Seiboi leh Kimneo Lungset Hinkho Thusim
Part – II
STORY W. SEIBOI KHONGSAI.
8473864702
Seiboi jong alung dong…
SIM MA SA BAN JOM.
Seiboi jong alung dong cheh cheh in ipi na chan ham tia adoh vangin alungset kimneo chun Thanggin le Lulun in ahou na lhon le Lulun in abeh thu ho asei peh nom lou jeh in, ima kati poi heu bazar kache le gari kamu jou tah lou jeh a kenga kahung tho le ka lel a katha abei jeh a kaki chol ahi bouve ati peh jo tan ahi. Hinlah seiboi jin alungnop mo na khat aum ahi chu kimneo vin asei lou vangin ahe thouvin ama ho thum jong ahung kilhon khom uvin ain lam cheh un ache tauve.
Hiche nia pat chun seiboi le kimneo kilungset na chu asu boi ding le asei se ding ahung tam cheh cheh tan chu jong le seiboi nule pa le kimneo nule pan jong min abol engset nau chu athoh lel lhen jeng un ahinlah ima ana bol thei pou vin ahi. Hiti chun genthei na le bolgim na ahin thoh thoh tauvin kimneo jong ahung genthei lheh jeng tan ama dingin nop na le kipah na ding aum thei tapon kah lah komle Thanggin le Lulun in ana bol engse jing lhon in hijong le a u seiboi komin kam cheng khat in jong ana sei peh kha nai pon ahi. Ahijeh chun seiboi jin hito bang thu ho chu aum dingin jong ana gelpha pon min asei set ule abol gim jiu bou chu ahe in alungset pen kimneo hitia ana bol engset nau vang ima cha thu ana hepha pon, hiti chun seiboi jong khohe pha lou bangin phat anei seh le alungset kimneo komin ache jingin min ijat in dem uhen lang seiset nale jachat na tam tah thoh ji jong le aneo a pat ahin lungset ahin kivop pi jing kimneo toh lungset gal ahin sat khom lhon tan ahi.
Thanggin le a loipan jong kimneo chu iti abol gim lhon na a u seiboi toh khen tei ding agot lhon vangin kimneo vin a u seiboi alungset na chu asang cheh cheh jo tan ahi. Jankhat seiboi in alungset kimneo toh lhavah emsel noija lungset thim thu sutkhom pi ding in akou vin tolin ana ngah in kimneo ahung phat in mi um lou na dom munkhat in ache pin, seiboi in alungset kimneo komin hitin asei jin Nao ikah lhon na boi na ijat hung um hen lang ei sukhen lhon ding thulam leng hung tam jong le kidet tah in kei dingin pang jingin o? tin asei jin kimneo in jong henge heu nang tai lou kinep na ding le lungset ding dang kanei joupoi, ikah a boi na meipi ijat in hung tam hen lang nangtoh ei sukhen ding mi hung tam jong le thichan na dinga nang dinga kipe doh kahi tai, tin aseijin, hiti chun thu dang dang jong asei khom lhon in nomtah in lha vahnoi ja chun lungset thim thu asut khom lhonin jan jong ahung sot thim phat in ama ni jong in lama din ahung doh lhon in seiboi in jong a nao kimneo chu ain chan nu aga thah in abeng kiss agah bolin ama jong jan imu din a in lam uvin a che phai tan ahi.
Thanggin le aloipa lulun jong ahung pha mo cheh cheh lhon in, kimneo chu ahin jol pan kit lhon tan iti ajol lhon vangin kimneo chun alunggel neo cha jong asei khapon chule koima cha ding in lungset na kot chu ahon peh deh pon ahile, nikhat Thanggin teni loicha jong jukham phelin kimneo jol dingin nilhah khat ache lhon tan ahile ache na lhon lamin seiboi toh aki su to kha uvin seiboi chun imacha thu ana het phah lou jeh chun pha te chan kate golte ni hoija che na kigot lhon ham tin agah houpin ahile Thanggin jong seiboi chunga, ana lung hang jing sa le jukham phel ahi jeh chun lunghang tah le noise tah in najah cha louva golte ni na hin ti ngam ham na thoh nomlou le na che na dinglam kivet in lang che thimin avela na mel kahin mu kit le nop na toh lou ding ahi atipeh in ahile seiboi in jong jukham ahi jeh lhon na anop nop asei lhon hinte tin agelin, ima cha sei beta louvin thip beh in ache pai kit tan ahi.
Thanggin te ni jong kimneo te in alhun lhon phat chun jukham lou bang in aum lhon’in, hinlah kimneo te chun jukham ahi lhon chu ahe uvin, hiti chun thanggin le aloipa lulun chu kiletsah tah chun kimneo nule pa chu ahou pi lhon in athusei lhon jong ipi asei lhon ham jong helou khom in ahou lim lhon in, thanggin in kimneo pa kom chun hitin asei jin, na chanu hi pha hen lang ahin khon nop sah hen nati le hiche genthei te chapa seiboi khu toh khen uvin lang kei to nei ki chen sah jeng ta, tia kiletsah tah chun ahin sei jin ahile kimneo pan jong thanggin thusei le aum chan chu amit toh aki toh mo val jeh chun, ahung lung hangin, thangkhugin ipia kigel na hia ka in na jukham sa va puma na hung lut lhon na, na nop na got na hung sei lhon ham, kachanu chu kei thu thu ahi na ipi kin hija hito bang thu na sei ngam ham, ken ka chanu nang ho to bang jukham le micha vai din kaphal poi gang tah in kipoh lhon ta tin lunghang tah in ahin sei jin ahile thanggin le aloipa chu jachat kiphat lam tah sangin ahung lung hang lhon in kimneo te in chun akitom lhonin thil le lo pou poh lah lah in apai lhon’in, aki sen jah jah jeng lhon tan ahile room sunga um ima cha he pha lou nu kimneo jong lung dong tah in ahung lhai doh in ahile thanggin te ni kitom chu amu phat in ama jong bang panga aki sel in thip beh chan gang tah in a u seiboi chu call abol in thu um dan ho asei peh in asei chai toh kitoh chet in thanggin tenin jong ahin mu doh in
Kimneo jong anop agot in ahou lhon in aphone jong tolse nan anei peh lhon in ahile kimneo jong kitim jou talou vin ahung kap lha jengin aka pum chun ka u seiboi hung lhung na veh ta nangni hin nop na toh lhon lou ding ahi atipeh in ahile thanggin te ni chun seiboi chu aki chat thim jong hin tin amani jong kimneo in hitia asei phat chun kino tah in ajam tho lhon tan ahi. Seiboi jong thanggin te ni chungin alhung hang lheh in avo ding in adongma nu kimneo te in lam chu ahin deltho jengin in aga lhung le thanggin te ni ana um tapon aman jong alungset pen kimneo le anu le apa chu alungset lheh in, chule insung ho avet le chop deh a auma alungset kimneo phone insunga aki sepse jong ahin mu phat chun alunghan na ahung sang cheh cheh khatan thanggin te ni gahol doh a havoh a voh ding atin, agah lhai doh got lai tah in kimneo in akeng ahin tuhin amoh kalha jeng tan chuphat in kimneo nule pan jong seiboi chu a tuh tang lhonin ahile seiboi jong ache tapon ahi. Hiti chun phat soh tah thanggin tenin kimneo ahin bol engset jing lhon phat chun seiboi in jong pha tah in ahin kivet tup in phat anei sun in alungset kimneo chu aum khom pi jing phat chun kimneo in jong nop ahin sadom in alunggel jong a ol chom lheh tan ahi.
Chule kimneo nule pa jong alhamon jin aki pah pah na lhon din aum peh jin ahi, hita seiboi in aum khom pi a pha tah a hin vet jing phat chun thanggin tenin jong kimneo chu asu boi thei lhon tapon ahi. Seiboi jong agenthei jeh uleh pasal khat hina jal chun service ho ahin ki hol pan tan ahile kimneo chu kah lah kom kom le aum khom pi thei ji pon ada lha jap jap jin ahile, kimneo jong a u seiboi jin aum khom pi thei jilou teng aki ngaise lhah jin a u seiboi ngai jin akap ji tan ahi. Seiboi nule pa chule kimneo nule pan seiboi chu pha tah in ahil jing un, jole mitoh hung kiboi hung kidel khan na te tin phat atam jon ahin hil pan tauvin chule kimneo toh akilungset na jong ahet them peh un misei set midem chang jong leu tohset bolset anei lou jeh un a olmo deh pouvin, seiboi te ni jong iki lungset na lhon na a sukhen ding le asuboi ding um ji jong le ama ni jong lunglha dailou vin apang det jing lhon in ahijeh chun thanggin te nin jong ama ni changset a ima bol thei anei lhon tah lou jeh chun Thingnoi mi dan dan khat ahin kisem lhon tan, hitichun thanggin lam kainan mi ahin su genthei pan un sepai ho kisan jong ahin that pan un sepai ho manchah thal ho aki chom khom khom un ahile ama ho jong mancha ding thal ho ahin nei dom phat un ahung ki song cheh cheh tauvin, mi jouse kichat le tijat na ahung hi kha tauvin ahi.
Nikhat kimneo jong atoh ding aki toh chai phat in aloinu momoi jong gam danga um hung pot doh ahi jeh chun aloinu komin aga chen, momoi jong anu to apan kin khoh ten khat anei jeh lhon chun momoi chu in ngah din ana dalha lhon in, kimneo jong in alut ma sangin aloinu agah kou vin moi ipi na bol hita, na hung jong nei ki het sah hih beh in, tin aloinu momoi in jong ash.. neo koi jong ka nahet sah man lou hichuo, na hung le apha jenge, atin kimneo in jong agah dai pai jin, na jou sei khoh hih o na u mang chu het sah thou veh ta chun agah tin, momoi jong ha nuijin ahung nui doh in, na sei dih e neo, tuni kholai ja kahung ding ahi ahin ti hichuo tin, ama nin jong mamang ngah to tv vet akop lhon tan ahi.
Mamang in jong momoi koma kimneo le seiboi thu phone na, ana sei peh jap jap ji vang in, abon chan ana sei peh kha pon, ajeh chu momoi hi gam danga lekha sim ma, ahi jeh chun, seiboi leh aloinu kimneo genthei na ho kiha sei peh le ajo le po na val in tin alekha sim chavai khan te ti agel jeh chun pha tah in ana sei peh khapon, ahi jeh chun momoi in jong aloinu thu achen achai ahe pon ahijeh chun, adong tan ahi. Kimneo in jong aloi ngaipen le atahsan pen ahi jeh chun ahinkho genthei na le thanggin te nin asuh genthei thu le a u seiboi angai na ho chule phat jouse a, a u seiboi toh um khom jing ding adei dan leh anop dan ho im mang bei jin aloinu chu asei peh in ahung kap doh jeng tan ahile momoi in jong thiljouse ahet chen phat chun aloinu kimneo chu alungset lheh jeng in aman jong aki pah na ding le alung mon na din thu asei peh in ahin ki lhep bi tan ahi. Momoi dongmapa jong ahung lhung tan aman jong kimneo ana um chu pha asah in hiti chun mamang in neh thei ahin choh ho chu athum uvin ane khomun, nom tah in kihou toh ki dai akop un nilhah lam ahung hi phat in kimneo in jong aloinu le mamang kom in nangni hung um lhon to ken an kahon ding jeh in che tange atin inlam min ache tan ahi. Kum le phat ho ahung ki khel in nikho thah le lhatah jong ahung lhun tan seiboi le kimneo jong masanga aki ngaina sang lhonin ahung kingai cheh cheh lhon tan akah lhon na ling le khao tam jeng jong le lungtup molso kahsea kikhen lou ding leh, thi chan geija pang det jing ding in lungset na khaogui jong ahung jam thah cheh tan ahi. Hi jong le ahin suboi ding le ahin tup ding thanggin…
