By Haokholen
So masa banjom
PART 2
Lungced masa chu mijousen ahet cheh ding ahi.
Alice ho um na hostel a chun akidei aki ngai ho chu ahin man doh tao vin parents ho akou un ahi. Vangphat pi a chu Alice to kei hi koi man kaki ngai hon ahe beh pon ajeh chu school a kimu to ho chu kabol hon lou ahi. Che achun Alice jong aki cha in kikhen ding thu ahin sei tai kikhen ding mong chu asei pon Letter eki thot to hon ho hi nga hitin matrix kahin chai2 le hoi tah in kingai pha kit hite ati ahin keijong kalungced jeh chun hiti a um ding chun kanom tan ahi. Matrix ajo le kingai thah ding teni chu ajing in kaki thah ngai kit hon tan phatchom khat vang chu letter kaki thot to hon poi.
1st semester kahin bolun keichun lekha jong kasim ji tapon kaphat atam jo a chu Alice bou kagel thupi jon ahi. Exam jong kahin chai taovin Alice jong hostel apat hung doh deu he ti kaja tan kaki pah lheh jenge. Exam chai in school gate a kangah tan ahile ama jong chu ahung kino dan2 chu a school form jong ahin kikhel chai man lou ahi. Kei ni jong kahung kilhon kit honin kaloi themkhat kanunga ahung un ei dai tou peh un bazar board kaphah ding kon honin ama jong in khat a alut in chomkhat jou in ahung pot doh in kapa in eihung pui ding he atin kei jong kaum nalang kahin jontai.
Suti jong ahung kichai kitan phat le ni chal dung jui in kei ni kikah lah in jong boi na ahung um pan tan letter kathot jong le ahin reply tapon kalung agim lheh jeng tai. Nikhat hi thadou class a kache tao vin ahile class 9 le class 10 te thadou class chu kibang ahin kei ho jong class a ding in kache taovin kei jong kalungced pen Alice tou na achu katou ji ahin hiche nia chun desk chunga thu ajat2 ana kisun tan ahin. Alice anu chu milong ho ahi in aneo a pat apute koma aum le milong pao ahe in chejeh chun desk chunga thu kisun chu chu milong pao va aki sunin epi asei ham la aki he pon kahet pen chu DA CHINGLEN kiti seh2 chu kahe in keijong kasim doh2 chun kalung ahung thim jengin kamitlhi along doh pei jenge kaloi ho vang kahet sah pon chomkhat jou in kaloi khat kakou in kavet sah tan ahile ama jong alung hang doh pei in kei hi kaloi ho lungced kachangin kalungel ei het them pih un ei lha mon uvin kei jong kaloi ho thu kangai ji e.
Hiche ni mama a chun letter khat kasunin kathot tan ahile ahung kile kit pon keijong kagenthei cheh2 jeng tan ahi. Hiche lai achun kei jong kapu te koma kaum in kapu chapa khat toh class kaki bah hon ahi aman jong kalungel ahe them ma2 in eiphoh2 jeng ji e school eche jong le kipah tah in inlang aki ki le tapon bu jong kaneh nom ji pon hitia bu kaneh nom poi kati ji le kapu chapa Gogou chun ei phoh ji in napu le napi in he doh le eipho hon ding ahi e ati jin kei jo g kapu kaki chat jeh chun bu kane jin ahi le kava thei ji pon nidang a kaneh sangin kaha neh jo ji e. Gogou jong chun ei hin nui sat tho ji tai. Gogou injong tuchanin ahai mil lou lai ahi. Kei kavang phat nakhat hi elungced khat toh kikhen jeh in bu ka ngol kha nai poi.
Friday nikhat hi school kache un keijong Alice dingin letter kasunin kaloi ho kape in half pet in Alice ho class a alut un kei pam langa kaumin kaloi ho chu alut un letter chu Alice apeh u le Alice injong alan dustbin langa chun ahin pai mangin che a chun kaloi ho jong ahung lunghng doh tao vin kaloi khat ahung lhai doh gang chelin thu chu eisei peh tan ahile apet in kalha ase doh pau jengin kamitlhi along doh pai jenge. Alice loi ho khat hostel a aum pi ho khat in letter chu kei ei peu vin ken ana pe nange atin ama chu ape tao ve. Keichula kalhase valin kamaiso injong aki he doh jeng tan kaloi hon ama bou numei ham numei chom ehol deu he ati uvin kei jong kapao nom tapon thip beh in kaumin class a kajao vangin epi asei uham jong kahe tapoi.
Hiche lai tah achu Alice chu dammo na khat anei in hiche nia chun ama jong checkup dingin school kikhen in ahung doh in kaloi ho toh bazar board a kaum ule ahungin kaloi hon amu2 uchun Alice chu mit nei lou mai nei lou in ahou un ama jong anu toh gari chunga atou hon tan ahi kaloi ho chun anu masang hi jong le amin tah a akou jeng u ahi.
Kalungin vang ema dang mong2 agel pon lei(bridge) a ki chop lhah a thi jeng ding bou chu kalungin aum in kalungel chu kaloi hon ahen kaloi khat james kiti khat in ei chin tho jeng tai. Gogou le kaloi them khat chu bazar board a aum nalai un kei le James chu kaki lhon honin kaum nahon aki bah lou jeh in kaum na cheh hon kaki jot hon tai.
Kei jong in kalhun in lup na chung se nan kaki nei in kaki gel2 le kalhase vallin ka mitlhi along doh jeng tai kalhi so lai tah in Gogou jong ahung lut in kamitlhi so chu amu phat in eidai le2 in cheni a chu gogou jong chu adongmanu toh hung ki boi hon ahi e. Gogou jong form aki khelin tv aga ve tai kei chula form jong kikhel lou lup na chunga chun naosen ka in kakap in kaka chan chun ka lhased na aki be lap cheh2 jengin kanung gel2 le Alice thusei khat kahin gel doh ij ken jong lekha sim na table chunga blead kikoi chu kala doh in kakhut chu vel khat ka att tan ahile thisan themkhat ahung doh tan kalha ase valin kakap2 jeng nalai in kalung in epi ahin gel hitam kakhut chu ka att chen deh in kakhut chung chula thisan aput tho jengin katha jung ka att khah nalai ho chu thisan aki kho jep2 jengin ka lungna jong achim deh nai pon kakom a inkhom chu suh ata kasuh le na kahin sa in kalung na ahung chim domin kakhuta thisan jong chu katheh ngim pon alon lon a chun kalon sah in kei jong kaka na a chun katha ahung chol tan kaka chu kanga tan ahivang kamit lhi vang akang thei poi kho jin ding kon langin kathi san hochu ahung gep tan ka theh ngim deh pon chomkhat jou in gogou ahung lutin hita kaum amu phat in alung ahang in kei joh Chu ei phoh in napu le napi lunghan na ding in kisa hih aw atin ama jong apot pei in anungin keijong kahung kigel in ahile kahung kipha lamin kakhut chu kasu thengin tol lang kagah vet le carpet chung chu thisan ana dimset in kei jong kaki thou gang chelin ka form kaki khelin carpet chunga thisan chu suhmang ding katin ahi le agep phat chun aki su mang but tapon ahi. Gogou injong bu ahonin anu le apa office akon ahung lhun kah a bu neh doh sah ding eiti ahin bu jong ahin hon min in bu ne dingin ei hung kou in keijong chini tah a chu kagil akel in bu kaga kineh tai. Kakhut ka att na chu ka att pet a anat kahet lou vang chun ahung dap phatin ahung peh in ken jong kagah vet le gancha chunga um jong le vet ngam hilou ding chun kakhut chu akeh deh duh jengin vet ngam vang hita lou ahi.
Nilhah in kapu le kapi jong ahung lhung hon tan ema thu vang ahe hon poi kei jong ama ni masang in sel thei chan in kasel in kasel doh nah2 e.
Ajing nikhon Saturday ni ahin kei le Gogou toh kaloi pa james toh kahung ki lhon suh un kakhut chu vet thei ahi lou jeh chun pharmacy khat a bandage kacho pa uvin lampi a kakhut tom dinga kaloipa James to chun kakisah boi hon lai tah in mercy kiti Alice loi ho mama ahin ama chun ei hin phapa honin epi ti ham tia eidoh le kaloi pa chun asei peh in mercy jong ema sei lou in school lang chu ajon pai in Alice to aki mu toto a chun ana sei peh dan chu ahin kei jong school kalhung tan ahile Alice jong ama ho class kot phunga chun ana ding in kei jong kihet mo sah tah in ka class kajon tai. Chomkhat jou in bell ahunging tan assembly a din kache tan ahile Alice loi ho chachan le kikim chun eikou honin half phat le hung doh aw kihou ute ati honin keijong ema donbut lou in assembly a kaga ding tai.
Class ho aban2 nin achalin half ahung lhung tan kaloi hon toilet adin eipui doh un kahung kile lang uvin chachan le kikim chun class room khat a eina ngah honin keichula ema cha kahe pha pon ama ho chu ana ki pha lam val udan ahin ama nin jong eikou honin hungo kihou ute ati honin kei jong ka nom pon ema kihou ngai poi kati le atao tho jeng honin kaloi hon jong kihou phot2 uvin ati phat uchun kenjong epi sei di um nalai ham katile hungo mi atam valle ati honin 2nd floor a akal tou hon tai kei jong anung hon kajui in ahile kikim chun bolla hita hi nakisah ham kei ho dingin jong anom poi e atin chachan injong Alice khun ba epi agel han janhia letter jong chu kapeh hon hija ebolla nahin pe pih le lou baha atin kikim chu akipha lam lheh jenge. Keijong sei ding kahe pon kamoh thip jeng tai kikim injong Alice khun na lungced mo jong ahi poi e ahin tin keijong kalung ahung hang in kahung kisen in eilungced le hita hi eibol di ham katin kamit lhi hung pot go pai in kei jong kapot pei kitai kaloi ho kom kalhunin class lang kajon pai un Alice ho class chu kijot pa ahin ken vang vet di jong kago pon kaloi ho chun Alice in nahin ve e ati uvin ema in jong kadon but poi.
Nilhah in Gogou anu in kakhut ka att chu ahe doh tan Gogou pa um lou kah in eikou in ama gela chu mun khat mun ni bou ahi sah ahin kasangkhol ban agah ho doh le aman jong ave ngam pon ajeh chu ka att na ho chu pom ma san deh duh kit keh let lut kit ahi. Kapi injong eiphoh in nalungchang akhoh valle hitia hi kisah lou ding ahi atin kei jong thip beh in kaum in gogou naonu chu kakoma ahung tou in heu len na khut chu gah vene atin ave in aki att na ho chu asim in ahile 57 asim doh e kei ni jong kaki ve to honin kamoh nui jeng hon tai. Kakhut a 57 blead nung kipo chu asel hah thou e.
Tunilhah a din hichan hin ana sim chai kit utin muntin na kangilut sopi u le nao ei hin sim pih hou chunga kipa thu kahin sei e pathen in phat thei na boh cheh uhen…
*23-04-2020* *Thursday*.
