Thulhun Lui hilchetbu:
A Biblical Encyclopedic & Illustration.
Asun:
N.Lhungdim
Thangting House
Molnom- West
15th September, 2020.
Jangkhopao Haokip hi koi ham?
Tukum 2020 Lockdown kipat masang chu hitante. Nikhat hi ka in a mikhat ahung in kavet leh 1965-1970 laidon a Gandhi Memorial High School a ka umlai a ka school chapang ho khat ahichu kahe in kidangtah in Jangkhopao nahi ham katileh henge atin kenjong kum 50 joulang a amin kana het chu kidang kasa in aman jong amin kana het chu kidang asa in Bible KItepna Lui/ Thulhun Lui Hilchetbu kasun e tin copy khat ahin choi in kei eipeh kigot ham kati leh midang khat ding a kahin choi ahi atin chomkhat kaki houjou lhon in ipi pi nabol a hoia na um hitam kati leh ahinkho thusim school adalhah jou a kipat kisahlal na jat chom chom MLA ana tet thuho tampi asei in eina dalha in contact no. lahding kana hai in keima ding a a lekhabusut iti ahinpeh ding ham tia dohna ding aum tapon ahi. Ama jong ahung kinung thah kit tahih in ahi.
Tulha Sept. kipat til chun in a ka umlou pet in ka in ah an an ache in a lekhabu sut copy khat ana dalha in ka in a um katunu in na contact no. ala e atin ama a la ana koipon kanga leh tuni chan in call ahinbol kit pon ahinla ama chungchang a hi Pachatna leh Kipathu sei lou thei in kagelpon hijeh a chu tuni a hiche thu hi kahin phondoh ahi.
A lekhabu sut THULHUNLUI HILCHETNA:
A Biblical Encyclopedic & Illustration kiti hi peh 921 a sa hard cover chunga flap cover hoitah a kisem lekhabu guntah leh kidangtah khat ahi. Athu kajahdan in amahi Israel a jong gache a Bible a um mun hohi amun tah a agavet hileh akilom in ahi.
A lekhabusut hi mullti colour ahin photo hojong colour ngen a abol jehin amantam lheh dingin kahingcha in a lekhabu ah aman akisunpon ahinla kajahdan in copy khat a Rs. 2000/- ahi ahe akiti in kahe in ahi. Hiche a lekhasut lekhabu a sutdohna dinga sum lakh tamtah lutding ahi in hiche jongchu kiphal tah a Pu. L.Khaijamang Haokip, IPS Retd. pa in ana holdoh peh ahi. Amani kithotoh chet a hiche lekhabu hi alim muthei ahi hi aloupi in kipa jong aum in ahi.
Tuni a KAKIPANA pen chu ka student luikhat in eihin geldoh a kum 50 nung a eihung kimutopi a ahinkho a anatohdoh kidangtah leh loupi tah manbei a ihung peh hi kakipah lheh jeng in ahi. Student khat leh Oja khat kingailut nahi kidangtah ahi. Ka in a kon a kachedoh a ahileh khat khat in Sir tin eina houpi ji in koi nahi tah em kati leh masang a na student kahi atijui un ipi nabol tah em kati leh hiche hiche na kanatong in tun ka pension tai atijiuvin kipa aum jidan alim leh amel ihet tahlou khat I student khat in ngailut tah a eina houpi a kimuto anop dan kidang ahi.
1974 kum a IRS [D.T] Staff College , Nagpur a kumkhat Professional Course Training kanei lai a ka Ojapu S Ramaswamy in ka service a lungdon nakhat a bailam tah a ei huhdoh chu kagel leh akidang in ahi.
Chukit leh March-June 1975 a Lal Bahadur Shastri Academy of Administration Mussourie a Foundational Course Training kache lai a Academy a Joint Director H.S Dubey IAS pa chu 1980 lai a Jorhat a kaumlai in Regional Research Laboratory RRL,Jorhat function khat ah ahungin amachu chulai a Arunachal Pradesh a Lt. Governor ahilai ahi in Function mun a kagache a kakimuto pileh aki pahlheh in aman asei chu hiche hi ahi Oja leh Student kimuto anopna atin ahi.
Tuni chan in kahinkho ah Gandhi Memorial High School a 1964-1973 kah a Oja a kanapan lai a ka student ho tamtah politics a Minister leh Govt. Service a top Bureaucrate jong milentah leh panmun hoileh phatah tamtah aum in ahinla amaho toh munkhat munkhat a kakimuto na in jana eipeh uhi kahinkho a nom kasahpen khat ahi.
Hiti ahijeh a chu kum 50 masang a ka Student khat gollhang Jangkhopao Haokip in ahinkho sunga anatoh loupi tah mi mai mai in atohdoh louding leh atoh theilou ding a lekhabu sut eihung peh hi phongdoh lou a umding in kagelpon kapachat naleh KAKIPANA mijouse hetding a kahin sut ahi.
Gl. Jangkhopao Haokip Contact nei ahilou leh ama in ana mu leh a No . kadei in ahi.
Thusim hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
