Home N Lhungdim INDIA SUNGA GOVT. SERVICE OPEN TAH A KIJOH NALEH KICHOH NAGAM HOIA...

INDIA SUNGA GOVT. SERVICE OPEN TAH A KIJOH NALEH KICHOH NAGAM HOIA UM HAM?

21
0
HINKHO LAMLHAH
HINKHO LAMLHAH

NAJAH KHAH LEH NAHETKHAH UVEM?

Manipur a Govt Service khat choh ding aman ija a ki joh leh kichoh market rate ija hita em ?

Asun
N.Lhungdim
Thangting House
Molnom-West

n lhungdim
N-Lhungdim

11th September, 2021.

India pumpi la kahe hih in North East State lah a Govt. Service kijoh naleh kichoh na anaipen a kahet chu Assam ahi.

Assam a Service kijoh naleh kichohna kati jong chu Manipur banga Govt. Serviceneo neo ho ahipo in kahlah lah leh Assam Public Service CommissionAPSC a post kila Assam Civil Service ACS ,
Assam PoiliceAPS leh anoi a phabep ho APSC a Chairman pa jehin kichoh tona ana umjui in ahi.

Hiche jong chu Assam Govt. in akholchen in natong SUM peh guh a natong a kilheng ho ana haisah in Chairman pa toh jail ah ana khum un ahi.

Manipur Govt. ah MPSC noi a MCS, MPS Exam a mark tempering leh adang dang dei umlou kahlah lah leh ana um jongleh Chairman phatah ana um khah leh theng tah in lhendohna ana umjui in achuti khoh behseh ana um khapon ahi.

Kahet lah a MPSC Chairman thengpen most honest a kahet chu Manipur University Vice Chancellor ana pang sa Prof. Ibochouba Singh Khaidem @ I S Khaidem chu theng kasa pen in ahi.

Amachu MPSC Chairman 13th na Pu Paokhokai HaokipEx MP masang tah a pa chu ahin ahi.
Kuki group aMPSC Chairman anatuh chu Pu Paokai Haokip Ex MP , Pu T Gwite IPS Retd leh Pu Dr Seiboi Singsit IFS Retd anahin ahi.
Chairman dang ho hi scandal lentah ana um kha pon ahi.

Tulai tah a Chairman hi Pu Thangkhanlal Guite IPS Retrd Rajasthan Cadre anahin Manipur Police a jong ADGPa deputation a ana um sa ahi.

Prof .I S Khaidem chun Interview kichai chai jou minute 30 jou in in a Result aso sah pai in ahi.

MPSC ahung minset nahi 2016 kum a MPS leh MCS mi 78 ham ana lhendoh Officer hon posting a Service kum 2 lang ana toh jou aManipur High Court in ahin kahlhah tuni chan a MPSC Exam kinung bol kit theita lou hiche case jong Supreme Court a um nalai ham ?

Ipi dinga Govt. in akichaina khat semlou a Manipur mi lekha them chihna thepna lhingset a nei khangthah chu ja chu amuding achanding
kilom chang lou a aumsah u hi da aum lheh in ahi.

Problem chu umding mong hijong leh solution um thei lou um louding ahi.

Tulai BJP Govt. N.Biren Singh CM in thil hija bolthei a hiche asuhlhapna abol theilou hi khangthah ho dinga da um leh vangset umtah Chief Minister ahi.

2017 a C.M ahinpo N Biren Singh a apoh gih Burden khat ahi tihi ahet theilou hinte.

A adviser hon ana hil thei aumleh ahil uva pha ahi.

Tuni a iseinom uchu seichen na dinga achunga ho kasei ahi in kaseinom chu hichu ahi pon ahi.
Kasei nom chu ahileh
masan chun Manipur a Govt. Service kijoh leh kichoh hi aum vangin guh thim a kijoh a guhthim a kicho ahi.

Hiche phat chu ana kichaitan ahi.

1980 jou chun kakho Molnom a Christmas Holiday suty a
kahung leh kanaopa
Dr. Mangkhothang Lhungdim in
Govt. Service Purchase Society
khat sem angai e ati in atah a asei ham la kahe hih in Society semding la agong kit hih in aman aseichu ahileh Service kijoh hohi mikhat machang in choh ding kiti hi sum aha lut jeh in mi phabep khat kitho khom a khatding a choh jouleh khatding a choh kit ding tina ahi.

Proposal phatah khat ana hidan ahin amin bouchu mijah ding in themkhat angaimo jep in ahi.

Tun Congress Govt. in kum 2002-2017 kum 15 ahin pohchun kham post semding hi ana don pouvin akichai khon 2016 chun Dept. jouse ah service post tamtah ahinsem uvin amin in Examination abol un ahinla guhthim tobang in sum peho service ana pe uvin ahi ahinla 2016 chan a service kijoh leh kicho chu tulai bang hin laman ana tampon kahetkhel louleh Rs 2 lakhs Rs 3 tiho bou ana hin ahi.

Ahinla BJP Govt. 2017 a ahiva kipat hin Prime Minister Modi lamkai na in nehguh chah guh umlou
peh jong pehlou ding lahjong lahlou ding ti policy aphondoh uchu agin hoitah hijong leh akhoh se jo tobang joh in akimun ahi.

Gamdang mundang la akihepo in Manipur a vangchu achombeh ahi in pehjong pehding lahjong lahding ahung hitan ahi.

Tulai a Manipur a kham phadom hi lakh Rs 2 lakh Rs 3 lang ahitapo in lakh Rs 40 lakhs Rs50 lakhs ahitai ti kajan ahi.

Tulai joh a hi
Dr Mangkhothang Suggestion
Govt Service Purchase Co Operative Society
bol phat ahi ajeh chu mikhat chohjou ding jat ahita pon kitho khom angai mongmong tan ahi.

Kichen tah a kahet khatchu kaki hetpi khat in anaopa dinga
Group D Multi Task Force post khat
chohna dingin Rs10lakhs angai e ti in johthei thei ajoh in aboipi chu kakom a jong alhut jehin kichen taha kahet ahi.

Tuni a kaseinom chu Manipur ahi hiche Service kijoh leh kichoh hi guhthim ahi tapon English
Open Secret atiu lhangphong thuguh tiding ham ahitan ahi.

Hiche jeh hin tulai School chapang chihna thepna hol hon ichan hamkhat gei alunglhah na demoralisation anei un ahi.

Central Govt. a Staff Selection Commission SSC Exam a alah houhi sum lut nalou leh sum leu nalou ahitan ahi.

Manipur a Service khat muding gel leh choh ding gel hi English Herculian task atiu eiho het thei dinga Everest lhang kal ding kigo tobang ahitan ahi.

Hiche Service muna dinga sum kipeh hi sot laipeh a kipat a ana um ahitai ti kahet nachu 1961 kum in ka U Tongvom 1961 a ana mollep jouchun ama panna Tolphei Govt. M.E School a Head Master post a pang ding in kanu leh kapa in hatah a asei lhon jehin kada thei hih in ka U [email protected] Boisi jipan ka U Limjadem in Imphal langa School langa thuneiho kom ah wanomba aga bol in chulai chu tulai phat tobang hilou School Deputy Inspector of School DI ahilou leh Inspector of School IS ho jong appointing authority aneilai uh ahi.

Inspector of School pa chu Rs100 aga pe in kei chu Tolphei M.E. School a HeadMaster dingin appointment letter ahin ladoh in ahi.
Lhakhat a tolop chu Rs 160 anahin ahi.

Ahinlah kumkhat jong lhing lou in BA ki pass hih in te katin kana hai kit tan ahi.
Kahin kho a koima dong lou hel THULHUHNA DECISION
kalah kakisih lou na khat anahin ahi.
Ajehchu anahai hih leng BA kahilou ding abana MA BT leh IAS jong ka pass lou ding IRS kahi lou hel ding ahi.

Kasei nom chu
1962 a M.E. School a HeadMaster post
Rs 100 a kicho chu tuphat kum 59 jou hin ija mong aman tadem?

Kagel dan in tun kum 59 ahita alhompen Rs30 lakhs beh hitan te katin ahi.

Achaina a kaseinom chu tulai khangthah chihna thepna del ho jousen Manipur a kham neokhat lakh tamtah peh sangin Central Govt. leh PSU ho ah Bank chuleh Central Police Organization leh adang dang Dept. ah service job kham simjoulou akihong in ima thasetna nei hih uvinlang nakeng a nadin thei nadiu Service khat pou pou aneo alen ti umlou in tuh ding gel uvin.
Service hi alen aneo aumchom poi jileh cha vahnading leh anneh munading a kitong ahi.

Ka chanuteo ji khat jong a kum aphat kichai dehchet in Railway ah kham neocha khat ahin kijihdoh in tun aji acha toh nomtah in aumtan ahi.

Ajehchu Central Govt. a Pay Scale lhompen chu Rs 7000 apan in 7th Pay Commission in Rs 18,000 ahung hitan 28% DA toh Group D employee inlhakhat a Rs 23,040 asang ta tan ahi.

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleMEET ME IN DREAMLAND-VI
Next articleKhat le khat kijen touvin

LEAVE A REPLY

Please enter your comment!
Please enter your name here