~Story By
Nick Hangshing ~
Loicha ni hi aum in ahi. Aloi khat pa te inn kom a chun inn lentah khat hi aum in ahi. Hichi inn chu phatseh leh ong jing ji ahi. Chuleh hichi inn chu adei dei in akichoh thei nadinga ajoh u ahi. Hichi inn a chu mi ahung kichon lut jin nikhat nini jong lhing ji loulai in aki chon doh pai2 kit g tao un ahi. Hichi inn chu ahoijeh chun mi ahung kichon lut jing in ahi. Ahiwang in umsot thei lou in nini nithum jouleh aum jouse aki chon doh pai2 ji tao un ahi. Hichi inna achai napen a hung kichon lut ho chun nikhat aum jou un akichon doh pai2 tao un ahi. Hichun hichi chapang pachun aloi pa chu akou in e p dinga hilai inna hung kichon lut jouse kichon doh pai2 ji uham tin aki houlim hun tan ahi.
.
Hichun ama ni jong akihou toh hun in hichi inn achu lut ding in akihou toh hun tan ahi. Ajing in amanijong akisuto hun in inn sunga lut ding in akigo hun tan ahi. Chuleh asunga neh ding nehthei hojong akichoh hun in ahi. Amanin jong sun a mi thip kah lah leh, mi umlou pet a guhthim a lut ding in angah hun tan ahi. Hiti chun amanin jong mi thip lai tah chu angah hun in, sun a mi athip pet lai tah chun aloi pa chu agon jeh chun kot nui a uicha ho lut nadinga kisem kot neo sunga chun akithol lut tan ahi, aki thol lut jouchun inn sunga chun alut in, aloipa hunglut nading in inn nunglang kot chu ahong in ahi. Hichun aloipa chu inn nunglang kot akon chun alut in inn sung ho achun avah le2 hon in, room jouse chu ave le2 hun tan ahi.
.
Amanin jong room hochu avet hun leh num asa ma2 jeng hun in ahi, amani jong akihou hun in, e p dinga hibanga inn num a koima cheng num lou hm tin akihou lim hun tan ahi. Chom khat jouin kitchen lang chun alut hun in ahi. Amanin jong kitchen tol achun atou hun in, neh thei ane hun in akihou lim hun tan ahi. Amanin ahet hun lou wang achun hichi inn sunga chun pung 1sung lhing deh chet ana um hon tan ahi. Hichi aneh thei hon chu aneh chai2 hun achun amani jong chomkhat atou be hun nalai in akiloh lim jing nalai hon in ahi. Chom khat jou in, phulou helou in chapang pachu amit a ahung thim in kho jong amu thei tapon ahi. Hichijou chun atah sa chung jouse chu avot lha jeng tan ahi. Hichichu avot dan2 chu agu achang gei in avot doh in ana doh jeng in ahi. Hichi jou2 chu aloipa agong pa chu hapen in ahung peng tan ahi.
.
Ema amu theilou phat chun aman jong mat phah thei leh mat khah thei chan chu amai le2 tan ahi. Hichi kho amuthei loutoh aum dan chu aman jong num asa thei pon ahi. Hichun aloi pa jong athip be tan ahi. Chom khat jou in aloi pa khut tabang in akhut ahin tuh in, akai ding in chuleh akhut achu atuh in inn nung lang kot langa chun akai phei in inn polanga chun akaidohtan ahi. Ahin kho amu thei naipon ahi. Polang alhun jou lang hon chun atah sa pumpi chu tijat nan akithing in chom khat jou in akithin chu ol2 in ahung pha phatan ahi. Hichi ahung phat lah chun aman jong kho ahin muthei kit tan ahi. Kho amu2 achun aloipa chu avet leh alim chu kichat nan adimset jeng in ahi.
.
Chomkhat jouin aloipa kom chun inn sunga chu kho ahin mu theilou a amit abon a athim dan chu asei pih in chuleh polang ahung pot doh jouhon a bou amu pan dan jong asei p tan ahi. Hichi asei jou2 chun aloipa chun miphe lou in ave thim beh jeng tan ahi. Hichun aman jong aloi pa chu adong kit in, e p dinga napen ham tia adoh leh, hichi asei chai2 chu aloi pa chun, e p dinga inn a kona akai doh ham chu ahin sei p tan ahi. “Kho muthei lou banga naum masang chun, nanung langa kitchen table nui a kon a numei chapang khat apum a thim jeng khat table nui a kon a ahung kithol doh in, nachunga ahung kal doh a nachunga ahung tou namit akhut a asip apat chun khomuthei lou banga nahung kimai pan in ahi. Hichi kamu chu kaki chat wal phat in kapen in, inna kon a chu kakai doh loi nahe, kakai pet ajong chun inn nunglang kot ekhel hun a polang e gei masang se chun nachunga atou nalai in ahi” ati tan ahi.
.
Tuchun hichi inna koima um sotthei lou ham chu, chapang teni keu hilou in, asim jousen jong nahet ding tahsan aum e.
~BEITA~
