Internet Banking akiti teng na bank account hi internet mangcha a hoilai mun hijong le naman chah thei navet thei ahi. Hiche hi bank jouse free a account nei jouse apeh ahin, hiche nanei a ahile bank jong nache angai tapon. Sum thotna hihen, sum ijat nanei em vetna ho chu nangman na tou mun a hoilai mun hijong leh phone ahilou le computer mangcha a nabol thei ding ahi. Hiche neina ding a bank account ikihon namun a apply bol angai hiche jou teng bank ten na id le password nahin thot diu ahi. Hiche nahin thot pen u chom khat a ding ahin nakhel loi chel ding nahei lou ding khat nakikoi angai in ahi. Hiche internet banking hi thil jouse a manchah thei ahi vetsahnan online payment, bill payment, chuleh adang thil tampi aum in ahi.
Tukhang in mobile apps ho nasatah a ahung khantou toh lhon in net banking hi min aha man behseh tapon ahi. Ahin net banking hi secure pen ahi, ajeh chu hiche account iman chah hi nasatah a encrypt kibol ahi. Net banking a account statement na dei jat jat kum ijat a hijong le navet thei ahi limit aum pon ahi. Ahin mobile app ho a vang lha thum ham khat bou kive thei hiche jong chu email a ahin thot jiu ahi(email bank a register kibol ngai). Net banking a vang na vetnom lha jat chu nahet lut a doc format jat chom chom excel, pdf, doc ho a naki download thei ahi. Net banking kiman dan hi bank jouse a akibang soh tabang ahin. Hitoh lhon chun eiho lah min account aha neina pen SBI a iti bolding ham ana ve ute;
- Akipat na pen a na browser a nalut ding SBI te website min na type ding – onlinesbi.com
- Hiche a hung kihong masapen ding chu “Personal banking” leh “Corporate Banking”.
- Personal Banking kiti pen nameh ding, hiche a ”Login” kiti nalai pa khu meh ding.
- Hiche nalut teng net baking athah kihon ding nahi toh lhon a “Username” kiti napen a khu SBI ten net banking kit kiti khat nahin peh nauva username pen chu nahet lut ding.
- Chule “Password” jong amahon nahin peh pen u nahet lut teng, asung a nalut masat napen hung hi ding ahi. Hiche tohlhon a thil ho nahin khel ngai ding ahi.
- Nalut masat pen ahi toh lhon a Username nadei pen khat kihet un hung kiti ding hiche a chu nahei lou ding khat nakikou ngai ding ahi.
- Aban a password jong nan kisem ngai ding ahi, hiche a ding a hi 20 character chan nahet thei ding ahi.
- Hiche username toh password nasem pen hi Capital, symbol chule number naman thei ahin man a pha ahi. E.g. Namin#123.
- Aban a kit number heng in hung kiti ding ahin hichu lekha ahin thot nalah uva chu namu diu ahin hichu hetlut ding ahi.
- Aban a profile password semna khat jong hung um ding hiche jong hi important khat ahin kisem a hoisel a kikoi a mansah lou ding ahi. Hiche khonung le eima details ho khelnom na inei khah le hung kimang cha ji ahi.
- Hiche net banking a hetding khat chu virtual keyboard kiti khat aum in iman chah le phachom ahi. Ajeh chu hiche iman chah a ahile hacker hon id le password hochu a hack thei lou ding tina ahi.
Net banking aphatchomna tampi isei u toh lhon a aman chah ji ihet uva thilpha chom tampi ikibol doh thei u ahi. Akisei jing bang a tulai hi digital khang ahi toh lhon a bank a phat tampi suhmang sang a na account a sum aum phot le, na inn mun a bank nabol nom jouse nakibol doh thei ahi. Chule tulai bank hohi mi atam behseh jeng in thilkhat bolna ding in nilhum kei in phat akisu mang ji in ahi. Chuleh na bank te website a ve lechun online a bolthei tampi akoi jiu ahi, hiche ho lah a chu hoiche chu naman chah nom em nangma kivet ji in lang mangcha ji in. hetmo khatcha aum pon kithem chuh hi thilpoi mo ahi. Chule min abol thei le ipi ding a in jong ibol mo ham mi a kingap lou ding hetthei chan hetna ding ngaito ding ahi.
Achung a kisei ho kal val a hetbenom hihen doh nom neihon anoiya Comments section a khu nahin doh jeng thei u ahi. Thil ahung kidong dungjui a donbutna hung kibol jing ding ahi.
