Home Gogou Chongloi JALAI HANG LE TINGNEM-II

JALAI HANG LE TINGNEM-II

229
0
JALAI HANG LE TINGNEM
JALAI HANG LE TINGNEM

HINKHO THUSIM

πš†πš›πš’πšπšπšŽπš— π™±πš’- π™Άπš˜πšπš˜πšž π™²πš‘πš˜πš—πšπš•πš˜πš’
(7219368064)

Arranged: Naocy Haokip

KHOLKON in achapa zalaihang chu gamvah ho apedoh tan ama jong inlam jon in anung kiletan ahi.

Tun hiche thusim hi keima thusim bang a kahin jihding ahitan asim dan ana them maiyu hiute.

Kapa’n lungset le ngailut na beihel a gamvah hoto kisin dia eipeh doh jouchun kapa jonk akinung le tan ahi.

Kapa akinung le jou chun keiman jonk kapa jah in hepa neida lha hih in tin kakhut in kasang in kakap tan ahile kapa vang voujang natna neocha jong neilouvin hungki nunghei dingcha jonk gel louvin eida lhatan ahi. Hichun delding kagot le gamvah ho lah a alenpen pachun kakhut a eiman tang in kanople kida kibang in eiki pui taovin ahi.

Hichun Allah uva alen pen pachun boipu namin Ipi ham?? Tin eihin dong in kenjong kicha sasan kamin zalaihang ahi tin kadonbut in ahile lamakipa chun Kajah in tunnia kipat nanghi nakin Hangpu a bou naki kouding ahitai. Keiho komma naumding ahitai. Nalung monmo jongle kei Inna naum ding ahi. Eiti peh in ama masang laichun kei eiche sah in kanung in ama ahung in ahi.

Hitichun keihon jonk kachennao gamsung dalhan gammang noija kahung lamlha taovin ahi. 10KMH tang bang chu lampi kahin jotdoh jou nung keichu kahung lal tan hiche phatchun lamkaipa chun anoija ho pasal khat jah in hangpu hi alal lheh jengtai elhun nadiu mun 1KMH ho avat nalaiyin hinpo in tin thupeh aneile amaho lah a pasal khatpa chun eipo in maban a lampi kahin jotpaipai kit taovin ahi.

1KMH ho jouhin camp kaga lhungtaovin ahi. Hichun lamkaipa chun keichu eipui paipai in camp CO pa komma eihung thahlut tan ahi. Chomkhat chu eihung thahlut pachu toh camp CO pachu akihou limlim lhon in lamkaipa chu ahung dingdoh in akengkho atat in apotdoh paitan ahi.

Hiche jouchun CO pachun eihin kouvin keijong kanailut leh CO pa chun boipu neihin naiyin kicha hih in boi……namin ipiham?? Nanu le napa in Ipi na atohji ham?? Tiho eidong in kenjong insung thu abonchan kasei peh tan ahi.

Kenjong kaseijou chun CO pa jonk akha su dot dot in hichun kajah boipu tunnia kipat nanghi kachapa bang a kakisinding nahitai. Kakomma naum ding nadei dei kachohpeh ding nahi. Atin anoija ho mikhat agah kouvin Naosen chu puiyin lang kisil thengsah inlang anle tui nehsah in tin anoija ho Mikhat chu kei ei sasah ding in thupeh aneiyin hichun keichu eipuidoh in aseibang in eijenle in ahi.

Hiti chun keijong ima bollou in hapta khatchu ama komma eium sahji in kichep nading ajat jat eikoipeh jin abangle camp toh kinaina pen khosung a chun eijenle a apansah pa tochun eisol ji lhon in hiche khosung a bazar neocha khat umji namun chun nilhum lhum in ai umsah ji lhon in a bangle sum tampi pi eipe ji in hiti chun kalung mon nading chun kadei dei in eilhat sahjin ahi. Hitia hapta ni tabang hinkho kahin manchun kanu le kapa kangaina jonk ahung lhadai theitan kaum naji khomi nule pa loile gol tampi to kahung kihetan ahile nom kahin sathei pantan ahi.

Hapta ni jouhin angaibang in keile eijenle a apansahji pa chu bazar a kaum nilhum lhon in nilhah langhin camp kahin jon lhon tan ahile camp a CO pachun Naosen hungo kei kom in neida lhah jile kahin ngaiji ae tin tot to gom in aseiyin kenjong kaga nailut leh thuthot ahung in Goverment sepai ho pretrollin hungdiu ahi tithu ahung umtan ahi.

Hiche phatchun gal lamkaipa chu akouphei in nachapang te sukhom inlang hin tin thupeh aneitan ahile lamkaipu chun agangthei pen in fol-in ahin neitan ahile camp CO pa chun thu kimu jouse aseiyin ambush din aki gotsah in asoldoh tan ahi. Hichun gal lamkaipa chun ama lamkai nan dingpi lhang a ambush din apuisoh tan ahi.

Ajing nikho jan pung get dunghin ambush a tou dia che sese camp ahung kinungle lhun taovin ahile alah uva pasal khat abanbul ahin kapkhah peh uvin ama chu ahung kitongkha in adang hovang bitkei in camp ahung lhungtaovin ahi.

Akitongkha pa jong camp a hoitah in kajenle uvin ahile nilhah khatchu camp CO pachun room a kaum pet in kajah in Naosen nangjong chapangcha hijong le chun keiho Komma um nahi tah jeh in training nabol teitei angaitai eitipeh tan eiki gotsah tan ahi.

Ajing jingkah matah in keile kaloi migup chu training eila uvin keiho migup chun training kahin boltaovin ahi. Langkhat a training kabol sung uvin vangphat pi in jolal kaneipon keichu lamkaiho seiphat kana chang lheh jeng in ahi.

Keihon jong lhathum sung genthei tah in training kahin bollun kahin bolchai phat un camp a kaki choltaovin ahi. Phat ache jing in keiho jong patrolling a din jannoi thu umlouvin kana kalsong jing un ahile kei jaona a angavei channa patrolling kache nikho un sahso gamkai lhangpibung in Goverment sepai hoto kikap tona kahin tohkha taovin sepai hochun hand-granet ahin se leu apohkeh in keichun kakeng asepkha in amun a chun kalhuden tan ahile kaloi pasal mikoh chun eihin dellut paiyun sepai hochu akap taovin ahile meichang kilha chu anatsat tah jeh in sepai hochu anungchon taovin ahi.

Hichun keichu kaloi mikhat in abanbul a eileh doh in eihin jampi tan ahile keiho thelchang jong abeigo gamtan hijehchun kaloi ho jong keini nung nung a chun oltah in ahung nungchon un sepai hochu ahin otdoh taovin keiho jong camp lang kahin naiphei pehtaovin ahi.

Vangphat pi in kaki suhkhah nachu kakenggu ase khah chu ahisampon kajanung ase khah ahijeh chun athoh hahsa lheh jeng in ahi.

Keiho jong jankhat chu gammang lah a kageh pa un ajing nilhah lang in keiho jong oltah in camp kaga lhungtaovin ahi.

Camp kalhun un camp CO pa room a eipuilut uvin eijenle taovin ahi. Keijong kaki jen Jen in ahile kanat na ahungdam tan ahile hapta khat jouvin patrolling cheding dinmun ahikittan ahinla camp CO pa chun keichu patrolling chedin eijah nompon ama komma eiumsah tan ahi.

Hiti chun keichu ama komma um din bou eikoitan kaloipa chu anhon ho them a din akoijin ahi. Phat le nikho ache bang in keijong gamnoimi kapanna mun a kon in kahung khanglen tan ahi.

Nikhat camp CO pa toh room sunga thal phabep thaotui kanu lhon in kajut ngim+ lhon in ahile CO pachu inlang a ajinu tahsa dammo a alal jehchun thu ahinthot taovin ahile camp CO panjong athu ajah jah in keile kaloipa [email protected] chu eikipui in CO pa chenna kho jondin kaki gotaovin ahile CO pachun pistol neohat kipoh ding aseiyin kenjong aseibang in neocha khat khutphang a sipbeh thei khat kaki ko in aman alendom khat akong a akipoh in kaloipa tochun keiho mithum chun camp dalhan CO pa chenna kho chu kajon taovin ahi.

Hitia lungmong a kache jing laiyun munkhat lampi neolai anoilang kol sangtah umna mun ka phah u hin gelphah louvin kache nao gari chu government sepai pasal mini in eina lamtin taovin ahi.

Kenjong sepai mini in eina lamtin u kamu phatchun kakong kah a kaje pistol kapohchu kala doh in pistol chu kaksa in kakoi in thingnoi uniform sangkhol lum aban sao ka ahjeh chun ka sangkhol bansao ahijehchun pistol toh sangkhol longchu kasipbeh in kakhut katung tan ahile sepai teni chun gari chung’a kon chun eikailha taovin check eibol taovin ahi.

Check eibol laitah uchun sahlang kagah vetle sepai minga gamlha thim a dingho chu kagah galmu tan ahi. Hichun check eihin bolleu camp CO pa ahin check leu akongkah a pistol aje chu ahin maidoh un apet pet in camp CO pachu lampi a alho lhu lhon in thal a kapding tin thal toh aluchang asuhto peh taovin hichun keile kaloipa chu check eibol un ahile ima a check doh tapouvin hiphat chun camp CO pa chu kaplih ding tin thelto anoibeh taovin ahile kenjong kabon uva kasochat louding u kahet phat in chung’a um sepai hochu kavet le akihei mangpet u kamu phat in kakhut a kachoi pistol a chun CO pa kaplih dia kigong pa chu gangchel in alujang tah kadoi in kakap Jengtan ahile adinna mun in alhuden in khatpa jong chu kei kapdia ahung kigot le ken kana kapman kittan ahile amajong a pet pet in alhuden jengtan amani alhuh phatchun camp CO pachun sepai pa thelchoi le pistol chu akilah in lamlhang lang kol achun achomlhapaitan kaloipa sempu injong akomma dingpa thelchu lahdi agotle chunglang a kon thelchang ahung kilha man phat in thal latalou vin amajong kol la chun achomlha paiyin keijong kahi in kabon un kachomlha sohkei in ahile sepai hochun eihin delsuh un hinlah kol ken lai vangchun ahung kumsuh tapouvin galla patsan eihin suhkap tho taovin ahile vangphat in thelchang hochu kakom kavel uvin leitho kithing lahlah in achu in keiho vang eikha pouvin keiho thumjong kolsangtah nun na kahung kilih lhah jeng leu munkhat laichu dam neocha aum in hiche achun kapan sa un sepai hochu kagal vet tho un ahile thalchang jong kapta louvin kol sanglai a kon chun oltah a eihin delsuh u chu kagalmu taovin ahi.

“ZALAIHANG LE TINGNEM”

Thusim episode (2) chu hichan in akichai tai. Thusim abul a kon ahin simchai jouse Chung in kaki pah ae pathen in phatthei naboh taohen. Aban jing nilhah le ana simkit taote

ZALAIHANG LE TINGNEM thusim Episode (1) akichai tan ahi. Aban jingle na simtao hite.

Thusim hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleHEU, NAMEL MU KANOME
Next articleGAMTHIPMA KHOSAM AW KHAT’IN PAKAI LAMLEN SEMTOHSAN KOIJUN