KACHIN TRAINING A KATHOH GIM NAO (episode-3)
BURMA SEPOY (TATMADAW) TE KIKAP TO NA MASA.
Akho nei kihe lou, eimi kho a khoto na lentah leh ngailut jabol na seichim jou lou kahin mu jou u phat chom khat jou hin, kaloi mi 7 toh chuche ni jaan a eilim bol nao kipa thu sei din, kakal song un ahileh, khomun thei him him aum ta pon, akom avel a khocheng veng chen na thei ding dan jong aum pon ahi.
Hichun lampi e hai mil khat tou u hinte tin kaki gel un adung avai ka chon un ahinlah kho mun dan him him aum thei ta him him pon ahi.
Chuleh khopi kagal mu nao mol chunga chun kakal doh un, kagal dot jeng vang un, kho aum pon khopi kagal mu nao mun chu paat lah joh ana hitan ahe.
Hichun keiman jong, hiche hi pathen thilbol thei na kidangtah hitei tan te.
Gilkel dang chah a leiset mihem asem sa gamsa lhagao nei lou ho banga setlei vuisai eichen jeng diu anop lou jeh a hi, thilha sangah ho jeng jong eipan pi diuva anganse hitan te katin, pathen hi kuki te din apha ta ngeije o.
Kuki ten pathen phat na khat ni thum tin kisim thei ta ve le leiset chung a nampi vangpha ehi ekihet doh diu hija hime tin, kaloi chapang ho to, kadel su un pathen chung nung chu kathang vah tao vin ahi.
Hiche mol sang chung vum a chun, songpeh khat katung in,
Pathen thang vah na la khat kasem in ahi.
Hiva kala sem chu hiti hi ahi.
1. Veigam mun thonglhun phat in aw,
Dougal ding in namtin veicha tong kitoh e
He tong kitoh e dougal ding in.
2. He namtin veicha tong kitoh nan,
Pa vangboh nan hatchung nung in, eiboul peh nai
He eiboul peh nai, hatchung nung in.
3. Hatchung nung in ei boul pi nan
Kavang khoa mang vaihom nan lam eikai e.
He lam eihil e, mang vai hom nan.
4. Pe mang kajil tolthing na nou
Vangkho laija tol thing na nou, li bang lhing e
He pe mang kajil tolthing na nou
5. Ninnop tangkho ki lap phat in o
Dougal cheng in ngei tong nem e. Tong nem e
He eidon e ngai tong nem aw.
Hiti hin laa khat kahin sem in kahung kile tao ve.
BURMA SEPOY TO FIRING KATO NIU.
Kidang tah maija panpi na kato nao kho a chun selsa kaneo vin ahileh, jaitha ahung hat in huiva bang ving nei kabang un,
Ajang gam veilaija keipi bah kai bang jaithan kadim tao ve.
Khopam a kage nao va kon in, jankhat kacham be un, chuche ni kajan jal mang chun,
Kamasanga kei ahsi hat tah tah 6 in eina lam tin in ahi, kanung juia pang thahat tah, keipi bah kai 2 in aval lhum kamang mat in ahi.
Hijeh chun kamang chu kangai to le kigot lou thei ahitah lou jeh in,
Nam sepoy hangsan ho kom a, golhang ho tunin, hiche lai mun a kon pot lou thei ehi ta pouve,
Chuleh lamkah lah a toset jong eto tei diu vin kangai ton ahi hijeh chun nidang banga nin nop tangkho lap bang a hinkho man tei ding vang kanom him him poi.
Kigot na nei un tin kahet sah in ahi,
Namsepoy 290+ lang kahung kitol jeng vang un pumei choi mi 12 bou kahiu vin lung neo aum lheh nai.
Ahinlah pathen panpi chang nam mite ehiuve hat un lang hangsan un tin kavai lhah in,
Advance a che din, Lamboi kakoi in, aman M.16 achoi jin ama hi mifel tah ahi.
Hichun, lamboi kom a, lamboi, tunia nanunga hung kitol ding pasal hangsan hijat hinkho hi vetim in, abon a nangkhut a kingam ahi, chingthei in kho hei jin, chuleh olmo hih in nanunga keima kahung nai, hiche jouse chung chon a pathen in naum pi nai ti sumil hih in,
Chuleh hat in lang hang san in katin ahileh aman jong.
KAKIPAH E. ahin tin ahi.
Hichun aman jong athal adah a ahin ngam doh in, eihin lamkai tao vin ahi.
KM-10 lang kahin jot doh gei un jong Lamboi in, adah a kon a athal khat vei cha jong koi lha lou hel leh kinung hei lou hel leh kachol e ti kam cheng ema lha doh lou hel in ache jing in Lamboi in anunga hung keiho khankho leh hinkho ding gel na a achol anan hepha lou khop a pan alah na chu kamun, kalung ase lheh jeng in ahi,
Hichun, keiman jong Lamboi, kei advance in che inge nang nalal val tai katin ahinlah aman Sir, Firing khat kasuh doh tokah a che jing ding kahi,
Nei ngailut na kahe them e KAKIPAH e ahinlah nang advancd a che ding nahi poi atin anom tapoi.
Phat chomkhat kahung che be un, kanglam(loi hon thing akai nao lampi) kahin jui pan tao vin ahileh uichal len tah khat kasu doh tao ve.
Hiche uichal len tah chu kinung hei lou hel leh ham lou hel in jum jel in alhai in alhai mang tai.
Hichun vadung lentah khat ana um in, CHINDWIN vadung ana hi tan ahe,
Lamboi in jong chindwin vadung ahinpal a akim ahung gei lai tah in, BURMA sepoy hon ahin kap un, ahinlah golhang fel tah ahijeh in, gal ma atum in ka nunga kon adang mi 11 hon kahin kap khom un chindwin pang kagah gal kai got lai tah un, GOLANG lamboi ahin kap khao vin, hiva chun, chindwin twi kinong chunga athisan twibang avei jin, kikap to khoh lai tah ahi jeh in kaha sasah man ta pouvin,
Athisan kai tuinu bang alon jeng tah jeh in, adang achah tan, twi don din keikom a phalna ahin thum tan,
Sir, keihi la dam doh jou lou mai ding kahi tai, hijong le kanat thoh ol dom na din, hiche chindwin twi pi lah a sihtwi jat hi khat vei seh seh nei tep sah in lang kei jong ana choldam tang e tin atao vin,
Ahinlah keiman jong lamboi, hiche chu hithei pon te nadang chah lheh hen, nanatna thoh hahsa lheh jeng jong le chom khat ana thoh ham ham tadin boi, katin ahileh
Aman jong KAKIPAH E sir, ahinlah kathoh jou tapoi, kache nom tai kathoh gim beh set jeng tai, atin chindwin twipi chu adon in ahileh lamboi ahai tan in kumkho a kinung mu kit ta lou hel din eidalha tao ve.
Hichun, pung 1 kahung kikap to uvin, chindwin lai lunga ei na kap u hijong leh keipi bah kai kitum bang nam sepoy hangsan hon ama no un chindwin gal lam gei ano doh un, gam golaija kikap to na nasa tah in ache lhan ahi,
Keijong chindwin gal kahung pot doh in, dolthing leilah a gangpi phung len tah khat, kom a songpi pang a kapan sao vin ahileh burma sepoy TATMADAW hon eitin jou lou phat un akinung khin tao ve,
Akinung kin kahet phat un kathah del kit un ajam to akap eikop jeh un, eiting jou pouvin hijeh chun mi 9 athi lo tao vin ahi,
Keiho meichang jong ahung bei lang ahitan, kaha del lut be nom ta hih uvin, hiche thal 9 chu kahin la doh un kinung le ding tia kagel lai tah un vang set um tah in, THATHANG alol chang lai tah ahin kap kha kit tao vin,
Ama kaboi pi pan kit tao vin ahileh puldou toh lungkham lungjin leh chol le nan akikop jeh in lungel asoh thei vah tapon ahe
Thathang jong adam doh jou lou ding ahikit tan, ahinlah lamkai khat hinan, athisa lom ahilou jeh in jen thei thei in kajen un kahin kipoh tao vin ahi.
Ahinlah aman Sir, kei amisoh deh deh lou ding kahi tai, neida lha tao vin neipoh da tao vo tin atao vin ahinlah, kin kadalha nom ta pon, lamboi vang chindwin vadung panga, mel lom tah in kahin vui un kahin da lha taove.
Thal kila doh 9 ho toh keiho nei 12 agom a 21 kahin kipoh un, thathang jong kahin pouvin ahileh, TATMADAW ho ahung thah kon kit tao ve ti kagal mu tao vin ahi.
Hichun thathang jong aboipi din, thal choi louho kangan seu vin, keiho chu burma sepoy ho to kimai to din kaki go kit tao vin, ahinlah Burma army mi 500 lam ahung kitol phat u chun, keihon jong hiche hi kimai to pi lou ding ahi kitheh doh tho ding ahi katiu vin,
Ahinlah chindwin valley hi K.M khat le akeh bep len ahin sao vang asao va sao ahi, hiche chu abon a atou pha uva nung che di la chindwin twipin eitin diu mache di la Burma army 500 lam in eitin diu, bol ding hevah lou vin kangol den taovin ahi.
Suh na ding, lamdang aum tah lou phat in,
Valley monga kol sang tah kol min NAW ANK, kiti kol a kal ding kihin so ding ti lou lamdang aum ta pon ahe,
Hichun hiche kol chu, kakal un burma sepoy ho peldoh ding kago un ahin lah ama ho ahung nai tul tul jeng un,
Eihin lap mai diu ahiphat in, thathang in sir kei ami doh jou deh deh lou ding kahi tai, kei jeh a mi tampi ethi lo sang un, neida lhao vin lang, nangho hin thei na ding cheh kihol tao vin
Adam doh ding hileh eidalhao ve tia kalha se thei ahi ahinlah adam doh jou lou ding thou thou nei poh u va eja phachom ding ham nei kap lih un lang neidalha tao vin atin keivang chu kanom poi.
ahi lah apen pi tah aupan, sir ama thitah jong le kei kaum nai dalha tao te ati phat in, mun jang lai khat a kalup sah un kada lha got u leh, sir neikap lih un lang nei da lha tei tei uvo, kathoh ding hi kangai ngam poi, atin a upan amit lhi akitheh in, boi, nathi jong le achai na din, nanahin jong le kangai lut vetsah na ahi atin abeng achop in, kin vang kakap lou ding nahi ahinlah lamkai pun epi agel am ama thu thu himai jeng hen boi, atin ahinda lhan ahe.
Hichun keiho molting a kalep un mol vum a kapang un burma sepoy ho ahung kal u leh kap chap jeng ding tia kagel u ahitai.
Hichun burma sepoy ho jong mol a ahung kal un, thathang kakoi nao mun phah masang jep gei akal un ahi lah ahung kal doh jou tah lou phat un ajan in hiva chun ageh un jing kah in ana kile tao ve.
Kin jong thathang kalung theh jeh in, kalhai suh loi uvin thathang ve ding in kache un, ahinlah ama chu ana thitan ahi.
Aumdan chu jaan a hi gamsa hon ahinga ana neh uva aman jong na asah beh set jeh a chu akom avel a hampa ho ana bo a ana ban bo ngim gam jeng ana hitai.
Hichun kalai ana val beh set jeng in ha kap in kakap in, nampon sipikhup muffler kanei sun chu achung kakoi in kada lha tan ahe.
Avui ding jong song lah ahijeh in ako akilai thei pon, hiti chun kada lhao vin kalung gel vang anom mo lheh e.
Hichun aning lang ka ngan ha kap in kakap tan ahileh songpheng chung a hin, KAKIPAH E tin ana sun in ahi.
Hiche nia pat a chu lamboi leh thathang in akam cheng a kon alha doh lhon thucheng KAKIPAH E kiti hi motto a kahin nei u ahitai.
Hahsat ni hihen thini hihen kipa ni hijong leh nam sepoy hin kipa ding dan het ngaija ahi.
Nampi a dia thisan phal ngam a napan lah na, nakipa pi ding ahi.
Nampi a dia genthei hesoh natho nakipa pi ding ahi,
Nampi a dia inle lou na dalhah nakipa pi ding ahin
Hiho jouse chung vum a ka nam mi ten jong kagen thei nao kathoh gim nao ho beh nei het peh un neikipa pi jiu vin
KAKIPAH E.
Next episode: UNLF to kikap to na jouva manchah 40 kilah doh
