Home Gogou Chongloi JALAI HANG LE TINGNEM-III

JALAI HANG LE TINGNEM-III

184
0
JALAI HANG LE TINGNEM
JALAI HANG LE TINGNEM

HINKHO THUSIM

πš†πš›πš’πšπšπšŽπš— π™±πš’- π™Άπš˜πšπš˜πšž π™²πš‘πš˜πš—πšπš•πš˜πš’
(7219368064)

Arranged: Naocy Haokip

Goverment sepai hon oltah a eihin juiju chu galkang a kon kagalmu phatchun keile kaloipa Chule camp officer pa keiho thum jong thalchang lhata louvin ka umnao mun dalhan kang in kahin dalha taovin ahi.

Keiho thumjong lampi jotkit dingchu etabang dinmun akito ding seithei ahitah loujeh chun gammang noija chun lung’a hisap pum pum in lam kahin jotkit taovin ahi.

Hiti chun thingnoi songnoi thu umtalou va lam kahin jotdoh jou nung un kaloipa sempu chu adinna mun in ahung lhuden jengtan camp officer pa tochun kadellut lhonleh kaloipa chu akongbuh laitah thalchang in ana khahpeh ahichu kahin hedoh lhontan ahi. Hiche phatchun camp officer pa lailai in kaloipa apohdingchu angaina jong ahilou jehchun thal nito kop in kaloipa chu kalengkou in kasep doh in kahung kit taovin ahile camp officer pachun eihin ve in mi ka ngailut danchu avetle eilungset hintin ka thel poh sese chu eilah peh in aman apo in hiti chun gammang sung in kamalam u kahin jonkit taovin ahi.

Hitia pungkar ni lang jenpi lam kahin jotnung un kaloipa thisan jong aha lon cheh2 jengtan atahsa jong adap lha cheh2 jengtan gamnoi ya aki sot be lechun kaloipa chu jendam dingchu thil hahsa ahitah jehchun ka loipa kapohchu munkhat a katou sah in camp officer pa thal choichu kalah peh in agangthei pen in molchung langa kakal doh in muntin kagal vettan ahile keiho umna munto kinai thim langhin munkhat a mei kitih khu kahin galmu tan ahi. Hiche phatchun keijong kaloipa teni kada lhah namun lang chun kaki nungle in kathil muho chu kaseiyin gammei khutna chu kajon taovin ahi.

Hitia kajot jing laitah un kaga nailut leu vangphat umtah in mei khut nachu lou buh ana hitan ahi. Hichun officer pa to kaloipa chu loubuh sung’a din kache pitan ahile loubuh achun tehse nupa ni ana ummin keiho thum eimu phat un aki tongkha akisukha kahiu ahet jeh lhon chun ngailut na neitah in eina lamdot un kaloipa kapohchu eikup lhah sah in khangphei chung’a chun kalup sah un tehse teni nupa chun kaloipa chu jenna thei thei in ajenlhon in camp officer pa jong lungmong theilou in loupam langho agal dot jing in ahi.

Langkhat a officer pa jong etih leh sepai ho ahung chomlut khadem tia lungjing pum a aumchu kahet jehchun kenjong sir lungmong mo hih in keima kaum nai nang huhhing dia gotsa kahi thisan phal ngamma gamle nam Chule nangma vesui dia kipedoh kahitai katipeh in amajong kaki choldo sah in keiman duty kapo in kichol tih umlouvin hitichun thousi vaisi lahchun genthei tah in kapang jing in ahi.

Keiho thumjong hiche lai buhmun a chun kaki cholnga un tehse teni chu kache nadiu lampi le camp officer pa kho achennao chu hoilai hija eti chedingham tithu kakihou un camp officer panjong adong in ahile tehse teni chun louto lang a mol hi juisuh unlang abanle gari thinglah na lampi namu teng leu juisuh peh unlang hiuvin tin asei lhon in ahi.

Hichun jingkho hungvah lhah dingkon in tehse teni nupan aseina lamlhong chu kahin juisuh taovin ahile gari thing lahna lampi kahin mudoh taovin keihon jong lamlhong chu kahin juisuh taovin ahile vakom dam lang kahung geiyun camp officer pa chun gamle leiho chu hoilai munham tiho ahet phatchun amaho kho chu acheding danho ahin hetan ahi.

Hiche phatchun shortcut a cheding ahin seiyin keiho thumjong lampi jotlou in gamlah noija chun officer pa Chen na kho chu kajon taovin ahi.

Officer pa in kaga lhun uchun kapinu chu lupna chung’a ana kijam in anat thoh joulou hijongle thoh tun2 in ana peng in ahi. Hichun kaloipa jong lupna chom a kalup sah in ahile officer pa chanu teni chun kaloipa kisuh khah nachu ajenle le lhon in ahi.

Officer pa chanu teni chu apeng kop ahilhon in alenjo nuchu amin ngaitheng ahin aneojo nu minchu ahile Tingnem akitin ahi.

Hichun tngnem leh ngaitheng in kaloipa kisuh khahna ajen lhon phatchun officer pato chun keinin kapinu chu hospital a kapui lhon tan ahile Doctor honjong anat na a serious tapoi ati phat un ka sir paochun inlanga chen gaki choltan atiphat chun inna kaki nungle tan ahi.

In kaga lhun leh kaloipa chu an ima ana nehsah lhon in hijehchun keijong kaga kisutheng in ahile ngaitheng ahung in kakomma heo naloipa an ima kanehsah tai nang injong naki silchai phatle an neta onk nanehding ho dokhang chung’a kasin tuppeh in ahi. Tin a pot tan ahi.

Keijong kaki chai phat in an Kane tan ahile nini nithum jen anngol a ki um ahi phatchun ka anneh chu tuithim hintin kaki set lheh jeng in ahi.

Hitia kaum laichun kaki hei le kakom a chun tingnem ana ding in ka anneh chu ave in chomkhat jouvin ahung in noise tah in kakom in an nekhalou nahi hammo nathil nehdan chu kaki dah behset jenge atin apot paikittan ahi.

Nikhat room sunga kaloipa toh kaum khom petchun kaloipa chun keikom in officer pa chanu alenjo nu ngaitheng chu adeichat thu leh kajolpeh ding thu kakomma ahin seiyin ahile vo karen gahjol peh dingchu eti kagel ham keidin van le lei a bang jeng in hinlah kaloipa lungsed le ngailut najallin henge najolpeh nange katipeh tan ahi.

Phatseh leh officer pa jong hospital sunga ajinu umpi nan phat jouse amang jingtan an le tuiho keihon kathah peh thoji taovin ahi.

Nikhat chu insung a ngaitheng bou aum kahet phatchun kaloipa ding jong kajolpeh tan ahile ngaitheng chun heo seita hih o deile ngai eti le ama sang in nangjoh gamchengpi in kadeijin kalungset joh ae tin eihin donbut tan ahile aban seibe jongleng akanchom louding kahe tan ahi.

Hiche nikho a kipat chun ngaitheng injong eideije tichu Kahe ngallin kaloipa enghot hot nan thil ahin bolpan tan kaloipa mitmu ding chun ngaitheng injong eijen le in atui tui nehding aum jongle eihaimil jipon ahi.

Phat ache jing in kapinu jong anat bang in ana jing in camp lang kilekit nading phat chu aumthei tapon ahi. Nikhat kaloipa to keini Chang a kaum lhon chun kaloipa chun golpa ken kaloi tahsan pen a kanei nahi in Ipi dia ngaitheng joldia kasolle nangdia naki jolla naki ngaipi ham2 atin alunghang tan ahile kalungchang ana paijeng in aivang in loikhat hina jallin ahetthem louhe katipeh tan ahi.

Hiche nikho a kipat chun kaloipa toh kahung kitohmo pan lhontan ahi. Phatseh le amanjong alungsed nathu ngaitheng komma aseijing in hinlah ngaitheng chu akidoi mong+ dehpon ahi.

Nikhat keijong insung a tingnem apotdoh jehchun ama khel in hospital mun a bu thah din kachetan ahile in kahung kile lhun chun room khatlang chu numei khat osang deh a apaochu kaja doh in kaga chele kaloipa chun kei kahi ahet phatchun lukhap pon achun ngaitheng muh chu kasipeh ae atile vangset umtah in ngaitheng haithei louvin akisat jahjah jeng in 10minute var hitia asip phatchun ngaitheng jong ahaina hu atan in ahin kho abeitan ahi.

Room kanai pheija chun mi husa athipdel tan ahile kada lha in kichen gahlut ding kati leh room sung lang a kot kikil kahet jehchun kalung anomthei pon hijehchun kichen lutlou vin room kangchu kache in kotchu kachum in tingnem kati jin a bangle ngaitheng tin kakoujin hin lah koima ahou aumta pon ahi.

Hiche phatchun aboi aum ae tithu ka hetan ahi. Hiche phatchun kotchu kalho hong jengleh lupna chunga chun ngaitheng ana lum in akom achun kaloipa ana ummin ahi. Hiche phatchun dalhah ding kagot leh ngaitheng khut chu lupna chung’a kon in akai lha in akivol dehduh jengchu kamu phat in kanaiphei in aloto akou kakop le ngautheng chu athi ahichu kahin hedoh tan ahi.

Thusim chu episode (3) hichan in akichai tai aban ollin ana simkit taote.

ZALAIHANG LE TINGNEM thusim Episode (3) akichai tan ahi. Aban jingle na simtao hite.

Thusim hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleVeuvin Tuhi huhhing phat hoitah chu ahi
Next articlePATHEN IN MIHEM KOMA THU ASEI KITI HI NATAHSAN EM?