FICTION
-Kho Sitlhou
Keijong Delhi kaum kal kum5 alhingtan hitichun kum5 sungchu inlang jong pot louva tia chu kaum ahi. Keijong kum5 lailai inlang kipot talou tin aphat le nikho vesesu louvin ticket kana kikah bangin janhi chun Chapa vahmangpa bangin nahchangsal in kiphatlam na tamtah neipum in dam le bit in inmun chu kagalhung tan ahi. Hitichun insungmi sah le lhang in vailhunna maicham eisempeh un hitichun kakiman chah dan hole ipi jeh a tihchan inlang pot louva naum ham ti ho thudoh dang² chu akichai thei tapon ahi. Chomkhat jouvin kisutheng manlou in (ajehchu flight a kiche ahijeh a chu lelna ding behset le netna ding chu umsamlou ahijeh ahi) vengsung kaga vah lele in ahile vengsung jengjong kum5 masanga kadalhah toh ivet kah le City thah beh a hung vah lut kabang jengin ahi.😊😊 (Anopdan chu ti ahe ong?) alen langho chu akihesoh nan hinlah kadalhah laiya chapangho vang eisangin asang gam tauvin hahou ngam behset jong aum Gam tapouvin numei chapang hojong helkham set² aphagam tauve 😊 Adang² chu thuchom hitale lenkhompi golngaicheng ho kimuchu kipa na maiso chu akoidin mit a muthei ahijengin ahi. Hinlah masang bang kitile loi le gol cheng jong jinei chanei a insung sem atam thimtan ahi. Lampi dunga hitichun kavah uvin kei kiman chah na hihen amaho kimanchah Dan hijongle kaseikhom un masang bang anopdan akile hih laiyin ahi. Hinlah vengsung’a itt umtah sopi ngaicheng mi phabep invang Pa ang’a nikhat le atahsan chate kimuto nadin Thina lhankhuh ana jontauvin ahi.😢😢 Hiti chun khothim dikon in keijong kisutheng dingin in a kahungtan kaki sutheng in bu amin jep loulai jeh in ka phone kalan data kagah on chu kahin dalhah hon eingai dan ule hung kile loidia eitiem utoh dam’a kalhundia eivai lhah achu adim lhajeng in kenjong changval cheh a ka reply joulou jeh in ka status a kipathu ho kakilepai diho chu kaban tollhah jengin ahi. Inlang kapot hi koima jong kahet sah lou jeh in kache dikon a ka status hoa kaseiho chu koiman atahsan pon ahi. Keijong phat sottah kana geljing Hoinu(Amin kihap thu ahe o) message kagah thot in inlang kahunge nilhah anneh chaile kahung kholai len dihe tin kagah thot le eitah sanpon ahile kahungteng vetate tipum chun laa kangaiyin tia chu kaum le bu le me amin tan hiti chun insung mite somai kim a kum5 ankoung kasokhom lounkal u masapen din kipah le thanom tah in vohsa le sijou chang-al tuitah chu kanekhom tauvin ahi. Kapa jong ana tehlheh tan anneh pet hijongle theinop togom in kapan insung hahsat Dan hole insung’a eikineppi dan ho aseiyin, pam’a umjongle chun insung suhmil Lou didan ho eihil in kenjong phaten kangaiyin athusei adihdan ho chu khivui aw bangin avel a sutlhah loudin kaki aw tan ahi.Hitichun keijong bu kaneh chaiyin chomkhat kagah hainem in ka inkote kom’a kholai galeng inge katile hibang thu le laa khoh a jannoiya hoilai nache got ham? Jinhkho hungvah le nachemo ahipoi eitiuvin kenjong kahung kilepai ditai katile ima ahasei pouvin ahijongle hung kilepai in eitiuvin kenjong henge tipum in keijong melmu louna kumkhosot lanu, jansot selung’a kageljing, akom’a phattin nitin a umding kanom, kalungset khatseh jengcha ama kapehdoh lunglaiya chamjing kalungset Hoinu kom’a somai nuisiuseu in laitol lengdin kachetai. (Hoinu hitoh kakilungset lhon ahipon, Ken kalungset a akom a lungsetna thu kana lelsa akigel chet loulai jeh a kamcheng’a kimaitoa kalungsetna thu lelkit di tihi ahi😊😊😊)
Hitichun keijong kache’n a-inmai u kaphah le Lei mihem thilgon le Chungmangpa thilgon ana kibang jipon nam natong hidia ginmo pummei choiya mi themkhat in tulai thu le la aphapoi kinungle tan eiti uvin kenjong kaven ahile kahet khah ngen anahin chuti tah a kivoppi mi ahilou Vang uva khosung khat ana kihi khom jeh kum5 masanga Football ho ana kipeh khom jing ahi. Tua tia ana um uchu kagelleh kalung jong adongin ahi, kagel kit leh aw mihem hinkho hio etahsan Lou khat jong eginchat Lou lamtah in ana um ji Hidan hio na tichu inahkol a ana kija Jing jongle mittah a kamu achun kalunga avel in ahung kilang kit in ahi. Hichun ahipoi phat lasao ponge moh a tuni kahungdoh jeh a kholai leng’a hung kahi katileh einungsol tete un keijong akihekhalou bon kihilouva gelthem tauvango katileh kalungnopmo chu aheuvin amahon jong ahipoi kahethem soh kei uve huinun aphat lou jeh a kileda kasol uhi jingle sunle hungtan nangdi kasei uhi ati uchun kahethem tan. Kachoh hehu jeh uchun kot ahung kihong in ahile Hoinu ana hin keijong that hotoh kakinil naochu donlouvin amel hoina le adonghoina chun kalungthim jouse amakom lang ajontan hiti chun kamit phelouva kave jengtan ahile amajong atahsan louchu hintin mitphe lehel in eive jengtan hichun mikitah kahina themkhat vang hebe tante tichu kalungthim a aumtai.😊😊 Tia kakivetto jeng lhon phatchun khat holoi mikhat chun eihin kouvin kahung kinjap jengin. Kenjong Hoinu kom’a ven nao nakom’a tunia jong kalungsetna thimthu leldia hung kahin hinlah egam sungu boina jeh in tujaan lel manlou din kaumtai. Jingkho ahungvah chungtoni ahungso a jingthou theiya eum nahle kalunggel cheng avel a nakom’a seidia hungkit ding kahi hinlah tunia nakom a kahunghi gelle chun neilungset em? Kiti thudoh hi ngaikhoh taponte tin kagel e. Hijongle kakam chenga kadoh a nakamcheng tah a Henge kalungset e natichu kangai nom ahi. Amanjong ane achasah jap² in seinom aneidan le eilungset ahidan aumchan le amaiso akon mudoh theikhop ahi. Hinlah numei lunglhom ahijeh Jong hitin akamchu asippeh um bangin kamcheng khat jong akeh doh theipon ahi. khat hon chetan phat asottai tia eino tho jeng uchun amajong akiphalam lheh in ama jong asollut tauve.
Kaloiho kom’a Keijong lampi lamkah a boina aumlou nadin neihung thah un katileh anom pouvin amaho jong ahungphat utai atiuvin hichun tija pum in kahung kile in ahile lambom kaphah in gal apat khatlang ho ahung kitol kamu tan jamle dila eikap diu jamle lou dila kimaito le koi kahi jong eihet loujeh uva ipi eilodiu kihe kit lou kamoh kigel laitah in kahin dalhah hon eihin gal mu kit tauvin hitichun ahung kidel to un ahung kikap to tauvin ahi. Keila akah laitah a jamphei nadipen kihe talou tia chu kanung jam le a khopi sunga kajamlut kitta koima kot la kihong kimu talou ( kalung thim a aw Nu le Pa seingailou analo’e tichu kageldoh kit in hinlah kadam nahle seingaidin kakigel lha’n achuti loule vang mi mitlhi lonsah bep kahi ding ahi katitai)
Jamna dila kahe tapon Hoinu te in kaga kiu lela eihonpeh pouvin (ahichu meipum chubang ginglah a koiham kot kihongpeh dinga na. Ahichu Hoinu Chun kei kahi lam hele hongda samponte) akikapto teni jongchu jannoi ahijeh chun koichu koilang hiham tijong kahe thei tapon arms a umloi civil a umloi Jong aum un ahi. Kakimupi jouse chu amaho langa khu ahunge tin koilang hile kaki suh on nathei din kaseijin enla thal kichoilou ama ho jong Chun akoilang ahiuva eitahsan ji uvin ima eilo jipouvin ahi. ( Angol thei dan² uchuna chuti bangbep chu ahiuve 😊😊😊 Kahan sesu vanga hi nuipoh nangam san hilou ahe o apet achu ijun i-eh kiche deh² jeng ahi. Sunny Leon in jannoiya chun eidel lele jongle kidonlou ding ahi. Jan dap noi ahivanga chu 😊😊😊) Phat sottah tichun akikap to un keila thi le hin kikah in inning inkah a kajam lele jengin koi dellou chun😊 (tua kagelleh kanui jat bou ahin apet achu chapang ka a kikap le kalung hijeng ahi.) Kamasang a mi thum ham ajam un koilang ahila kahepon amaho nung chu kajui le Khat hon eihin del kit un keila chivang kathitai katitai. Kajam² le fencing sangtah ana um in hichi achu kakal doh un ahile gamdang ana hitan ahi. Ajamcheng chu koi ahi ujong kahepon keiho chu lung kitoh tah in Group khat kasem un hichi mun achun tuni geiyin kapansa un sopi neilou bangle ngailutna helou bangin kaumtai hinlah ngailut helou le sopi neilou kahipon kaumna in atolou le inlang kile theilou chu kahitai. Keichu Mona neilou hijongle ajam ho nung kajui khah jeh a khat hon apangkhom Dan a eihet uva wanted a eikoi uchu hitai.
Lhalih jaan khat lhavah noiya kemchung’a katouvin kaphat chesa ho kagel in ahile mittwi chu hetman louvin ahung longlhan koipen ngoh ditam hethei Lou khop in kalhase in ahi.
Eiho hibang namlhomte, Pao kibang, chondan hindan kibang ahia lunggel ngaito kibanglou, Khat le khat kivetda nale achungnung ding kichute le hoilaiya apat ihungkon doh uham kitile 90% hi galjam ihinauhi isuhmil utam la kahepon Sihmi(Ant) te banga pohgih tah khat jong lung kitoh tah apoh khom uva chuhlaiya kilungtoh tah a nehkhom ding ngaito loute ina hikhah jeh un tuphat a inampiu natna jendam theilou le phung le Chang a kinah ikibao uva, mijat punbe malah a thina lhankhuh ijot² jeng utai. Chu keuseh hilouva kho hephalou keijong athisan a eina hingle thisan khat a kapenpi, Kanu kapa kasopi chengtoh kum5 kimuto Lou nunga veikhat seh somai kim’a ankoung kipahtah a kasokhom kal u tahmel a kimuto a ankoung sokhom kit nadi avanglatan. Kum chutih chan kana geljing le nikhat le Christian insung khat semkhom pidia kana nga jing kalungsetpen nu jong hinkhoa dia amasapen tahmel kamuna kot khah bul a nguiheu cha kakimuto nalhon chu keini dia tahmel kimutona achaina anahitan. Kakimuto nilhon a seinom aneiya numei lunglhom seingam louva aum’a alunggel cheng aseiman louchu kagelleh kaponat pi mama jengin tuni kho injong Aman Jong geldoh ji intin kahel/kajol laiya eina noppeh manlou hochu kisih lheh ding katahsan e. Tuni geiyin chujaan a amaiso chu kalungmit a alang Jing nalaiyin ahi. Chule lenkhompi golngaicheng athah beh in ahung langkit in setna hihen phatna hile kana lenkhom lai uva kabol ho kalha ngailheh jengin tunla amaho jong jile Cha neigam tauvin tin, keila kana lungtup jing agihpen a Pen khat le Diary khat kichoiya hisap kitap bol dichu ahin hinlah kanop kada a itahsa chunga pohgih hole ikhut a Pummei domjing pum’a, Ipi natong kahia? Ipi doi le tup nei kahi ham? Tijong kihet theilop khop a migam a choltih neilou banga kaum tan hichi ho jouse hi gamkhat neiya atuma chamlhatna neidi gellouva, khokhat veng khat sung mai² ja vaipo di kichua sumdon ding deina jeh ahi.
Imajouse hi Pathen thilgon hijeng ji jongle alhatsa te eiho jong ival jepji uvin tuni geiyin nam ngailu dihtah le khakho nunkho helou itam jeh un meithai chaga itam cheh² in kito louna in vai eihom tauve. Hichi ho jeh injong Mona neilou le kho hephalou keichunga hinkho’a suhmil louding ngaicheng insungmi, go le pai chule kalungsetpen hocheng hinlai puldou dia laitan kahi lotai. Ka jopa’n ankoung kasokhom nilhah uva ahoulim naho le eikineppi naho hoilaiya iti kasuh bulhit ditam? Chule Kapa’n achapa keijao louva iti hinkho amangdem? Chule kaumna Delhi apat kahung dikon a kaloi hokom’a hung kile paidia kavailhah naho iti kasuh bulhit ditam? Kalungset nu Hoinu inla jingkho hungvah a akom’a laitol kalen dithu a kavai lhahna ho chu ipi itin eigeldem? Ahiloule jingkho hungvah loulai hinte tia eina ngah jing Dem? Kagel leh lhasetnan kadim jin Kalung ana behset jengin mitlhi pum’a katou² le kalung’a thucheng kilang hochu kakam cheng’a zaila’n kahi oilha ngal in ahi. Ala chengchu ahile………
1.Singsung chengle lungdeinu
Melmu nom najeh in,
Lenna vangkho dalhan, Bolna vangkho kahin jontai.
2⃣ Hinlah Gam le nam boina jeh in,
Ngaicheng toh kikhen na
Kolni ahungsoh Tai.
Hinlai puldou ahah in ahah ngeiye.
Kemchung a lonlhi toh
Khankho lui Cheng gelnan,
Chang’in hinkho kamang jinge.
Thohdan kathem theipoi
Aw Chung Pathen hiti dinga laitan kahi hitam?
3⃣ Singsung mite toh kipah a,
Insung maicham semkhom kanom kit e.
Kangai Hoinu somai melmu a,
Thimthu lel kanom ngeiye.
Hinlah phat le ni eitoh talou.
4⃣Goldei teitoh zalen khomding
Kanom kit tangeiye aw.
Mol le lhang in eikhen jongleu,
Pathen ang’a kigeldoh jing ute aw.
Chutia kamao chu hakan kahung kapdoh tan lhase tah kaum in JANMANG DIA JONG KANA PHALLOU CHU AHI. HINLAH……. Kajan mang ana hikhan kahung khah doh chu light ana thi a Kati ul in eina chup toh kamit lhi toh kanap chula lukhap chung chu ana chop lhajeng tan ahi.
Kichaita..!!
NB: Hichi thusim hi lunggel ngaito suhto hi 75% ahin, kamang hi 23% ahin chule real hi 2% bou ahi. 😆😆
Moral eral jong semda jeng ute o
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
