Home Joel Kipgen JORHAT TOULPIA-III

JORHAT TOULPIA-III

358
0

(Part-3)

Written by: JoelKipgen
Freelance Journalist

Tun Nungahnu thusim chomcha kho’ngai u hitin, Gollhangpa thusim ve kit u hite

Christmas ding koncha ahiphat chun Gollhangpa jong inlam jon ding in “apot” akigot haithe thu tan ahi. Akigot chai chun Inn lam Manipur jonin ahung tai.

Phat tinin Jorhat khopia um Nengboi chu agel doh jing jeng in hinla boina jat chomchom jeh in aga vil man tapon phamo asa lheh jenge.

Ahin ama le ama akigel komleh mimo jong akisa lheh jin ahi. Ajeh chu Mobile No. beh jong kilah man lou, Nungahnu kho le aumna chajong ana doh lou chu agel doh ji kom le
kino henhun hin THILPHA asodoh theipoi tin ama le ama aki oimo lheh in ahi.

Gollhangpa chun alungthimah Christmas a hi Nengboi jong kei banga insung mite toh mankhom ding dei intin inlamah che tei ding ahi.
akho le achennao beh ana ki dongle, inn kichedoh sunga hi khatvei toubeh gavil thei ahi ati.

NUNGAHNU LE GOLLHANGPA CHU KHO KHAT HENGJOLPHAI KHO CHEH ANA HI LHON’E

Hiche THUSIM akidanna khat chu Nungahnu Nengboi le Gollhangpa hi kho khat ana hi khah lhon hi ahi.
Ahivanga ama ni hi ki he to lou ahilhone.
Ipijeh hin tem…………
hiti ahije..

Hengjolphai Haosa kikhel ahitan, Gollhangpa-Hemin, apa’len chun chuchi khoa HAOSAT ana poh ahitai.

Apalen Haosa ahiphat a Gollhangpa – Hemin te jong hiche khosung Hengjolphai’a chu ana cheng lut u ahitan ahi.

Hemin pa hi gamdanga service ana hin, apa service bolna mun Quarter a ana um jiu ahije.
Anu hi Primary Oja H/Mistress ahin,

Gamdanga ana um lai uva chu anun akhella oja mi ana kikoi ahi. Apalente khoa aga chenlut uchun Hemin pa jong a service pension ana hi paipai tan,
chuchi khoa chu Houbung sunga Pastor apoh sah paipai tauvin ahi.

Ajehchu apa hi mipha, chonpha le Pathen ging mi ahijeh a Houlamkaija apansah u ahitai.
Apa hi amin Pr. Thangboi ahin, anu hi Hoinu ahi.

Nungahnu le
Gollhangpa akihet to lou na ajeh.. Hemin gam choma lekha sim ahijeh chun apalente khoa akichao lut uva pat khosung ana che lut kha nailou ahi.

Kum 3, lamjen ana chen jou uva Hemin hi khosung tuchunga hi ga vah lut bep ahije.
Hijeh a chu kiheto lhonlou ahi.

Gollhangpa akhou ahung lhun

Gollhangpa – Hemin, Manipur ahunglhun tah vang in achen nao kho ahetlou jeh chun mi ahin kidoh in aga don jotlut jeng tan ahi.

Akho’u Hengjolphai aga lhun chun’ inn atokhah masat penpente chu dong din gate a chun agahding in ahile
Leitolla nungah hoisel khat agah mue.

Gollhangpa: (Nungahnu jah a ..) thu khat kahin doh nom e atileh Nungahnu chu akiheijin gollhangpa agahven ahile hoi asa lheh e.
Alungthima..Hekate ahoisam e ati.
(Gollhangpa chun Trolley bag ho khat ahin khaijin, anung lamah bag khat akipoh e.)

Nungahnu: Ipi neidoh nom ong ati.

Gollhangpa: Ka inn u kadoh nom ahi.
Pr. Thangboi khu kapa ahin, Hoinu khu kanu ahi, chule Lhingboi khu keima noichet a ka nao ahi atileh …

Nungahnun: O O….! Kahetai. Lhingboi in ka u tia aseijia tun vang nalim kamu tai,
“Hung in nahung thah inge” tin’nungahnun Trolley bag chu achoipeh in a-in mun chan aga thah e.

Tun Part-3, akichaijin aban ana ngah jing ute.

Thusim hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.

Previous articleNAGAS WILL NEVER JOIN THE INDIAN UNION AND ACCEPT THE INDIAN CONSTITUTION
Next articleKAHUNG VAIGEI TAI NAO-II