Home Lahkhom IPIJEH A MELCHA THAH-HAM?

IPIJEH A MELCHA THAH-HAM?

71
0
melchapom
melchapom

By Elkay Mate

Leiset chunga cheng mihem jousen jing-An jan-An a angaichat jing adehba Kukiten iha nehlheh leh ule nehle chah lah a athupipen khat ‘Melcha’ hi ipijeh pen tah a thah-ham tihi ilungdon diu tahsan aumin, hiche Chung changa chomkhat kihoulim hiute.

MELCHA athah najih pen tah hi ahile asunga um Capsacin kiti chemical jeh ahi. Adeh a khangthah ho hiche tobang common knowledge hohi ihet diu deisah aum in ahi. minu nipa injong ichate ahilphat chu kumb4/5 ahilphat laiya “hepa/henu MELCHA khu ipidia thah ham atiteng phatah a chomtah a idonbut ule ahinkhoa asuhmil Lou diu ahi.
Capsacin (8-methyl-N-Vanillyl-6-noneamide)
Chemical formula- C18H27NO3

Melcha ipiti thah isah uham?
Melcha khu ineh tengu le melcha sunga um Capsacin chemical hi ikamsungule leiya um Chil(Saliva) toh ahung kihal teng itahsa uva nervous system in akon ilhoh languva itahsa u ahasat ahetsah ji ahin uvun/imai lah a ulsa chan hungpot ji ahi. Chuteng ilhoh languva kon itahsa uva asa su-ol thei chemical Endorphins ahin lhadoh ji ahi. Hiche tengle chu melcha thah ol ol a hung olji ahi.

Melcha athah dan atena(measure) um em?
American Scientist Wilbur Scoville kitipan 20th Century vel in hitobang melcha thah tenading anasem in hiche chu SCOVILLE akisah in ahi. Hiche melcha thah hi HPCL(high performance liquid Chromatography) noiya Scoville kimangcha a athahdan chu SHU( Scoville Heat Unit) kitia kite ahi. SHU atam chan a athah tam Tina ahi.

Melcha thah olna dia ipi bol ngaiyem?
Melcha sunga um Capsacin hi hydrophobic ahi. hijeh chun melcha thah hi tuiyin athahna asuh ol theilou ahi. Tui iron tengu athah oldan a igel jeh ukhu asat pa adapsah ahin athah a olpoi. Hijeh chun melcha athah teng ei thinglhanga alou phapen chu me kiken na thao(Any cooking oil) khat pen pen spoon khat or akeh khat idon le a chomlou kah in a ol jitan ahi. Tukal melcha nahaneh a nadip apeh teng meken na thao(cooking oil) chamaj( spoon) khat anadon le chun phatan te.

Melcha neh phatchomna or phatchomlouna ipiham?
1). Harvard and China centre for Disease control,2015 study) sei dungjui in hapta khat sunga melcha khatveibeh neh hin mihem hinkho 14% akhansah e atiuvin ahi.
2) Melcha neh hin itahsa a um Bacteria tamtah asuhlhom/asubeiyin, oisung asuthenge.
3) Melcha neh hin tahsa gih na (weight) Jong asulhom e akiti ahin tamtah a asuhlhom ahipon melcha athah teng tahsa a um thao ho ajunsah dan in akiseiye. Chule tahsa a dia aphatna tamtah neocha chan aume akiti. Melcha aVitamin C ajaovin ahi.
Aphat na aumbangin aphatlouna themkhat go chu hiche melcha ihaneh le Ehkho, Oisung nat, Giljang nat chule tahsa chung nat neo ho Jong asosah jin ahi.hijeh chun melcha naneh teng tamneh louvin aphabep in nen.

Vannoiya Melcha thahpen ipiham?
South Carolina, US a um Carolina Reaper(SHU 2.2 M) chu genius world record dungjuiyin SHU 2.2 Million ahitoh kilhon in Vannoiya Melcha thahpen in het ahitai.
Eihon eneh jingu Kuki Melchapom hi miten Naga viper/Naga Chilli tin ahen athah dan chu SHU 1.5 Millions ahi.

Insunga minu mipa, nungah golhang le chapang in ehet nathei diuva ahithei chan a eiho pao a hung kijih ahin, phatah a echateu aneo va pat ihil uva eseipeh diuvin ikitem un ahi. Ajeh chu chapan aneolaiya kiseipeh khu lekha tamtah asim a ahet sanga phajo ahi. Nachate/naloi napai khatbeh “melcha ipijeh a thah ham? dongin lang ahetlou e hiche chung changa kisei hi ana hilson teiyin. Chihna le hetna ho kiseito peh del del ute.

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleGOVT IN KOT JOUSE NUMEI DING A AHON
Next articleKAKINEPNA JOUSE ABEI NUNGIN-IV

LEAVE A REPLY

Please enter your comment!
Please enter your name here