Wed, April 22, 2020 by Haokholen
(Base_ _on_ _true_ _love_ _story)
PART 1
2016 Kuma hin class 8 kasim in anom lheh jenge loi le gol toh class sunga song note ki bolla class sunga koi jong kiki cha lou a eimi love song choh thet a kisa ji ana nom lheh e…
Hiche kuma chun ka senior ho Alice (min sem thu) kiti khat kadei cha in jol vang kana jol pon ahi kaloi ho koma kasei a ama hon ahet uchu ahi jenge. Hiche lai chun kana ngol thet jenge epi ham lungced jong kahe nai pon mikhat edei chat a e vet nom leh chichu ahi jenge.
Ni le lha jong achal jingin kumlhun final exam kahin bol tao vin ahile epi lung kahin gel hitam Alice chu letter peh ding kati tan exam lai hivang chun letter bou in kaki sa lungimin letter jong kasun thei nai pon ahi. Hiche lai chun la (song) ngai kana ponin la a kona kana la doh jin kana sunji e. Kasut na kapoh ji vang achun kana pe ji pon ahi.
Kei le kaloi ho chu exam bolla kahung ji uham cycle tol la kahung ji uham kahe pon exam matah in aki pot ji in cycle sheet a cycle hoi pen2 chu aki tol doh ji in lamlen na chun kaki tol le2 ji uve.
Exam chai na ding jong 5 day bou aum tan nikhat hi kaloi khat Alice dinga letter kasut chu kapeh sah tan ahi hiche a chun lungim na jong kana nei pon ajeh chu anop ding kahet ahie. ðŸ¤
Alice in jong ka first love letter chu aki lah e ti jong kahe in reply hung ding chu kangah tai.
Ajing nikho in exam ki chai in kaloi hotoh bazar board khat a kaum un Alice in ahin ho pa ding jeh chun ama nga to gomin cycle a kaki tol le2 uve chomkhat jou in Alice jong ahung tan ahung phat in minop pa keima chu kaki sel kitan kaloi hon adelun ahi le Letter khat ahin pe in ama ho jong ahung kile tao ve. Kaloi hon letter chu eipe nom ta pou vin kei hon sim masa uvinge ati uvin kei jong kipa val tidi ham chun ama ho kasim masat sah tai. Kahinkho a lungced letter kamu masat penni ahi e. Ama hon asim chai phat un ken jong kasim tan ahile anop na thu ho ahin sei tan ahi kaki pa dan2 chu kahe mo leu jenge.
Exam chai kah a chun letter in bou kaki hou honin exam aki chai pai tan ahi. Hiche a kami lungced chu kalungced thu bou ahin ngai na jong kana nei pon ki mu to pi noma ga vil di jong kana dat thei lou ahi e. Kei ho kho le ama ho kho chu aki nai in Christmas lenkhom kibol ho chu kiki ja pha to ahi.
Christmas le Newyear jong aki chai tan ahi. School kai phat jong ahitan kei mihi na chu school kai pat nia kai kha lou kahi e hapta khat jou lang le bou ga kai pan ji kahi e.
*2017* Kuma hin class 9 kasim tan Alice chun class 10 asim ahitai.
School kaga kai pan ni in ken jong letter kasun in ka handwriting hoi na thei chanin kasunin school kache tai. School kalhun in Alice chu kamu doh pon chomkhat kaum le bell ahung ging in assembly kabol uvin ahi le Alice chu kahin mu doh tan kaki pa dan2 chu kamoh meme jengin ama jong a class aki jot in kei jong ka class kaki jot tai.
Alice chu ka school kom uva hostel aumin hostel a chu uma ahi tai.
Half petin ken jong kaloi ho letter kapeh sah in ajingin reply ahung pai in ahin. Lhakhat vallam pi chu letter kaki thot to2 jeng honin ahi vang chun kam chang khat beh a kihou lou kahi hone letter a vang chu edei2 kaki sei thou kit hon ahi.
School sports meet ahung hitan sports adingin pasal hon bol thei2 kabol un numei ho chun decoration abol un ahi. Kei jong post phu na dinga ko kalai in ahi le kaloi khat ahungin hungo Alice koma che hite che room a khun aume atin kei jong kajah achakitan nah2 in kagalutin akoma chun katou in aman jong athil bol ding aki bolin kei chula kapao got jong le akam bei kabang jengin kapao poh pon aman jong abol chai phat chun ache doh go tan kenjong asangkhola chun kale kai in epi hamo atin pao mo sasan tou vo kati le anom pon min eimu hon di he atin ading tho in ka um den sah vanga chun sei di jong kahet lou ahie. Chuphat in kache di tai ati kit in ache doh tai.
School kakai a pat a sports kiti ho function kiti ho a jao kha lou pa chu hiche kuma chun sports jong abula pat in kajao jing tan anom lheh jenge sports kichai ding ni ahin hostel akon hung doh deu he tithu kaja tan kenjong aloi ho khat kaki mu pi in tuni hostel apat na hung doh got u ham kati le henge atin nahung doh deu le Alice koma chun kilhon tou ute ti o kati le aman jong henge atin chomkhat jou in ahung kit in henge ati e ati chun kaki pa dan2 chu Alice to kaki lhon ding phat chun kaloi ho chu kathei nom kit ta pon ama ho chu kasol masa tai sport jong aki chai tan Alice jong hostel langa ache in kenjong school toilet koma kangah tai kanga le ahung sot lheh uvin kanga chim phat in ken jong dalhah ding kati a kahung pot doh le thingphung noi khat ahin aloi ho mercy kiti khat ana tou in ei hin kou in hungo Alice te hon kahung pot deu he eingah uvo ati uva kanga ahi e ngah khom hite atin kei nin jong kangah hon tai. Alice te ho jong ahung pot doh tao vin kaki lhon un kammol kei ma chu pao masa ding kahin kapao ngam kit ta pon chomkhat thip beh in kahin ki lhonpin aman ei hin hou masa in hiti chun athil choi chu kachoi pih in kahung kilhon hon tai. Bazar board kahung lhung honin aman jong ana kho ngai tadi aw atin ama jong dukan na achen kei chu kapu toh kaki hou in chomkhat jouin Alice jong dukan apat ahung pot in plastic khat a nehthei khat ahin choi in kapu masang a chun eipe tan kei jong kaja chat dan chu sei di jong kahe pon kapu jong aki het mo sah in apot doh tai. Kei chun neh thei chu kaki lah nom kit tapon kada sasa in eipe in akho lang u chan gei ga thah dingin kaki hou hon tai. Ama ho kho langa kache hon tan kei kami hi na kit khat chu numei toh kimoh toh khah2 lou kahi e che a kaki lhon hon a chun nisa asat a sat ahin Alice chun satin (umbrella) ahin la doh in kikhuh hite nisa asa valle atin kei chu kami hina ahi lou jeh chun kanom kitta pon hungo navom nakal a vom be in nate atin kei jong akhoh poi katin kami kilhon pi nu chu kada lha in kama sa jo kit tai. Kagele nomthei kasa pon kangah doh in ahile ama chu ana noh dan ahitan eihou tapon kei jong mijol lungdam kisan jong kahet lou lai ahin chomkhat thip beh a kaki lhon hon le gari truck khat ahung suh in aum dan chu Alice te kho a natong gari ho ahi in gari tol pa to chun aki he uvin truck tol pa chun nahung thah inge ati le Alice jong anom pon ken jong katemin kenga nache sanga nom jo di he katin aman jong ahile Monday nile kimu to kit tai te o atin gari chunga akal doh tai window apat in bye2 ei hin bolin kn jong kabol in kei jong inlang kahung kile tai. In kalhunin neh thei ei peh chu kane nom kita pon neh ding chu ka eit kit tan kakoi na a kanao in amu doh in avet le nehthei ahi phat chun kei choh ahisah in ana khe doh hitan akhe doh ngal phat chun kane khom tao ve. Hiche nehthei chu kasu mil nai pon nehthei chu swise roll cake ahi e.
Phat le ni jong achal jingin school kahung kai kit tao vin hiti chun niseh in letter kaki thot to jing honin a letter sese chu box khat a kitup tah in kakoi in kalunghel kom2 le kasim ji in letter chu them khat ake jong le gum in kabeh mat jin white tip in kabeh mat ji in letter chu lemination ki bol abang jeng tai. Kei dinga chu kalungced masat pen ahin in kalungced lheh jenge. Lungced masa chu mijousen ahet cheh ding ahi.
Tunilhah a din hichan hin kichai sah utin jing nilhah teng aban ena sim kit ding u ahi. Lunglut tah a nei sim pih hou chunga kipa thu kahun phonge.
22-04-2020 Wednesday
