THILHA THUSIM
~Story By
Nick Hangshing~
Thusim epat masang un members atam jon thilha hi Jaan seh2 a lang dan in egel uvin, ahin thilha hi Jaan keuseh hilou in suun kisan injong alang ji in ahi.
Thusim pan tao te: Nikhat hi kaloipa tohin gamlah in thei(Fruit)hol ding in kachi lhon in ahi. Gam manglah chu akhul jeh chun lampi kaki vat thu lhon in kachi phei peh lhon in ahi. Kachi nalhon gamlah a thingphung ho chu asang thei lheh jeng in ahi, chuleh abah hojong atam jeh in anuilang chu nisa vah chu alut jou pon ahi. Hiti hin keini jong lampi kaki vah thu lhon in kachi2 lhon in ahileh, ka bag a ka phone kapoh chu vibrate ahung chi chu kajan, ka bag kahon a ka phone kavet kah achun kaloi pa chun eina da lha pai2 tan ahi.
Kaphone kalah doh jou a chu kavet leh network jong um lou ahiwang ka phone vibrate achi kit chu kalung adong lheh jeng in ahi. Hichun bag a ka phone kapoh pet a network ahin mat jap a msg khat tou chu hung ham tin ka check in ahileh msg jong ema kamu kit pon ahi. Hichun ka phone chu kakoi lut in kaloi pa chu kagah vet leh kamu tapon ahi. Hichun lampi kivat naho chu kijui2 leh kaloi pa kom kilhung nan te katin kajui tan ahileh kaloi pa kom chu kalhung thei mong2 tapon, chuleh kaloi pa alim leh amel jong kamu pha tapon ahi.
Ken jong ka aw ajah khat tou2 nahlai leh katin, kaloi pa chu gammang nui achun kakou tan ahileh, mun khat a kon ahin eihin hou in ahi. Eihin hou nalang chu kahet thei lou jeh in aum na lang chu kahet thei tokah in avel2 in kakou jeng tan ahi. Hichi jouchun kakom a thingphung khat achun kakal doh in kakou tan ahileh, kathing phung kal nanui tah achun kaloi pan, hung kum o hilai hin kaum e ahin tin ahi. Ken jong kaloi pa kamu2 chun kakum lha in, kaloipa kom a chun hoilang peh naga phah man ham tin ka eao jah2 jeng in ahi.
Hichun kaloipa chun hilang akhun theiphung khat kamu e. Chi hitin galou hite eitin ahi. Ken jong kaloi pa kom chun tunwang kei chi masa tange nan alampi hin sei o. Ahilou leh mi dalhah napon val e katin kei amasang a kachi in ama chu kanunga kaki jui sah in ahi. Hiti chun kachi phei2 lhon in, kachem achun lampi chu kaki vat thu peh tan ahi. Abang leg kanung lang pou ahung jaa sesu ji in, abang leh ka bag chu songtum kipo bang khun ahung gih the thu jeng ji in ahi. Hichun kaloipa kom a kalel a ka bag a chun kikhai angai poi katin kachi phei peh lhon in ahi.
Sot thim pi kachi jou in kaloi pa kom a chun hoilang peh ham theiphung um na, e t kah a jong hilang leh2 hi nagaphah man a nahung kile man ham katin ahileh kaloipa chu athim beh jeng tan ahi. Hichun kaphah sam chu ahin tham in elhun vah d tai ahin tin ahi. Kaphah sam ahin tham chu akhut chu avot set jeng in ahi, chuleh uii jong a uii lheh jeng in ahi. Hichun kei jong thil umdan chu dih kasah lou jeh in kaki nung hei in ahileh…. kaloipa chun nalam p d kivet o nei vet num leh inn elhun phat leh nei ve nan te tin ahung tot in ahi.
Hichun kalung anum thei tapon ahi, kalung achun kaphah sam tham chu kaloi pa hidi ham or gamnei(thilha) ho hidi ham tin kahung kiging pan tan ahi. Abang leh suun laichang a e p thilha um pon te katin kei leh kei kaki lhamon kit ji tan hai. Hichun kamasang lang a hampa khul lah ahung kivat gin chu kahin jatan ahi. Ken jong midang gamlah a thei hol a hung ho hin te katin kanah sah pon ahi. Thil kivat chu ahung nai cheh2 tan ahi. Kakom ahin phah chu kavet leh kakin val2 jeh chun kamoh lhuh tan ahi. Kavet leh thilvat chu kaloi pa toh akibang chet tan ahi.
Hichun thilvat kaloipa tobang pa jong chu kei lhuh bang in king doh in alhu in ahi. Hichun apat2 in kaki nung hei in ahileh kaloipa chu ana um tapon ahi. Hichun kaloipa toh kilou kasah pa tochun chat lou in kaki ve to thim beh lhon tan ahi. Achai2 nan e lah kon a hilanga kon a nahung doh ham, kanunga nahung hilou ham eihin titan ahi. Ken jong ama sei bang chun ng joh kanunga nahunga e t kah a hilanga kon a nahung doh ham katin ahileh, aman jong naloipa kahi e, hung in kile tate eihin t tan ahi. Ken jong kaloipa ahi kahet phat chun, thil umdan chu ahoithei tah lou jeh chun. henge kile tate katin, kaki thou doh lhon in kahung kile lhon tan ahi.
Kahung kile lang lhon ahin, kahung nahon lampi lang chu kadel phei lhon tan ahi. Chom khat jouin kanung lang lhon a kon in kamin lhon hung kikou chu kaja lhon in ahi. Hichun keini jong kading den lhon in hung kikou kit m tin kangai lhih lhon tan ahileh, ahung kikou kit in ahi, hichi phat vang chun ahung nai jep tan ahi. Keini jong mun sang lai khat achun kakal tou lhon in kamin lhon ahung kikou nalang chu kave lhon tan ahileh, gin chat umlou beh in keini kivon dan toh kibang chet kalim hon toh jong kibang chet, mini hin eina velhon in, anui pum in keini um nalang chun ahung lhaiphei in eihin del lhon tan ahi.
Keini jong hampalah e lah helou in kahin kho lhon kahin jampi lhon tan ahi. Aban leh kakom lah hon achun ahung nui poh lah jin ahi, hitia kahung jam2 lhon lai pet a, vadung khat kahin phah d kon lhon achun kanung lhon tah a hanse sun ahung lhai lhon in ahi. Vadung kaphah2 lhon achun amani jong chu amang lhon tan ahi. Vadung chu kapal lhon leh gamlah ahipai kit tan, gamlah lang hoding chu kangap chat lhon lou phat in vadung chu kahin jui suh peh lhon tan ahi.
Vadung kahin juisuh2 lhon leh mikhat in nga ana mat chu kamu lhon in keinin jong hichi ngaman pa kamu mu lhon achun kahinkho lhon chu anum hut in, kaki chat nachu abei chet lhon lou vang in themkhat chu ka oldom lhon tan ahi. Hichun ngaman pa umna chu kaphah d kon in kaloi pan gal akon a agah kou in ahileh, vadung chu athuh lou vang in tuilah a achop lut chu amang jel tan ahi. Hichun upai dang um talou in vadung chu jui be talou in agal a gamlah lang chu kahin ho chop lhon tan ahi.
Gamlah mun khat ahin tehse khat hin thi ana sat in kaloipan jong mihem ahipoi chi loi2 hite eihin tin, hichun keini jong kino thim tah in kachi lhon in ahileh, hichi thingsat tehsepu chun eihin kou lhon in ahi. Kaki jah mo sah lhon wang a eihin kou2 lhon phat achun kaloipa kom a chun Mihem toh akilou e amikou dan khu, ajou leh kida lha pai2 leh achanga gamlah a aum d anum poi, e p da eikou lhon ham gadong hite katin kaloipa tochun tehse pu um nalang chun kachi phei lhon tan ahi.
Tehsepu kom kalhun hon chun tehsepu chun kathing hi agih wal in kaki pat doh jou tahyh e, neihin pat doh lhon o atin, kaloipan keinin napoh p lhon nange atin, athing chu kahin poh pih lhon tan ahi. Kahung suh lang in tehsepu kom chun kathil to lhon chu kasei p lhon in ahileh, aman jong gamlah a hin moh va2 lhon hih o. Nachi lhon jong leh kilhon del2 lhon in, chuleh gamlah ahin namin lhon in kisam to ji lhon hih in, gam neiten namin u ahet uleh phalou d he eihin t p lhon tan ahi. Hichun keinin jong hepu hoilai ham nakho u, nainn gei nahung thah p lhon inge kati lhon in ahileh, aman jong elhun pai diu te atin, chom khat kachi jou un, tehsepu chun kei kaum na kalhun tai e atin, kakho in chi lhon inlang keipui ding in kacha te hin sol o atin ahi.
Keinin jong tehsepu kom a chun keinin nahung thah lhon nange kati lhon in ahileh tehsepu chun, neithah num lhon pon nate atin ahi, hichun kaloi pan e p thah num lou nasei ham hepu, inngei nathing napoh p lhon ing katin, ng jong nahung thah lhon nange atin ahileh, tehsepu chun neihung thah ngap chat lhon leh neihung thah lhon in, nangap chat lhon lou leh kacha te hin sol lhon in atin mun khay chu akhut chal in akoh in ahi. Ako nalang chu kave lhon in ahileh tehse athisa ana monlha kigo khat chu nang lah ana um chu kamu lhon phat chu tehsepu chu kamu lhon tapon ahi. Hichun ema seibe lou in kathing poh chu kasep lha hon in, khosung lang chu kinga lou in apen tokop in kahin del lhon tan ahi.
Khosung kalhun d kon lhon in khosung upa holeh golhang ho chun kahusa lhon ajah phat un eihin del phei lhon tan ahi, kakom ahung lhun uva jong chun ema sei thei wah2 lou in kaum lhon tan ahi. Kahung hainem lhah lhon lang achun, kathil to lhon leh tehse pu thusei leh thilong kamu lhon dan chu kasei p lhon tan ahileh, golhang khat chun agal langa khosung khat a tehse akihol mo pa chu hitan te ahin tin, a inn sung mite thulhut din mi them khat chu achi tao un ahi. Tehsepu chate ahung lhun jou uchun amahon amun ahet lou jeh uchun kaloi pa toh keini ma2 chu ei kipui tao un ahi. Ahin amun kaphah masang uvin aum nachu kako p lhon in amaho chu kasol phei tao un ahi.
Amun aga lhun jou uvin, achate ahung kaa gin kajah lhon chun tehsepu inn sung mite mong2 ahi ti chu hetchen ahi tan ahi. Keini jong amun a um sot ngam talou in kahung kile lhon tan ahileh golhang them khat chun gamlah apat innchan chu eihin kilhon p uvin ahi. Hichi nilhah a kaloi pa toh polanga katou lhon leh agal langa tehse pu chu kamu kit lhon in, kipah tah in ahung nui in amang pai tan ahi. Ahiwang in gamlah a keini lim le mel pu a eihin del teni chutoh vadunga tui lah a achomlut pa chu tehse ho kom a kasei jong leh koiman e p ahi asei chen thei po vin ahi. Hichi nia kipat chun gamlah kachi lhon jong leh alhon pen a mi 5 beh kachi p ji lhon tan ahi, chuleh gamlah a kihop khen jong hi bol lou ding kaki tem toh chet ji uvin, kaki ngah to chet2 ji uvin ahi. Ahiwang in vadung khel a vang chun kachi ngam lhon tapon ahi.
~BEITA~
Asim jousen nahet ding khat uchu kahin semthu ahibou e, ajouleh gamlah chi ngam lou in ana um get un nate. Ahiwang in thusim akon a kihil nathei aum in ahi, GAMLAH IN KISAM TO HIH UVIN, GAMLAH IN KIHOM KHEN HIH UVIN, CHULEH GAMLAH IN UM CHAN JI HE UVIN, GAMLAH HI ANEI UM AHIN NAUM CHAN JOUSE AVE A UM AHI, t vang hai pou te.
SUT KHEL AUM LEH KINGAIDAM UTE.
