(Based on a TRUE LOVE-STORY)
(Episode-3)
Compiled by:
Gogou-Chongloi
Arranged by:
Max@Hegou-Dimngel
(Episode-2) Somasa banjom, keini pasal kahilhonne hisang chun keini joh innlang chielhon tange tin gate nachun kahung kikhen taovin ahi.
Hichun kahung kikhen uchun kaloipa (Gogou) toh keini jong innlam kahin juon lhontan ahi, kaloipa toh keini jong lamkim’a chun mangpha kana kithot tolhon in chujou chun inncheh kaki juotlhon tan keijong chu inn kagalhun2 chun kanu le kapa jong imuding ana kisalhon tan anahi; kalutle kanu chun (Boimin) hoi’a nachie ham? jaan asottai ahintin, kenjong kanu koma chun “Nu kaloipa toh Thethem te inna kachie lhon ahibouve” katile; Kanu chun tukal tengle hungvah dom2ji taan kanao tulaai huinun danle mihem umdan aphamo tai chingtheijin koiham Thethem ahintin,
Kenjong “Nu tumasanga chun ichennau khosung hin amel kana mukha poi katin aum nate innchu kasei pehtan ahi.” Chuin kanu chun Thethem chu aneolai hinkhuo leh lekha sim’a munchomma anaum doh a tua hikomma ahung kile doh ahi chu ahinhe in, kajah a “Boimin hijongle kichol jengtan jaan asottai” tin keijong ka room lam kajuon in kakichol tan ahile; kalungsed Thethem chu kalungsung in ahung lang phakit tan, Chutichun nini nithum jengcha hijong leh Thethem chu apuul kahin dou pantan alangkhat a kagelle ken kalungsetna thu kasei masanga Thethem injong einalungsed ahitai tichu kahe ngallin ahi. Ahinlah neilou gentheite leh khosung a genthei pen’a ana kium jehchun ima jouse kagel lam2 chu keidin hahsatna ahitan, hijongleh kalungsed pen Thethem chu phungdang angdanga (anglaija) kei angkoi lou’a agapah dingchu kagel leh; k-itt in kangaijin hetman louchun kamitna mitlhi chu analuong dohman tan, hinla kalunggel invang Thethem hi keija hiding ahi kati’n kamaai a luonglha mitlhi chu kakitheh-huljin anahie.
Chuleh Thethem injong seilou a eihin lungsed ahichu kahe kit ngallin hichu kahin gelkit phat chun keijong kalung ahung muong domtan, hitia lunggel pumchun kalum in kana imu lhatan jingkhuo ahung vahchun kanu’n eihung thoudoh e; Chupetchun kajah a hitin ahin seitai “Boimin hungki thou inlang kisuthieng in ann-neh phat ahitai” ahung ti’n anahi, hichun keijong kaki thoupai tan kaki suthieng jouin abanna ann kane’n chupetna chun kanu chu kakoma ahung tou naije. Chuin aman “Boii… jaan’a chun napa chu ahadammo lheh in hijehchun tuni leh school kaidin chieda jeng tang’o, napa inna kicholsah hitin eini loukuon hite napa adamphat le phaten school chie kittan nate” tichu kanu in kakomma ahinseitan ahile; keijong lou natoh chu kanu numei ahile atoh dingchu numei tohdia thil hahsa tahkhat ahikit leh kapa jaolou a kanu chang’a naa aga toh dingchu kagelle, kalungse ma2 tan kenjong “Henu pha’nte tia ngelchu ipidia kadaa dingham! henge chiena hite kapa jong alelval taije ama ana kichol tante” katipeh tan ahije.
Keijong ann kaneh jouchun school juondia kigo talouvin lou lang kuondin chempong kakilah doh in, innmai leitol achun chemcha (knife) maha chu kakinol hiem in ahile; kaloipa chu school kaidin ahungki godoh in keichu eihung koupa dan ahile, ken jong kaloipa (Gogou) komachun “Bhai tuni kei hepa damlou jeh in school hungthei tapong’e” katin anahi. Hichun kanu ahung doh in kaloipa jah achun “Boi tuni naloipa hungthei louding ahitaije jaanlhah chun napa ahadammo in, ama khella naloipahi tuni lou a kapui dinghe boi napauhi adam phatle naloipa jong hungthei tante” atin; chuin kaloipa chun kajah a “bhai tuni jong Thethem school hungding chuo bhai” ahin tin, keijong eba kilo dingham bhai….nommin ana kivop uvin lang nilhah tengle kimuto kit taote katin ahije. Chupetchun kaloipa jong school langchu anajuon tan chule kanu leh keijong loulang kanajuon kitlhon in, lou kalhun lhon phat chomkhat jouvin natoh kaki panpai lhontan alangkhat in kaloipa jong school alhun chun Mercy leh Thethem injong anangah lhon in anahi;
Akimuto uchun room sung alutkhom uvin chutichun class ajao un chomlou kahchun 1st’ half/recess anahitai, Chuphatchun chomkhat chu school garden sunga thingphung lim noikhat nachun Thethem le Mercy toh kaloipa chu nomtah in agatou un ahikitne. Hichun Mercy chun kaloipa koma chun “Heu Gogou naloipa U-mimin ipidia school hung kailou aham!…. ama munom jieh a kaloinu Thethem jong hung hichuo” ahin tijeng leh, Thethem chu jahcha hitan tin akun chah-kheh jengtan hichun Gogou injong “kate kaloipa injong anasei dohlou vang’a Thethem tailou koima dang jong alungsedle adei jong aumpoi’e”ahin tikit leh; Thethem chu jahchah valkit chu hitantin dahdoh ngamlou in akun2 jengtan ahile, kaloipa chun Mercy jahchun “tuni kaloipa apa chu janni lhah a hadammo hile akilom’e hijieh chun tunichu amachu anun natong din loulanga anapui dohtai” ahin tileh; hichun Thethem jong hetmanlou in athu ajah3 chun ahung dahdoh in, “heu Gogou ka U-mimin pachu hadammo valham?” ahinti jengleh kaloipa chun Thethem injong kaloipa mimin alungsetne tichu ahedoh tan ahi.
Alangkhatna daipai dingchu anom tapuon hichun “Them keijong kaha het dehpoi ajehchu school kahung dingchun, kahin koupa leh na-U mimin nu chun hitin anaseije; hichun kaloipa (Gogou) chun Thethem jahchun “na-U mimin chun nang school nahung dingchu ahet jeh a, ama jongchu hung nom hija chutia aboina aum phat chun ahung theitapoi” atin ahie. Thethem chun kaloipa komchun “He-U Gogou ka-Umin hibang’a kimu nom’a kaumin chu kalungse valle” ahinti doh tan, chutia ahinsei jouchun 2nd half ahikit tan amaho jong school sung anung lutkit taove; hichun sunni lhum chun Thethem injong kei hinkho kiman chahdan leh kapa dammo naho innsung genthei tah’a kaki manchah danho chu achang in sunni lhumchun alung in anagel jingtan, akahle aguh achun eina lhiso khum jidan anahitai. Alangkhatma in kanule keijong naa katoh jinglaai lhonchun sun natoh kichol phat anahitan, kanu chun cha (tea) aga om minchule ahin om-min jou chun eihin kou tan; keijong kichol dingin kanu umna lang chu kana juonphei in,
Kalhun chun kanu in cha (tea) chu eihin sunpieh in keijong katou in cha chu kadontai; Chupetnin ka nun kajah in “Boimin thukhat kadoh nom’e” ahin tin, kenjong ipithu hitam henu! kati paijin hichun kanun naloipa Gogou in Thethem atinu chu koiham tin eihin dongtan ahile; keijong kajah ahung cha’n kanu chun eihin dohjeng vang chun, Thethem hinkhuo thusim chu kaneo laija patsa keisang’a kanun anahet masat johchu anahitan ahi. Ahinla aum naho chu kasei jin adang vangchu kasei doh tapuon ahi, hichun kanu’n “boi thukhat naseipieh ing’e o” tin……kanu chun “Thethem nati nuhi lungsed umtah nao chaga ahi; anu le apachu aneolai jin gamvah hon sumdei jieh in anatha-pieh u ahitai, tua ahin kivah teni aumna teni nupa khu amanu dia apile apu tah2 chu ahipoi” ahintin; hichun imadang seibe lou in athip kittan hichun minute som tobang thipchet in kaki houlhon puon, Chujou chun kenjong kanu chun ipi lung ageldem? tin kanu jah achun “henu Thethem khu namou-nu din hinkipui ta leng nadei nadem?” kana tijengtan ahie.
Kanu jongchu lung jong lunghang louhel in aw-nem heocha’n “boi (kanao) nangin napa le nanu keini moudia nadei nakilhen chu napale ken ipi dia kadeimo dingham? ven, innsung’a chapa changkhat seh nanu leh napa kin kanei kagou manlu-pen kanei lhon chapa chu nahi; ahinlah innsung hinsukeh thei numei Ji (wife) nahin neikhah dinghi napa leh ken katijat pehpen chu ahie, Boimin chingthei tah in nungah naji ding kilhen jengtan” atin hichun thudang2 kaki houlim lhon kittan anahi. Kaki houlim2 lhon leh natoh kipat phat ahikittan hichun keini kaki pankit lhontan, khuojin ding kuon geijin naachu katong nalailhon in pung 05:00cn ahung hitan; kanu le keijong innlang juon in kahung lhontaan inn kahung lhun lhon jouhin pung kagahvet leh 06:53pm chu ana himan kittan, kapa jong ana oldom hitan tin nilhah annho ana huon in kanu le keichu eina ngadoh ahije. chuin kaki suthieng joukit chun ann ho kanen ahile kaloipa (Gogou) jong ahung kittan, hichun kaloipa chu kaki ngasah in ken Bu kane in chomkhat jouva kaneh jouhin keijong chomkhat katou ol-lin;
Chomkhat jouchun kalungset pen Thethem kom in laitol leng din kachie kitlhon tan ahi, chutia Thethem kom kalhun lhonding konna chun Mercy jong ahung in kaki lhonlut un ahile Thethem pile pu jong ana touvin ahi. Thethem injong apile apu masang a toukhom a kihoulim dingchu agelle jahcha kisa hintin, hichun “he-Umin hung uvo inn pamlang in tou ute” ahin tin hichun keiho jong innmai a pahcha lei laija touna umchun katou khommun ahi; Kaki houlim leo inneite chun Thethem ahinkou tan “boi dukan a thil gacho tadi o” tin ahinsol lhontan, hichun keiho jong dukan lamchu juon in ol2 in nomtah achun kana kihou limphei2 uvin ahi. Chutichun Mercy toh kaloipa chu keini masang chun aki lhonkhom lhon in keini jong amani nung chun kaki lhon kit lhonne, Chutahchun Thethem in kakoma “He-Umin tuni school nahung louchu anopmo danchu” ahintin; he-Umin thukhat kadoh kitnom’e ahinti kitnin chuin keiman “nao ipithu hitam! seijo” katipeh tan anahi, hinla numei ahijeh chun nommo asa kit in langkhatna jahjong ajah cha hintn asei ngam kitta puon ahi.
Chuin kenjong nao nangla kingaipi naneilou ong? tin kadong ngal jengtan ahile Thethem ahung nuijin, “He-Umin neihin ven keihi kunjong eidei ding hinammo o? kei pentah ima chihnale themna la mite bangin kanei puon; kunjongba eihin lungset nadem?” ahin tiphat chun kenjong kisong lelpum chun “Them seinom khat kaneije” katin, Thethem injong ipithu hitam Umin kiphat lamsah’a seijo Umin seijeng tango ahintin einojeng tai. kenjong gah seijeng ding kati le kache nao dukan kana phah kitphat chun kasei mankit tapuon, hichun thilchoh dingho kahin chojou uvin innlam lejuot ding chun kahung kile kittaove; Hitichun thudang2 in kahung kihoulim phei2 lhonin chuin Thethem injong keikoma innsung kiman chahdan leh natoh lekhasim abon in eihin dong jin, Ahinla atamjo vang kasei pieh nompon amavang athu umdol neokhat vangchu kasei peh in anahi.
Chutia kahung kihou lim2 un inn jong kalhung kittao vun hichun thil kichoho chu Thethem chun innsunga apile apuchu agape’n, Chuin amajong ahung potdoh kitpai ngallin kahung kihou lim2 kit taovin; hichun kaloipa chun pung agah vetle pung 09:30pm ana lhingman kittan ahi, keiho jong nom tah in lhavah noija chun katou khommun nom kanasa thei lheh jeng uvin ahije. Chukah lahchun Thethem injong kajah in “He-Umin hinjo’a kaseinom natichu neisei pehtan” ahin tikittan, seiding jong jachatle kiphatlam nan kadim kittan ahile Thethem chun he-Umin kiphatlamle jachat angai po e seijengo kangai nom’e ahintin; Chiba kingah2 ahitichu kalunga kagellin kenjong ‘Nao kana munia kipatna chun kahin lungsed lheh jengtan, ahinla neilou genthei leh kammol kahijih in kalungsed nahi kana seingam jipoi; ven kenvang hinkhoa ding’n kahin lungsedne nao” kati jengtan ahile, Thethem jong lungnommo bangin agah umi’n kajah a U ana umta o innsung khatvei galut inge atin ahi.
Chupetnin kinjong alung hanga kahisahtan kakiphalam in kajah jong achaan chule seidi boldi kahet loutoh kadang chu anagoleo jengin, hichun Thethem innsung aga lut in ahung potkit phat chun nehthei ahin choi in kane khom’un ahi; Kenjng nehthei nehpuma chun “nao kathusei chu nalung hang ham? lunghang lheh jongle chun nei hetthem piehding kanom’e” katin, chuin Thethem in “He-Umin nathuseihi kakiphatlamna asang valle ven leiset hin melhoi aching athem atam in; hiche holah2 a keipentah nami lungsetna kachanhi kagelle kaki songlel valle, among2 a nang pasal changkhat nahin henu le hepaten keipentahhi eihin deidiu hinam! ajoule nakisihna dingle nangdia namitlhi luonna hung hibep ding ahibouve he-Umin. Chule kenvang chunle jo lungdeija kingaija kichen dinghi kadeilheh jenge he-Umin” tia kakomma ahinsei chun, keijong kagelle dih kasa kitnin alungdei lamchu keidin jong kalungdei lam ana hikitne; Hichun nao henu leh hepa teni injong nadei lhon nante kin kadeileh kangai kalungsed ka inneipi dingleh henule hepa mounu dinga kaki lhen kalungsed nangbou nahin,
Chule ken kadeija kakilhen chu ahile henule hepan in jong adei ding ahinai katin anahi. Kasei kajompaijin nao ven kahin ngainahi moh lungsed nachu ahipoi thina tailou in eikhen joulhon ponte, Ven hinkhuo ading le thichan geija ding’a kahin lungsedne katijou chun; Thethem chun “He-Umin chutia hinkhuo ading mong’a neilungsed ahile kenjong kahin lungsedne, hinla nikhuo khatle vang kamaai’a mitlhiso nadingbep invang lungsedna neichan hihta ong” ahintin; keiman “nao kalunggel invang nanggel banghin kenjong kana gelle, keijong mitlhi luonna dingbepma lungsed neihin chanding kanompoi” kaletin ahi. Chuphat tahchun Thethem chun “U eini kilungsed hinkhuo ahin kitah hitin pathen le mipi aangsung le innsung mite aangsunga kitah2 in pang jing hintin, nikhuo khatle lungtup molsona hitena uu” tin kachung in ahung kingaijin ahi; Chule hitin anaseikitne “he-U ven keihi genthei leh neilou chaga hijong leng nalungsedna sangpen kachanjeh in kakipah-e, tun kalunggel jouse nang chung’n akingam tai u neilungsed nahi keidin aman tam nalom2 e” atin kaki houlim lhon in;
Chuapat nachun keini jong kilungsed hinkhuo chu kahin mangpan lhontan keini jong thudang hojong kaseikhom lhon in, kakidai lhon kitnin chung chollha lhavah noija chun nui heo2 chan lungkitoh in kanui khom lhon in chule kipah tah injong kanaum khom lhontan ahi. Jaan jong anasot lhehtan chuin keijong jing nikhuo leh kapa damlou jeh’a lou vaaikon kitding kahi jehchun, kalungsed pen Thethem komma tou a umkhom chu anoplheh vanga chun; kenjong “nao keini jong kaloipa (Gogou) toh kakile kit ding hitam? jaan jong asotlheh tai” katin ahile, Thethem chun “U chutia nang in pha’nte tia nagel chu keijong anomsa kahi jeng’e u; jingkhuo vah geijin kitoukhom jongleh kichim dehponte u, nangjong nanatoh nalel ding ahi kahe themme” ahintie. Hichun kin “ahile nao keini jong kile tang’e ong jaan-mang beh in lengkhom maita hite” katin, kana kikhen taovin keini jong innlam juon chun kahung lhontai; Hichun Thethem in “U mangpha hoipen” ahintin, kenjong ahile nao mangpha katin innchu kana juon lhontai; Inn kalhun jouchun keijong kakichol tan ajing nikhuo jingkah hin Thethem chu apile apu chun Thethem koma chun hitin ana dong lhontan ahi,
Inneipa/Apupa’n “boi na U mimin tohkhun nakingai ham seijin; keini kom in ima cha im neilou in neisei peh lhontan kanao” atin ahile, Thethem chun “Hepu le Hepi henge kakingai lhonne ipitiham? tin agahseijin ahi. Agelle ahetnomkit jehchun adongpha kittan oleba keidia nadei lhonlou naphal lhonlou ham?, nangni dana injong keichon pong’e nadei lhonlou ahile iba kalo dingham!; kaki khenpi ding hahsa lheh jongle kikhen ding kahi lhonne” atin, Chuin aputenin “boi (nao) nangin pha nasah a nahinkhuo lhum keija nahin lungsed dingleh namitlhi luonna ding ahilou poule napi le napu’n kenjong kadeimo poi; Ahinla nang chaga nahijeh in najinei doh jou phatle miphung chang nahi ding ahitan, Chuche nikhuo chuleh nagenthei ding napile napu ken kadeipoi chule kaphal poi” atipeh tan anahi. Thethem injong “henge Hepu” atin innsung langa achelut in room ho asutheng in, hichun Thethem apu chu apotdoh kittan ahi; alang khatna keijong jingkah kahung kitho louphatna chun kanu in eihung thoudoh in, “Boimin….hungki thou o” ahung tin keijong kakithou dohtan jingkah-Buneh phat anahin kane un ahile;
Ann kaneh uchun kanu chun kakom in “Min Thethem tokhun naki ngaiham” tin eihin dong tan, keijong kaja chatlheh vanga chun ka im nompuon kenjong atheng in kasei lhasoh heltan anahi. Kanule kapa jong akipah joh in kachung lhon in alung mong lheh jeng lhontan, chutia kanu le kapan eiphal-peh ahitah jehchun kakipah lheh jeng in ahi; alangkhatna Thethem pu jong chu apot dohchun hoima dang a chie hilouvin kaloipa Gogou komma ana chiedan ahi, ajehchu keitoh Thethem kingai kilungsedhi ahet nomjeh leh athu chu akichien’a ahetnom jeh ale anachie ahibouve; kaloipa Gogou chu athu umdanho ana dohsuoh keija ana hidan hitai, Chutichun keijong ann ho kanehva jouchun loulang juondin chempong kakiput in kana chietan ahi. keijong kapa damlou jehchun innsunga achatle chu keibou kahitan, kenjong niso seh leh louvat din kacheji in chule nilhah ahung hiphatle kalungsetpen Thethem kom in kache kitjin anahi; Chutia chun kahung kimangcha jing pehtan ahile, nilhah khat hi kaloipa aboina khat aumtah jehchun kachangin nilhah achun lungdeinu komma kana chietan ahi. Thethem chu ana dammo in room’a ana imutan keijong kaluut jouva Thethem kamu lou phatchun apile puchu kadongtan, Hepu Thethem umlou ham? kati le aumin adammoe Min ahintin keijong pu ahile ha dammo ham? katin ahile; apun jong Min kihetalou hi o anat ol-dom hile akilom tai atin, Chupetnin Thethem chun kakihouna lhon aw anajah ahin amanu jong adamlou vangchun ahungki thou dohtai. kakom umnom jiehchun ahung pot doh in chomkhat chu kaki houlim un, hinla adammo jiehchun alelding ma kagelle nom kasapuon kenjong nao hepi le hepu teho toh hungtou naoving’e o; nang nommin gakichol maitan ijoule naha dammo khah ding ahi kanom poi katin kasol lut tan, hichun thethem pu chun kajah in Min Thethem tohhin naki ngaiham? tin eihin dongkit tan kenjong jou seilou in kakingai nalhon chu kaseipih tan ahi. Chutahchun Thethem pu chun eikipapi joh in eitil khoujo tan kakom’n “Min katupa bang2 a kahin ngailut nahitan alhisuo nading vang ima hinbol peh hihbeh in, chaga hinkhohi nanga kon’n nikhuo khatle agenthei nahi hinkile dohsah din kahin tiem’e” tin einasei piehtaan; kenjong hepu kakipah e katin, Chuin thudang2 achun kakihou limkit taovin anahie.
Hiche thusim lunglut tahle thanom tah asimjouse kakipana kaphongin ahi.
Chule abanna Episode-4 na a kalungsed pen Thethem toh innsung kikim diel’a hinkhuo kimangle, Thethem in vangsetna anatuo naho inasim kitdiu hitan hijeh in lungneng tah in anangah jingute.
