin ahi.
Ajing 24th nin Silchar a Ayakar Bhawan New Building kisa thah inauguration ding in Shillong a Pu.V.Tochhawng, IRS Commissioner of Income Tax in hondoh na anei in ahi.
Ajing 25th ni in Silchar a kipat in matah in kakondoh un Nowgong kom a Assam Police Battalion Commandant Pu.[L ]Thangtinsat Thangngeo, IPS pa uarters ah an kanepa uvin hiche ni ma ma chun nilhah lang in Dibrugarh kanung lhun kit taovin ahi.
1Zokhawthar Bazar,
2.Sesawng Central Training Institute,
3.Beraw hlang Tourist Cottage,
4.
5.Leitan,Durhlang,
6.LOD Team Interview at Saitual Tourist Lodge,
7Dr Gordon Zohming thanga, Kukikawn,
8.Martyres Memorial Monument at Sesawng,
9.Dr Thangpari Hnamte, Tuikhuahhlang,
- T
K Thangngeo IPS at AssM Police Battalion , Nogowng,
11.State Gust House Reception,
12.Beraw hlang Restaurant,
13.Mizoram Legislative Assembly Building ,
14.The Dove Nest, Sesawng,
.15.ZAWLBUK ,Sesawng
16.Borial Hotel, Silchar,
17.Zawlbuk,Sesawng,
18.Zokhawthar Senior YMA office
