Story By
Nick Hangshing
Thusim hin pan pai inge. Khosung khat ahin numei chapang khat hi ana um in, hichi numei chapang nuchu jaan seh leh a emut d kon sehleh a room sung chu light ahung phe dot dot jin, a room ceiling akon ahin thilha avom set khat ahung kum suh jing chu amu jing in ahi. Hichi thilha chu ahung kum suh phat leh almerah chunga chun atou jin chapangnu chu chat lou in ave ji in ahi. Hichi phat lechun chapang nujong chatthei lou in akang den jitan. Acha thei jilou wang in amit a emajouse phatan ahe in, alung jong alimthet jeng in ahi. Hiti aumjing jeh chun abang komleh jaan a emut lou nakom jong aum jin ahi. Hichi thu chu kho ahungvah phat leh a innkote kom a asei jin ahivang in anuleh apa kom a asei jong leh, anule apan namang se hibou inte tin ana tah san jilhon pon ahi.
Jaan a emut akisuh loujeh chun atahsa jong ahung lhasam cheh2 jeng tan, hichi phat chun apa injong achanu thusei chu ahin geldoh in, apa jongchun nummo asa thim in, achanu room a ceiling hochu aban phet lhah in aningkoikah chu phatan a vetan, ahivang in ema amudeh tapon ahi. Hichi nilhah chun apachun achanu thusei chu atah ham jouham atah ham ahet num jeh chun achanu room kom achun akisel in achanu emut chu angah tan ahi. Hitichun achanu room a alut jou pung 3 jou ahin achanu room sung akon chun thil gin hin jatan, hichi ajah2 chun aman jong achanu room kot chu ahong pai in alhai lut tan, ahivang in room sunga chun ema amudeh pon ahi.
Hichi phatchun achanu chu ave in ahileh amit tol keu a ahah chu amu tan, aman jong e t akou a e t alo vang in kho ahe tapon, atah sa pum pin akang lhatan ahi. Aman jong apet2 in ajinu chu akou in ajan2 in Hospital lang chu adel phei tao un ahi. Hospital alhun uchun jong achanun kho ahe naipon, doctor hon jong test ajat2 abol vang uvin atahsa chuna natna kiti ema aman doh povin ahi. Hiti chun aji chalhon in hospital achun achanu atou khovah pilhon tan ahi. Ajingjing kho ahung vah2 chun nidang bang2 chun achanu chu ahung kithou doh in houpi thi ahung hitan, ahung kitho2 chun apa chun doctor ho akou in achanu chu e tobang hitam tin adong tan ahileh, doctor hon jong anat na amatdoh joulou jeh chun ajen ji jong aum thei tapon, hijeh chun inn langa asol le tao un ahi.
Amaho jong inn alhun2 d kon uvin, chapang nu anuchun polanga kon achun achanu room window a mi avom let lut khat adin chu amutan, aman jong ajipa kom a chun athilmu chu aseitan ahileh, ajipan, jaan a hospital a kichol lou a natou khovah jeh a chu natha lhasam a nalel wal jeh a aum lou amu banga naum ahe, chom khat kichol inlang namit jong kichol sah o tin asei in ahi. Hitichun apachun achanu umchan dan chu avet leh hoi asah lou jeh chun amni room a chun anutoh age sah in ama achanu room a ageh ding in akal tou tan ahi. Sat lai ahivang achun jaan ahung sot thim2 leh achanu room sung chu ahung vot cheh2 jeng tan, aman jong posil ijat akisil be vang achun ema apha chom tapon, chom khat jouin achanu room light chu ahung phe dot2 pan in, hichi jouchun a ceiling chung langa kon chun mi chaloh gin tobang ahin japan tan ahi.
Aman jong lup na chungakon chun chatloh lou in aum in e p mong2 ham tia ahet num jeh chun angah tho tan ahi. Chomkhat jouin ceiling chunga kon chun avom letlut khat ahung kumlhan almerah chunga chun atou tan ahi. Hichun aman jong koi nahim tia agah kisen got leh a aw asoh doh jou tapon, tho d ati jongleh atahsa pumpin achat thei tapon ahi. Amajong diplhah pum in almerah chunga tou thilha chu amoh kivet to pitan ahi. Chom khat jouin room light chu ahung thi in, ahung vah kit phat achun almerah chunga tou thilha chu ana um tapon ahi. Hichi phat chun aman jong tho doh a room a kon a pot d atia agah kitho got leh atahsa jouse chun akang den in, achat jou tapon ahi. Hitia aum phatchun ama dinga lupna chunga lup tailou chu upai dang him2 chu anei tapon ahi.
Jaan ahung sot2 leh room sung chu ahung vot cheh2 in, emut nathei jong ahitapon, chom khat jouin akeng tolanga kon in akeng chu ahung ki tuh bang in aum in, akenglang chu avot set jeng in ahi. Hichi jou2 chun aponsil chu ol2 in ahung kiloi in, abon a akiloi lhapai2 tan ahi. Hichi joua patchun abangleh achunga mi atou bang in ahe jin, abanleh akom a mi alum bang in ahe jin ahi. Hiti chun khovah d kon gei in aum in ahi. Kho ahung vah lhah2 chun apa chun inna thil umdan chu adei lou jeh chun apet2 in ajinuleh achanu chu akipui doh in, a ute inna akipui phei tan ahi. Ainn sunga thil umdan chu a upa kom a asei tan ahileh, a upan hiti chu ahileh hichi ho langa them hokhat kom a chi hite atin, hichi ni ma2 chun thilha toh kihou thei themgao khat kom a apui tan ahi.
Themgaopa kom alhun2 chun amanin jong themgao pakom achun thil umdan jouse chu aseipih tan ahileh, themgaopan jong tunilhah ma2 leh inna chu echi diu inn suh thengna eneidiu ahe atin, hichi nilhah ma2 achun themgaopa leh chapang nu apa chu inn achun achi lhon tan ahi. Inn alhun2 lhon chun kot ahong lhon in ahileh, kot ahon2 lhon chun inn sunga tehse akong kon khat ava le2 chu amupai lhon tan ahi. Hichun themgaopan jong chapangnu pa kom a chun kicha hih in atin inn sunga chun alutpi tan ahi. Innsung alut2 lhon chun themgaopan chapangnu room chu hoilai han tin adong pai2 in, amani jong chapangnu room achun alut lhon tan ahi.
Room sunga aum2 lhonchun, themgaopan jong chapangnu apa jah a, tua hi innsunga um thilha ho jouse aum najouse uva kon a ekoudoh ding, eno doh d ahe atin, tol achun pon apha in, pon chunga chun phui asap na, chuleh doi thil, manchah hojouse cu akoi pon chunga chun aban koi tan ahi. Themgaopan phui sap ahin pat chun room sung chu phalbi lai bang in ahung vot cheh2 jeng tan, chomkhat jouin room lhat langa kon in amani um nalang jon a hung keng khogin ahin japan lhon tan ahi. Phui asap chan chun hichi kengkhonung chu amanilam jon in ahung nai tul2 jeng tan ahi. Chomkhat jouin aum na room kot chu poh lah a ahung kihong in, aki hon2 chun inn chu lhing hat tah in aho bang in akihot in ahi.
Akiho pum2 achun themgaopan phuisap toh akop wang in ema aphachom aum ta pon ahi , phui asap chan chan in thil umdan ho chu akhoh secheh2 jeng tan ahi. Themgaopan jong apet2 in kajou tapoi tin inna kon achun ahng jaam doh tan ahi. Hichi nilhah ma2 chun,chapangnu apan houbung lamkai hochu akou in ama hotoh kitho in inn sung se2 chu suh thengna anai lhon in ahileh, hichinia kon chun ema ana ti tapn ahi. Khonung a thu ahin jah2 utoh mi thusei na a ajah dan achun hichi aum nao inn nuilanga hi mi kivuin anahidan ahi. Ahin houhung lamkai hotoh suhtheng na aneijou uva pat in ema ati tapon ahi.
~Beita~
